Tag: Iran

تہران: ایران نے امریکا اور اسرائیل کو خبردار کیا ہے کہ اپنے ایٹمی پروگرام کا دفاع ہر صورت میں کیا جائے گا۔

ایرانی وزارت خارجہ کی جانب سے جاری بیان میں کہا گیا ہے کہ ایران نے اپنے ایٹمی پروگرام کا دفاع کیا ہے اور وہ اس دفاع کو جاری رکھنے میں کسی قسم کی ہچکچاہٹ کا شکار نہیں ہوگا۔

ترجمان ایرانی وزارت خارجہ اسماعیل بغائی نے کہا کہ ’’ایران کا پرامن ایٹمی پروگرام جاری ہے، اور گزشتہ 3 دہائیوں سے یہ جوہری ہتھیاروں کے عدم پھیلاؤ کے معاہدے میں ایک رکن کے طور پر ایران کے حقوق کی بنیاد پر قائم ہے، یقینی طور پر ہم اس سلسلے میں کوئی کمزوری نہیں دکھائیں گے۔‘‘

واضح رہے کہ اسرائیلی وزیر اعظم بینجمن نیتن یاہو نے اتوار کو یروشلم میں امریکی وزیر خارجہ مارکو روبیو سے ملاقات کے بعد کہا تھا کہ اسرائیل اور امریکا ایران کے جوہری عزائم اور مشرق وسطیٰ میں اس کے اثر و رسوخ کو ناکام بنانے کے لیے پرعزم ہیں۔

دنیا کا اسٹیج چین کے حوالے کرنے پر امریکا زندگی بھر افسوس کرتا رہے گا، سابق برطانوی وزیر اعظم کا انٹرویو

امریکی وزیر خارجہ مارکو روبیو نے کہا تھا کہ ’’ہر دہشت گرد گروہ کے پیچھے، تشدد کے ہر عمل کے پیچھے، ہر غیر مستحکم کرنے والی سرگرمی کے پیچھے، ہر اس چیز کے پیچھے جو اس خطے کو گھر کہنے والے لاکھوں لوگوں کے لیے امن اور استحکام کو خطرہ بناتی ہے، ایران ہے۔‘‘

تہران: اسرائیل امریکی حملے کے خدشات کے پیش نظر ایران نے بیلسٹک میزائل چلا کر دشمنوں کو خبردار کر دیا ہے۔

ایران نے ایک نئے مقامی اینٹی بیلسٹک میزائل ڈیفنس سسٹم کا تجربہ کیا ہے، جب کہ ایران کی جانب سے لانگ رینج بیلسٹک میزائل شوٹنگ کی مشقیں بھی کی جا رہی ہیں۔

ایرانی سرکاری ٹی وی پر درجنوں لانگ رینج میزائل دکھائے گئے، خبر میں بتایا گیا کہ پاسداران انقلاب کی جانب سے میزائل جانچنے کی مشقیں جاری ہیں، جس کا مقصد ابھرتے ہوئے خطرات کے خلاف اپنی فضائی دفاعی صلاحیتوں کو بڑھانا ہے۔

ایرانی کمانڈر نے خبردار کیا کہ ایران اور امریکا ایران پر حملے کی غلطی سے باز رہیں، ہم ایکشن میں ہیں اور مناسب وقت اور جگہ پر کارروائی کریں گے۔ کمانڈر نے مزید کہا کہ اسرائیل کسی غلط فہمی میں نہ رہے، ہم بھرپور جواب دیں گے۔

ایرانی میڈیا کے مطابق نیا مقامی اینٹی بیلسٹک میزائل ڈیفنس سسٹم قومی سلامتی اور فوجی خود کفالت کو مضبوط بنانے کے لیے IRGC کی وسیع حکمت عملی کا حصہ ہے۔

واضح رہے کہ اس پیش رفت کا اعلان ’پیامبرِ اعظم 19 فوجی مشقوں‘ کے دوران کیا گیا، جہاں مختلف دفاعی حکمتِ عملیوں بشمول کامیکاز ڈرون کی کارکردگی کے مظاہرے کیے گئے۔