ARYNews.tv | Urdu – Har Lamha Bakhabar

Tag: ISI

  • سابق آئی ایس آئی چیف ملک پر قبضہ کرنا چاہتا تھا، مشاہد اللہ

    سابق آئی ایس آئی چیف ملک پر قبضہ کرنا چاہتا تھا، مشاہد اللہ

    اسلام آباد : وفاقی وزیر مشاہد اللہ کی جانب سے بی بی سی کو دیئے گئے انٹرویو پر حکومت نے مشاہد اللہ کے بیان کی تردید کردی۔ مشاہداللہ خان نےسابق ڈی جی آئی ایس آئی پرالزامات لگائےتھے۔

    مذکورہ انٹرویو میں ان کا کہنا تھا کہ پچھلے سال اسلام آباد میں تحریکِ انصاف اور عوامی تحریک کے دھرنوں کے دوران پاکستانی انٹیلی جنس ایجنسی آئی ایس آئی کے اس وقت کے سربراہ لیفٹیننٹ جنرل ظہیر الاسلام  نے ایک سازش تیار کی تھی جس کے ذریعے وہ فوجی اور سول قیادت کو ہٹا نا چاہتے تھے۔

    اس حوالے سے ترجمان وزیراعظم ہاؤس کا کہنا ہے کہ جس ٹیپ کا ذکرکیا گیا اس کاوجود ہی نہیں۔ جبکہ وزیراعظم نے مشاہداللہ خان سےبیان کی وضاحت طلب کرلی ہے۔

    ترجمان وزیراعظم ہاؤس کے مطابق وزیراعظم کونہ کسی ٹیپ کاعلم ہےنہ کسی کو ٹیپ سنائی گئی۔

    دوسری جانب وڈیو ٹیپ کی خبروں پر ترجمان پاک فوج  نے اپنے رد عمل کا اظہار کرتے ہوئے کہا ہے کہ آڈیو ٹیپ سے متعلق باتیں غیرذمہ دارانہ اوربے بنیادہیں۔

    اے آر وائی سے خصوصی گفتگو کرتے ہوئے مشاہد اللہ خان نے دعویٰ کیا ہے کہ بی بی سی نے انٹرویو سیاق وسباق سے ہٹ کر شائع کیا ہے، انہوں نے کہا کہ میری باتوں کو غلط انداز میں پیش کیا گیا۔

  • عمران فاروق کیس: ملزم محسن تک رسائی کی برطانوی درخواست

    عمران فاروق کیس: ملزم محسن تک رسائی کی برطانوی درخواست

    اسلام آباد: برطانیہ نے عمران فاروق قتل کیس کے ملزم محسن تک رسائی مانگ لی،جبکہ چوہدری نثار کہتے ہیں کہ برطانوی حکومت کا خط مل گیا، رسائی دینے کافیصلہ نہیں کیا۔

    عمران فاروق قتل کیس میں گرفتار ملزم محسن علی سے تفتیش کےلئے برطانوی حکومت کی درخواست پاکستان کو مل گئی میڈیا سے گفتگو میں وزیرداخلہ کا کہنا تھا کہ برطانوی حکومت نے ملزم محسن علی سے تفتیش کے لیے رسائی دینے کی درخواست کی ہے۔

    وزیرداخلہ کا کہنا تھا کہ برطانوی حکومت نے ملزم محسن علی سے تفتیش کر نے کے لیے حکومت پاکستان کو درخواست کی ہے جو موصول ہو گئی ہے تاہم فوری طور پر حکومت نے سکاٹ لینڈ یارڈ کوملزم تک رسائی دینے کا فیصلہ نہیں کیا ہے۔

    عمران فاروق قتل کے مقدمے میں گرفتار ملزمان محسن علی اور خالد شمیم کو مقدمے کی تحققیات کے لیے ایف آئی اے کی تحویل میں ہیں۔

  • عمران فاروق کیس: حکومت نے مشترکہ تحقیقاتی کمیٹی تشکیل دے دی

    عمران فاروق کیس: حکومت نے مشترکہ تحقیقاتی کمیٹی تشکیل دے دی

    اسلام آباد : ایم کیوا یم کے مقتول رہنما ڈاکٹر عمران فاروق قتل کیس کی تحقیقات کے لئے حکومت نے مشترکہ تحقیقاتی کمیٹی تشکیل دے دی ہے۔

    تحقیقاتی کمیٹی کی سربراہی ڈائریکٹر ایف آئی اے اسلام آباد زون شون انعام غنی کریں گے۔ وزارت داخلہ کی طرف سے کمیٹی کے قیام کانوٹی فکیشن جاری کردیا گیا ۔

    کمیٹی میں آئی ایس آئی، آئی بی اور پولیس کے نمائندے شامل ہیں۔ ذرائع کے مطابق تحقیقاتی کمیٹی نے اسکاٹ لینڈ یارڈ کی ٹیم سے بھی ملاقات کی۔

    ملاقات میں عمران فاروق قتل کیس میں گرفتار تینوں ملزمان کے حوالے سے بات چیت کی گئی۔ مشتر کہ تحقیقاتی کمیٹی تینوں ملزمان کے بیان ریکارڈ کرے گی۔

  • بی بی سی کی رپورٹ نے کئی سوالوں کو جنم دیا ہے،عمران خان

    بی بی سی کی رپورٹ نے کئی سوالوں کو جنم دیا ہے،عمران خان

    اسلام آباد : پاکستان تحریک انصاف کے چیئرمین عمران خان نے کہا ہے کہ ایم کیو ایم پر بی بی سی رپورٹ سے کئی سوال پیدا ہو گئے۔ جبکہ خواجہ سعد رفیق نے کہا ہے کہ ایم کیوایم کے خلاف حتمی رائے قائم نہیں کی جاسکتی.

    تفصیلات کےمطابق پاکستان تحریک انصاف کے چیئر مین عمران خان نے اپنے ٹوئٹر پیغام میں کہا ہے کہ بی بی سی کی تہلکہ خیز رپورٹ نے کئی سوالوں کو جنم دیا ہے۔

    انہوں نے کہا کہ کیا پاکستان میں پر تشدد کارروائیوں کے پیچھے کوئی بیرونی ہاتھ ملوّث ہے؟ اگر کسی بھارتی سیاسی جماعت پر آئی ایس آئی سے مدد لینے کا الزام ہوتا تو کیا وہ ایک دن بھی کام جاری رکھ پاتی؟

    عمران خان نے کہا کہ ایم کیو ایم غداری کے مقدمے سے بچنے کے لئے بی بی سی کے خلاف قانونی کارروائی کرسکتی ہے۔

    اس کے برعکس وفاقی وزیر خواجہ سعد رفیق کا کہنا تھا کہ بی بی سی غیر ملکی ادارہ ہے اس کی خبر پر ایم کیوایم کے خلاف حتمی رائے قائم نہیں کی جاسکتی۔

    واضح رہے کہ ایم کیو ایم کے خلاف بی بی سی کی رپورٹ پر تہلکہ مچا ہوا ہے۔ بی بی سی رپورٹ کے آخر میں کہا گیا ہے کہ لندن میں جو کچھ ہو رہا ہے اس کا اثر اسلام آباد نئی دہلی اور کراچی میں ضرور ہوگا۔

  • آصف زرداری کے بیا ن کی پرزور مذمت کرتا ہوں، جنرل (ر)حمید گل

    آصف زرداری کے بیا ن کی پرزور مذمت کرتا ہوں، جنرل (ر)حمید گل

    راولپنڈی : جنرل ریٹائرڈ حمید گل نے کہا ہے کہ آصف علی زرداری کے بیا ن کی پرزور مذمت کرتے ہیں، پیپلز پارٹی کے شریک چیئرمین کاغصہ ان حالات میں ٹھیک نہیں۔

    ان خیالات کا اظہار آئی ایس آئی کے سابق سربراہ جنرل ریٹائرڈ حمید گل نے راولپنڈی میں  پریس کلب میں پریس کانفرنس سے خطاب کرتے ہوئے کیا۔۔

    انہوں نے کہا کہ نواز شریف اور زرداری نے جمہوریت کو تباہ کیا، انہوں نے کہا کہ آئین کی آڑ لے کر کرپشن کی جاتی ہے۔

    ایک سوال کے جواب میں ان کا کہنا تھا کہ میرا نام حمید گل ہے ، اور میری ذاتی حیثیت  ہے میں نے اس سے پہلے نہ کوئی بیان واپس لیا اور نہ اب لوں گا۔

    میں اس ملک میں آئین کی حکمرانی چاہتا ہوں، حمید گل کا کہنا تھا کہ دہشت گردوں کی مالی معاونت سب سے بڑی دہشت گردی ہے۔

    بھارت کے حوالے سے گفتگو کرتے ہوئے انہوں نے کہا کہ بھارت ایک عرصے سے مسلمانوں پر ظلم کررہا ہے ممبئی حملہ، کشتی واقعہ مونا باؤ جیسے سانحات  میں بھارت براہ راست ملوث رہا ہے۔

  • دہشت گردی کیخلاف آئی ایس آئی کاکردار قابل تعریف ہے، نواز شریف

    دہشت گردی کیخلاف آئی ایس آئی کاکردار قابل تعریف ہے، نواز شریف

    اسلام آباد : وزیر اعظم نواز شریف نے کہا ہےکہ پاکستان کو دہشت گردی کے حوالے سے بھارت کےبیان پر تشویش ہے،قوم کو آئی ایس آئی پر فخر ہے۔

    پاکستان کوغیرمستحکم کرنےکی کوشش ناکام بنا دیں گے۔ آئی ایس آئی ہیڈ کوارٹرز کےدورے پر وزیر اعظم کاکہناتھاکہ دہشت گردی کیخلاف آئی ایس آئی کاکردار قابل تعریف ہے ۔

    ہمیں اپنےانٹلیجنس ادارے پرفخر ہے،ملک کو خوشحال بنانےکیلئےانتہاپسندی کاخاتمہ ضروری ہے،حکومت اور مسلح افواج مل کر کردشمن کےناپاک عزائم ناکام بنائیں گے۔

    انٹیلی جنس ادارے خطرات سے نمٹنے کیلئے رابطےمزیدمربوط بنائیں۔ اس موقع پر وزیر اعظم اور آرمی چیف کو ڈائریکٹر جنرل آئی ایس آئی رضوان اختر نے ملک کو درپیش سیکورٹی امور پر تفصیلی بریفنگ دی ۔

    وزیراعظم اورآرمی چیف نے دہشتگردوں کیخلاف کارروائیوں پراطمینان کااظہار کیا۔ وزیر اعظم اور آرمی چیف کے ساتھ و فاقی وزرا بھی تھے۔

  • آئی ایس آئی، افغان انٹیلی جنس کے درمیان تعاون کا معاہدہ

    آئی ایس آئی، افغان انٹیلی جنس کے درمیان تعاون کا معاہدہ

    اسلام آباد: پاکستانی انٹیلی جنس اور افغانستان انٹیلی جنس کے درمیان طالبان کے خلاف مشترکہ کاروائی کا معاہدہ طے پاگیا۔

    پاک فوج کے ترجمان میجرجنرل عاصم سلیم باجوہ کا کہنا ہے کہ آئی ایس آئی اور افغانستان کے قومی ڈائریکٹوریٹ برائے سیکیورٹی کے درمیان طالبان کے خلاف معاونت کی مفاہمتی یاداشت پردستخط کردئیے گئے ہیں۔

    ان کا کہنا ہے کہ معاہدے کے مطابق دونوں ممالک معلومات کا تبادلہ اورمشترکہ انٹیلی جنس آپریشن بھی کئے جائیں گے۔

    ابھی یہ تفصیلات فراہم نہیں کی گئی ہیں کہ یہ مفاہمتی یادداشت کب اورکہاں طے پائی۔

    واضح رہے کہ ماضی میں افغانستان اور پاکستان کے درمیان تعلقات مثالی نوعیت کے نہیں رہے اور دونوں ممالک کی جانب سے مداخلت کے الزامات عائد کئے جاتے رہے ہیں۔

    افغانستان میں گذشتہ سال ہونے والے انتخابات کے نتیجے میں قائم ہونے والی اشرف غنی کی حکومت نے پاکستان کی جانب سے کی جانے والی مفاہمانہ کوششوں کا خیر مقدم کرتے ہوئے دونوں ممالک کے درمیان تعاون بڑھانے پر اتفاق کیا تھا۔

  • دہشت گردی کےخلاف آئی ایس آئی کا کردارقابل فخرہے، جنرل راحیل شریف

    دہشت گردی کےخلاف آئی ایس آئی کا کردارقابل فخرہے، جنرل راحیل شریف

    راولپنڈی : پاک فوج کے سربراہ جنرل راحیل شریف نے کہا ہے کہ دہشت گردی کےخاتمے کیلئےآئی ایس آئی کاکردارقابل فخرہے،پاکستانی خفیہ ادارےباہمی تعاون کو اور موثر بنائیں۔

    ان خیالات کا اظہار پاک فوج کے سربراہ جنرل راحیل شریف نے آئی ایس آئی کے ہیڈ کوارٹر کے دورے کے موقع پرکیا۔

    آئی ایس پی آر کے مطابق دورے کے موقع پر ڈی جی آئی ایس آئی نے آرمی چیف کو داخلی وخارجی سیکیورٹی کی صورتحال پربریفنگ دی ،ڈی جی آئی ایس آئی نے آرمی چیف کو دہشت گردی کے خلاف جاری آپریشن کے بارے میں بھی تفصیلات سے آگاہ کیا ۔

    جنرل راحیل شریف کا اس موقع پر کہنا تھا کہ مادروطن کےدفاع کیلئےافواج پاکستان نےگراں قدرقربانیإں دی ہیں، دہشت گردی کےخاتمے کیلئےآئی ایس آئی کاکردارقابل فخرہے۔

    انہوں نے پاکستانی خفیہ اداروں کے درمیاں باہمی تعاون کو اور موثر بنانے کی بھی ہدایت کی۔

  • آئی ایس آئی نے بھارتی فوج کا منصوبہ خاک میں ملادیا، برطانوی اخبار

    آئی ایس آئی نے بھارتی فوج کا منصوبہ خاک میں ملادیا، برطانوی اخبار

    لندن: برطانوی اخبار نے انکشاف کیا ہے کہ آئی ایس آئی نے سرحدوں پر بھارتی فوج کی تعیناتی کا منصوبہ حاصل کرکے بھارتی عزائم کو خاک میں ملا دیا۔

    برطانوی اخبار کے مطابق بھارت نے گذشتہ سال فروری میں سرحد پر فوج کی تعیناتی کا منصوبہ بنایا تھا، آئی ایس آئی نے منصوبہ حاصل کرکے بھارتی سازش کوناکام بنا دیا، بھارتی منصوبے کے بعد پاکستان نے سرحدوں پرفوج تعینات کردی۔

    بھارتی آرمی چیف نے منصوبے کے افشاء ہونے پر فوجیوں کی دوبارہ تعیناتی کی منصوبہ بندی کی ہدایت کی لیکن چند گھنٹوں کے اندر یہ منصوبہ بھی آئی ایس آئی کے پاس تھا، جس نے بھارتی فوج میں کھلبلی مچا دی۔

    بھارتی میڈیا نے اعلی حکام کے حوالے سے یہ بھی انکشاف کیا ہے کہ آئی ایس آئی کو اس وقت کے آرمی چیف بکرم سنگھ اور وزیرِ دفاع اے کے انتھونی کے درمیان ہونے والی گفتگو کا بھی علم تھا۔

    بھارتی فوج نے پاکستان کی خفیہ ایجنسی آئی ایس آئی کو آپریشنل تفصیلات لیک کرنے والے سینئر بھارتی فوجی افسر کی نشان دہی کی جس کا کورٹ مارشل کردیا گیا۔ اس منصوبے کے افشاء ہونے کے بعد پورے سائوتھ بلاک کی سیکورٹی بڑھا دی گئی اور سی سی ٹی وی کیمرے نصب کردیے گئے۔

  • پاکستان شاید ’اسامہ بن لادن‘ کی موجودگی سے آگاہ تھا، سابق سربراہ آئی ایس آئی

    پاکستان شاید ’اسامہ بن لادن‘ کی موجودگی سے آگاہ تھا، سابق سربراہ آئی ایس آئی

    اسلام آباد: پاکستان کی خفیہ ایجنسی کے سابق سربراہ کا کہنا ہے کہ ممکن ہے کہ خفیہ ادارے ملک میں اسامہ بن لادن کی موجودگی سے باخبرہوں۔

    عرب سے تعلق رکھنے والے ٹی وی کو دیے گئے انٹرویو میں سابق سربرا ہ آئی ایس آئی کا کہنا تھا کہ ممکن ہے کہ خفییہ ادارے اسامہ کو کسی بارگیننگ میں استعمال کرتے لیکن وہ پہلے ہی امریکی آپریشن میں مارا گیا۔ لیفٹیننٹ جنرل اسد درانی 1990سے 1992 تک آئی ایس آئی کے سربراہ رہے ہیں۔

    القاعدہ کے سربراہ اسامہ بن لادن کو دس سال کی طویل تلاش مہم کے بعد مئی 2011 میں امریکی فوجوں نےایبٹ آباد میں ایک آپریشن کے دوران مارگرایا تھا۔ ایبٹ آباد سے ملحقہ علاقے ہری پورکے قریب ہی پاکستان ملٹری اکادمی واقع ہے۔

    انٹرویو کے دوران جب ان سے سوال کیا گیا کہ آیا یہ ممکن ہے کہ آئی ایس آئی اسامہ کی پاکستان میں موجودگی سے بے خبر رہی ہو تو انہوں نے جواب دیا کہ، ’’میرا اندازہ کے مطابق یہ بھی ممکن ہے کہ وہ بے خبر رہے ہوں لیکن اس امر کےزیادہ امکانات ہیں کہ وہ جانتے تھے۔‘‘

    ’’ اور اسکی یقیناً وجہ یہی رہی ہوگی کہ صحیح وقت پراسامہ کی موجودگی آشکار کی جائے اور صحیح وقت یقیناً وہ ہوتا جب اسامہ کے بدلے میں بہتربارگیننگ ملتی، ظاہرہے اسامہ جیسا شخص یوں ہی تو امریکہ کے حوالے نہیں کیا جاسکتا تھا۔‘‘

    درانی نے اس امرپر زور دیا کہ انہیں اس معاملے میں زیادہ معلومات نہیں ہیں لیکن ان کا اندازہ ہے کہ 2014 میں امریکی افواج کے افغانستان سے انخلاء کے وقت اسامہ کی حوالگی عمل میں لائی جاتی۔

    ’’ان کے مطابق اسامہ کے بدلے میں پاکستان کی جانب سے افغانستان کے مسئلے کا حل طلب کیا جاتا۔‘‘

    اسامہ بن لادن کو امریکی افواج نے 2 مئی 2012 کی رات ایک ڈرامائی ہیلی کاپٹر حملے میں ہلاک کیا تھا۔

    اے ایف پی