Tag: Islamabad police

اسلام آباد: پولیس ترجمان کا کہنا ہے کہ اسلام آباد کے تمام اسکول پولیس نے خالی کردیئے ہیں۔

اسلام آباد میں چودہ اگست سے شروع ہونے والا آزادی اور انقلاب مارچ کے دھرنے اب بھی جاری ہے، آزادی اور انقلاب مارچ کی جانب سے پارلیمنٹ کے سامنے دھرنے کے پیشِ نظر وفاقی حکومت نے سندھ اور کشمیر سمیت پنجاب بھر سے پولیس اہلکاروں کو اسلام آباد طلب کر رکھا تھا۔

دوسرے شہروں سے آنے والے پولیس اہلکاروں نےاسلام آباد کے ستائیس اسکولوں میں رہائش اختیار کی ہوئی تھی، گرمیوں کی چھٹیوں کے بعد پندرہ اگست کو اسکول کھلنےتھے لیکن اسکولوں میں پولیس اہلکاروں کی رہائش کی وجہ سے اسکول اب تک نہ کھل سکے تھے، جس کی وجہ سے بچوں کی تعلیم متاثر ہو رہی تھی۔

اسلام آباد ہائیکورٹ نے وفاقی حکومت کو حکم دیا تھا کہ فوری طور پر اسلام آباد کے تمام اسکول خالی کردیئے جائیں، اسلام آباد پولیس ترجمان کا کہنا ہے کہ پولیس نے تمام اسکول خالی کردیئے ہیں، اب کسی بھی اسکول میں پولیس اہلکاروں کی رہائش نہیں ہیں۔