Tag: Islamabad

اسلام آباد (21 اگست 2025): غیر مقامی کرایہ داروں کے حوالے سے اسلام آباد پولیس نے اہم ہدایت جاری کی ہے۔

تفصیلات کے مطابق ڈی آئی جی جواد طارق کی زیر صدارت جرائم کے انسداد سے متعلق اجلاس منعقد ہوا، جس میں غیر مقامی کرائے داروں کی بائیو ڈیٹا تصدیق اور رجسٹریشن یقینی بنائے جانے کی اہم ہدایت جاری کی گئی۔

ڈی آئی جی اسلام آباد نے ہدایت کی کہ اشتہاری اور سابقہ ریکارڈ یافتہ مجرمان کی گرفتاری یقینی بنائی جائے، پٹرولنگ مؤثر بنائی جائے اور ہر افسر فیلڈ میں نظر آئے، انھوں نے ہدایت کی کہ متحرک گینگز کے خلاف کریک ڈاؤن کیا جائے۔

بھارتی جاسوس پکڑا گیا، سی ٹی ڈی نے اہم دستاویزات برآمد کرلیں

جواد طارق نے یہ ہدایت بھی کی کہ غیر قانونی اسلحہ اور منشیات فروشوں کے خلاف کارروائیوں میں تیزی لائی جائے اور جرائم کی روک تھام کے لیے تمام وسائل بروئے کار لائے جائیں، اس لیے افسران اپنے علاقوں میں سرچ آپریشنز جاری رکھیں۔

ان کا کہنا تھا کہ شہریوں کی جان و مال کا تحفظ پولیس کی اوّلین ترجیح ہے۔

اسلام آباد: وفاقی دارالحکومت کی مصروف شاہراہوں پر ٹریفک پولیس کی جانب سے ڈرون ٹیکنالوجی کا استعمال شروع کرنے کا فیصلہ کیا گیا ہے۔

تفصیلات کے مطابق اسلام آباد کی شاہراہوں پر ٹریفک قوانین کی خلاف ورزی اب ناممکن ہو جائے گی، وفاقی دارالحکومت میں ٹریفک قوانین کی خلاف ورزیاں روکنے کے لیے جدید ٹیکنالوجی استعمال کرنے کا فیصلہ کیا گیا ہے۔

اسلام آباد ٹریفک پولیس ڈرون کیمروں کی مدد سے ٹریفک قوانین پر عمل درآمد یقینی بنائے گی، سی ٹی او کیپٹن (ر) ذیشان حیدر کا کہنا ہے کہ مصروف شاہراہوں پر ڈرون کیمرے اڑائے جائیں گے، جن کی مدد سے خلاف ورزی کی نشان دہی اور فی الفور چالان ہوگا۔

چیف ٹریفک آفیسر نے بتایا کہ ابتدائی طور پر ڈرون ٹیکنالوجی کا استعمال ایکسپریس وے اور سری نگر ہائی وے پر ہوگا، اگلے مرحلے میں تمام سیکٹرز اور دیگر شاہراہوں پر بھی یہ ٹیکنالوجی استعمال ہوگی۔

اسلام آباد میں نوجوان نے ٹک ٹاکر خاتون کو قتل کر دیا

انھوں نے کہا ڈرون کی مدد سے رش والے مقامات کی بھی نشان دہی کی جا سکے گی، جس کے بعد خصوصی ٹیم فوری طور پر ریسپانس یقینی بنائے گی، ان کا کہنا تھا کہ جدید ٹیکنالوجی کی مدد سے ٹریفک قوانین کی پاسداری یقینی بنائی جا سکے گی۔

اسلام آباد: ملک کے دارالحکومت اسلام آباد کے تھانہ کھنہ کی حدود میں کنویں کی صفائی کے دوران ایک مزدور جاں بحق ہو گیا۔

تفصیلات کے مطابق اسلام آباد میں کنویں کی صفائی کے دوران ایک مزدور کی جان چلی گئی، ریسکیو حکام کا کہنا ہے کہ مزدور کنویں کی صفائی کے دوران زہریلی گیس کا شکار ہوا۔

نور زاد گل کی لاش کنویں سے نکال کر پمز اسپتال منتقل کر دی گئی ہے، مزدور کے لواحقین نے کنویں کے مالک کے خلاف قتل کے مقدمے کی درخواست دے دی۔

درخواست میں کہا گیا ہے کہ کنویں کے مالک کو علم تھا کہ کنویں میں گیس ہے، مگر اس نے یہ بات چھپائی، واضح رہے کہ پچھلے سال بھی کنوئیں کی صفائی کے وقت گیس سے ایک مزدور انتقال کر گیا تھا۔

اسلام آباد ائیرپورٹ کو شہید بے نظیر بھٹو کے نام سے منسوب کرنے کی قرارداد منظور

ادھر شیخوپورہ میں ایک نجی پیپر فیکٹری میں زہریلی گیس پھیلنے سے 4 مزدور جاں بحق ہو گئے ہیں، ریسکیوحکام کے مطابق زہریلی گیس کے باعث 5 مزدوروں کی حالت غیر ہے جنھیں ڈی ایچ کیو اسپتال منتقل کیا گیا ہے، جاں بحق مزدوروں میں 40 سالہ عباس، 19 سالہ بلال، 30 سالہ علی حیدر، اور 20 سالہ شعیب شامل ہیں۔

ایک اور افسوس ناک حادثے میں قصور کے علاقے الہ آباد میں ایک بچہ نہر میں نہاتے ہوئے ڈوب کر جاں بحق ہو گیا، مقامی افراد نے طلحہ کی لاش کو نہر سے تلاش کر کے نکالا، محنت کش عبدالجبار کا بیٹا طلحہ تیسری کلاس کا طالب علم تھا، واضح رہے کہ حکومت کی جانب سے ضلع قصور میں نہر میں نہانے پر دفعہ ایک سو چوالیس نافذ ہے لیکن اس پرعمل درآمد نہیں کرایا جاتا۔

اسلام آباد: ملک کے دارالحکومت اور اس کے گرد و نواح میں آج دن کا درجہ حرارت معمول سے 4 سے 6 ڈگری زیادہ ریکارڈ کیا گیا ہے۔

محکمہ موسمیات کے مطابق آج منگل کو ملک کے بیش تر علاقوں میں موسم گرم اور خشک، جنوبی علاقوں میں شدید گرمی کا امکان ہے، سندھ، جنوبی پنجاب اور بلوچستان میں درجہ حرارت معمول سے 6 سے 8 ڈگری سینٹی گریڈ زائد رہنے کا امکان ہے۔

محکمہ موسمیات نے کہا ہے کہ بالائی علاقوں میں درجہ حرارت معمول سے 4 سے 6 ڈگری سینٹی گریڈ زائد رہے گا، کے پی کے جنوبی اضلاع میں بعد از دوپہر تیز ہواؤں کی توقع ہے، اور درجہ حرارت 4 سے 6 ڈگری زائد رہے گا۔

پنجاب کے جنوبی اضلاع میں شدید گرمی، میدانی علاقوں میں تیز ہوائیں، درجہ حرارت 6 سے 8 ڈگری زیادہ رہنے کا امکان ہے، سندھ کے بالائی و وسطی اضلاع میں شدید گرمی، بعد از دوپہر تیز ہوائیں، درجہ حرارت 6 سے 8 ڈگری زائد رہنے کی توقع ہے۔

بلوچستان کے بیش تر اضلاع میں گرم و خشک موسم، جنوبی اضلاع میں تیز ہوائیں، درجہ حرارت 6 سے 8 ڈگری زائد، کشمیر اور جی بی میں خشک موسم، شام و رات جزوی ابر آلود ہونے کا امکان ہے، کشمیر اور جی بی میں درجہ حرارت 2 سے 4 ڈگری زائد رہنے کی پیش گوئی ہے۔

گزشتہ 24 گھنٹوں کے دوران ملک کے بیش تر علاقوں میں شدید گرم اور خشک موسم رہا، ادھر کراچی کا مطلع جزوی ابر آلود ٹھنڈی ہوائیں چلنے سے موسم بہتر محسوس کیا جا رہا ہے، کراچی میں آج بھی موسم کچھ گرم اور مرطوب رہنے کے ساتھ تیز ہوائیں چلیں گی۔

موسمیات کے مطابق دن میں 25 سے 30 کلو میٹر فی گھنٹہ کی رفتار سے ہوائیں چل سکتی ہیں، تیز دھوپ کے ساتھ درجہ حرارت 37 ڈگری سینٹی گریڈ تک ریکارڈ کیا جا سکتا ہے، ہوا میں نمی کا تناسب 88 فیصد ہے، مغربی سمت سے 9 سے 12 ناٹیکل مائل کی رفتار سے ہوائیں چل رہی ہیں۔