اسلام آباد :عراقی وزیرخارجہ ڈاکٹر فواد حسین نے اعلان کیا ہے کہ عراق کے شہروں کے دورے میں پاکستانیوں کے لیے ویزوں کے حصول میں آسانی کریں گے۔
تفصیلات کے مطابق پاکستان اورعراق کے وزرائے خارجہ کی مشترکہ پریس کانفرنس کی، عراقی وزیرخارجہ ڈاکٹر فواد حسین نے کہا کہ دونوں ممالک نے علاقائی روابط پربات کی، ہم مذاکرات کےذریعےمسائل کےحل پریقین رکھتے ہیں۔
ڈاکٹر فواد حسین کا کہنا تھا کہ افغانستان کی صورتحال پرتشویش ہے، خطے میں کشیدگی عراق اوردیگرممالک کومتاثرکرتی ہے، افغانستان میں پرتشددکارروائیوں پرتشویش ہے، کشمیرکامسئلہ پاکستان اوربھارت کوحل کرنا ہے۔
عراقی وزیرخارجہ نے مزید کہا ہے کہ پاکستانیوں کے لیے ویزوں کے حصول میں آسانی کریں گے، پاکستانی زائرین کے لیےعراق کے شہروں کے دورے کو آسان کریں گے۔
دوسری جانب وزیر خارجہ شاہ محمود قریشی نے پریس کانفرنس میں کہا کہ عراق کے وزیرخارجہ کو پاکستان میں خوش آمدید کہتا ہوں، دونوں ممالک میں مذہبی سیاحت کے وسیع مواقع موجود ہیں، دونوں ممالک عوامی روابط کے فروغ کے اقدامات کررہے ہیں۔
شاہ محمود قریشی کا کہنا تھا کہ ماضی میں عراق کوجنگ کاسامنارہا ، پاکستان کوماضی میں علاقائی چیلنجزدرپیش رہے، پاکستان اورعراق کے تعلقات میں دوبارہ قربت کا آغاز ہوا ہے، محرم کے دوران پاکستانیوں کےخصوصی ویزوں پربات ہوئی۔
