ARYNews.tv | Urdu – Har Lamha Bakhabar

Tag: Irum Azeem Farooqi

  • عامرخان ٹکٹکی باندھ کردیکھتےتھے، ارم فاروقی، اپنا علاج کرائیں، رابطہ کمیٹی

    عامرخان ٹکٹکی باندھ کردیکھتےتھے، ارم فاروقی، اپنا علاج کرائیں، رابطہ کمیٹی

    کراچی : ایم کیو ایم کی ایم پی اے ارم عظیم فاروقی نے متحدہ بہادرآباد کے رہنماؤں پر سنگین الزامات عائد کردیئے، جواب میں رابطہ کمیٹی نے ان کو نفسیاتی علاج کا مشورہ دے ڈالا۔

    تفصیلات کے مطابق ایم کیو ایم پاکستان کے دونوں گروپوں میں کشیدگی تاحال برقرار ہے فریقین ایک دوسرے پر طنز اور الزامات کے تیر چلانے میں مصروف ہیں، اس حوالے سے ایم کیو ایم کی رکن صوبائی اسمبلی ارم عظیم فاروقی نے عامرخان اور خالدمقبول صدیقی پرسنگین الزام لگادیئے۔

    انہوں نےالزام لگایا کہ عامرخان انہیں ٹکٹکی باندھ کر دیکھتےتھے، جس کی شکایت انہوں نے حیدرعباس رضوی سے بھی کی تھی، یہ بات انہوں نے اپنے ایک حالیہ ویڈیو بیان میں کہی ہے۔

    ان کا کہنا تھا کہ خالد مقبول صدیقی امریکا میں جس گھرمیں رہتے تھے وہاں رشتہ بھیج دیتے، ان کی شادی بھی ایک کارکن سے ہوئی جنہیں وہ پہلے باجی کہا کرتے تھے۔

    دوسری جانب ارم عظیم فاروقی کے وڈیو بیان پر ایم کیو ایم بہادر آباد کی رابطہ کمیٹی کا سخت ردعمل سامنے آیا ہے، ایک بیان میں رابطہ کمیٹی نے کہا کہ ارم عظیم فاروقی جیسے لوگ پارٹی کے لیےدھبہ ہیں۔

    انہوں نےسینیٹ الیکشن میں پیسے لے کر پیپلزپارٹی کو ووٹ دیئے، رابطہ کمیٹی کا کہنا ہے کہ ارم عظیم فاروقی اپنے علاج کیلئے کسی ماہرنفسیات سےرابطہ کریں۔

  • سابق صدرپرویزمشرف سے ارم عظیم فاروقی کی دبئی میں ملاقات

    سابق صدرپرویزمشرف سے ارم عظیم فاروقی کی دبئی میں ملاقات

    دبئی : سابق صدر پرویز مشرف سے ارم عظیم فاروقی نے ملاقات کی ، ملاقات میں ارم عظیم نے کہا کہ پرویزمشرف کی ملک خصوصاًکراچی کےلیےبڑی خدمات ہیں۔

    تفصیلات کے مطابق سابق صدرپرویز مشرف سے ارم عظیم فاروقی کی دبئی میں ملاقات ہوئی، ملاقات میں پرویزمشرف اورارم عظیم فاروقی کا آئندہ بھی رابطہ بحال رکھنے پر اتفاق ہوا۔

    اس موقع پر ارم عظیم فاروقی کا کہنا تھا کہ سابق صدرپرویزمشرف کی دعوت پرملنےگئی تھی، پرویزمشرف کی ملک خصوصاًکراچی کےلیےبڑی خدمات ہیں، فی الحال کوئی پارٹی جوائن نہیں کررہی۔

    یار رہے چند روز قبل سابق ایم کیوایم رہنما ارم عظیم فاروقی نے میڈیا سے گفتگو کرتے ہوئے کہا کہ ایم کیوایم والوں نےمجھےکہاہم تجھےدیکھ لیں گے، میری زندگی کوخطرات ہیں ملک چھوڑکرجا رہی ہوں، ہمیشہ پاکستان زندہ باد کہا ہے اور کہتی رہوں گی۔

    مزید پڑھیں : میری زندگی کوخطرات ہیں ملک چھوڑکرجا رہی ہوں، ارم عظیم

    ارم عظیم فاروقی کا کہنا تھا کہ ایم کیو ایم نے مجھ پر غلط الزامات لگائے، عامرخان،فیصل سبزواری،خواجہ اظہارالحسن آگے نہیں آنےدیتے، ایم کیوایم اچھی جماعت ہے لیکن اس پر مافیا کا قبضہ ہے۔

    یاد رہے چند ماہ قبل ایم کیو ایم کی سابق رکن سندھ اسمبلی ارم عظیم فاروقی نے تحریک انصاف میں شمولیت کا اعلان کیا تھا تاہم بعد میں پی ٹی آئی کو بھی خیر باد کہہ دیا تھا۔

    واضح رہے 22 اگست کی متنازع تقریر کے بعد ارم عظیم فاروقی نے ایم کیو ایم سے علیحدگی کا اعلان کرتے ہوئے پاکستان زندہ باد کا نعرہ لگایا تھا، بعد ازاں انہوں نے فاروق ستار کی غیر مشروط حمایت کا اعلان بھی کیا تھا۔

    متحدہ کی سابق خاتون رکن اسمبلی نے بانی ایم کیو ایم کی ملک مخالف تقریر کی شدید الفاظ میں مذمت اور انہیں سخت تنقید کا نشانہ بنایا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • متحدہ قائد کا ویڈیو بیان 24 گھنٹوں کے بعد بھی نہیں آیا، ارم عظیم فاروقی

    متحدہ قائد کا ویڈیو بیان 24 گھنٹوں کے بعد بھی نہیں آیا، ارم عظیم فاروقی

    کراچی : ایم کیوایم کی مستعفی رکن اسمبلی ارم عظیم فاروقی نے کہا ہے کہ چوبیس گھنٹے سے زیادہ کا وقت گزر چکا ہے لیکن قائد ایم کیوایم کا کوئی بیان اب تک نہیں آیا، یہ بات انہوں نے سماجی رابطے کی ویب سائٹ ٹوئٹر پراپنے پیغام میں کہی.

    ارم عظیم فاروقی کا کہنا ہے کہ چوبیس گھنٹے سے زیادہ وقت گزر گیا ابھی تک قائد ایم کیوایم کا کوئی ویڈیو پیغام نہیں آیا۔ انہوں نے اپنے ٹوئٹ میں کہا کہ قائد ایم کیوایم اسکائپ پر بھی آتے ہیں۔ کوئی تو ہوگا جس سے انہوں نے بات کی ہ.

    انہوں نے سوال کیا کہ ان کے اس سوال کا کوئی جواب دے گا کہ ویڈیو پیغام کیوں نہیں آیا۔ کیا ایم کیوایم کا کوئی کارکن لندن رابطہ کمیٹی سے پوچھ سکتا ہے؟

    یاد رہے کہ ارم عظیم فاروقی نے گزشتہ روز قائد ایم کیوایم کے سوشل میڈیا پر جاری آڈیو بیان کو جعلی قرار دیا تھا اور کہا تھا یہ قائد ایم کیوایم کی آواز نہیں ہے۔ جس کے جواب میں ایم کیو ایم لندن کے رہنما مصطفیٰ عزیز آبادی کا کہنا تھا کہ لندن میں دفتر کے قریب شادی ہال ہے، ہارن کی آواز ویڈیو ٹہیپ میں شامل ہوگئی۔

    ارم عظیم فاروقی نے ان کی اس وضاحت کو مضحکہ خیز قرار دیتے ہوئے کہا کہ دفتر کے قریب کون سا شادی ہال ہے کیا وہاں بھی زہب النسا اسٹریٹ ہے یا خیرالنسا اسٹریٹ پر بس کا ہارن بجا ؟

    جواب میں واسع جلیل نے بیان کا دفاع کرتے ہوئے کہا کہ قائد ایم کیو ایم کے بیان کو جعلی قرار دینے والوں پر ہنسی آرہی ہے۔ لیکن قائد کا ویڈیو بیان آنے پر ان لوگوں کو شرمندگی ہوگی۔ ان کا کہنا تھا کہ مارچ میں بھی مخالفین نے اسی طرح کا پروپیگنڈہ کیا تھا جو جھوٹا ثابت ہوا۔

  • قائد ایم کیو ایم نے کل پارٹی میں دوبارہ شمولیت کی اپیل کی، ارم عظیم فاروقی

    قائد ایم کیو ایم نے کل پارٹی میں دوبارہ شمولیت کی اپیل کی، ارم عظیم فاروقی

    کراچی: ایم کیو ایم کی منحرف سابق خاتون رُکن اسمبلی ارم عظیم فاروقی نے کہا ہے کہ کل قائد ایم کیو ایم نے ٹیلی فون کرکے مجھ سے رابطہ کیا جس پر  میں نے پاکستان زندہ باد کا نعرہ لگایا۔

    More resignations imminent in MQM Pakistan… by arynews

    اے آر وائی نیوز سوال یہ ہے میں میزبان ماریہ میمن کی جانب سے آج کی پریس کانفرنس کے حوالے سے پوچھے گئے سوال کے جواب میں ’’ایم کیو ایم کی مستعفیٰ خاتون رکن صوبائی اسمبلی نے انکشاف کیا کہ ’’قائد ایم کیو ایم نے گزشتہ روز ٹیلی فون پر اُن سے رابطہ کیا اور پارٹی چھوڑنے کے حوالے سے دریافت کیا۔

    ارم عظیم فاروقی کا کہنا ہے کہ ’’میں نے قائد ایم کیو ایم سے پاکستان مخالف نعرے کے حوالے سے دریافت کیا تو انہوں نے جواب دیا کہ میں اب سن آف سوائل نہیں رہا، اسٹیبلشمنٹ نے میرے کارکنان پر بہت ظلم کیے ہیں، یہ نعرے اُس کا ردعمل تھے‘‘۔

    سابق رکن اسمبلی کا کہنا ہے کہ ’’دورانِ گفتگو قائد ایم کیو ایم نے میری کوئی بات نہیں سُنی اور اپنا دفاع کرتے رہے اور مجھے اپنی باتیں سمجھانے کی ناکام کوشش کرتے رہے۔

    ارم عظیم فاروقی کا کہنا ہے کہ ’’میں نے قائد ایم کیو ایم کو صاف جواب دے دیا کہ ان نعروں کے بعد اب میں آپ کی پارٹی میں نہیں آؤں گی۔

    پڑھیں:  پاکستان مخالف نعرے، متحدہ رکن سندھ اسمبلی ارم عظیم فاروقی مستعفی

    مستعفی رکن کا کہنا ہے کہ ’’میں نے قائد ایم کیو ایم کی بات کے جواب میں ’’پاکستان زندہ باد‘‘ کا نعرہ لگایا اور انہیں کہا کہ میرا ملک ہمیشہ زندہ باد رہے گا‘‘۔

    ارم عظیم فاروقی کا کہنا تھا کہ ’’فاروق ستار کہہ رہے ہیں تو انہیں ایک موقع دینا چاہیے کیونکہ ایم کیو ایم کے بیشتر رہنماء ڈاکٹر فاروق ستار سے متفق ہیں، کئی رہنماؤں نے مجھ سے رابطہ کر کے استعفیٰ دینے پر مبارک باد بھی دی اور کہا کہ ’’اگر اب ایم کیو ایم پاکستان کے معاملات میں لندن نے مداخلت کی تو ہم بھی مستعفیٰ ہوجائیں گے‘‘۔

    مزید پڑھیں: ایم کیو ایم کے کارکن دھمکیاں دے رہے ہیں، ارم عظیم فاروقی

    ار فاروقی کا کہنا تھا کہ ’’جن لوگوں نے قائد ایم کیو ایم سے گفتگو کرتے ہوئے مجھے دھمکیاں دیں اُن کے خلاف امریکا کے تھانے میں مقدمہ درج کردیا ہے کیونکہ میں اُن تمام آوازوں کو جانتی ہوں‘‘۔

    خبر پڑھیں:  دھمکیوں سے نہیں ڈرتی، سید اور شیرنی ہوں، ارم عظیم فاروقی

    یاد رہے 22 اگست کو پریس کلب کے باہر ملک مخالف تقریر اور اے آر وائی نیوز پر حملے کے بعد ارم عظیم فاروقی نے پارٹی رکنیت اور صوبائی اسمبلی سے استعفیٰ دینے کا اعلان کرتے ہوئے ’’پاکستان زندہ باد‘‘ کا نعرہ لگایا تھا۔