Tag: iran israel

اسرائیل کی خفیہ ایجنسی موساد کے چیف ڈیوڈ بارنیا کا کہنا ہے کہ ایران کی جانب سے خطرہ بڑی حد تک ختم ہوگیا ہے تاہم ایرانی جوہری پروگرام سے نظریں نہیں ہٹیں گی۔

ٹائمز آف اسرائیل کی رپورٹ کے مطابق ڈیوڈ بارنیا نے موساد کی ایران کے خلاف ’تاریخی‘ کارروائی کو سراہا اور اعلان کیا کہ 12 روزہ فضائی مہم کی بدولت ایرانی خطرے کو نمایاں طور پر بے اثر کر دیا گیا۔

ایران اسرائیل کشیدگی سے متعلق تمام خبریں

موساد چیف نے کہا کہ یہ اسرائیل کے لوگوں کیلیے تاریخی دن ہیں کیونکہ ایرانی خطرہ جس نے کئی دہائیوں سے ہماری سلامتی کو خطرے میں ڈال رکھا ہے وہ نمایاں طور پر ختم ہوگیا۔

ڈیوڈ بارنیا نے ویڈیو بیان میں کہا کہ اسرائیل، اس پورے سکیورٹی اپریٹس کی بدولت آج ایک مختلف، محفوظ اور بہادر ملک کی طرح محسوس کر رہا ہے جو مستقبل کیلیے تیار ہے۔

انہوں نے موساد کے آپریشنل کمانڈ سینٹر سے بات کرتے ہوئے کہا کہ وہ مقاصد جو کبھی خیالی لگتے تھے اب حاصل ہو چکے ہیں، ہم ایران کے تمام منصوبوں پر گہری نظر رکھیں گے، ہم ان سے اچھی طرح واقف ہیں اور ہم وہاں موجود رہیں گے جیسا کہ ہم اب تک رہے ہیں۔

موساد چیف نے امریکی سینٹرل انٹیلی جنس ایجنسی کا بھی شکریہ ادا کیا جس کے تعاون سے آپریشن کو ممکن بنانے میں مدد ملی۔

امریکی صدر ڈونلڈ ٹرمپ نے دعویٰ کیا ہے کہ امریکی حملے کے بعد اسرائیلی ایجنٹوں نے فردو جا کر بتایا کہ جوہری سائٹ مکمل خاتم ہو چکی ہے۔

ٹائمز آف اسرائیل کی رپورٹ کے مطابق امریکی صدر ڈونلڈ ٹرمپ نے دی ہیگ میں نیٹو سربراہی اجلاس کے موقع پر صحافیوں سے گفتگو میں دعویٰ کیا کہ ہمارے حملے کے بعد اسرائیل نے ایران کی فردو جوہری سائٹ پر اپنے ایجنٹس بھیجے تھے۔

ایران اسرائیل کشیدگی سے متعلق تمام خبریں

ڈونلڈ ٹرمپ نے بتایا کہ آپ جانتے ہیں کہ اسرائیل کے پاس ایسے لوگ ہیں جو حملے کے بعد وہاں گئے، انہوں نے بتایا کہ یہ مکمل طور پر تباہی ہو چکی ہے۔

امریکی صدر نے بتایا کہ جوہری سائٹ کی تباہی پر اب اسرائیل بھی رپورٹ کر رہا ہے، میں سمجھتا ہوں اور مجھے بتایا گیا کہ جوہری سائٹ مکمل طور پر ختم ہو چکی ہے۔

ان کا کہنا تھا کہ مجھے یقین ہے کہ ایران کے پاس کچھ حاصل کرنے کا موقع نہیں تھا کیونکہ ہم نے بہت تیزی سے کارروائی کی۔

دوسری جانب، امریکی وزیر دفاع پیٹ ہیگستھ نے بتایا کہ ہمارے بم بالکل وہیں گرے جہاں انہیں گرنا چاہیے تھا، یہ کامیاب مشن رہا، فردو کے نیچے صرف تباہی ہے۔

’ایران نے جوہری تنصیبات بحالی کی کوشش کی تو دوبارہ حملہ کریں گے‘

قبل ازیں، نیٹو سربراہی کانفرنس میں گفتگو کرتے ہوئے امریکی صدر نے خبردار کیا کہ ایران نے یورینیم کی افزودگی شروع کی تو اس پر پھر حملہ کریں گے، جنگ بندی کی تھوڑی بہت خلاف ورزی ہوئی تھی لیکن اب اسرائیل ایران سیز فائر پر اچھے سے عمل ہو رہا ہے۔

ڈونلڈ ٹرمپ نے کہا کہ میرے کہنے کے بعد اسرائیلی طیارے واپس آگئے، ایران میں اہم کامیابیاں حاصل کی ہیں، فردو جوہری سائٹ پر اب تباہی کے سوا کچھ نہیں، اسرائیل ایران سیز فائر معاہدے کے نکات پر دونوں متفق تھے، ایران کو کسی صورت یورنیم افزودگی کی اجازت نہیں دی جاسکتی۔

انہوں نے کہا کہ فردو جوہری سائٹ پر اب تباہی کے سوا کچھ نہیں، ہم نے تقریباً 30 منزل نیچے بنائی گئی تنصیبات کو تباہ کیا، ہم نے فوردو جوہری تنصیب مکمل تباہی کر دی ہے۔

’ہم نے 30 ٹوماہاک ٹیکنالوجی استعمال کی جو اسرائیل کیلیے ممکن نہ تھا، ہم نے سب سے زیادہ بمباری کی جس نے سب کچھ تباہ کر دیا، ایرانی ایٹمی تنصیبات مکمل تباہ کر دی لیکن کوئی بھی چیز دوبارہ بن سکتی ہے۔‘

غزہ میں انسانی امداد تک رسائی کیلیے فلسطینیوں کو مختصر وقت دیا جاتا ہے جبکہ ٹائم ختم ہونے پر اسرائیلی فوجی فائرنگ شروع کر دیتے ہیں۔

قطری نشریاتی ادارے الجزیرہ کے غزہ میں موجود صحافی ہانی محمود نے امداد کے متلاشی فلسطینیوں پر اسرائیلی فوجیوں کی جانب سے گولیاں برسانے کے واقعات کا آنکھوں دیکھا حال بتا دیا۔

ہانی محمود نے بتایا کہ غزہ ہیومینٹیرین فاؤنڈیشن (جی ایچ ایف) کے زیر انتظام امداد کی تقسیم کے مراکز ایسی جگہ قائم کیے جاتے ہیں جہاں اسرائیلی افواج اپنے ٹینکوں، بکتر بند گاڑیوں اور آس پاس سنائپرز کے ساتھ تعینات ہیں۔

ایران اسرائیل کشیدگی سے متعلق تمام خبریں

صحافی کے مطابق جب بھی فلسطینیوں کی بڑی تعداد جمع ہوتی ہے تو یہ لوگ حملہ کرتے ہیں۔

انہوں نے بتایا کہ پریشان کن بات یہ ہے کہ مراکز پر ایک کھڑکی سے امداد وصولی کیلیے لوگوں کو صرف 20 منٹس کا وقت دیا جاتا ہے تاکہ جو کچھ بھی دستیاب ہو وہ لے سکیں۔

’جیسے ہی 20 منٹس کا وقت ختم ہوتا ہے تو اکثر فائرنگ شروع کر دی جاتی ہے۔ یہی ایک بنیادی وجہ ہے کہ ہم ان مراکز میں لوگوں کی بڑی تعداد کو شہید ہوتے ہوئے دیکھ رہے ہیں۔‘

ہانی محمود کے مطابق اس خطرے کے باوجود فلسطینی امداد کیلیے ان مراکز کا رُخ کرتے ہیں کیونکہ اگر وہ کھانا نہیں لائیں گے تو ان کے بچے بھوک سے ترستے رہیں گے۔