لاہور: پولیس نے داعش سے تعلق رکھنے والے 2 ملزمان کو شہر میں وال چاکنگ اور اسٹکرز لگانے کے الزام میں گرفتار کر لیا ہے۔
سی سی پی او لاہور کی ہدایت پر خصوصی ٹیم نے نواب ٹاؤن کے علاقے میں 2 ملزمان کو داعش کے اسٹکرز لگانے اور وال چاکنگ کرنے کے الزام میں گرفتار کر کے مقدمہ درج کر لیا ہے، پکڑے جانے والے دونوں ملزمان کو تفتیش کیلئے نامعلوم مقام پر منتقل کر دیا گیا ہے جبکہ دیگر ساتھیوں کی گرفتاری کیلئے چھاپے مارے جا رہے ہیں۔
کراچی:شہر قائد کے مختلف علاقوں میں داعش کے بعد القاعدہ برصغیر نے بھی وال چاکنگ کردی۔
کراچی میں ایک اور دہشت گرد گروپ القاعدہ بر صغیرکے نام سے سامنےآگیا،داعش کے بعد کراچی کےمختلف علاقوں میں القاعدہ برصغیر نےبھی وال چاکنگ شروع کردی۔اس سلسلےکی وال چاکنگ گلشن اقبال اور عزیز آبادسمیت دیگرعلاقوں میں کی گئی ہے۔کراچی میں کالعدم تنظیموں کی جانب سےسیکورٹی کےباوجود وال چاکنگ کا سلسلہ جاری ہے۔ جس سےشہریوں میں خوف پایاجاتاہے۔
اس سے قبل بھی کراچی، راولپنڈی، اسلام آبادسمیت ملک کےبڑے شہروں میں داعش نامی تنظیم کی تشہیری مہم شروع کی گئی تھی ۔ جس کے بعد وزارت داخلہ نےاسلام آباداورچاروں صوبوں میں پولیس اور قانون نافذ کرنے والے دیگر اداروں کو داعش نامی تنظیم کی اس مہم کے خلاف بھرپور کریک ڈاؤن کر کے بینرز اور پوسٹرز کو فوری طور پر اتارنے کا حکم دیا تھا۔حکومت کو ارسال کی گئی خفیہ اطلاعات میں کہاگیاہےکہ داعش کےکارکنان کی پاکستان میں موجودگی کےفی الحال شواہدنہیں ملے تاہم کچھ لوگ اپنے طور پر داعش نامی تنظیم کی اشتہار بازی کر رہے ہیں۔
اسلام آباد: داعش کی جانب سے پاکستان میں کاروائیوں کیلئے منصوبہ بندی کر لی گئی ہے۔داعش اس حوالے سے پاکستان میں پہلے سے موجود شدت پسند اور مذہبی تنظیموں سے رابطہ کر رہی ہے۔
اے آروائی نیوز نے بلوچستان حکومت کا نیکٹا سمیت حساس اداروں کو لکھے جانے والے خفیہ مراسلہ حاصل کرلیا، جس میں کالعدم تنظیم داعش کی مختلف شہروں میں دہشتگردی کی منصوبہ بندی اور مذہبی تنظیموں سے رابطے کا انکشاف کیا گیا ہے۔
جنگجو تنظیم داعش نے عراق اور شام کے بعد اب پاکستان کا رخ کرلیا ہے۔ وفاقی حکومت نے اس بات سے انکار کر دیا ہے۔ لیکن بلوچستان حکومت نے داعش کی موجودگی اور ان کے رابطوں کا نہ صرف اعتراف کرلیا ہے بلکہ اس بارے میں نیکٹا اور حساس اداروں کو مراسلہ بھی لکھ دیا ہے۔ جس کی کاپی اے آر وائی نیوز نے حاصل کرلی ہے۔
مراسلے میں کہا گیا ہے کہ داعش نے پاکستان میں اپنا نیٹ ورک مظبوط کرنے کیلئے مذہبی تنظیموں سے رابطے کیلئے دس رکنی خصوصی ونگ تشکیل دے دیا ہے۔ جو لشکر جھنگوی کے ساتھ مل کر آپریشن ضرب عضب میں حصہ لینے والی پاک آرمی کو نشانہ بنا سکتا ہے۔
مراسلے کے مطابق داعش نے ہنگو اور کرم ایجنسی میں اپنے دس سے بارہ ہزار حامیوں کی موجودگی کا بھی انکشاف کیا ہے۔ داعش کا پہلا ہدف خیبر پختونخوا میں سرکاری تنصیبات ہونگی۔ خفیہ مراسلہ رواں برس اکتیس اکتوبر کو لکھا گیا تھا۔ جس میں آئی جی پولیس ،ڈویژنل کمشنر ،ڈپٹی کمشنرز اور ریجنل پولیس آفیسرز کو محتاط رہنے کی ہدایت بھی کی گئیں ہیں۔
اسی حوالے سے حکومت بلوچستان کی جانب سے ٹاپ سیکریٹ مراسلہ وزیر اعلی بلوچستان ،اور نیشنل اینٹی کاؤنٹر ٹیررزم اتھارٹی اسلام آباد کو ارسال کر دیا گیا ہے جس میں داعش کی پاکستان میں ممکنہ کاروائیوں سے متعلق خوفناک انکشافات کئے گئے ہیں۔
خفیہ مراسلہ میں کہا گیا ہے کہ داعش آپریشن ضرب عضب میں حصہ لینے والی پاک آرمی کو نشانہ بنا نے کی تیاریوں میں ہے جس کے لئے لشکر جھنگوی کے ساتھ مل کر دس رکنی خصوی ونگ بنایا گیا ہے جو حملوں کی منصوبہ بندی کرے گا۔
اس کے ساتھ ساتھ ھکومت بلوچستان نے خبر دار کیا ہے کہ داعش خیبر پختون خواہ میں سرکاری تنصیبات کو بھی نشانہ بنا سکتی ہے۔خفیہ مراسلہ اکتیس اکتوبر دو ہزار چودہ کو جاری کیا گیا جس کی نقول آئی جی پولیس ،ڈویژنل کمشنر ،ڈپٹی کمشنرز اور ریجنل پولیس آفیسرز کو محتات رہنے کی ہدایت کے ساتھ ارسال کر دی گئی ہے۔۔
بغداد: عراق میں داعش کے اجلاس کے دوران امریکی فضائی حملے میں تنظیم کےکئی رہنمازخمی ہو گئے ہیں اورامکان ظاہر کیا جارہاہے اس اجلاس میں داعش کا امیرابوبکرالبغدادی بھی موجود تھا۔
عراق میں داعش کی زیر تسلط علاقے میں امریکی فضائیہ نے کالعدم تنظیم کے قائدین کو اس وقت نشانہ بنایا جب وہ اہم اجلاس مصروف میں تھے۔
اس اجلاس میں داعش کے سربراہ ابوبکر البغدادی کی موجودگی سے متعلق متضاد اطلاعات سامنے آ ئی ہیں غیرملکی خبررساں ایجنسی کے مطابق داعش کے ٹھکانوں پر امریکی فضائیہ کی بمباری سے اعلیٰ قیادت سے سمیت کئی مشیران مارے گئے ہیں تاہم اس ضمن میں داعش یا امریکی فضائیہ کی طرف سے تاحال کوئی تصدیق یا تردید نہیں کی گئی۔ عراق میں داعش کے مقبوضہ علاقے میں یہ پہلی امریکی کاروائی ہے۔
ذرائع کے مطابق عراق نے اس معاملے کی تحقیقات شروع کردی ہیں کہ آیا داعش کا سربراہ البغدادی امریکی افواج کی جانب سے کئے گئے اس حملے میں ہلاک یا زخمی ہوا ہے یا نہیں۔
بلجئیم:معروف چاکلیٹ ساز کمپنی آئی ایس آئی ایس نے داعش سے لاتعلقی ظاہر کرنے کیلئے اپنی کمپنی کا نام ہی تبدیل کرڈالا۔
داعش کے جنگجوؤں کا خوف یورپ تک پہنچ گیا، بلجئیم کے شہر کومائنس میں انیس سو تیئس سے قائم معروف چاکلیٹ ساز کمپنی آئی ایس آئی ایس نے عراق وشام کے جنگجوؤں سے لاتعلقی ظاہر کرنے کے لیے اپنی کمپنی کا نام آئی ایس آئی ایس سے تبدیل کرکے لائیبرٹ رکھ دیا۔
کمپنی مالکان کا کہنا ہے کہ پرانا نام ان کے کاروبار کو متاثر کررہا تھا، جس کی بناء انہیں کمپنی کا نام تبدیل کرنا پڑا۔
کمپنی سالانہ پانچ ہزار ٹن سے زائد چاکلیٹ تیار کرتی ہے، جس کی مجموعی فروخت چوالیس اعشاریہ سترہ ملین ڈالر ہے۔
ملتان: داعش نے پاکستان میں بھی قدم جمانا شروع کردیئے،ملتان کی اہم شاہراہ پر نامعلوم افراد نے داعش کی وال چاکنگ کر دی۔
ملتان کی اہم اور مصروف شاہراہ پرداعش کے نعرے لکھ دیے گئے،ملتان میں داعش کے حق میں وال چاکنگ خطرے کی گھنٹی سے کم نہیں، پاکستانی کے قبائلی علاقوں اور بلوچستان کے سرحدی علاقوں میں داعش کا نام پہلے ہی سنا جارہا ہے، سوشل میڈیا پر گردش کرنے والی نئی اطلاعات کے مطابق تحریک طالبان پاکستان سے وابستہ گروپ اب داعش میں شامل ہورہے ہیں۔
کالعدم تحریک طالبان پاکستان کے سابق ترجمان شاہد اللہ شاہد سمیت ہنگو، اورکزئی، کرم اور خیبر ایجنسی کے رہنما بھی داعش میں بھی شامل ہوئے ہیں،اس کے ساتھ ہی بلوچستان کےسرحدی علاقوں میں داعش کی سرگرمیوں کی اطلاعات منظر عام پر آئی ہیں۔ حال ہی میں بلوچستان میں ذکریوں کی عبادت گاہوں پر حملے ہوئے ۔کہا جارہا تھا کہ ان حملوں میں بھی داعش ملوث ہے۔
داعش کے لیئے کہا جاتا ہے کہ اس کے مالی وسائل بے پناہ ہیں۔ اس کے ساتھ ہی ان کے پاس جدید ترین اسلحہ موجود ہے، داعش کے پاکستان میں متحرک ہونے سے دہشتگردی کے خلاف جنگ نیا رخ اختیار کرے گی۔
لندن: برطانیہ میں شدت پسند تنظیم داعش سے متعلق ایک سروے کیا گیا، سروے کے مطابق ہرساتواں نوجوان عراق اور شام میں جنگجو گروپ دولتِ اسلامی (داعش) کا پْرجوش حامی ہے۔
لندن سے شائع ہونے والے اخبار دا ٹائم نے سروے کے نتائج کے حوالے سے ایک رپورٹ شائع کی ہے، جس میں بتایا گیا ہے کہ داعش کے حامیوں میں اضافہ سیاست مخالف جذبات کی وجہ سے ہے، برطانیہ میں 25 سال سے کم عمر نوجوانوں کی اکثریت اس جنگجو گروپ کی حامی ہے۔
ماہرین کے مطابق داعش کے جنگجو میدان جنگ میں خوب داد شجاعت دے رہے ہیں اور نوجوان اس صفت کی وجہ سے اس جنگجو گروپ کے گرویدہ ہورہے ہیں۔
رپورٹ کے مطابق سروے میں مختلف قومیتوں سے تعلق رکھنے والے دوہزار بالغ نوجوانوں سے سوال پوچھے گئے تھے، اس سلسلے میں انتہا پسند گروپوں سے متعلق ایک سے دس درجے تک اسکیل بنائی گئی تھی اور یہ اب تک داعش کے برطانیہ میں اثرات کے حوالے سے پہلا مکمل سروے ہے۔
ماہرین نے کہا ہے کہ اس سروے سے بہت سے غیر مسلموں کے برطانوی حکومت سے متعلق جذبات کی بھی عکاسی ہوتی ہے اور انھوں نے اس حکومت کو مسترد کر دیا ہے۔
کنگز کالج لندن میں مذہب کی سماجیات کے سینئیر لیکچرار مارات شترین نے کہا کہ برطانوی نوجوانوں کی جانب سے داعش کی واضح حمایت کی تین وجوہ ہو سکتی ہیں خارجہ امور سے متعلق لاعلمی، مرکزی دھارے کے میڈیا پر عدم اعتماد اور اسٹیبلشمنٹ کے خلاف باغیانہ احساسات شامل ہیں، مانچسٹر یونیورسٹی میں برطانوی مذہب کے ڈائریکٹر کلائیو فیلڈ نے کہا کہ اس پول سے یہ بھی پتا چلتا ہے کہ ہرہفتے کیوں پانچ برطانوی شہری جہاد کے لیے جا رہے ہیں ہمارے پانچ سو لوگ پہلے ہی شام وعراق میں موجود ہیں۔
کراچی : شہر قائد کے مختلف علاقوں میں داعش کی چاکنگ نے ثابت کردیا ہے کہ ان علاقوں میں پولیس سمیت قانون نافذ کرنے والے اداروں کی رٹ نہیں۔
کراچی کے حساس علاقوں سہراب گوٹھ، منگھو پیراورگلشن معمارمیں مختلف مقامات پر نامعلوم افراد کی جانب سے داعش کی وال چاکنگ کی گئی ہے، ضلع ملیر کے تھانے سہراب گوٹھ احسن آباد کی ایک چوکی پر بھی داعش کی چاکنگ دیکھی گئی، سپرہائی وے پر جگہ جگہ دیواروں پر داعش کی تشہیر کی گئی ہے، اسی طرح منگھو پیر اور گلشن معمار میں بھی مختلف عوامی مقامات پر جنگجو تنظیم کے نام کے مخف ( آئی ایس آئی ایس) کی وال چاکنگ کی گئی جس کے باعث شہریوں میں بے چینی پائی جاتی ہے۔ داعش رہنماوٴں نے اعلان کیا تھا کہ وہ اپنا نیٹ ورک ایشیائی ممالک تک بڑھائیں گے۔
کراچی : شہر کے وہ علاقے جو طالبان کے ٹھکانے سمجھے جاتے ہیں وہاں داعش کی وال چاکنگ نے ثابت کردیا ہے کہ ان علاقوں میں پولیس سمیت قانون نافذ کرنے والے اداروں کی رٹ نہیں ہے۔
کراچی کے حساس علاقوں سہراب گوٹھ، منگھو پیراورگلشن معمارمیں مختلف مقامات پر نامعلوم افراد کی جانب سے داعش کی وال چاکنگ کی گئی ہے۔ ضلع ملیر کے تھانہ سہراب گوٹھ احسن آباد کی ایک چوکی پر بھی داعش کی وال چاکنگ دیکھی گئی جبکہ سپرہائی وے پر جگہ جگہ دیواروں پر داعش کی تشہیر کی گئی ہے۔
اسی طرح منگھو پیر اور گلشن معمار میں بھی مختلف عوامی مقامات پر جنگجو تنظیم کے نام کے مخف ( آئی ایس آئی ایس) کی وال چاکنگ کی گئی جس کے باعث شہریوں میں بے چینی پائی جاتی ہے۔
دوسری جانب کاوٴنٹرٹیررازم اتھارٹی نے سندھ حکومت کو حال ہی میں ایک خط لکھا تھا جس میں متنبہ کیا گیا تھا کہ ملک میں 200 سے زائد چھوٹی بڑی مذہبی جماعتوں نے ایک دوسرے کے ساتھ رابطے بڑھا دیئے ہیں۔
خدشہ ہے کہ بعض کالعدم تنظیموں کے عسکری ونگز مل کر تخریبی کارروائیوں کی کوشش کریں گی۔واضح رہے کہ جنگجو تنظیم داعش کی جانب سے عراق اور شام میں حکومت مخالف تخریبی کارروائیاں کی جارہی ہیں جبکہ داعش رہنماوٴں نے اعلان کیا تھا کہ وہ اپنا نیٹ ورک ایشیائی ممالک تک بڑھائیں گے۔