ابوظبی: پاکستان سپر لیگ سیزن سکس اپنے اختتامی مراحل میں داخل ہوگیا ہے، شائقین کرکٹ کو تگڑے مقابلے دیکھنے کو مل رہے ہیں۔
پی ایس ایل سیزن سکس کی ٹرافی کون سی ٹیم تھامے گی؟ اس کا فیصلہ تو چوبیس جون کو ہوگا، ملتان سلطانز کے ساتھ کون سے ٹیم فائنل کھیلے گی؟ اس کا فیصلہ آج ہوجائے گا۔
آج دوسرے ایلی مینٹر میں اسلام آباد یونائیٹڈ اور پشاور زلمی آمنے سامنے ہونگے، میچ پاکستانی وقت کے مطابق رات نو بجے کھیلا جائے گا، ہائی وولٹیج میچ میں فتح حاصل کرنے والی ٹیم چوبیس جون کو ملتان سلطانز سے فائنل میں مقابلہ کرے گی۔
یہ بھی پڑھیں: ملتان سلطانز پہلی بار پی ایس ایل کے فائنل میں پہنچ گئی
گذشتہ روز پی ایس ایل سیزن کے دو اہم ترین میچ کھیلے گئے، پہلا میچ کوالیفائر تھا، جس میں ملتان سلطانز نے اسلام آباد یونائیٹڈ کو 31 رنز سے شکست دیکر پہلی بار فائنل کھیلنے کا اعزاز حاصل کیا۔
گذشتہ شب کھیلے گئے پہلے ایلی مینیٹر میں پشاور زلمی نے کراچی کنگز کو سنسنی خیز مقابلے میں پانچ وکٹوں سے شکست دی، اسی ناکامی کے ساتھ دفاعی چیمپئن کا پی ایس ایل سیزن سکس میں سفر اختتام پزیر ہوا۔
کراچی میں ہونے والے پی ایس ایل کے پہلے مرحلے میں کوئٹہ گلیڈی ایٹرز کی ٹیم پانچ میں سے اپنےچار میچ ہار چکی ہے، شکست کی صورت میں کوئٹہ گلیڈی ایٹرز مزید مشکلات کا شکار ہوجائے گی۔
پاکستان سپر لیگ میں مجموعی طور پر 34 میچز کھیلے جانے ہیں، کرونا کے باعث ملتوی ہونے سے قبل لیگ کے کراچی میں 14 میچز کھیلے گئے تھے، کراچی کنگز،پشاور زلمی، ملتان سلطانز اور کوئٹہ گلیڈی ایٹرز نے 5، پانچ میچز کھیلے جبکہ اسلام آباد یونائیٹڈ اور لاہور قلندرز نے 4، چار میچز کھیلے۔
