ARYNews.tv | Urdu – Har Lamha Bakhabar

Tag: islamabad airport

  • خواتین مسافر پر تشدد کرنے والی ایف آئی اے اہلکار معطل

    خواتین مسافر پر تشدد کرنے والی ایف آئی اے اہلکار معطل

    اسلام آباد: وفاقی دارالحکومت اسلام آباد کے بے نظیر انٹرنیشنل ایئر پورٹ پر خواتین مسافروں پر ایف آئی اے کی خاتون اہلکار کے تشدد کی نئی ویڈیو منظر عام آنے کے بعد ایف آئی اے کی اہلکار معطل کر دی گئی۔

    پولیس کے بعد ایف آئی اے بھی شتر بے مہار ہوگئی۔ خاتون مسافر پر خاتون اہلکار کے تشدد کی ویڈیو منظر عام پر آگئی۔

    ویڈیو میں دیکھا جا سکتا ہے کہ ایف آئی اے کی خاتون اہلکار مسافر خواتین کو بے دردی سے بالوں سے جکڑ کر تھپڑ مار رہی ہے۔ بے نظیر انٹرنیشنل ایئر پورٹ کا لاؤنج بے بس و لاچار خواتین مسافروں کی چیخوں سے گونجتا رہا۔

    اس دوران کسی نے ایف آئی اے کی غصے سے بھری اہلکارکو روکنے کی کوشش نہیں کی۔ 3 دن گزرنے کے بعد بھی اہلکار کے خلاف کوئی کارروائی نہیں کی گئی۔

    تاہم میڈیا اور سوشل میڈیا پر ویڈیو نشر ہونے کے بعد ایف آئی اے حرکت میں آگئی۔ ڈی جی ایف آئی اے نے ایئر پورٹ پر مسافر خواتین پر تشدد کے واقعے کا نوٹس لے لیا۔

    اس حوالے سے آج فریقین کے بیانات ریکارڈ کیے جائیں گے۔ ڈی جی ایف آئی ے کے مطابق اگر ایف آئی اے کی اہلکار قصور وار ہوئی تو سخت سزا دی جائے گی۔

  • جنید جمشید نےمقدمہ درج کرنےکی درخواست جمع کرادی

    جنید جمشید نےمقدمہ درج کرنےکی درخواست جمع کرادی

    اسلام آباد : نامعلوم افراد کے ہاتھوں اسلام آباد ایئرپورٹ پر تشدد کا نشانہ بنانے پرجنید جمشید نے مقدمہ درج کرنے کی درخواست دیدی۔

    وزیراطلاعات پرویزرشید نے جنید جمشید سے بدسلوکی پر شدید مذمت کی ہے۔ تفصیلات کے مطابق جنید جمشید کراچی سے اسلام آباد کے بے نظیرانٹرنیشنل ایئرپورٹ پہنچے تو وہاں موجود چندافراد نے انہیں مارنے پیٹنے کی کوشش کی۔

    جنید جمشید نے واقعے کا مقدمہ درج کرنے کی درخواست تھانے میں جمع کرادی ہے، ایئرپورٹ پولیس نے جنید جمشید کی درخواست جمع کرکے کہا ہے کہ ایف آئی آر اعلیٰ حکام کی ہدایت پر درج کی جائے گی۔

    وزیر اطلاعات پرویز رشید نے واقعے کی مذمت کرتے ہوئے کہا ہے کہ علما سمیت معاشرے کے تمام طبقات کو اس رویئے کا نوٹس لینا چاہیئے ۔اسلام حسن سلوک اور باہمی ا حترام کا درس دیتا ہے۔

     

  • پی آئی اے کا جہاز سڑسٹھ مسافروں کو لےکر کراچی ائیرپورٹ پہنچ گیا

    پی آئی اے کا جہاز سڑسٹھ مسافروں کو لےکر کراچی ائیرپورٹ پہنچ گیا

    کراچی: پی آئی اے کی خصوصی پرواز یمن سے آئے سڑسٹھ مسافروں کواسلام آباد سے لے کر رات گئے کراچی پہنچ گئی، اس سے پہلے پی آئی کی پرواز یمن سے ایک سو چونتیس محصور پاکستانیوں کو اسلام آباد لائی تھی۔

    اسلام آباد سے سٹرسٹھ مسافروں کو لے کر پی آئی اے کا جہاز کراچی ائیر پورٹ پہنچا تو ڈائریکٹر ایئرپورٹ اور ایم ڈی پی آئی اے سمیت مسافروں کے اہلخانہ اور رشتے داروں نے ایئرپورٹ پر مسافروں کا والہانہ استقبال کیا۔

    مسافروں کا کہنا تھا کہ وہ وطن واپسی میں حکومت کی جانب سے مدد کرنے پر مشکور ہیں ساتھ  ہی ہمارے لئےآواز اٹھانے پر میڈیا کا بھی شکریہ ادا کیا۔

    اس سے قبل یمن سے پی آئی اے کے زریعے ایک سو چونتیس مسافراسلام آباد پہنچے تو اسلام آباد ہوائی اڈے پر مسافروں کا شاندار استقبال کیا گیااور فضا پاکستان زندہ باد کے نعرے سے گونج اٹھی۔

    مسافروں کا کہنا ہے کہ حکومت پاکستان نے وطن پہنچنے کیلئے اچھے انتٕظامات کیے اور انہیں وطن پہنچ کر بہت خوشی محسوس ہورہی ہے۔

    وفاقی وزیرِ عبدالقادر بلوچ کا کہنا تھا کہ وزیرِاعظم کی ہدایت پر پاکستانیوں کی خیروعافیت سے واپسی کا عمل جاری ہے، پی آئی اے کی خصوصی پرواز پی کے سات سو چھ  میں ایک سو چونتیس پاکستانی، دو کینڈین اور دو سوڈانی مسافربھی سوار تھے، یمن سے پاکستانیوں کو لے کر آنے والی یہ پی آئی اے کی تیسری پرواز ہے۔

  • اسلام آباد ایئرپورٹ پر ایندھن کی فراہمی متاثر، پروازوں تاخیر کا شکار

    اسلام آباد ایئرپورٹ پر ایندھن کی فراہمی متاثر، پروازوں تاخیر کا شکار

    اسلام آباد: اسلام آباد ایئر پورٹ پر ایندھن کی فراہمی بری طرح متاثر ہے،  پی آئی اے نے تمام پروازوں کو متبادل ہوائی اڈوں سے فیول حاصل کرنے کی ہدایات جاری کر دیں ۔

    اسلام آبا د ایئرپورٹ پر تیل فراہم کرنے والی نجی کمپنی کی ناقص پلاننگ کی وجہ سے فیول کی سپلائی بری طرح متاثر ہوگئی ہے، ایندھن نہ ہونے کے باعث پروازوں کی آمدورفت میں خلل پڑنے اور کل سے مختلف پروازوں کو ایندھن کی فراہمی نہ ہونے کا خدشہ ہے۔

    زرائع کے مطابق اٹک ریفائنری سے بروقت فیول حاصل نہ ہوسکا،  جسکے باعث رسد متاثر ہوئی۔

    ہنگامی صورتحال میں کسی بھی پرواز کو ایندھن فراہم نہیں ہوسکے گا۔

    زرائع کا کہنا ہے کہ دس مارچ کو مختلف پروازوں کو جیٹ اے ون فیول کی فراہمی نہیں ہوسکے گی۔

  • اسلام آبادائیرپورٹ اور ملتان ائیرپورٹ کی تعمیر، گھپلوں کا انکشاف

    اسلام آبادائیرپورٹ اور ملتان ائیرپورٹ کی تعمیر، گھپلوں کا انکشاف

    اسلام آباد: اسلام آباد کے بینظیر انٹرنیشنل ائیرپورٹ اور ملتان ائیرپورٹ کی تعمیر میں بڑے پیمانے پر گھپلوں کا انکشاف ہوا ہے، ٹرانسپرینسی انٹرنیشنل کی رپورٹ میں کہا گیا ہے کہ ملتان ائیرپورٹ کی تعمیر میں شجاعت عظیم نے مداخلت کی تھی۔

    کرپشن پر نگاہ رکھنے والے عالمی ادارے ٹرانسپیرنسی انٹرنیشنل کی ایک رپورٹ میں انکشاف کیا گیا ہے کہ ملتان ائیرپورٹ کی تعمیر کے دوران وسیع پیمانے پر گھپلے کیے گئے۔

    رپورٹ کے مطابق سول ایوی ایشن حکام نے اعتراف کیا ہے کہ ملتان ائیرپورٹ کی تعمیر میں تاخیرکی وجہ ڈیزائن کی تبدیلی بنی، جس کے لیے وزیرِاعظم کے مشیر برائے ہوا بازی شجاعت عظیم نے غیر قانونی طور پر دباؤ ڈالا تھا۔

    ٹرانسپیرنسی کی رپورٹ میں بینظیر انٹرنیشنل ائیرپورٹ اسلام آباد پر کی گئی مالی بے ضابطگیوں کی نشاندہی بھی کی گئی ہیں، رپورٹ میں مالی بے ضابطگیوں کا انکشاف کرتے ہوئے بتایا گیا ہے کہ سول ایوی ایشن نے تمام قوانین کو پس پُشت ڈال کرائیرپورٹ کے وی آئی پی لاؤنج پر سو ارب روپے خرچ کرنے کے بعد مزید بیس کروڑ روپے لگائے۔

    ٹرانسپیرنسی انٹرنیشنل کا کہنا ہے کہ سول ایوی ایشن حکام کو اضافی رقم خرچ کرنے کا اختیار نہیں تھا، رپورٹ میں بتایا گیا ہے کہ سول ایوی ایشن حکام نے تصدیق کی ہے کہ پی آئی اے نے ایک عشاریہ پانچ ارب ڈالر سے بوئنگ ٹرپل سیون طیارے غیر قانونی طور پر خریدے گئے۔

  • اسلام آباد میں فیول کی قلت، بین الاقوامی پروازیں مشکلات کا شکار

    اسلام آباد میں فیول کی قلت، بین الاقوامی پروازیں مشکلات کا شکار

    اسلام آباد: وفاقی دارالحکومت میں جاری سیاسی بحران کے باعث ایئرپورٹ پر جیٹ فیول کے بحران نے شدت اختیار کرلی ہے  جس کی وجہ سے پاکستان سول ایوی ایشن اتھارٹی نے پی آئی اے اور دیگر تمام ملکی و غیر ملکی ایئرلائنز کو ہدایت جاری کی ہیں کہ تیرہ اگست اور 14 اگست کو آنے والی تمام پروازیں اپنے ساتھ اضافی فیول لے کرآئیں۔

    اے آروائی نیوز کے نمائندے محمد صلاح الدین کے مطابق سول ایوی ایشن اتھارٹی کے ڈپٹی ایئرپورٹ مینجرظفر اعتماد صدیقی کی جانب سے ایک لیٹر جاری کیا گیا ہے جس میں تمام ایئرلائنز کو ہدایت کی گئی ہے کہ اسلام آباد کی بحرانی کیفیت سے نمٹنے کیلئے ایئرلائنز اضافی فیول ساتھ لائیں اور اس کے ساتھ ساتھ ایئرلائنز اپنے مسافروں کیلئے کھانے پینے کے بھی اضافی انتظامات کریں، ساتھ ہی ساتھ ایئرلائنز اپنے انجنیئرز اور زمینی عملے کو بھی ہدایت کریں کہ وہ ہنگامی صورتحال سے نمٹنے کے لئے اپنی ڈیوٹی پر موجود رہیں۔


    Islamabad Airport suffers shortage of Jet Fuel by arynews

    ذرائع کے مطابق غیر ملکی ایئرلائنز نے سول ایوی ایشن اتھارٹی کے اس اقدام پر تشویش کا اظہار کرتے ہوئے کہا کہ یہ حکومت اور ایئرپورٹ انتظامیہ کی ذمہ داری ہے کہ وہ اسلام آباد ایئرپورٹ پر فیول کی فراہمی یقینی بنائیں اور دیگرتمام تر سہولیات فراہم کریں بصورت دیگر موجودہ بحرانی صورتحال کے باعث ایئرلائنزاپنا آپریشن عارضی طور پر بند کرسکتی ہیں۔

    دوسری جانب غیر ملکی ایئرلائنز نے لیٹر کے جواب میں سول ایوی ایشن حکام کو مطلع کیا ہے کہ لانگ روٹ سے آنے والی پروازیں اضافی فیول لے کر نہیں آسکتیں کیونکہ ہر طیارے میں اس کے وزن کے مطابق فیول ذخیرہ کرنے کی گنجائش ہوتی ہے  لہذا سول ایوی ایشن اتھارٹی ہنگامی بنیادوں پر ایئرپورٹ کے لئے فیول کا انتظام کرے۔

  • بے نظیرانٹرنیشنل ائیرپورٹ, لندن جانے والا مسافر گرفتار، 7کلو ہیروہین برآمد

    بے نظیرانٹرنیشنل ائیرپورٹ, لندن جانے والا مسافر گرفتار، 7کلو ہیروہین برآمد

    اسلام آباد: اے این ایف حکام نے بے نظیر انٹرنیشنل ائیرپورٹ اسلام آباد سے لندن جانے والے مسافر کو گرفتار کر کے اس کے سامان سے چار کروڑ مالیت کی سات کلو ہیروہین برآمد کر لی ہے۔

    انٹی نارکوٹکس فورس ترجمان کے مطابق بے نظیر انٹرنیشنل ائیرپورٹ سے گرفتار ہونے والا مسافر چوہدری مشتاق منشیات کی یہ مقدار اپنے سامان میں لندن لے جارہا تھا، اے این ایف نے ملزم کے خلاف مقدمہ درج کرکے تحقیقات شروع کر دی ہیں۔

    ذرائع کا کہنا ہے کہ ملزم بین الاقوامی منشیات اسمگلروں کے گروہ کا رکن ہے جبکہ اس کے برطانیہ اور پاکستان میں رابطوں سے متعلق تحقیقات بھی شروع کر دی گئی ہیں۔

  • اسلام آبادائیر پورٹ: اسلحہ نکلنےپرگرفتارامریکی شہری ضمانت پررہا

    اسلام آبادائیر پورٹ: اسلحہ نکلنےپرگرفتارامریکی شہری ضمانت پررہا

    اسلام آباد: اسلام آباد ائیرپورٹ سےامریکی شہری ولیم جونز کو اسلحہ برآمد ہونے پر گرفتار کیا گیاجسے ضمانت منظور ہونے پررہائی مل گئی۔

    ائیر پورٹ پرایک اورامریکی شہری سےاسلحہ برآمد، اسلام آباد کے بینظیر انٹرنیشنل ائیرپورٹ پر سکیورٹی حکام نےامریکی شہر ولیم جونز کو اُس وقت حراست میں لیا جب وہ بیرون ملک جانے کے لیے ائیرپورٹ پر پہنچا تھا۔

    حکام نے ولیم جونز کے سامان سے ایک پستول اور چند گولیاں برآمد ہونے کے بعد اسے پوچھ گچھ کے لیے گرفتارکر لیا، ولیم جونز کی رہائی کے لئے دباؤ آنا شروع ہوگیا تاہم ائیر پورٹ حکام نے مزید قانونی کارروائی کے لیے پولیس کے حوالے کردیا گیا، پولیس نے ولیم جونز کے خلاف ناجائز اسلحہ رکھنے کے الزام میں مقدمہ درج کرلیا اور عدالت میں پیش کیا جہاں اس کی ضمانت منظور ہونے پر رہا کردیا گیا۔

  • اسلام آباد: ائیرپورٹ پر امریکی شہری سے اسلحہ برآمد

    اسلام آباد: ائیرپورٹ پر امریکی شہری سے اسلحہ برآمد

    اسلام آباد : بینظیربھٹو  ائیرپورٹ پر ایک امریکی شہری سے اسلحہ برآمد  ہوا، جس کے بعد پوچھ گچھ شروع کردی۔

    بینظیربھٹو ائیرپورٹ پر ائیرپورٹ سکیورٹی حکام نے امریکی شہر ولیم جونز کو اس وقت حراست میں لیا، جب وہ بیرون ملک جانے کے لیے ائیرپورٹ پر پہنچا تھا، حکام نے ولیم جونز کے پاس سے ایک پستول اور چند گولیاں برآمد ہونے کے بعد اسے پوچھ گچھ کے لیے حراست میں لے لیا ہے۔

    حکام کا کہنا ہے کہ اگر امریکی شہری اسلحہ رکھنے کے قانونی ثبوت پیش نہ کرسکا تو اسے مزید قانونی کاروائی کے لیے پولیس کے حوالے کردیا جائے گا۔ اسلام آباد میں امریکی سفارتخانے کے حکام نے اپنے شہری کے لیے پاکستانی حکام سے رابطہ کیا ہے۔