Tag: ISLAM ABAD

  • پی ٹی آئی سندھ کے منتخب ارکان کا اجلاس آج طلب، اہم فیصلے ہوں گے

    پی ٹی آئی سندھ کے منتخب ارکان کا اجلاس آج طلب، اہم فیصلے ہوں گے

    اسلام آباد: پاکستان تحریک انصاف سندھ کے منتخب ارکان کا اجلاس آج اسلام آباد میں طلب کر لیا گیا، اجلاس میں اہم فیصلے کیے جائیں گے۔

    تفصیلات کے مطابق پی ٹی آئی سندھ کے منتخب ارکان کا اجلاس آج سہ پہر سلام آباد میں ہوگا، چیئرمین تحریک انصاف عمران خان اجلاس کی صدارت کریں گے۔

    اجلاس کے دوران پارٹی کے اہم عہدوں اور ذمہ داریوں کا حتمی فیصلہ کیا جائے گا، اجلاس میں سندھ اسمبلی کے لیے لیڈر آف دی اپوزیشن بھی نامزد کیا جائے گا۔

    کراچی کے مسائل پر مشاورت اور اسمبلی میں کردار سے متعلق موضوع بھی مذکورہ اجلاس میں زیر بحث آئے گا، جبکہ اہم عہدوں کی ذمہ داریاں بھی رہنماؤں کو سونپی جائیں گی۔


    مذاکرات کام یاب: بلوچستان نیشنل پارٹی وزارتِ عظمیٰ کے لیے عمران خان کی حمایت کرے گی


    تحریک انصاف کے نومنتخب رکن اسمبلی جمال صدیقی ودیگر اسلام آباد پہنچ گئے، جبکہ فردوس شمیم نقوی اور دیگر ارکان اسمبلی کل صبح اسلام آباد روانہ ہوں گے۔

    فردوس شمیم نقوی یا خرم شیرزمان اپوزیشن لیڈرہوں گے یا نہیں فیصلہ کل ہوگا، تاہم رہنماؤں کی جانب سے یہی خیال ظاہر کیا جارہا ہے کہ عمران خان جو بھی فیصلہ کریں گے قبول ہوگا۔

    دوسری جانب کوئٹہ میں آج ہونے والے پی ٹی آئی اور بلوچستان نیشنل پارٹی کے مذاکرات کام یاب ہوگئے، تحریکِ انصاف کی جانب سے جہانگیر ترین اور شاہ محمود قریشی نے بی این پی سربراہ اختر مینگل کے ساتھ 6 نکاتی معاہدے پر اتفاق کر لیا۔

  • وزیر اعظم کل او آئی سی اجلاس میں  شرکت کے لیے استنبول جائیں گے

    وزیر اعظم کل او آئی سی اجلاس میں شرکت کے لیے استنبول جائیں گے

    اسلام آباد: دفتر خارجہ کے ترجمان نے کہا ہے کہ وزیر اعظم کل فلسطین پر ترک صدر کی جانب سے بلائے گئے او آئی سی کے غیر معمولی اجلاس میں شرکت کے لیے استنبول جائیں گے۔

    تفصیلات کے مطابق ترجمان دفتر خارجہ ڈاکٹر فیصل نے ہفتہ وار بریفنگ میں کہا کہ پاکستان اسرائیل کی فلسطینیوں پر مظالم اور قتل عام کی مذمت کرتا ہے، پاکستان کو امریکی سفارت خانہ یروشلم منتقل کرنے پر تحفظات ہیں۔

    ان کا کہنا تھا کہ فلسطین کے معاملے پر دو ریاستی حل نکالا جائے اور اس سلسلے میں اقوام متحدہ کی قراردادوں کو مدنظر رکھا جائے۔

    ترجمان دفتر خارجہ نے بھارت کے حوالے سے پالیسی بیان میں کہا کہ بھارت مقبوضہ کشمیر میں ریاستی دہشت گردی کا مرتکب ہورہا ہے، دوسری طرف لائن آف کنٹرول پر مسلسل خلاف ورزیوں پر بھارتی ڈپٹی ہائی کمشنر کو دفتر خارجہ طلب کرلیا گیا ہے، خیال رہے کہ بھارت نے 15 مئی کو تتہ پانی سیکٹرپرگولہ باری کی جس میں ایک پاکستانی شہری شہید ہوا۔

    ترجمان کا کہنا تھا کہ پاکستان نے بھارتی ڈپٹی ہائی کمشنر سے نہتے شہریوں پر گولہ باری پر احتجاج کیا ہے، رواں سال اب تک بھارتی فوج نے تقریباً ایک ہزار بار ایل او سی کی خلاف ورزی کی، جس میں 24 شہری شہید اور 107 زخمی ہوچکے ہیں۔

    یہ پڑھیں :  فلسطین کی سنگین صورت حال سے متعلق او آئی سی کا ہنگامی اجلاس طلب

    پاکستان نے عالمی برادری سے بھارتی مظالم کا نوٹس لینے کی اپیل کی ہے، بریفنگ میں کہا گیا کہ بھارت نے حریت قیادت کو بھی غیر قانونی طور پر حراست میں لے رکھا ہے۔

    یہ بھی پڑھیں:  اسرائیل نے 70 برس سے فلسطینیوں کی زمین پرقبضہ جما رکھا ہے، ترک صدر

    ترجمان دفتر خارجہ کی بریفنگ کے مطابق پاکستان نے سعودی عرب پر حوثی باغیوں کے میزائل حملوں کی بھی مذمت کی ہے، ترجمان کا کہنا تھا کہ پاکستان ایران اور پی فائیو معاہدے کی حمایت کرتا رہا ہے تاہم ایران پر یک طرفہ پابندیوں کی مخالفت کرتے ہیں۔

    یہ بھی ملاحظہ کریں:  بھارتی آرمی چیف کے مکروہ عزائم، کشمیریوں کا قتل عام جاری رکھنے کا اعلان

    ترجمان نے بتایا کہ وزیر اعظم شاہد خاقان عباسی نے ڈاکٹر مہاتیر بن محمد کو ملائشیا کا وزیر اعظم بننے پر مبارک باد دی ہے۔ کرنل جوزف کے حوالے سے ترجمان نے بتایا کہ وہ سفارتی استثنیٰ کے تحت واپس چلے گئے، مجھے اس سلسلے میں دیت کے معاملے کا علم نہیں ہے۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • شہباز شریف نے صوبے کے صحت اور تعلیم کے بجٹ کو اورنج ٹرین منصوبے میں جھونک دیا، نفیسہ شاہ

    شہباز شریف نے صوبے کے صحت اور تعلیم کے بجٹ کو اورنج ٹرین منصوبے میں جھونک دیا، نفیسہ شاہ

    اسلام آباد: پاکستان پیپلز پارٹی کی طرف سے شہباز شریف کے بیانات پر رد عمل سامنے آگیا، نفیسہ شاہ نے کہا کہ شہباز شریف نے صوبے کے صحت اور تعلیم کے بجٹ کو اورنج ٹرین منصوبے میں جھونک دیا۔

    نفیسہ شاہ نے کہا کہ اورنج ٹرین کرپشن کا میگا اسکینڈل ہے جو تحقیقات میں ثابت ہوجائے گا، شہباز شریف بتائیں کہ پنجاب کے ہر میگا پروجیکٹ کا ریکارڈ کیسے جل جاتا ہے؟

    پیپلز پارٹی کی سینئر رہنما نفیسہ شاہ نے اپنے بیان میں کہا کہ شہباز شریف پہلے بھی اپنی زبان درازی کی وجہ سے آصف زرداری سے معافیاں مانگ چکے ہیں۔

    ان کا کہنا تھا کہ جمہوریت اور ن لیگی حکومت آصف زرداری کے جمہوری اقدامات کی بدولت ہے، اس وقت پورے ملک میں لوڈ شیڈنگ ہے اب عوام شو باز کو کہتی ہے اپنا نام بدلیں۔

    لاہور: اورنج لائن ٹرین کے آزمائشی سفر کا آغاز


    واضح رہے کہ آج وزیراعلیٰ پنجاب شہباز شریف نے اورنج لائن ٹرین کے آزمائشی سفر کا آغاز کردیا ہے، یہ منصوبہ 27 کلومیٹر طویل ٹریک پر محیط ہے، تیز رفتار ٹرین 45 منٹ میں ایک سرے سے دوسرے تک کا سفر طے کرے گی۔

    انھوں نے ایک تقریب سے خطاب کرتے ہوئے کہا کہ بنی گالا اور بلاول ہاؤس ہم پیالہ ہم نوالہ ہیں، دونوں ایک ہوگئے ہیں، زرداری اور نیازی نے سندھ اور خیبر پختونخوا کو تباہ کردیا ہے۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • موسمیاتی تبدیلی سے نمٹنے کے لیے پاکستان میں عالمی کانفرنس

    موسمیاتی تبدیلی سے نمٹنے کے لیے پاکستان میں عالمی کانفرنس

    اسلام آباد: دنیا بھر میں موسم کی تبدیلی اور اس سے جنم لیتے مسائل سے نمٹنے کے لیے دو روزہ بین الاقوامی کانفرنس دار الحکومت میں منعقد کی جارہی ہے۔

    تفصیلات کے مطابق موسمیاتی تبدیلی کے باعث جہاں دیگر ملکوں کو پریشانی کا سامنا ہے وہیں پاکستان بھی تیزی سے متاثر ہورہا ہے جس سے سیلاب کے خطرات میں دگنا اضافہ ہوگیا ہے۔

    پاکستانی ایگریکلچر ریسرچ کونسل کے چیئرمین ڈاکٹر یوسف ظفر نے کہا ہے کہ موسمیاتی تبدیلی سے متعلق دو روزہ عالمی کانفرنس کل سے اسلام آباد میں شروع ہوگی جس میں نیپال، ہالینڈ اور بنگلہ دیش کے وفود شریک ہوں گے۔

    پاکستان میں بڑی ماحولیاتی تبدیلیاں متوقع ہیں جن کے سدباب کی اشد ضرورت ہے: ماہرین

    انہوں نے کہا کہ پاکستان موسم کی تبدیلی کے باعث  تیزی سے متاثر ہو رہا ہے، اس سے نمٹنے کے لیے نتیجہ خیز فیصلے کرنا ہوں گے، موسم کی خراب صورت حال کی وجہ سے  سیلاب کے خطرات میں دگنا اضافہ ہوگیا ہے۔

    چیئرمین پی اے آر سی ڈاکٹر یوسف ظفر کا مزید کہنا تھا کہ موسم تیزی سے بدل رہا ہے جس کے لیے ضروری ہے کہ سنجیدگی سے فیصلے کیے جائیں، موسمیاتی تبدیلی کی ایک اہم وجہ پہاڑوں پر درختوں کی کٹائی ہے جس سے بیشر بیماریاں بھی جنم لیتی ہیں۔

    ماحولیاتی تبدیلی سے پاکستان کی معیشت پر منفی اثرات مرتب ہورہے ہیں، ماہرین

    دوسری جانب ماہرین کی رائے ہے کہ موسم کی تبدیلی کے ساتھ ساتھ فضائی اور ماحولیاتی آلودگی کے خاتمے کے لیے اقدامات وقت کی اہم ضرورت ہے، کیوں کہ موسمی بیماریاں تو کچھ دن کے بعد ختم ہو جاتی ہیں لیکن الودگی کی وجہ سے پھیلنے والی بیماریاں جہاں زور پکڑتی ہیں وہیں ان کی شدت میں اضافہ سنگین بیماریوں کا سبب بنتا ہے۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • حکومت واجد ضیاء کی طلبی کا نوٹس واپس لینے پر مجبور

    حکومت واجد ضیاء کی طلبی کا نوٹس واپس لینے پر مجبور

    اسلام آباد: اے آر وائی کی خبر اثر کر گئی، حکومت پاناما کی جے آئی ٹی کے سربراہ واجد ضیاء کی قائمہ کمیٹی کے سامنے طلبی کا نوٹس واپس لینے پر مجبور ہوگئی۔

    تفصیلات کے مطابق اے آر وائی نیوز کی جانب سے قومی ادارے کے تقدس میں چلائے گئی خبر رنگ لے آئی، قومی اسمبلی سیکریٹریٹ میں استحقاق کمیٹی کا نظر ثانی شدہ شیڈول جاری کردیا گیا، جس کے مطابق واجد ضیا کا کمیٹی میں طلبی کا نوٹس واپس لے لیا گیا ہے۔

    یاد رہے کہ سابق نااہل وزیراعظم کے داماد کیپٹن ریٹائرڈ صفدر نے جے آئی ٹی کی جانب سے لگائے گئے الزامات پر استحقاق کمیٹی میں درخواست دائر کی تھی، جس پر جے آئی ٹی کے سربراہ واجد ضیاء کو قومی اسمبلی کے اجلاس میں طلب کیا تھا۔

    پاناما جے آئی ٹی کے سربراہ واجد ضیا کو لیگی رہنماؤں کی دھمکیاں

    درخواست گزار کیپٹن ریٹائرڈ صفدر نے یہ موقف اختیار کیا تھا کہ جے آئی ٹی کی جانب سے بے بنیاد الزامات لگائے گئے جس سے میرا استحقاق مجروح ہوا، مذکورہ الزامات کے جواب کے لیے پاناما جے آئی ٹی کے سربراہ واجد ضیاء کو طلب کیا جائے۔

    استحقاق کمیٹی نے جے آئی ٹی کی جانب سے کیپٹن ریٹائرڈ صفدر کو پندرہ سو ریال جیب خرچ ملنے کے الزام پر واجد ضیاء کو ایجنڈا تیار کرنے کے بعد کمیٹی اجلاس میں طلب کیا تھا۔ البتہ اب یہ فیصلہ واپس لے لیا گیا ہے۔

    جے آئی ٹی سربراہ واجدضیا کے خلاف سپریم کورٹ میں درخواست دائر

    واضح رہے گذشتہ دنوں لیگی رہنماؤں نے عدلیہ اور نیب کے بعد پاناما جے آئی ٹی کے سربراہ واجد ضیاء کو شدید تنقید کا نشانہ بنایا تھا۔

    جس کے ردِ عمل میں پی ٹی آئی رہنما عثمان ڈارکا کہنا تھا کہ نون لیگی رہنماؤں کی واجد ضیاء کودھمکیاں سسیلین مافیا کی واضح نشانی ہے، ن لیگی جے آئی ٹی پر اثڑ انداز ہونےکی کوشش کرتے رہے، نیب کورٹ پر اثرا نداز ہونے کے لیے ڈرامہ رچایا جارہا ہے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • آصف علی زرداری کا بلوچستان میں کردار جمہوریت کی خدمت نہیں، مشاہد اللہ خان

    آصف علی زرداری کا بلوچستان میں کردار جمہوریت کی خدمت نہیں، مشاہد اللہ خان

    لاہور : پاکستان مسلم لیگ ن کے سیکریٹری اطلاعات اور وفاقی وزیر برائے ماحولیاتی تبدیلی مشاہداللہ خان نے کہا ہے کہ آصف علی زرداری نے بلوچستان میں جو کردار ادا کیا اس سے مایوسی ہوئی،  اسے جمہوریت کی خدمت نہیں کہا جاسکتا۔

    ان خیالات کا اظہار انہوں نے لاہور میں  میڈیا سے گفتگو کرتے ہوئے کیا، ان کا کہنا تھا کہ ہم نے پیپلز پارٹی کی حکومت کے ساتھ 2 سال کام کیے، گزشتہ دور میں ہم نے پیپلز پارٹی کے 5 سال مکمل کرائے، آصف علی زرداری کا بلوچستان میں رول جمہوریت کی خدمت نہیں کہہ سکتے۔

    پانامہ سازش تھی، نوازشریف کوسی پیک کی سزا دی گئی، مشاہد اللہ خان

    انہوں نے کہا کہ زرداری صاحب بلوچستان کے لوگوں کو بکاؤ مال سمجھ رہے ہیں، آصف علی زرداری پیسے چلا کر پارلیمانی نظام کمزور کرنا چاہتے ہیں، وہ کھلے عام ہارس ٹریڈنگ کر رہے ہیں، ہم اس ہارس ٹریڈنگ کو ناکام بنا دیں گے۔

    مسلم لیگ (ن) کے سینئر رہنما مشاہد اللہ خان کا کہنا تھا کہ اسلام آباد کی اسٹریٹیجی پر غور کر رہے ہیں، سینیٹ کے انتخابات میں بھر پور حصہ لیں گے، سینیٹ الیکشن کا شیڈول 2 مارچ کو جاری کیا جائے گا۔

    مسلم لیگ ن کے قائد میاں نوازشریف ہی ہیں، مشاہد اللہ خان

    ان کا مزید کہنا تھا کہ شریف خاندان کے لیے سزائیں یا کیسز حیرت  کی بات نہیں، ماضی میں شریف خاندان مختلف سزائیں کاٹ چکا ہے، ہم نے اداروں کی مضبوطی کے لیے ہمیشہ پی پی کی حمایت کی ہے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔