نئی دہلی : بھارت میں اسکول جانے کی تیاری کرنے والا طالب علم اچانک موت کی وادی میں چلا گیا، اہل خانہ پر قیامت ٹوٹ پڑی۔
تفصیلات کے مطابق بھارت کے شہر سجن پور میں آٹھویں جماعت کا طالب علم اپنے کپڑے استری کر رہا تھا، اچانک کرنٹ لگنے سے اس کی موت واقع ہوگئی۔
کشور نامی لڑکا اپنے گھر پر کپڑے استری کر رہا تھا، اس دوران یہ حادثہ پیش آیا، کشور کے اہل خانہ اسے بے ہوشی کی حالت میں سول اسپتال سوجان پور لائے جہاں ڈاکٹروں نے اس کی موت کی تصدیق کردی، یہ سن کر اہل خانہ سکتے میں آگئے۔
علاقہ پولیس نے موقع پر پہنچ کر مقدمہ درج کرکے لاش کو اپنی تحویل میں لے کر پوسٹ مارٹم کے لیے مقامی اسپتال روانہ کردیا تاہم پولیس معاملے کی مزید تفتیش کر رہی ہے۔