ARYNews.tv | Urdu – Har Lamha Bakhabar

Tag: ishaq dar

  • نیب کا اقدام : اسحاق ڈارکی مزید دوجائیدادیں منجمد کرنے کی تیاری

    نیب کا اقدام : اسحاق ڈارکی مزید دوجائیدادیں منجمد کرنے کی تیاری

    اسلام آباد : قومی احتساب بیورو (نیب) نے وفاقی وزیر خزانہ اسحاق ڈار کا نام ای سی ایل میں ڈالنے کی منظوری کے بعد ان کی مزید دو پراپرٹیز منجمد کرنے کی تیاری کرلی۔

    تفصیلات کے مطابق وقت گزرنے کے ساتھ ساتھ وزیرخزانہ اسحاق ڈار کے خلاف قانون کا شکنجہ مزید سخت ہوتا جارہا ہے، وزیرخزانہ کا نام ای سی ایل میں ڈالنے کی سفارش کے بعد قومی احتساب بیورو (نیب) نے مزید اقدامات کا فیصلہ کرلیا۔

    لاہور میں اسحاق ڈار کی مزید دو پراپرٹیز ہجویری ٹرسٹ اور ہجویری فاؤنڈیشن بھی منجمد کرنے کی تیاری کرلی گئی، اسحاق ڈارکی مزید جائیدادیں منجمد کرنے کے احکامات پر پیشرفت کرتے ہوئے نیب نے رپورٹ جمع کرادی۔

    مذکورہ رپورٹ نیب پراسیکیوشن ونگ کی جانب سے چیئرمین نیب کو جمع کرائی گئی ہے، یاد رہے کہ چیئرمین نیب نے لاہور میں ان کی مزید دو پراپرٹیز منجمد کرنے کی ہدایت کی تھی۔

    اس حوالے سے نیب اسپیشل پراسیکیوٹر کے ذریعے احتساب عدالت میں بھی درخواست دائر کر دی گئی ہے، عدالت مذکورہ درخواست پر دو پراپرٹیز منجمد کرنے کے فیصلے کی توثیق 21 نومبر کو کرے گی۔

    مزید پڑھیں: حدیبیہ پیپر ملز، اسحاق ڈار کیخلاف بحثیت ملزم تحقیقات کا آغاز

    ذرائع کے مطابق اسحاق ڈار کی ایک پراپرٹی لاہور کے رائے ونڈ روڈ پر ہجویری ٹرسٹ کے نام سے اور دوسری پراپرٹی گلبرگ میں ہجویری فاؤنڈیشن کے نام سے قائم ہے، واضح رہے کہ اس سے قبل نیب وزیرخزانہ کا نام ای سی ایل میں ڈالنے کی سفارش کرچکا ہے۔

  • اسحاق ڈارکو برطرف کیا جائے، پی ٹی آئی کی سندھ اسمبلی میں قرارداد

    اسحاق ڈارکو برطرف کیا جائے، پی ٹی آئی کی سندھ اسمبلی میں قرارداد

    کراچی /اسلام آباد : پی ٹی آئی کے ایم پی اے نے وفاقی وزیر خزانہ اسحاق ڈار کیخلاف سندھ اسمبلی میں قرارداد جمع کرادی، خرم شیر زمان کا کہنا ہے کہ ملزم وزیر خزانہ کو عہدے سے ہٹانے کے بعد گرفتار کرکے وطن واپس لایا جائے۔

    تفصیلات کے مطابق پاکستان تحریک انصاف ملزم وزیرخزانہ اسحاق ڈار کو عہدے سے برطرف کروانے کےلئے سرگرم ہوگئی۔

    اس حوالے سے پی ٹی آئی کے پارلیمانی لیڈر خرم شیر زمان نے سندھ اسمبلی میں قرارداد جمع کرادی ہے۔ قرار داد میں کہا گیا ہے کہ اسحاق ڈار پر منی لانڈرنگ کے الزامات ہیں، وزیرخزانہ کو ان کے عہدے سے ہٹایا جائے اور گرفتار کرکے وطن واپس لایا جائے۔

    بعد ازاں خرم شیرزمان نے اے آروائی نیوز سے خصوصی گفتگو کرتے ہوئے کہا کہ اسحاق ڈار کو ہتھکڑیاں لگا کر پاکستان واپس لایا جائے۔

    علاوہ ازیں سینٹرل جیل سے پیپلز پارٹی کے اسیر رہنما اور رکن سندھ اسمبلی شرجیل میمن کو اسمبلی کے اجلاس میں شرکت کیلئے آج بھی نہیں لایا گیا۔

    مزید پڑھیں: اسحاق ڈار کا نام ای سی ایل میں ڈالا جائے، نیب کی درخواست

    ذرائع کے مطابق شرجیل میمن کئی روزسے کمر کی تکلیف میں مبتلا ہیں، سینٹرل جیل میں قید پی پی رکن اسمبلی کی طبیعت ایک بار پھر خراب ہو گئی جس پر جیل انتظامیہ نے ڈاکٹروں کو طلب کرلیا۔

    اسحا ق ڈار کا نام ای سی ایل میں ڈالنے پر اراکین پالیمنٹ کا ردعمل

    دوسری جانب چیئرمین جسٹس ریٹائرڈ جاوید اقبال کی جانب سے وزیر خزانہ اسحا ق ڈار کا نام ای سی ایل میں ڈالنے کی منظوری کے بعد اراکین پارلیمنٹ نے اپنے رد عمل میں کہا ہے کہ اسحاق ڈار اب واپس نہیں آئینگے ان کو دوسرے مجرموں کی طرح انٹو پول سے رابطہ کرکے واپس لایا جائے۔

    اس حوالے سے ایم کیو ایم پاکستان کے رکن قومی اسمبلی میاں عتیق کا کہنا تھا کہ حکومت خود کو بچانے کیلئے ان کا نام ای سی ایل میں ضرور ڈالے گی۔

  • اسحاق ڈار کا نام ای سی ایل میں ڈالا جائے

    اسحاق ڈار کا نام ای سی ایل میں ڈالا جائے

    اسلام آباد: چیئرمین نیب نے وفاقی وزیر خزانہ اسحاق ڈار کا نام ایگزٹ کنٹرول لسٹ میں ڈالنے کی منظور ی دے دی ہے‘ جس کے بعد وزارتِ داخلہ کو خط لکھ دیا گیا ہے۔

    تفصیلات کے مطابق چیئر مین نیب کی منظوری کے بعد مسلم لیگ ن کے رہنما اور سابق وزیراعظم کے سمدھی اسحاق ڈار کا نام ای سی ایل میں ڈالنے کے لیے درخواست کردی گئی ہے۔

    ذرائع کا کہنا ہے کہ نیب کی جانب سے وزارتِ داخلہ کو خط لکھا گیا ہے جس میں کہا گیا کہ ہے کہ عدالت کی جانب سے اسحاق ڈار کے ناقابلِ ضمانت وارنٹ جاری ہیں ‘ لہذا ان کا نام ایگزٹ کنٹرول لسٹ میں ڈالا جائے۔

     اسحاق ڈار کے خلاف بحثیت ملزم تحقیقات کا آغاز*

    یاد رہے کہ وفاقی وزیرخزانہ اسحاق ڈار ان دنوں علاج کے لئے ملک سے باہرہیں اور نیب حکام کا کہنا ہے کہ وہ جیسے ہی وطن واپس آئیں گے ‘ انہیں گرفتارکیاجائےگا۔

    یاد رہے کہ قومی احتساب بیورو (نیب) نے وفاقی وزیر خزانہ اسحاق ڈار کے خلاف بحیثیت ملزم حدیبیہ پیپر ملز کی تحقیقات دوبارہ شروع کرنے کا اعلان کیا تھا۔ اعلامیے میں کہا گیا ہے کہ حدیبیہ پیپرملز کی تحقیقات کا فیصلہ سپریم کورٹ کے فیصلے کی روشنی میں کیا گیا اور اب وفاقی وزیرخزانہ سے بحثیت ملزم تحقیقات شروع کی جارہی ہیں۔

    اسحاق ڈار اس سے قبل حدیبیہ پیپر کیس میں وعدہ معاف گواہ تھے، عدالت کی جانب سے ریفرنس منسوخ ہونے کے بعد وفاقی وزیر خزانہ گواہ سے ملزم بن گئے ہیں۔

    اسحاق ڈار کو وطن واپسی پر گرفتار کرلیا جائے گا ؟*

    اے آر وائی نیوز لاہور کے بیورو چیف عارف حمید بھٹی نےگزشتہ ماہ انکشاف کیا کہ وفاقی وزیر اسحاق ڈار کو لندن سے واپسی پر اسلام آباد ایئر پورٹ پر گرفتار کیا جاسکتا ہے جیسا کہ اس سے قبل (کیپٹن) صفدر کو بھی گرفتار کیا گیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • عدم حاضری پر اسحٰق ڈار کے ناقابل ضمانت وارنٹ گرفتاری جاری

    عدم حاضری پر اسحٰق ڈار کے ناقابل ضمانت وارنٹ گرفتاری جاری

    اسلام آباد: وفاقی دارالحکومت کی احتساب عدالت میں وفاقی وزیر خزانہ اسحٰق ڈار کے خلاف اثاثہ جات ریفرنس کی سماعت ہوئی۔ اسحٰق ڈار ایک بار پھر غیر حاضر رہے جس کے بعد اسحٰق ڈار کے ناقابل ضمانت وارنٹ گرفتاری جاری کردیے گئے۔

    تفصیلات کے مطابق اسلام آباد کی احتساب عدالت میں اسحٰق ڈار کے خلاف آمدن سے زائد اثاثہ جات ریفرنس کی سماعت ہوئی۔ سماعت پر ملزم اسحٰق ڈار عدالت میں پیش نہیں ہوئے، وہ اس وقت علاج کی غرض سے بیرون ملک ہیں۔

    گزشتہ سماعت پر اسحٰق ڈار نے نمائندے کے ذریعے ٹرائل جاری رکھنے کی درخواست کی تھی جس کے بارے میں وکیل کا کہنا تھا کہ بھجوائی گئی پاور آف اٹارنی کی وزرات خارجہ سے تصدیق کروائی جا رہی ہے۔

    وکیل خواجہ حارث کا کہنا تھا کہ اسحٰق ڈار کی انجیو گرافی ہو چکی ہے، ایکو ہونا باقی ہے جس کے لیے ایک نئے ڈاکٹر سے رجوع کیا گیا ہے۔

    وکیل عائشہ حامد کا کہنا تھا کہ نواز شریف کا نمائندہ ہی اسحٰق ڈار کی بھی نمائندگی کرے گا۔ اسحٰق ڈار نے ظافر خان ترین کو نمائندگی کے لیے مقرر کیا ہے۔

    مزید پڑھیں: احتساب عدالت میں اسحٰق ڈار کی حاضری سے استثنیٰ کی درخواست مسترد

    تاہم تمام دلائل سننے کے بعد احتساب عدالت نے اسحٰق ڈار کی حاضری سے استثنیٰ کی درخواست پر پہلے فیصلہ محفوظ کیا بعد ازاں فیصلہ سناتے ہوئے درخواست کو مسترد کردیا۔

    عدالت نے اسحٰق ڈار کے ضامن کو آئندہ سماعت پر پیش ہونے کا حکم دیا تھا جبکہ اسحٰق ڈار کے قابل ضمانت وارنٹ گرفتاری بھی برقرار رکھے گئے تھے۔

    اسحٰق ڈار نے عدالت میں حاضری یقینی بنانے کے لیے 50 لاکھ مچلکے جمع کروا رکھے ہیں تاہم عدالت کا کہنا ہے کہ ضامن نے ملزم کو پیش نہ کیا تو 50 لاکھ ضمانتی مچلکے ضبط ہوجائیں گے۔

    تاہم آج کی سماعت میں ایک بار پھر غیر حاضری پر اسحٰق ڈار کے ناقابل ضمانت وارنٹ گرفتاری جاری کردیے گئے۔

    اسحٰق ڈار کے خلاف اثاثہ جات ریفرنس کی مزید سماعت 21 نومبر تک ملتوی کردی گئی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • اسحٰق ڈار کے وارنٹ گرفتاری جاری

    اسحٰق ڈار کے وارنٹ گرفتاری جاری

    اسلام آباد: وفاقی وزیر خزانہ اسحٰق ڈار کے خلاف اثاثہ جات ریفرنس میں احتساب عدالت نے تحریری حکم نامہ جاری کرتے ہوئے ان کے قابل ضمانت وارنٹ گرفتاری جاری کردیے۔

    تفصیلات کے مطابق احتساب عدالت نے وفاقی وزیر خزانہ اسحٰق ڈار کے خلاف اثاثہ جات ریفرنس کا تحریری حکم نامہ جاری کردیا۔

    حکم نامے کے تحت وزیر خزانہ کے 20 لاکھ روپے کے مچلکوں پر قابل ضمانت وارنٹ گرفتاری جاری کردیے گئے ہیں۔

    احتساب عدالت کی جانب سے کہا گیا ہے کہ اسحٰق ڈار کی واپسی نہ ہونے سے وارنٹ گرفتاری کی تعمیل نہیں ہوئی، تفتیشی افسر اسحٰق ڈار کی میڈیکل رپورٹ کی تصدیق کرائے۔

    احتساب عدالت کا مزید کہنا تھا کہ ڈاکٹر کے مطابق اسحٰق ڈار کے لیے پاکستان کا سفر کرنا محفوظ نہیں، میڈیکل رپورٹ کے مطابق اسحٰق ڈار دل کے عارضے میں مبتلا ہیں۔

    حکم نامے میں کہا گیا کہ اسحٰق ڈار آئندہ سماعت پر پیش نہ ہوئے تو 50 لاکھ کے ضمانتی مچلکے ضبط ہوں گے۔ تمام گواہ موجود ہیں لیکن ملزم اسحٰق ڈار غیر حاضر ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • احتساب عدالت میں اسحٰق ڈار کی حاضری سے استثنیٰ کی درخواست مسترد

    احتساب عدالت میں اسحٰق ڈار کی حاضری سے استثنیٰ کی درخواست مسترد

    اسلام آباد: وفاقی دارالحکومت کی احتساب عدالت نے وفاقی وزیر خزانہ اسحٰق ڈار کی حاضری سے استثنیٰ کی درخواست مسترد کرتے ہوئے ان کے قابل ضمانت وارنٹ گرفتاری برقرار رکھے ہیں۔

    تفصیلات کے مطابق اسلام آباد کی احتساب عدالت میں اسحٰق ڈار کے خلاف آمدن سے زائد اثاثہ جات ریفرنس کی سماعت ہوئی۔ سماعت پر ملزم اسحٰق ڈار عدالت میں پیش نہیں ہوئے، وہ اس وقت علاج کی غرض سے بیرون ملک ہیں۔

    اسحٰق ڈار نے نمائندے کے ذریعے ٹرائل جاری رکھنے کی درخواست کی ہے جس کے بارے میں وکیل کا کہنا ہے کہ بھجوائی گئی پاور آف اٹارنی کی وزرات خارجہ سے تصدیق کروائی جا رہی ہے۔

    وکیل خواجہ حارث کا کہنا تھا کہ اسحٰق ڈار کی انجیو گرافی ہو چکی ہے، ایکو ہونا باقی ہے جس کے لیے ایک نئے ڈاکٹر سے رجوع کیا گیا ہے۔

    وکیل عائشہ حامد کا کہنا تھا کہ نواز شریف کا نمائندہ ہی اسحٰق ڈار کی بھی نمائندگی کرے گا۔ اسحٰق ڈار نے ظافر خان ترین کو نمائندگی کے لیے مقرر کیا ہے۔

    تمام دلائل سننے کے بعد احتساب عدالت نے اسحٰق ڈار کی حاضری سے استثنیٰ کی درخواست پر پہلے فیصلہ محفوظ کیا بعد ازاں فیصلہ سناتے ہوئے درخواست کو مسترد کردیا۔

    عدالت نے اسحٰق ڈار کے ضامن کو آئندہ سماعت پر پیش ہونے کا حکم دیا ہے جبکہ اسحٰق ڈار کے قابل ضمانت وارنٹ گرفتاری بھی برقرار رکھے گئے ہیں۔

    اسحٰق ڈار نے عدالت میں حاضری یقینی بنانے کے لیے 50 لاکھ مچلکے جمع کروا رکھے ہیں تاہم عدالت کا کہنا ہے کہ ضامن نے ملزم کو پیش نہ کیا تو 50 لاکھ ضمانتی مچلکے ضبط ہوجائیں گے۔

    احتساب عدالت نے کیس کی مزید سماعت 14 نومبر تک ملتوی کردی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • نواز شریف قانونی ضابطوں کے بند کمرے میں پھنس گئے، اعتزاز احسن

    نواز شریف قانونی ضابطوں کے بند کمرے میں پھنس گئے، اعتزاز احسن

    لاہور: سینیٹ میں قائد حزب اختلاف اور پیپلزپارٹی کے رہنما اعتزاز احسن نے کہا ہے کہ نواز شریف قانونی ضابطوں کے بند کمرے میں پھنس گئے ہیں، وزیر خزانہ ملک سے بھاگا ہوا ہے۔

    ان خیالات کا اظہار انہوں نے لاہور میں تقریب سے خطاب کرتے ہوئے کیا، اعتزاز احسن نے کہا کہ یہ قطری خط اور جعلی ٹرسٹ ڈیڈ لے کر آگئے، میاں صاحب ڈیڑھ سال سے ثبوت پیش کرنے میں ناکام رہے، شریف خاندان اگر بے گناہ ہے تو دستاویزی ثبوت دے۔

    انہوں نے کہا کہ نواز شریف عدالت، جے آئی ٹی کو متنازعہ بنانے پر تلے ہیں، میاں صاحب بند کمرے میں ہیں دیوار توڑنے کی کوشش کررہے ہیں، ن لیگ حکومت اور اپوزیشن دونوں خود ہی بن رہی ہے۔

    اعتزاز احسن نے کہا کہ وزیر خزانہ ملک سے بھاگا ہوا ہے، اسحاق ڈار وزیر اعظم کے جہاز پر دوشنبے جاتے ہیں، دوشنبے سے لندن پہنچ کر وزیر خزانہ بیمار ہوجاتے ہیں، ملک کے فیصلے لندن میں ہورہے ہیں، آزادی اس لئے حاصل کی تھی ہمارے فیصلے لندن میں نہ ہوں۔ کابینہ لندن میں میٹنگ کرتی ہے، وزیر اعظم، وزیر اعلیٰ پہنچ جاتے ہیں، شاہد خاقان عباسی جب چاہے لندن آتے جاتے ہیں۔

    انہوں نے کہا کہ نیب کو مذاق بنادیا گیا ہے، ای سی ایل پر نام نہ ہونے کے باعث نیب نے ایک کو بھگادیا، اسحاق ڈار کا نام ای سی ایل میں نہیں تو ڈاکٹر عاصم کا کیوں ہے؟ ن لیگ کے لیے الگ قانون اور ساری دنیا کے لیے الگ قانون، چیئرمین نیب کا اب امتحان ہے۔

    یہ پڑھیں: نوازشریف کو ہر کونے اور پردے کے پیچھے بھوت نظر آتے ہیں، اعتزاز احسن

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • وزیراعظم نے اسحق ڈارکو مستعفی ہونے کا مشورہ دے دیا

    وزیراعظم نے اسحق ڈارکو مستعفی ہونے کا مشورہ دے دیا

    لندن : صدرنیشنل بینک سعید احمد کے وعدہ معاف گواہ بننے کے فیصلے کے بعد وفاقی وزیر خزانہ اسحاق ڈار پر وزرات سے استعفیٰ دینے کا دباؤ بڑھنے لگا ، وزیراعظم شاہد خاقان عباسی نے اسحق ڈار کو مستعفی ہونے کا مشورہ بھی دے دیا۔

    تفصیلات کے مطابق وزیر خزانہ اسحق ڈار پر کرپشن کے سنگین الزامات ہیں، جے آئی ٹی کے بعد احتساب عدالت میں پیشیاں، قابل ضمانت وارنٹ گرفتاری اور اب نیشنل بینک کے صدر سعید احمد کے اسحق ڈارکے خلاف وعدہ معاف گواہ بننے کے فیصلے کے بعد ن لیگی حکومت کے وزیرخزانہ اور شریف خاندان کے قریبی رشتے دار اسحق ڈار پر مستعفی ہونے کا دباؤبڑھنے لگا۔

    اس حوالے سے ذرائع نے بتایا ہے کہ لندن میں موجود وزیراعظم شاہدخاقان عباسی نے اسحاق ڈار کو عہدے سے مستعفی ہونے کا مشورہ دے دیا ہے۔

    مزید پڑھیں: اسحاق ڈارکےتمام بینک اکاؤنٹس اور جائیداد منجمدکردی گئی

    ذرائع کے مطابق اسحق ڈار سے کہا گیا ہے کہ سعید احمد کے منحرف ہونے اور بیماری اور احتساب عدالت میں پیشیوں کےباعث وزارت کے معاملات ٹھیک نہیں چل رہے اس لیے وزارت سے استعفی دینا ہی مناسب عمل ہوگا۔

    مزید پڑھیں: اسحاق ڈار کےقابل ضمانت وارنٹ گرفتاری برقرار

    یاد رہے کہ دل کے عارضے میں مبتلا وزیر خزانہ اسحاق ڈار کو ڈاکٹروں نے اسپتال سے ڈسچارج کردیا ہے، وہ لندن کے ہسپتال میں زیر علاج تھے، ڈاکٹروں نے اسحاق ڈار کو مکمل آرام کا مشورہ دیتے ہوئے معائنے کے لیے ا گلے ہفتے پھر بلایا ہے۔

  • اسحاق ڈارکے قابل ضمانت وارنٹ گرفتاری جاری

    اسحاق ڈارکے قابل ضمانت وارنٹ گرفتاری جاری

    اسلام آباد: احتساب عدالت نے وفاقی وزیرخزانہ اسحاق ڈارکی حاضری سے اشتثیٰ کی درخواست مسترد کرتے ہوئے قابل ضمانت وارنٹ گرفتاری جاری کردیے۔

    تفصیلات کے مطابق احتساب عدالت کے جج محمد بشیر نے وزیرخزانہ اسحاق ڈار کے خلاف آمدن سے زائد اثاثہ جات ریفرنس کیس کی سماعت کی۔

    وزیرخزانہ اسحاق ڈار آج احتساب عدالت میں پیش نہیں ہوئے ۔ ان کے وکیل خواجہ حارث نے ملزم کی حاضری سے استثنیٰ کی درخواست کی جسے عدالت نے مسترد کردیا۔

    عدالت نے نیب کی جانب سے وارنٹ گرفتاری کی درخواست منظور کرتے ہوئے اسحاق ڈار کے قابل ضمانت وارنٹ گرفتاری جاری کرتے ہوئے اسحاق ڈار کو 2 نومبر تک پیش ہونے کا حکم دے دیا۔

    احتساب عدالت نے وفاقی وزیراسحاق دار کے ضامن کو بھی نوٹس جاری کردیا۔

    استغاثہ کے گواہ عبدالرحمان گوندل نے 2 تھیلوں پر مشتمل ریکارڈ عدالت میں پیش کیا جس کا اسحاق ڈار کے وکیل خواجہ حارث نے جائزہ بھی لیا۔

    اس سے قبل عدالت میں سماعت کےآغاز پر وزیرخزانہ اسحاق ڈار کے وکیل نے عدالت کو بتایا کہ ان کے موکل طبی معائنے کے لیے لندن میں موجود ہیں اس لیے آج کے لیے حاضری سے اسثنیٰ دیا جائے۔

    جج محمد بیشر نے ریماکس دیے کہ قانونی شہادت ملزم یا نمائندےکے بغیرریکارڈ نہیں کی جاسکتی، درخواست پرملزم کےدستخط بھی نہیں ہیں۔

    خواجہ حارث نے اسحاق ڈارکی میڈیکل رپورٹ بھی عدالت میں جمع کرائی، نیب پراسیکیوٹر نے استثنیٰ کی درخواست کی مخالفت کرتے ہوئے اسحاق ڈار کے وارنٹ گرفتاری کی استدعا کی۔

    خیال رہے کہ گزشتہ سماعت پر نیب پراسیکیوٹر نے عدالت کو بتایا تھا کہ چیئرمین نیب اسحاق ڈار کے اثاثے منجمند کرنے کی منظوری دے چکے ہیں۔

    انہوں نے عدالت سے استدعا کی تھی کہ اثاثے منجمند کرنے سے متعلق نیب کے فیصلے کی توثیق کی جائے۔

    اسحاق ڈارکےخلاف اثاثہ جات ریفرنس کی سماعت

    یاد رہے کہ احتساب عدالت نے گزشتہ ماہ 27 ستمبر کو آمدن سے زائد اثاثوں کے نیب ریفرنس میں وزیر خزانہ اسحٰق ڈار پر فرد جرم عائد کی تھی تاہم اسحاق ڈار نے صحت جرم سے انکار کیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • فرد جرم سے متعلق درخواستیں مسترد، ڈار کا سپریم کورٹ جانے کا فیصلہ

    فرد جرم سے متعلق درخواستیں مسترد، ڈار کا سپریم کورٹ جانے کا فیصلہ

    اسلام آباد: وفاقی وزیر خزانہ اسحٰق ڈار نے فرد جرم سے متعلق درخواستیں مسترد ہونے کے خلاف سپریم کورٹ جانے کا فیصلہ کرلیا۔ وکیل صفائی کا کہنا ہے کہ اسلام آباد ہائیکورٹ نے ہمارا مؤقف سنا ہی نہیں۔

    تفصیلات کے مطابق اسلام آباد ہائیکورٹ سے فرد جرم کے متعلق 2 درخواستیں مسترد ہونے پر اسحٰق ڈار نے سپریم کورٹ سے رجوع کرنے کا فیصلہ کرلیا۔

    وزیر خزانہ کے وکیل کا کہنا ہے کہ اسلام آباد ہائیکو رٹ نے ہمارا مؤقف سنا ہی نہیں، آئینی تقاضے پورا کرنا اسحٰق ڈار کا آئینی حق ہے۔

    وکیل صفائی نے کہا کہ قانوناً فرد جرم عائد کرنے کے لیے ایک ہفتے کا وقت دیا جاتا ہے، لیکن ہمارے مؤکل کے کیس میں 2 دن بعد فرد جرم عائد کی گئی۔ اسحٰق ڈار کے وکیل نے کہا کہ احتساب عدالت کے حکم نامے کو معطل کیا جانا چاہیئے۔

    مزید پڑھیں: ڈار کےخلاف ریفرنس کی سماعت پیر تک ملتوی

    یاد رہے کہ وفاقی وزیر خزانہ اسحٰق ڈار کے خلاف آمدن سے زائد اثاثہ جات ریفرنس کی سماعت احتساب عدالت میں جاری ہے جس میں اسحٰق ڈار پر فرد جرم بھی عائد کی جاچکی ہے۔

    تاہم اسحٰق ڈار نے فرد جرم کے خلاف اسلام آباد ہائی کورٹ میں درخواستیں دائر کی تھیں جنہیں ہائیکورٹ نے مسترد کردیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔