راولپنڈی: آرمی چیف جنرل راحیل شریف نے آئی ایس آئی ہیڈکوارٹر کا دورہ کیا ہے، لیفٹیننٹ جنرل رضوان اختر نے آرمی چیف جنرل راحیل شریف کا استقبال کیا۔
آئی ایس پی آر سے جاری بیان کے مطابق ڈی جی آئی ایس آئی نے آرمی چیف کو ملک کی موجودہ سکیورٹی صورتحال پر بریفنگ بھی دی۔ آرمی چیف نے ملکی سلامتی میں آئی ایس آئی کے کردار کو سراہا اور خفیہ ادارے کے اہلکاروں اور افسران کی قربانیوں کو سلام پیش کیا۔
انہوں نے لیفٹیننٹ جنرل رضوان اختر کو ڈی جی آئی یس آئی تعینات کئے جانے پر مبارکباد بھی پیش کی۔
آئی ایس آئی کےنئے سربراہ لیفٹنٹ جنرل رضوان اختر نےاپنے عہدے کی ذمہ داریاں سنبھال لی ہیں۔
آئی ایس آئی کےسابق سربراہ لیفٹنٹ جنرل ظہیر الاسلام اپنی مدت ملازمت مکمل کرکے ریٹائرڈ ہوگئے، ان کی جگہ لیفٹنٹ جنرل رضوان اختر نے نئے آئی ایس آئی کے سربراہ کے طور پر اپنی ذمہ داریاں سنبھال لی ہیں ۔
حکام کے مطابق لیفٹنٹ جنرل رضوان اختر کو بطور ڈی جی آئی ایس آئی پہلے روز پالیسی بریفنگ دی جائے گی، ان کا ادارے کے مختلف شعبوں کے سربراہان سے تعارف کرایا جائے گا اور مختلف محاذوں پر جاری آپریشنز کے بارے میں بھی بریفنگز دی جائیں گی۔