کراچی : کراچی چیمبر آف کامرس اینڈ انڈسٹری کے سابق صدر سراج قاسم تیلی نے کہا ہے کہ اسحاق ڈار سب سے بڑا معاشی دہشت گرد ہے، تاجربرادری فوری استعفے کا مطالبہ کرے، پوری دنیا ہم پر ہنس رہی ہے کہ فرد جرم عائد ہونے کے بعد بھی اسحاق ڈاروزیرخزانہ ہیں۔
وائس چیئرمین بی ایم جی ہارون فاروقی کی جانب سے وزیرخزانہ اسحاق ڈار کے خلاف مضبوط قرارداد منظور کرنے کی تجویز پر اتفاق کرتے ہوئے سراج قاسم تیلی نے کہا کہ کے سی سی آئی کو مکمل اتفاق رائے سے وزیرخزانہ اسحاق ڈار کے فوری استعفے کا مطالبہ کرنا چاہئیے۔
انہوں نے کہا کہ وزیرخزانہ اسحاق ڈار پرکرپشن کے کیس میں فرد جرم عائد کی جاچکی ہے اور وہ ملک میں اقتصادی بحران پیدا کرنے کے پوری طرح ذمہ دار ہیں۔
سراج قاسم تیلی نے کہا کہ ساری دنیا ہم پر ہنس رہی ہے کہ ان کے موجودہ وزیرخزانہ پر کرپشن کیس میں فرد جرم عائد کیا جا چکا ہے لہٰذا اسحاق ڈار کو فوری طور پر اس وقت تک کے لیے مستعفی ہو جانا چاہئے جب تک کیس کا فیصلہ نہیں ہوجاتا۔
انہوں نے سی پیک منصوبے پر رائے دیتے ہوئے کہا کہ اس منصوبے سے دونوں جانب جیت کی صورتحال پیدا ہونے کہ امکانات نظر نہیں آرہے جو صرف چائنا کے لئے تجارتی لحاظ سے قابل قبول ہے جبکہ پاکستان کو صرف انفرااسٹرکچر کی ترقی کے لحاظ سے فائدہ ہوگا، اس منصوبے سے پاکستان کے ٹیکسٹائل سیکٹر کو بہت زیادہ نقصان متوقع ہے۔
لاہور : وفاقی وزیر ریلوے سعدرفیق نے وزیرخزانہ اسحاق ڈار دیانت دار اور دین دار شخص قرار دیدیا۔
تفصیلات کے مطابق وفاقی وزیر ریلوے سعدرفیق نے سماجی رابطے کی ویب سائٹ ٹوئٹر پر اپنے بیان میں کہا ہے کہ وزیرخزانہ اسحاق ڈار دیانت دار اور دین دار شخص ہیں، ڈوبتی معیشت کو سنبھالا دے کر ٹریک پر لانا قومی خدمت ہے۔
اسحاق ڈار ایک دیانتدار اور دیندار شخص ھیں – ڈوبتی ھوٸ قومی معیشت کو سنبھالا دیکر آن ٹریک کرنا اُن کی عظیم قومی خدمت ھے-
سعدرفیق نے اپنے ٹوئٹ میں کہا کہ اسحاق ڈار کی اعلٰی انتظامی صلاحیتوں کا اعتراف عالمی مالیاتی اداروں نے کیا، اُن کےخلاف الزامات میاں نوازشریف کےخلاف سازشی کھیلُ کا حصہ ہیں۔
اسحاق ڈار کی اعلٰی انتظامی صلاحیتوں کا اعتراف عالمی مالیاتی اداروں نے کیا-اُن کےخلاف الزامات میاں نوازشریف کےخلاف سازشی کھیلُ کا حصہ ھیں
یاد رہے کہ گذشتہ روز احتساب عدالت نےآمدن سے زائد اثاثوں کے نیب ریفرنس میں وفاقی وزیرخزانہ اسحاق ڈار پر فرد جرم عائد کی تھی، تاہم اسحاق ڈار نے صحت جرم سے انکار کیا تھا۔
زیرخزانہ اسحاق ڈار کا کہنا تھا کہ میرے تمام اثاثے آمدن سے مطابقت رکھتے ہیں جبکہ مجھ پرعائد الزامات بے بنیاد ہیں جنہیں عدالت میں ثبوتوں کے ذریعے ثابت کروں گا۔
اس سے قبل احتساب عدالت کی جانب سے وزیر خزانہ اسحق ڈار کے تمام بینک اکاؤنٹس منجمد کردیئے گئے تھے جب کہ ان کی تمام جائیداد کی خرید و فروخت اور منتقلی پر پابندی عائد کردی تھی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
اسلام آباد : وزیر خزانہ اسحاق ڈار کی نان پرافٹ آرگنائزیشن پاکستان میں کہیں رجسٹر ہی نہیں ہیں۔
تفصیلات کے مطابق ملک بھر کو ٹیکس دینے کا درس دینے والے اسحاق ڈار کا ٹرسٹ اور فاؤنڈیشن ایس ای سی پی میں پاکستان میں رجسٹر ہی نہیں ہے، ایس ای سی پی کی ویب سائٹ میں ان دونوں کمپنوں کا کوئی نام ہی نہیں ہے۔
دونوں کمپنیاں نان پرافٹ آر گنائزشنز ہیں، اس کے باوجود پاکستان سینٹر آف فیلینتھراپی سے ان کا سرٹیفیکیٹ سال دوہزار آٹھ کے میں ایکسپائر ہو چکا ہے۔
زرائع کے مطابق بیت المال پنجاب میں بھی یہ دو کمپنیاں ریجسٹر نہیں ہیں، ہجویری ٹرسٹ اور فاؤنڈیشن کو وزیر خزانہ اسحاق ڈار خود فنڈ کرتے ہیں اور اپنی تنخواہ بھی اسی فاؤنڈیشن اور ٹرسٹ کو عطیہ کرتے ہیں۔
ذرائع کا کہنا ہے کہ ٹیکس چوری اور ا ثاثے چھپانے کیلئے ٹرسٹ اور فلاحی ادارے بنانا عام سی بات ہے اور وزیر خزانہ اسحاق ڈار کے معاملے میں یہ بات صاف ظاہر ہے۔
خیال رہے کہ پاکستان میں این جی اوز ،نان پرافٹ آرگنائزیشنز کیلئے لائسنس ضروری ہے۔
یاد رہے کہ گذشتہ روز احتساب عدالت نےآمدن سے زائد اثاثوں کے نیب ریفرنس میں وفاقی وزیرخزانہ اسحاق ڈار پر فرد جرم عائد کی تھی، تاہم اسحاق ڈار نے صحت جرم سے انکار کیا تھا۔
زیرخزانہ اسحاق ڈار کا کہنا تھا کہ میرے تمام اثاثے آمدن سے مطابقت رکھتے ہیں جبکہ مجھ پرعائد الزامات بے بنیاد ہیں جنہیں عدالت میں ثبوتوں کے ذریعے ثابت کروں گا۔
اس سے قبل احتساب عدالت کی جانب سے وزیر خزانہ اسحق ڈار کے تمام بینک اکاؤنٹس منجمد کردیئے گئے تھے جب کہ ان کی تمام جائیداد کی خرید و فروخت اور منتقلی پر پابندی عائد کردی تھی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
اسلام آباد : پاکستان تحریک انصاف کے رہنما نعیم الحق کا کہنا ہے کہ پاکستان کی معیشت سنگین صورتحال اختیار کرچکی ہے،ہم سمجھتے ہیں انصاف میں دیر نہیں ہونی چاہئے، اسحاق ڈار کو استعفیٰ نہ دینے پر شرم آنی چاہئے۔
تفصیلات کے مطابق پی ٹی آئی کے رہنما نعیم الحق نے میڈیا سے بات کرتے ہوئے کہا کہ ہم سمجھتے ہیں انصاف میں دیر نہیں ہونی چاہئے اسحاق ڈار نے پاکستان کی معیشت کو تباہ کردیا ہے، پاکستان کی معیشت سنگین صورتحال اختیار کرچکی ہے، اسحاق ڈار کو استعفیٰ نہ دینے پر شرم آنی چاہئے ، نعیم الحق
نعیم الحق کا کہنا تھا کہ وزیراعظم شاہدخاقان اسحاق ڈار سےاستعفیٰ لیں یا خود مستعفیٰ ہوں، اطلاعات کے مطابق نوازشریف کے مرضی کےبغیر کوئی فیصلہ نہیں ہوتا،نوازشریف کوایک کٹھ پتلی وزیراعظم مل گیاہے، نوازشریف ایسا تاثر دےرہےہیں کہ جیسےوہ آج بھی وزیراعظم ہیں۔
انھوں نے کہا کہ نواز شریف کی ابھی تک حکومت قائم ہے، نوازشریف عدالتوں سے اپنےمفاد کے فیصلے کراناچاہتے ہیں ، نااہل وزیراعظم کو ریلیف دینے کیلئے نیب میں چھپ کر اقدامات ہورہےہیں، پاکستان کی معیشت تباہ ہوچکی ہے حکومت روزانہ قرضے لے رہی ہے، اقتصادی بحران کے پیش نظر حکومت مزید کام نہیں کرسکتی، اسی لئے موجودہ صورتحال پرعمران خان نے نئے انتخابات کا مطالبہ کیا ہے۔
گزشتہ روز پاکستان تحریک انصاف کے رہنما نعیم الحق کا کہنا تھا کہ نااہل وزیراعظم نوازشریف اب بھی شاہی زندگی گزاررہے ہیں، نوازشریف حکومتی وسائل کاناجائز استعمال کررہےہیں، واضح ہے کہ اب بھی نوازشریف کی حکومت قائم ہے۔
نعیم الحق کا کہنا تھا کہ نیب کا جھکاؤ نوازشریف کیجانب نظر آرہا ہے، نوازشریف انکےبچوں کےناموں کو ای سی ایل میں ڈالناچاہئےتھا, نیب ابھی بھی نوازشریف کےزیراثرہے،نیب کی کارروائی میں قانون کواولین ترجیح دی جائےگی، شفاف تفتیش ہوگی توامیدہےملک میں قانون کی بالادستی قائم ہوگی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
اسلام آباد : احتساب عدالت نے اسحاق ڈار کیخلاف ریفرنس کی سماعت ایک ہفتے ملتوی کرنے کی ملزم کی درخواست مسترد کردی اور پچاس لاکھ روپے مچلکے جمع کرانے کا بھی حکم دیا، کہا جا رہا ہے کہ وزیرخزانہ اسحاق ڈار پر فرد جرم بدھ کو عائد کی جائیگی۔
تفصیلات کے مطابق اسحاق ڈار کیخلاف ریفرنس کی احتساب عدالت میں سماعت شروع ہوئی ، وزیرخزانہ اسحاق ڈار وکلا ٹیم کے ساتھ احتساب عدالت پہنچے، سماعت کے دوران سماعت کے دوران نیب نے بتایا کہ لاہور،اسلام آباد میں اسحاق ڈار کی رہائش گاہ پر چھاپے مارے آج ملزم اسحاق ڈار اچانک عدالت میں پیش ہوگئے۔
اسحاق ڈار کے وکیل نے عدالت سے7دن کےوقت کےلئےاستدعاکی ، جس پر فاضل جج نے کہا خاص مدت میں کیس کافیصلہ کرناہے، وکیل کا کہنا تھا کہ توقع ہے معاملات انصاف کے تقاضے پورے کرکے حل کیے جائیں گے۔
عدالت نے وزیر خزانہ کے وکیل کی سماعت ایک ہفتے کیلئے ملتوی کرنے کی درخواست مسترد کردی اور اسحاق ڈار کو27ستمبر کو دوبارہ طلب کرلیا۔
احتساب عدالت نے ملزم کو حاضری یقینی بنانے کیلئے پچاس لاکھ روپے مچلکے بھی جمع کرانے کا حکم دیا۔
عدالت میں ریفرنس کی کاپیاں اسحاق ڈار کےوکلا کو فراہم کردی گئیں، وزیرخزانہ اسحاق ڈارکیخلاف ریفرنس 23والیم پر مشتمل ہے، بعد ازاں عدالت نے سماعت 27 ستمبر تک ملتوی کردی۔
اسحاق ڈار کے وکیل نے میڈیا سے گفتگو میں کہا کہ پلی بارگینگ کا سوال ہی پیدا نہیں ہوتا۔ ساٹ سماعت کےموقع پر قیدی کو لے جانے والی وین اور بکتر بند گاڑی بھی احتساب عدالت پہنچادی گئی تھی۔
وزیرخزانہ اسحاق ڈار وزیراعظم شاہد خاقان عباسی کے ہمراہ رات گئے وطن واپس پہنچے تھے۔
یاد رہے کہ گذشتہ سماعت میں وفاقی وزیرخزانہ کو احتساب عدالت میں پیش ہوکر مؤقف دینے کے لیے نوٹس جاری کیے گئے تاہم وہ بیرونِ ملک ہونے کی وجہ سے پیش نہ ہوسکے، جس پر عدالت نے اسحاق ڈار کے قابل ضمانت وارنٹ گرفتاری کے احکامات جاری کیے تھے۔
دوسری جانب احتساب عدالت نے وزیر خزانہ اسحق ڈار کے تمام بینک اکاؤنٹس منجمد کرتے ہوئے ان کی تمام جائیداد کی خرید و فروخت اور منتقلی پر پابندی عائد کردی تھی جبکہ نیب کی ٹیم نے ان کے گھر پر چھاپہ بھی مارا۔
واضح رہے کہ سپریم کورٹ کے فیصلے کے بعد ڈپٹی پراسیکیوٹرجنرل نیب کی سربراہی میں نیب پراسیکیوشن ونگ نے سابق وزیراعظم نوازشریف اور ان کے بچوں ، داماد اور اسحاق ڈار کے خلاف احتساب عدالت میں ریفرنسزدائرکیے تھے۔قومی احتساب بیورو کی ٹیم نے شریف خاندان کے خلاف 3 اور وزیرخزانہ اسحاق ڈار کے خلاف 1 ریفرنس دائر کیا تھا۔
وزیرخزانہ اسحاق ڈار کے خلاف سیکشن 14 سی لگائی گئی ہے ‘جو آمدن سے زائد اثاثے رکھنے سے متعلق ہے۔ نیب کی دفعہ 14 سی کی سزا 14 سال مقرر ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
اسلام آباد : نیب نے شریف خاندان اور اسحاق ڈار کی رہائش گاہ پر نوٹسز بھجوا دیئے گئے، اپنی منقولہ اور غیر منقولہ جائیداد فروخت نہیں کر سکتے، اسحاق ڈار کےخلاف ضمنی ریفرنس بھی تیار کرنے کا فیصلہ کیا گیا ہے۔
تفصیلات کے مطابق سپریم کورٹ کی جانب سے پاناما کیس کے فیصلے کے بعد اب نیب نے بھی نواز شریف اور اسحاق ڈار کے خلاف گھیرا مزید تنگ کرنا شروع کردیا۔
نیب نے نوازشریف کی رہائش گاہ جاتی امراء اور وزیرخزانہ اسحاق ڈار کی لاہور میں رہائش گاہ پر نوٹس بھجوادیا ہے، نیب اہلکاروں نے ان کی گھر کے باہر نوٹس بھی چسپاں کردیا ہے۔
ذرائع کے مطابق نوٹسزمیں کہا گیا ہےکہ نوازشریف اوراسحاق ڈار اپنی منقولہ اور غیرمنقولہ جائیداد فروخت یا منتقل نہیں کرسکتے۔
قومی احتساب بیورو کی جانب سے وزیر خزانہ کے اثاثے منجمد اور احتساب عدالت میں پیش نہ ہونے پر قابل ضمانت وارنٹ بھی جاری ہوچکے ہیں۔
ذرائع کا مزید کہنا ہے کہ نیب نے اسحاق ڈار کےخلاف ضمنی ریفرنس تیار کرنےکا بھی فیصلہ کرلیا ہے، مذکورہ ریفرنس دائر کرنے کا فیصلہ آمدنی سے زائد اثاثہ جات بنانے پرکیا جائےگا۔
نیب کو ریفرنس دائر کرنے کے حوالے سے بیرون ملک سے باہمی قانونی معاونت کا انتظار ہے، ذرائع کا کہنا ہے کہ اسٹیٹ بینک اور بیرون ملک سے تفصیلات ملنے پراسحاق ڈار کے خلاف مزید ضمنی ریفرنس دائر ہونگے۔
اسلام آباد : پاکستان تحریک انصاف کے سربراہ کا کہنا ہے کہ اسحاق ڈارکاوارنٹ گرفتاری کےباوجودمستعفی نہ ہونا افسوسناک ہے، حکمران طبقے کیاخلاقیات کا جنازہ نکل چکا ہے۔
تفصیلات کے مطابق پی ٹی آئی کے چیئرمین عمران خان نے سماجی رابطے کی ویب سائٹ ٹوئٹر پر اپنے پیغام میں کہا کہ اسحاق ڈار کا وارنٹ گرفتاری کے باوجود مستعفی نہ ہونا افسوسناک ہے، اسحاق ڈار کے خلاف منی لانڈرنگ، فراڈ کی تحقیقات ہورہی ہیں۔
Shocking how Finance Min Dar refuses to resign in the wake of his arrest warrant & despite being investigated for money laundering & fraud
عمران خان نے اپنے ٹوئٹ میں کہا کہ مہذب معاشرےمیں کیاکوئی شخص ڈھٹائی سےعہدےسےچمٹارہ سکتاہے، حکمران طبقےکی اخلاقیات کاجنازہ نکل چکا ہے۔
In no civilised society could a man cling so shamelessly to power. This shows a complete collapse of ethics morality in our ruling elite. https://t.co/aGPiqYBBhW
گذشتہ روز وزیر خزانہ اسحاق ڈار کے تمام بینک اکاؤنٹس منجمد کردیئے گئے تھے اور تمام جائیداد کی خرید و فروخت اور منتقلی پر پابندی عائد کردی تھی۔
نیب نے بینکوں کو ہدایت دی ہے کہ اسحق ڈار کے اکاؤنٹس میں موجود تمام رقم کہیں منتقل نہیں ہوسکتی انہیں منجمد کردیا جائے، اگر کسی ادارے نے بھی قانون کی خلاف ورزی کی تو اس کے خلاف سخت کارروائی عمل میں لائی جائے گی۔
اس سے قبل وزیر خزانہ اسحاق ڈار کے خلاف احتساب عدالت نے اثاثہ جات کیس میں وارنٹ گرفتاری وزارت داخلہ کو بھیج دیئے، اسحاق ڈار نے نیب ریفرنس پر ضمانت قبل از گرفتاری کروانے کا فیصلہ کر لیا ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہےتو اسے اپنی فیس بک وال پر شیئر کریں۔
لندن : وزیرخزانہ اسحاق ڈار نے لندن میں قیام بڑھانے کا فیصلہ کرلیا ہے ، اسحاق ڈار کے قیام میں توسیع کے فیصلے کے بعد نئے وزیرخزانہ کیلئے مشاورت شروع کردیا گیا ہے۔
تفصیلات کے مطابق احتساب عدالت کی جانب سے وارنٹ گرفتاری اور اکاؤنٹس منجمد کرنے کے بعد اسحاق ڈار نے لندن میں قیام بڑھانے کا فیصلہ کرلیا ہے۔
ذرائع کا کہنا ہے کہ اسحاق ڈار کا حدیبیہ پیپر ملز کیس کی وجہ سے فی الحال پاکستان آنے کا امکان نہیں ، اسحاق ڈار کے قیام میں توسیع کا فیصلہ ضمانت سے مشروط نہیں، حدیبیہ کیس میں سپریم کورٹ کی سماعت میں کیس کارخ دیکھا جائیگا۔
دوسری جانب اسحاق ڈار کے قیام میں توسیع کےفیصلے کے بعد نئے وزیرخزانہ کیلئے مشاورت شروع کردی گئی ہے ، نئے وزیر خزانہ کیلئے مفتاح اسماعیل سر فہرست جبکہ سرتاج عزیز کا نام بھی شامل ہیں۔
ذرائع کے مطابق مشیرخزانہ کیلئے علی جہانگیر کا نام پرغور ہے۔
گذشتہ روز وزیر خزانہ اسحاق ڈار کے تمام بینک اکاؤنٹس منجمد کردیئے گئے تھے اور تمام جائیداد کی خرید و فروخت اور منتقلی پر پابندی عائد کردی تھی۔
نیب نے بینکوں کو ہدایت دی ہے کہ اسحق ڈار کے اکاؤنٹس میں موجود تمام رقم کہیں منتقل نہیں ہوسکتی انہیں منجمد کردیا جائے، اگر کسی ادارے نے بھی قانون کی خلاف ورزی کی تو اس کے خلاف سخت کارروائی عمل میں لائی جائے گی۔
اس سے قبل وزیر خزانہ اسحاق ڈار کے خلاف احتساب عدالت نے اثاثہ جات کیس میں وارنٹ گرفتاری وزارت داخلہ کو بھیج دیئے، اسحاق ڈار نے نیب ریفرنس پر ضمانت قبل از گرفتاری کروانے کا فیصلہ کر لیا ہے۔
واضح رہے کہ سپریم کورٹ کے فیصلے کے بعد ڈپٹی پراسیکیوٹرجنرل نیب کی سربراہی میں نیب پراسیکیوشن ونگ نے سابق وزیراعظم نوازشریف اور ان کے بچوں ، داماد اور اسحاق ڈار کے خلاف احتساب عدالت میں ریفرنسزدائرکیے تھے۔قومی احتساب بیورو کی ٹیم نے شریف خاندان کے خلاف 3 اور وزیرخزانہ اسحاق ڈار کے خلاف 1 ریفرنس دائر کیا تھا۔
وزیرخزانہ اسحاق ڈار کے خلاف سیکشن 14 سی لگائی گئی ہے ‘جو آمدن سے زائد اثاثے رکھنے سے متعلق ہے۔ نیب کی دفعہ 14 سی کی سزا 14 سال مقرر ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
اسلام آباد: وزیر خزانہ اسحق ڈار کے تمام بینک اکاؤنٹس منجمد کردیئے گئے نیب کی ٹیم نے ان کے گھر پر چھاپہ بھی مارا، جب کہ ان کی تمام جائیداد کی خرید و فروخت اور منتقلی پر پابندی عائد کردی گئی ہے۔
اے آر وائی نیوز کے نمائندے ذوالقرنین حیدر کے مطابق نیب حکام کی جانب سے مختلف شہروں میں اسحق ڈار کی تمام جائیداد کی خریدو وفروخت اور منتقلی پر پابندی کا حکم نامہ جاری کردیا گیا ساتھ ہی بینک اکاؤنٹس بھی منجمد کردیئے گئے ہیں۔
نمائندے کے مطابق نیب لاہور کی جانب سے ایک خط ایل ڈی اے، اسلام آباد اتھارٹی، ڈی ایچ اے سوسائٹی، سینیٹ کی ہاؤسنگ سوسائٹی سمیت مختلف بینکوں کو بھی لکھا گیا ہے۔
خط میں کہا گیا ہے کہ وزیر خزانہ اسحق ڈار کے خلاف بدعنوانی کے مقدمات کی تحقیقات چل رہی ہے اس لیے ان کی جتنی بھی جائیداد ہے اس کی خریدو فروخت اور منتقلی پر پابندی عائد کردی جائے۔
اس حوالے سے نیب حکام کا کہنا ہے کہ اسحاق ڈار کےخلاف کیس چل رہا ہے، لہٰذا ان کی جائیداد نہ تو خریدی جاسکتی ہے اور نہ کسی کو منتقل کی جاسکتی ہے۔
نیب نے بینکوں کو ہدایت دی ہے کہ اسحق ڈار کے اکاؤنٹس میں موجود تمام رقم کہیں منتقل نہیں ہوسکتی انہیں منجمد کردیا جائے، اگر کسی ادارے نے بھی قانون کی خلاف ورزی کی تو اس کے خلاف سخت کارروائی عمل میں لائی جائے گی۔
اطلاعات ہیں کہ بینکوں نے ان کے اکاؤنٹس اور اداروں نے ان کی جائیداد کی فروخت یا کسی اور کو منتقلی پر پابندی عائد کردی ہے۔
نیب کا خط اے آر وائی نیوز نےحاصل کرلیا، اسحاق ڈارکی جائیداد ضبط کرنے کی خبر سب سے پہلے اے آر وائی نیوز نےگزشتہ روز نشر کی تھی۔
نیب نے اسحاق ڈارکے گھر پر چھاپہ نہیں مارا، نوٹس دینے گئے، ترجمان
تازہ ترین اطلاعات کے مطابق نیب کی ٹیم نے اسحاق ڈار کے گھر پر چھاپہ مارا ہے اور ملازمین سے پوچھ گچھ کی ہے، تاہم نیب ترجمان نے خبر کی تردید کرتے ہوئے کہا ہے کہ اسحاق ڈار کے گھر چھاپہ نہیں مارا، ان کی رہائش گاہ پر نوٹس دینے گئے تھے۔
نیب عدالت کی جانب سے آج ہی وارنٹ جاری ہوئے ہیں اور نیب کے تفتیشی افسر کی سربراہی میں دو رکنی ٹیم نے اسی بنیاد پر آج منسٹرز انکلیو میں واقع ان کے گھر پرنوٹس ارسال کیا ہے۔
خیال رہے کہ اسحاق ڈار اس وقت ملک میں نہیں ہیں، تاہم اطلاعات ہیں کہ اسحاق ڈار نے نیب کی ٹیم کو یقین دہانی کرائی ہے کہ وہ جلد وطن واپس پہنچیں گے۔
وزیرخزانہ اسحاق ڈار کے خلاف احتساب عدالت نے اثاثہ جات کیس میں وارنٹ گرفتاری وزارت داخلہ کو بھیج دیئے، اسحاق ڈار نے نیب ریفرنس پر ضمانت قبل از گرفتاری کروانے کا فیصلہ کر لیا ہے۔
آج بروز بدھ اسلام آباد کی احتساب عدالت میں وزیر خزانہ اسحاق ڈار کے خلاف آمدنی سے زیادہ اثاثے بنانے کے نیب ریفرنس کی سماعت ہوئی۔ عدالت میں ان کی عدم پیشی پر برہمی کا اظہار کیا گیا، سماعت کے دوران نیب نے وفاقی وزیرِ خزانہ کے وارنٹ گرفتاری جاری کرنے کی استدعا کی۔
وفاقی وزیرِ خزانہ اور مسلم لیگ ن کے اہم رہنما اسحاق ڈار کی جانب سے ان کے پروٹوکول آفیسر فضل داد احتساب عدالت کے سامنے پیش ہوئے۔
عدالت نے نیب کی درخواست پر پیش رفت کرتے ہوئے اثاث جات کیس میں اسحاق ڈار کے قابلِ گرفتاری وارنٹ جاری کیے اور حکم دیا کہ انہیں 25 ستمبر کو گرفتار کرکے عدالت میں پیش کیا جائے۔
گرفتاری کے احکامات جاری کرنے کے ساتھ ہی عدالت نے یہ بھی قرار دیا کہ وفاقی وزیرِ خزانہ اسحاق ڈار10لاکھ روپےکےمچلکوں کےعوض ضمانت کراسکتےہیں۔
ذرائع کے مطابق نیب کے بھیجے گئے وارنٹ گرفتاری وزارت خارجہ کو موصول ہوگئے ہیں، وزارت خارجہ اسحاق ڈار کے لندن کے گھر کے باہر وارنٹ چسپاں کرنے کو یقینی بنائے گی۔
ذرائع کا مزید کہنا ہے کہ وفاقی وزیر خزانہ اسحاق ڈار نے نیب ریفرنس پر ضمانت قبل از گرفتاری کروانے کا فیصلہ کر لیاہے۔
یاد رہے کہ سپریم کورٹ کے فیصلے کے بعد ڈپٹی پراسیکیوٹرجنرل نیب کی سربراہی میں نیب پراسیکیوشن ونگ نے سابق وزیراعظم نوازشریف اور ان کے بچوں ، داماد اور اسحاق ڈار کے خلاف احتساب عدالت میں ریفرنسزدائرکیے تھے۔قومی احتساب بیورو کی ٹیم نے شریف خاندان کے خلاف 3 اور وزیرخزانہ اسحاق ڈار کے خلاف 1 ریفرنس دائر کیا تھا۔
وزیرخزانہ اسحاق ڈار کے خلاف سیکشن 14 سی لگائی گئی ہے ‘جو آمدن سے زائد اثاثے رکھنے سے متعلق ہے۔ نیب کی دفعہ 14 سی کی سزا 14 سال مقرر ہے۔
یاد رہے کہ 28 جولائی کوسپریم کورٹ کے پانچ رکنی بینچ نے پاناما کیس کے فیصلے میں سابق وزیراعظم نوازشریف کو نااہل قرار دیتے ہوئے ان کے اور ان کے خاندان کے افراد کے خلاف نیب میں ریفرنس دائر کرنے کا حکم دیا تھا۔
واضح رہے کہ سپریم کورٹ نے نیب کو حکم دیا تھا کہ وہ 6 ہفتے کے اندر نوازشریف اور ان کے بچوں مریم نواز، حسین نواز، حسن نواز اور اسحاق ڈار کے خلاف ریفرنس دائر کرے اور 6 ماہ میں ان پر کارروائی مکمل کی جائے۔
کیا حکومت کو اسحاق ڈار کے سوا کوئی بندہ نہیں ملا ؟ کامل علی آغا
علاوہ ازیں سینیٹر کامل علی آغا نے کہا ہے کہ وزیرخزانہ ملک میں موجود نہیں این ایف سی پر کیا بات کریں؟ حکومت کی نااہلی ہے کہ ایسا شخص وزیر بنایا گیا جس کےوارنٹ گرفتاری نکلے ہوئے ہیں۔
وزیرخزانہ بھاگے ہوئے ہیں، اشتہاری قراردیئےجاسکتےہیں، کامل علی آغا کا کہنا تھا کہ کیا حکومت کو اور کوئی بندہ نہیں ملا اس وزارت کیلئے؟
انہوں نے پیشکش کی کہ اگرکوئی بندہ نہیں تو ہم حکومت کو شبلی فراز ادھار پر دے سکتے ہیں، یہ سنجیدہ مسئلہ ہے اس کانوٹس لیاجائے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
کراچی : اسٹیٹ بینک کی جانب سے روپے کی قدر میں کم ی پر تحقیقاتی رپورٹ وزارت خزانہ کو جمع کرادی گئی، رپورٹ میں کسی کو روپے کی قدر میں کمی کا ذمہ دار نہیں ٹھرایا گیا ہے۔
زرائع کے مطابق روپے کی قدر میں کمی کی تحقیقاتی رپورٹ وزارت خزانہ کو جمع کرادی گئی , جس میں اسٹیٹ بینک نے تسلیم کیاکہ روپےکی قدرمیں کمی دراصل ایڈجسٹمنٹ تھی ۔
وزارت خزانہ زرائع کے مطابق تحقیقات میں مختلف بینکوں کی بھی جانچ پڑتال کی گئی ہے تاہم کوئی بے ضابطگی دیکھنے میں نہیں آئی ہے۔
بینکنگ سیکٹر کے مطابق روپے کی قدر فوری طور پر نہ صرف واپس آئی تھی بلکہ گزشتہ ڈھائی ماہ سے مستحکم بھی ہے۔
یاد رہے کہ پانچ جولائی کو روپے کی قدر میں ڈالر کے مقابلے تین فیصد سے زائد کی کمی ریکارڈ کی گئی تھی اور ڈالر کی قیمت اچانک 108.25 روپے پر آگئی تھی جبکہ 4 جولائی کو ڈالر کی قیمت 104.90 تھی، جو کہ وزارت خزانہ کیلئےحیران کن تھا۔
وزیر خزانہ اسحاق ڈار نے فوری طور پر معاملے کا نوٹس لیتے ہوئے کمی کی تحقیقات کا حکم دیا تھا۔
اسی دوران اسٹیٹ بینک کے مستقل گورنر کو بھی فوری تعینات کیا گیا جبکہ اُس وقت نائب گورنر ریاض الدین ریاض قائم مقام گورنر کے عہدہ پر فائز تھے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
