اسلام آباد میں ریڈ زون کو سیل کردیا گیا، ڈپٹی کمشنر نے اسلام آباد کے سرکاری و نجی اسکولوں میں آج 22اگست کو تعطیل کا اعلان کردیا۔
تفصیلات کے مطابق اسلام آباد کے سرکاری اور نجی اسکول آج مکمل طور پر بند رہیں گے، نمائندہ اے آر وائی نیوز کے مطابق آج بروز جمعرات 22 اگست کو مذہبی جماعتوں اور پاکستان تحریک انصاف کی جانب سے احتجاج اور جلسہ کی کال دی گئی ہے۔
اس حوالے سے وزارت داخلہ نے شہر اقتدار کے تمام سرکاری و نجی اسکولوں میں آج 22اگست کو تعطیل کا اعلان کیا ہے ۔
ترجمان وزارت داخلہ کا کہنا ہے کہ حکومت کی جانب سے اسکولوں کو بند کرنے کا یہ اقدام بچوں کی حفاظت کے پیش نظر کیا گیا ہے۔
یاد رہے کہ پی ٹی آئی نے آج 22 اگست بروز ھؤجمعرات کو ترنول میں جسلے کا اعلان کر رکھا ہے تاہم اسلام آباد کی ضلعی انتظامیہ نے جلسے کا این او سی منسوخ کر دیا ہے۔
دوسری جانب پاکستان تحریک انصاف کے ترنول میں ہونے والے جلسے کے مقام کے قریب سے مشکوک بیگ برآمد ہوا ہے ۔
جلسہ گاہ کے قریب مسجد کے احاطے سے مشکوک بیگ برآمد ہوا جس کے بعد پولیس کی بھاری نفری طلب کرکے مسجد کو خالی کروا لیا گیا۔
