سابق وزیر اعظم عمران خان نے گزشتہ دنوں ٹویٹر اسپیس سے خطاب کیا جس نے کئی ریکارڈ قائم کیے، اس موقع پر یوٹیوبر عرفان جونیجو کا وہاں کیا جانے والا کمنٹ بھی وائرل ہوگیا۔
سابق وزیر اعظم عمران خان کے سوشل میڈیا پر لائیو خطاب کے دوران یوٹیوبر عرفان جونیجو کے کمنٹ نے لوگوں کی توجہ اپنی جانب مبذول کروا لی۔
عرفان جونیجو نے عمران خان کے لائیو پر اپنا تبصرہ تو کیا لیکن یہ تبصرہ سابق وزیر اعظم کی کسی پالیسی کو سراہنے کے لیے نہ تھا۔
عرفان نے کمنٹ میں کسی حارث کو مخاطب کیا اور لکھا کہ حارث مجھے پتہ ہے تم دیکھ رہے ہو، دروازہ کھولو میں باہر کھڑا ہوں۔
Ary jigr tu idhr kdhr? @irfanjunejo #SpacesHost #ImranKhanLIVE pic.twitter.com/SkQcUFSvHS
— D U A. 👻 (@dumbadua) April 21, 2022
ایک تصدیق شدہ اکاؤنٹ سے ایسے کمنٹ کے سامنے آنے کی دیر تھی کہ لائیو چیٹ میں شرکت کرنے والوں نے فوری طور پر اسکرین شاٹ لیا اور یوٹیوبر سے سوال کیا کہ آخر یہ کیا معاملہ ہے؟
خیال رہے کہ عمران خان نے ٹویٹر کی تاریخ کی سب سے بڑی اسپیس کا ریکارڈ قائم کیا جس میں 1 لاکھ 64 ہزار سے زائد سامعین نے شرکت کی۔
تحریک انصاف کی جانب سے ٹویٹر اسپیس کی میزبانی سابق فوکل پرسن ڈاکٹر ارسلان خالد اور سوشل میڈیا لیڈ جبران الیاس نے کی تھی۔
