Tag: Iran

تہران: ایران میں کرونا وائرس کی تیسری لہر سے نمٹنے کے لیے سخت پابندیوں کا نفاذ کیا گیا ہے۔

تفصیلات کے مطابق ایران کرونا وائرس کی وبا کی تیسری لہر کی زد پر ہے، وبا سے تحفظ کے لیے ایرانی وزارت صحت نے اہم اقدامات شروع کر دیے۔

شہروں اور قصبوں کے درمیان غیر ضروری سفر کرنے اور کاروبار پر پابندیاں عائد کر دی گئیں۔

نائب وزیر صحت نے عوام کو تنبیہ کی ہے کہ خاندانی اجتماعات کرونا پھیلانے کی بنیادی وجہ ہیں، ایس او پیز پر عمل نہ کرنے والے 10 فی صد لوگ 80 فی صد افراد کو متاثر کر سکتے ہیں۔

یاد رہے کہ ایران میں رواں برس 26 فروری کو کیسز سامنے آنا شروع ہوئے تھے، اب تک کیسز کی تعداد 8 لاکھ 41 ہزار 300 تک پہنچ چکی ہے، جب کہ اموات کی مجموعی تعداد 44 ہزار 327 ہے.

ایران میں کرونا وائرس انفیکشن سے اب تک 5 لاکھ 96 ہزار 136 مریض صحت یاب ہو چکے ہیں، جب کہ بند شدہ کیسز کی مجموعی تعداد 6 لاکھ 40 ہزار 463 ہے۔

تیسری لہر کے دوران بھی ایران میں کرونا کیسز بڑھتے جا رہے ہیں، گزشتہ چوبیس گھنٹوں کے دوران 12 ہزار 931 نئے کیسز کی تصدیق کی گئی، جب کہ کرونا سے مزید 431 افراد کا انتقال ہوا۔

ایران میں فعال کیسز کی تعداد بھی اس وقت 2 لاکھ 845 ہے، جن میں ساڑھے پانچ ہزار سے زائد کی حالت تشویش ناک ہے۔

تہران: ایرانی وزارتِ صحت کا کہنا ہے کہ ایران میں کرونا وائرس سے اموات 20 ہزار ہو گئیں۔

غیر ملکی میڈیا کے مطابق ایران دنیا کے 213 ممالک میں کرونا وائرس کیسز کی تعداد کے لحاظ سے 11 ویں نمبر پر آ چکا ہے، جہاں کرونا وائرس سے متاثرین کی تعداد 3 لاکھ 47 ہزار سے تجاوز کر گئی ہے۔

ایران میں 3 لاکھ 800 کرونا مریض اب تک صحت یاب ہو چکے ہیں، جب کہ فعال کیسز کی تعداد 27 ہزار ہے، جن میں سے 3 ہزار مریضوں کی حالت تشویش ناک ہے۔

واضح رہے کہ دنیا بھر میں اب تک کرونا وائرس سے 7 لاکھ 84 ہزار 800 افراد موت کا شکار ہو چکے ہیں جب کہ مجموعی کیسز کی تعداد بڑھ کر 2 کروڑ 23 لاکھ 27 ہزار ہو گئی ہے، کرونا وائرس سے صحت یاب مریضوں کی تعداد بھی ڈیڑھ کروڑ ہو چکی ہے۔

سب سے زیادہ متاثرہ ملک امریکا ہے جہاں اب تک 1 لاکھ 75 ہزار مریضوں کی جان جا چکی ہے جب کہ 65 لاکھ 56 ہزار کرونا وائرس کیسز کی تصدیق ہو چکی ہے۔ امریکا میں اب تک 7 کروڑ 23 لاکھ 70 ہزار سے زائد ٹیسٹ بھی کیے گئے ہیں۔

برازیل بھی ان بدقسمت ممالک میں سے سر فہرست ہے جہاں کرونا وائرس نے بے پناہ تباہ مچائی، اب تک برازیل میں وائرس سے 1 لاکھ 10 ہزار مریض جانوں سے محروم ہو چکے ہیں، جب کہ مجموعی کیسز کی تعداد 34 لاکھ 11 ہزار ہے، جب کہ ٹیسٹ 1 کروڑ 37 لاکھ 29 ہزار سے زائد کیے گئے ہیں۔