ARYNews.tv | Urdu – Har Lamha Bakhabar

Tag: ISI

  • پاک اور ترک انٹیلی جنس کی مشترکہ کارروائی، داعش کا مطلوب کمانڈر گرفتار

    پاک اور ترک انٹیلی جنس کی مشترکہ کارروائی، داعش کا مطلوب کمانڈر گرفتار

    پاکستان کی مدد سے ترکیے کیلئے بڑا خطرہ بے اثر ہوگیا، پاکستان نے ترکیے کو سب سے مطلوب شخص اوزگر التون کو پکڑ کر استنبول کے حوالے کردیا۔

    ترک میڈیا کے مطابق دہشت گردی کیخلاف پاک ترک انٹیلی جنس نے مشترکہ کارروائی کرکے ترکیے کو سب سے مطلوب شخص اوزگر التون کو گرفتار کرلیا۔

    ترک نیشنل انٹیلی جنس آرگنائزیشن ایم آئی ٹی اور آئی ایس آئی نے اوزگر التون کو پاک افغان بارڈر پر مشترکہ آپریشن میں گرفتار کیا۔

    ترک میڈیا کا کہنا ہے اوزگر التون داعش کا لیڈر ہے، جو ابو یاسر الترکی کے نام سے بھی جانا جاتا ہے، ابو یاسر داعش خراسان کی کارروائیوں میں اہم کردار تھا۔

    ترک میڈیا کا کہنا ہے کہ اس نے دہشت گردوں کی یورپ سے پاک افغان خطے میں نقل وحرکت میں سہولت فراہم کی، گروپ کی رسد اور میڈیا کی نگرانی کی، انگریزی اور ترکیہ میں پراپیگنڈا کیا۔

    اوزگر التون نے کنسرٹس سمیت عوامی تقریبات پر مہلک حملوں کا حکم دیا، اوزگر التون کی گرفتاری داعش خراسان کیلئے بڑا دھچکا ہے اور پاکستان اور ترکیہ کے درمیان بڑھتے انٹیلی جنس تعاون کی نشاہی کرتی ہے۔

    یہ آپریشن دونوں ممالک کے درمیان گہرے اسٹریٹجک اعتماد اور برادرانہ تعلقات کی عکاسی کرتا ہے، جودہشت گردی سے لڑنے اور علاقائی امن یقینی بنانے کے اپنے عزم میں متحد ہیں۔

  • آئی ایس آئی دفتر پر حملے کے ملزمان کے خلاف آرمی ایکٹ کے تحت کارروائی شروع

    آئی ایس آئی دفتر پر حملے کے ملزمان کے خلاف آرمی ایکٹ کے تحت کارروائی شروع

    اسلام آباد: آئی ایس آئی دفتر پر حملے کے ملزمان کے خلاف آرمی ایکٹ کے تحت کارروائی شروع کر دی گئی۔

    تفصیلات کے مطابق پنجاب کے شہر فیصل آباد میں آئی ایس آئی دفتر پر حملے کے ملزمان کے خلاف آرمی ایکٹ کے تحت کارروائی کا فیصلہ کر لیا گیا ہے۔

    ذرائع کا کہنا ہے کہ آرمی ایکٹ کے تحت مقدمے کی تیاری شروع کر دی گئی ہے، علی افضل ساہی، فیض اللہ کموکا، صاحبزادہ حامد رضا، بلال اشرف بسرا مرکزی ملزمان قرار دیے گئے ہیں۔

    ملزمان کی فہرست میں ڈاکٹر اسد معظم، جنید افضل ساہی، حسن ذکا نیازی، اور ایاز ترین خان بھی شامل ہیں۔

  • لیفٹیننٹ جنرل ندیم انجم ڈی جی آئی ایس آئی تعینات

    لیفٹیننٹ جنرل ندیم انجم ڈی جی آئی ایس آئی تعینات

    راولپنڈی: لیفٹیننٹ جنرل ندیم انجم ڈی جی آئی ایس آئی تعینات کر دیے گئے۔

    آئی ایس پی آر کے مطابق پاک فوج میں اعلیٰ سطح پر تبدیلیاں کی گئی ہیں، کور کمانڈرز کی تبدیلیوں کے ساتھ انٹر سروسز انٹیلیجنس کے ڈائریکٹر جنرل کی تبدیلی بھی عمل میں لائی گئی ہے۔

    حساس ادارے کے نئے ڈی جی لیفٹیننٹ جنرل ندیم انجم تعینات کیے گئے ہیں، ان کا تعلق پنجاب رجمنٹ اور 78 ویں پی ایم اے لانگ کورس سے ہے۔

    اس سے قبل لیفٹیننٹ جنرل ندیم انجم کور کمانڈر کراچی تعینات تھے، وہ کمانڈنٹ کمانڈ اینڈ اسٹاف کالج کوئٹہ کے طور پر بھی خدمات انجام دے چکے ہیں، اور آئی جی ایف سی بلوچستان نارتھ کے عہدے پر بھی تعینات رہے۔

    لیفٹیننٹ جنرل ندیم انجم نے کرم ایجنسی ہنگو میں بریگیڈ کمانڈ بھی کی، وہ رائل کالج آف ڈیفنس اسٹڈیز یو کے سے فارغ التحصیل ہیں، انھوں نے ایشیا پیسفک سینٹر برائے سیکیورٹی اسٹڈیز ہونولولو سے ڈگری لی۔

    لیفٹیننٹ جنرل فیض حمید کور کمانڈر پشاور تعینات

    لیفٹیننٹ جنرل ندیم انجم کا آبائی علاقہ موہرا شیخاں کونٹریالہ، گوجر خان، راولپنڈی ہے۔ ان کے پیش رو آئی ایس آئی کے سابق ڈائریکٹر جنرل لیفٹیننٹ جنرل فیض حمید کو کور کمانڈر پشاور تعینات کر دیا گیا ہے۔

    دریں اثنا، لیفٹیننٹ جنرل محمد سعید کور کمانڈر کراچی تعینات کیے گئے ہیں، لیفٹیننٹ جنرل نعمان محمود صدر این ڈی یو، جب کہ لیفٹیننٹ جنرل عاصم ملک پاک فوج کے ایجوڈنٹ جنرل مقرر کر دیے گئے ہیں۔

  • جنرل (ر) اسد درانی کی کتاب سے متعلق مختلف سیاسی رہنماؤں نے وضاحت کا مطالبہ کردیا

    جنرل (ر) اسد درانی کی کتاب سے متعلق مختلف سیاسی رہنماؤں نے وضاحت کا مطالبہ کردیا

    کراچی: آئی ایس آئی کے سابق ڈائریکٹر جنرل اسد درانی کی کتاب کے حوالے سے  رد عمل دیتے ہوئے مختلف سیاسی رہنماؤں نے اسد درانی کو کتاب سے متعلق وضاحت بیان کرنے کا مطالبہ کر دیا۔

    امیر جماعت اسلامی سراج الحق نے کہا ہے کہ کتاب کی وجہ سے اسد درانی کی اخلاقی پوزیشن خراب ہوئی ہے، انہوں نے یہ کتاب لکھ کر عام پاکستانیوں کو مایوس کیا ہے، اسد درانی جس ادارے سے وابستہ رہے اسی ادارے نے ذمہ داری کا مظاہرہ کیا، پاکستان کی سیکیورٹی اور مفادات کو مدنظر رکھنا ہوگا۔

    پاکستان تحریک انٖصاف کے ترجمان فواد چوہدری کا کہنا تھا کہ اسد درانی کو اجازت لینی چاہئے تھی، اسد درانی کو بتانا ہوگا کتاب لکھنے کا پس منظر کیا ہے، کوئی بھی قانون اور ملک سے بڑھ کر نہیں، جنرل(ر) اسلم بیگ اور جنرل (ر) اسد درانی ماضی میں بھی متنازع رہے ہیں۔

    جنرل (ر) اسد درانی کی کتاب پرپاک فوج کے تحفظات، 28 مئی کو جی ایچ کیو طلب

    پاکستان پیپلز پارٹی کے مرکزی رہنما قمر زمان کائرہ کا کہنا تھا کہ اسد درانی کو جی ایچ کیو قانون کے مطابق طلب کیا گیا ہے تو انھیں وضاحت دینی چاہئے، کتاب میں کس معاملے پر تحفظات ہیں اسد درانی کو جواب دینا چاہئے، قومی سلامتی اہم ہے۔

    خیال رہے کہ جنرل (ر) اسد درانی اور بھارتی خفیہ ایجنسی راکے سابق چیف کی مشترکہ کتاب پر پاک فوج نے تحفظات کا اظہار کرتے ہوئے 28 مئی کو جی ایچ کیو طلب کر لیا گیا ہے، سیکیورٹی ذرائع کے مطابق مذکورہ کتاب میں بہت سے موضوعات حقائق کے برعکس پیش کیے گئے ہیں۔

    واضح رہے کہ یہ کتاب ‘دی سپائے کرونیکلز: را، آئی ایس آئی اینڈ دی الوژن آف پیس’آئی ایس آئی کے سابق سربراہ لیفٹیننٹ جنرل (ر) اسد درانی نے سابق ‘را’ چیف اے ایس دلت کے ساتھ مل کر لکھی ہے، اس کتاب میں پاکستان اور بھارت کے درمیان اہم حساس اور خفیہ معاملات پر بات کی گئی ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • بھارتی شہریوں پر کتوں کی دہشت طاری

    بھارتی شہریوں پر کتوں کی دہشت طاری

    آج بھارت میں یومِ جمہوریہ منایا جارہا ہے اور آج اس اہم قومی دن کے موقع پر بھارتی شہری اپنے گلی محلے میں موجود ہر کتے بلی کو خوف کی نظروں سے دیکھیں گے۔

    جی ہاں ! آج 26 جنووری کو بھارت جمہوریت کا دن مناتا ہے اور اس سلسلے میں ملک بھرمیں تقریبات کا انعقاد کیا جاتا ہے لیکن اب کی بار بھارتی عوام اس موقع پرخوف میں مبتلا ہیں کیوں کہ بھارتی چینل زی نیوز نے یومِ جمہوریہ کے موقع پر دہشت گردی کے اندیشے کا اظہار کیا ہے۔

    بھارتی چینل زی نیوز صحافتی اقدار کی دھجیاں اڑاتے ہوئے پاکستان پر ایک بار پھر الزام تراشی کرتا رہا اور نادانستہ طور پر پاکستانی خفیہ ایجنسی آئی ایس آئی کی صلاحیتوں کا اعتراف بھی کرگیا۔

    زی نیوز نے دو روز قبل خبر نشر کی تھی کہ پاکستانی خفیہ ایجنسی آئی ایس آئی ایک خطرناک تنظیم ہے اور وہ یومِ جمہوریہ پر بھارت میں دہشت گرد حملے کی صلاحیت رکھتی ہے۔ مذکورہ چینل نے اپنی سنسنی خیز خبر میں یہ انکشاف بھی کیا کہ آئی ایس آئی ان مقاصد کے لیے پالتو جانوروں بالخصوص کتوں کا استعمال کرسکتی ہے۔

    بھارتی چینل نے حسبِ معمول اس خبر میں اپنے اس الزام کے نہ تو کوئی ثبوت پیش کیے اورنہ ہی کوئی دلیل دی لیکن عوام میں خوف وہراس ضرور پھیلادیا جس کے سبب بھارتی عوام آج اپنے قومی دن کو منانے کے بجائے کتے بلیوں کو خوف کی نظر سے دیکھ رہے ہیں کہ کہیں یہ ’پھٹ نہ جائیں‘۔

    بھارت کا یوم جمہوریہ، کشمیریوں کا یوم سیاہ

     دوسری جانب کشمیر کے شہری جو حقیقی دہشت گرد بھارت کے مظالم کا عرصہ دراز سے شکار ہیں آج یومِ سیاہ منارہے ہیں اور یومِ جمہوریہ منانے والابھارت کشمیریوں کو اقوامِ متحدہ کی قراردادوں کے باوجود ان کا جمہوری حق دینے پر راضی نہیں ہے جس سے اس کی جمہوریت پسندی کا پول ساری دنیا کے سامنےکھل چکا ہے۔

    ہنسنا منع ہے 

  • قائد ایم کیو ایم نے ڈی جی آئی ایس آئی سے ملاقات کیلئے ڈیڑھ کروڑ دیئے، مصطفیٰ کمال

    قائد ایم کیو ایم نے ڈی جی آئی ایس آئی سے ملاقات کیلئے ڈیڑھ کروڑ دیئے، مصطفیٰ کمال

    کراچی : پاک سر زمین پارٹی کے سربراہ مصطفٰی کمال نے کہا ہے کہ قائد ایم کیوایم نے ڈی جی آئی ایس آئی سے بات کرنےکےلئےایک جعلساز کو ڈیڑھ کروڑ روپے دیئےتھے۔

    ڈاکٹر فاروق ستار نے اے آروائی نیوز کے پروگرام الیونتھ آور میں واقعے کوتسلیم کیا تھا۔ پنجاب سے ایم کیوایم کے رکن افتخار رندھاوا کی جانب سے مصطفٰی کمال گروپ جوائن کرنے کے موقع پر پریس کانفرنس سے خطاب کرتے ہوئے مصطفٰی کمال نے دعوٰی کیا کہ قائدایم کیوایم نےآئی ایس آئی سے بات کرنےکےلئےکسی جعلساز کو ڈیڑھ کروڑ روپے دیئےتھے۔

    یاد رہے کہ متحدہ قومی موومنٹ کے ڈپٹی کنوینئر ڈاکٹرفاروق ستارنےاے آروائی نیوز کے پروگرام الیونتھ آور میں اس واقعے کی تصدیق کی تھی مصطفٰی کمال نے بتایا کہ جعلی ڈی جی آئی ایس آئی سے بات کرکےقائد ایم کیوایم نے کارکنوں کویاسلام کا ورد کرنے کی ہدایت کی تھی۔

    مصطفٰی کمال نے دعوٰی کیا کہ ڈیڑھ کروڑ واپس لینے کےلئے ایم کیوایم نے گورنر سندھ ڈاکٹر عشرت العباد سے بھی رابطہ کیا تھا، جبکہ بابرغوری نے اس جعلساز کی ضمانت لی تھی کہ ڈیڑھ کروڑ روپے واپس ہوجائیں گے۔

     

  • کوئی آئی ایس آئی کا ایجنٹ کہتا ہے تو مجھے پرواہ نہیں، عبدالباسط

    کوئی آئی ایس آئی کا ایجنٹ کہتا ہے تو مجھے پرواہ نہیں، عبدالباسط

    نئی دہلی : بھارت میں پاکستان کے ہائی کمشنرعبدالباسط نے کہا ہےکہ کوئی مجھے آئی ایس آئی کا ایجنٹ سمجھتا ہے تو سمجھا کرے انہیں اس کی پرواہ نہیں.

    انہوں نے کہا کہ وہ بھارت میں پاکستان کی نمائندگی کرتے ہیں اور انہیں آئی ایس آئی پر فخر ہے۔ یہ بات انہون نے نئی دہلی میں بھارتی میڈیا کوانٹرویودیتے ہوئے کہی ۔

    ان کا کہنا تھا کہ پاکستان کا ایجنٹ ہوں۔ آئی ایس آئی پاکستان کی ایجنسی ہے جس پرفخر ہے۔ انہوں نے کہ پٹھان کوٹ واقعہ پربھارت کے فراہم کردہ ثبوتوں کی بنیاد پرایف آئی آر درج کی۔

    پٹھان کوٹ واقعہ کی تہہ تک پہنچنے کے لئے بھارتی حکومت کے ساتھ مل کرکام کررہے ہیں۔ عبدالباسط کا کہنا تھا کہ مسئلہ کشمیرمقبوضہ جموں وکشمیرکے عوام کی خواہش کے مطابق حل ہونا چاہئیے۔

    انہوں نے کہا کہ پاک چین اقتصادی راہداری منصوبہ پاکستان کے لئے گیم چینجر ثابت ہوگا۔

     

  • آئی ایس آئی دنیا کی سب سے طاقتورتنظیم ہے، سابق ’را‘ چیف

    آئی ایس آئی دنیا کی سب سے طاقتورتنظیم ہے، سابق ’را‘ چیف

    بھارتی خفیہ ایجنسی ’را‘ کے سابق سربراہ اے ایس دلت نے اعتراف کیا ہے کہ ’آئی ایس آئی‘ دنیا کی سب سے طاقت ور خفیہ ایجنسی ہے۔

    بھارتی خفیہ ایجنسی کے سربراہ نے نہ صرف آئی ایس آئی کی صلاحتیوں کا اعتراف کیا بلکہ انہوں نے آئی ایس آئی کا سربراہ ہونے کی حسرت کا بھی اظہارکیا۔ ان کا کہنا تھا کہ آئی ایس آئی کی برتری کا سبب ان کا گمنامی کے پردے میں رہنا ہے۔

    نئی دہلی میں ایک تقریب سے خطاب کرتے ہوئے ان کا کہنا تھا کہ کسی زمانے میں کے جی بی سب سے طاقتور خفیہ تنظیم ہوا کرتی تھی جو کہ اب نہیں رہی اوردونوں کی طاقت کا سبب ان کا گمنامی میں رہناہے۔

    اے ایس دلت نے یہ بھی کہا کہ انہوں نے اپنی کتاب Kashmir: The vajpayee years میں انہوں نےکوئی راز افشا نہیں کئے بلکہ محض انہی پہلووٗں پر بات کی ہے جو کہ عوام سے تعلق رکتھے ہیں۔

    اے ایس دلت نے اپنے ان خیالات کا اظہار ’را‘ کی کام کرنے کی استعداد کے حوالے سے پوچھے گئے سوال کے جواب میں کیا اور ان کا یہ بھی کہنا تھا کہ ہم بہتر ہیں بلکہ ایسے ہی جیسا کہ کوئی دوسرا ہوسکتا ہے۔

    انہوں نے یہ بھی اعتراف کیا کہ تکنیکی میدان میں بھارتی خفیہ تنظیم بہت پیچھے ہے۔

    واضح رہے کہ اس سے قبل رواں سال جولائی میں بھارتی خفیہ ایجنسی کے سابق سربراہ اعتراف کرچکے ہیں کہ ان کی تنظیم کشمیر میں مسلح گروہوں کی فنڈنگ کرتی ہے کہ خطے میں آئی ایس آئی کے اثرورسوغ کو کم کیا جاسکے۔

    پاکستان کی خفیہ تنظیم آئی ایس آئی کی قیادت اس وقت جنرل لیٖفٹیننٹ رضوان اختر کے پاس ہے جنہوں نے گزشتہ سال اپنے پیش رو جنرل ظہیرالسلام کی ریٹائرمنٹ کے بعد عہدہ سنبھالا تھا۔

  • اسکاٹ لینڈ یارڈ کو عمران فاروق قتل کے مرکزی ملزم تک رسائی مل گئی

    اسکاٹ لینڈ یارڈ کو عمران فاروق قتل کے مرکزی ملزم تک رسائی مل گئی

    اسلام آباد: وزارت داخلہ نے اسکاٹ لینڈیارڈ پولیس کو عمران فاروق قتل کیس کے مرکزی ملزم محسن علی سے تفتیش کی اجازت دے دی۔

    اسکاٹ لینڈیارڈ پولیس کے وفد نے جوائنٹ اسویسٹی گیشن ٹیم کے سربراہ انعام علی سے ملاقات کی، ملاقات میں عمران فاروق قتل کیس کے مرکزی ملزم محسن علی تک رسائی پر بات چیت ہوئی، جے آئی ٹی کے سربراہ انعام علی نے اعلیٰ حکام سے مشورے کے بعد اسکاٹ لینڈ یارڈ کے وفد کو محسن علی سے تفتیش کی اجازت دے دی ۔

     اسکاٹ لینڈیارڈ پولیس محسن علی سے پوچھ گچھ کرے گی، اسکاٹ لینڈ یارڈ کے وفد میں ڈیوڈجوناتھن ٹین، اسٹیورٹ مائیکل اورڈینئیل ہوٹن شامل ہیں۔

    اس سے پہلے اسکاٹ لینڈیارڈ پولیس کے وفد نے اپنے پچھلے دورے میں ڈاکٹر عمران فاروق قتل کیس کے دو ملزمان معظم علی اور خالدشمیم سے تفتیش کی تھی، اس وقت اسکاٹ لینڈ یارڈ کی ٹیم کو محسن علی تک رسائی نہیں دی گئی تھی۔

  • آئی ایس آئی کے سابق سربراہ حمید گل انتقال کرگئے

    آئی ایس آئی کے سابق سربراہ حمید گل انتقال کرگئے

    کراچی: آئی ایس آئی کے سابق سربراہ لیفٹیننٹ جنرل (ر) حمید گل برین ہیمرج کے سبب 79 سال کی عمر میں انتقال کرگئے ہیں ۔

    لیفٹیننٹ جنرل حمید گل ناسازیِ طبع کی بنا پر مری میں موجود تھے جہاں  فشارِخون کے سبب ان کو مری کے کمبائنڈ ملٹری اسپتال منتقل کیا گیا جہاں وہ خالق حقیقی سے جا ملے۔

    جنرل (ر) حمید گل کامسئلہ کشمیر پریادگار انٹرویودیکھنے کے لئے نیچے اسکرول کریں

    Hameed gul

      ذرائع کے مطابق حمید گل اہل خانہ کے ہمراہ مری میں تھے کہ اسی دوران انہیں برین ہیمرج ہوا،  ڈاکٹروں مطابق حمید گل کو برین ہیمرج ہوا  تھا اوران کا بلڈ پریشر انتہائی کم تھا جس کی وجہ سے انہیں کسی دوسرے اسپتال منتقل نہیں کیا جا سکا اورکچھ دیر بعد ہی وہ سی ایم ایچ مری میں انتقال کرگئے۔

    ابتدائی زندگی

    حمید گل کے خاندان کا تعلق سوات سے ہے، آپ معروف قبیلے یوسفزئی سے تعلق رکھتے ہیں۔آپ کے دادا فیض خان جمعیت المجاہدین کے رکن تھے،شاہ اسماعیل شہید جب سوات سے گزرے تو ان کے ساتھ مل گئے اور پھر شاہ اسماعیل کی شہادت کے بعد لاہور آگئے،کچھ سال کے بعد سرگودھا میں زمین ملی تو وہاں آباد ہوگئے۔

    فوج میں شمولیت

    20نومبر 1936 کو سرگودھا میں پیدا ہونے والے حمید گل نے اکتوبر 1956 میں فوج میں کمیشن حاصل کیا۔وہ 1965 کی جنگ میں چونڈہ کے محاذ پر ٹینک کمانڈر رہے۔

    Hameed gul

    سن 1968-69 میں کمانڈ اینڈ اسٹاف کالج کوئٹہ میں تربیت حاصل کرنے کے بعد 76-1972 تک بٹالین کمانڈر رہے اور1978 میں انہیں ترقی دے کربریگیڈئیربنایا گیا۔

    اس کے بعد وہ بتدریج ترقی کرکے بہاولپورکے مارشل لا ایڈمنسٹریٹر اورملتان کے کورکمانڈر رہے۔

    افغان جنگ

    حمید گل 89-1987 تک آئی ایس آئی کے سربراہ رہے، اس دوران سوویت یونین کی افغانستان میں جارحیت کے حوالے سے ان کا کردار انتہائی اہمیت کا حامل رہا۔

     اسلامک ڈیموکریٹک الائنس کی تشکیل میں بھی جنرل (ر) حمید گل نے اہم کردارادا کیا تھا۔

    خدمات کااعتراف

    سن 1992 میں فوج سے ریٹائر ہونے والے حمید گل کو ان کی خدمات پر ہلال امتیاز (ملٹری) اور ستارہ بسالت سے نوازا گیا۔

    تعزیت

    آرمی چیف جنرل راحیل شریف نے حمید گل کے انتقال پر تعزیت کااظہارکیاہے۔

    صدر ممنون حسین ، وزیر اعظم نواز شریف، پاکستان تحریک انصاف کے چیئرمین عمران خان، ایم کیو ایم کے قائد الطاف حسین، جے یو آئی (ایف ) کے سربراہ مولانا فضل الرحمن اور دیگر سیاسی رہنماؤں نے بھی جنرل (ر)حمید گل کے انتقال پراظہار افسوس کیاہے۔

    آئی ایس آئی کے سابق سربراہ کے انتقال پر پاکستان میں ان کے نام کا ٹرینڈ سب سے اوپر گردش کررہاہے جہاں عوام افغان جنگ میں ان کے کردار کے سبب متفرق کمنٹس کررہے ہیں۔

    hameed gul

    #HamidGul