اسلام آباد: نیو اسلام آباد ایئرپورٹ پر اے ایس ایف نے بیرون ملک منشیات اسمگلنگ کرنے کی کوشش ناکام بناتے ہوئے ملزم کو گرفتار کرلیا، مسافر نے آئس ہیروئین نمکو کے پیکٹس میں چھپارکھی تھی۔
تفصیلات کے مطابق نیواسلام آباد ایئرپورٹ پر اے ایس ایف نے غیرملکی ایئرلائن کی پرواز کے ذریعے سعودی عرب جانے والے مسافر سے 03 کلو آئس ہیروئن برآمد کرکے گرفتار کرلیا۔
صوابی کا رہائشی بختی رحمان پرواز ای وائے 234 سے سعودی عرب جارہا تھا، ترجمان اے ایس ایف کے مطابق عملے نے شک کی بنیاد پر مسافر کی تلاشی لی تو یہ انکشاف ہوا کہ اس کے سامان میں موجود نمکو کے پیکٹس میں آئس ہیروئین چھپا کر رکھی گئی تھی۔
اس حوالے سے اے ایس ایف ذرائع کا کہنا ہے کہ ملزم بختی رحمان کو اینٹی نارکوٹکس فورس (اے این ایف) حکام کے حوالے کردیا گیا ہے۔
مزیہد پڑھیں : دوران پرواز ویڈیو بنانے پر مسافروں میں جھگڑا، منشیات اسمگل کرنے والا ملزم گرفتار
یاد رہے کہ اس سے قبل بھی نیو اسلام آباد ایئرپورٹ پر دو مرتبہ اے ایس ایف نے بیرون ملک منشیات اسمگلنگ کرنے کی کوشش ناکام بناتے ہوئے تین ملزمان کو گرفتار کیا تھا۔
