ARYNews.tv | Urdu – Har Lamha Bakhabar

Tag: islamabad united

  • پی ایس ایل 4، کھلاڑیوں کی ڈرافٹنگ 20 نومبر کو ہوگی

    پی ایس ایل 4، کھلاڑیوں کی ڈرافٹنگ 20 نومبر کو ہوگی

    لاہور: پاکستان سپرلیگ میں‌ حصہ لینے والے کھلاڑیوں کی ڈرافٹنگ 20 نومبر کو اسلام آباد میں ہوگی۔

    تفصیلات کے مطابق پاکستان سپر لیگ 4 میں حصہ لینے والے کھلاڑیوں کی ڈرافٹنگ اب لاہور کے بجائے 20 اکتوبر بروز منگل اسلام آباد میں ہو گی جس میں تمام فرنچائز مالکان شرکت کریں گے۔

    لاہور کے بعد اسلام آباد دوسرا شہر ہوگا جہاں لیگ کے کھلاڑیوں کی ڈرافٹنگ ہوگی۔

    رواں سیزن میں حصہ لینے والے 6 فرنچائز مالکان 13 اکتوبر تک اپنے ساتھ برقرار رکھنے والے کھلاڑیوں کے ناموں کا اعلان کردیں گے، قانون کے مطابق ہر ٹیم 10 پرانے کھلاڑیوں کو ساتھ رکھ سکتی ہے۔

    مزید پڑھیں: پی ایس ایل سیزن فور: پلاٹینیم کیٹگری میں کھلاڑیوں کی فہرست جاری

    رواں برس لیگ میں نامور انٹرنیشنل کھلاڑی اے بی ڈویلیرز، اسٹیو اسمتھ، کیورن پولارڈ، کولن مونرو، شین واٹسن، سنیل نارائن، کرس لائن اور ڈیرن سیمی بھی ایکشن میں نظر آئیں گے۔

    قومی ٹیم کے نامور کھلاڑی سرفراز احمد، شاہد خان آفریدی، شعیب ملک، محمد حفیظ، فہیم اشرف، شاداب خان، حسن علی اور فخر زمان سمیت دیگر بھی ایکشن دکھائیں گے۔

    واضح رہے کہ پاکستان سپر لیگ کے چوتھے ایڈیشن کا آغاز آئندہ برس 14 فروری سے دبئی میں جبکہ فائنل 17 مارچ کو کراچی میں منعقد کیا جائے گا، پی ایس ایل کے آخری 8 میچز بھی پاکستان میں کھیلے جائیں گے۔

    یہ بھی پڑھیں: پی ایس ایل 4، پاکستانی کھلاڑیوں کی کیٹگیری لسٹ جاری

    چیئرمین پی سی بی احسان مانی نے عہدے کا منصب سنبھالنے کے بعد اعلان کیا تھا کہ عمران خان کی خواہش پر پی ایس ایل کو سب سے بڑا برانڈ بنانا ہمارا مشن ہے کیونکہ وزیراعظم پی ایس ایل کو مزید کامیاب دیکھنا چاہتے ہیں۔

    اُن کا کہنا تھا کہ پی ایس ایل 4 کی ڈرافٹنگ اکتوبر کے آخری ہفتے میں ہوگی ، رواں سیزن کے لیے فرنچائز مالکان 10 کرکٹرز کو برقرار رکھ سکیں گے۔

  • صدرپاکستان وزیراعظم، آرمی چیف ودیگر کی اسلام آباد یونائیٹڈ کو مبارکباد

    صدرپاکستان وزیراعظم، آرمی چیف ودیگر کی اسلام آباد یونائیٹڈ کو مبارکباد

    کراچی : پی ایس ایل تھری میں اسلام آباد یونائیٹڈ کی شاندار کامیابی پر صدر و وزیر اعظم، آرمی چیف، چاروں گورنرز، وزرائے اعلیٰ اورسیاسی رہنماؤں نے فاتح ٹیم کو مبارکباد پیش کی ہے ان کا کہنا ہے کہ آج پاکستان جیت گیا۔

    تفصیلات کے مطابق پاکستان سپر لیگ کے تیسرے ایڈیشن کا ٹائٹل اپنے نام کرنے والی اسلام آباد یونائیٹڈ کی ٹیم کو مبارکباد دینےکا سلسلہ جاری ہے۔

    صدر پاکستان ممنون حسین نے فاتح ٹیم اور پوری قوم کو مبارکباد پیش کرتے ہوئے کہا کہ دونوں ٹیموں نے اچھا کھیل پیش کیا، پی ایس ایل کی کامیابی پوری قوم کی کامیابی ہے۔

    وزیر اعظم پاکستان شاہد خاقان عباسی نے اسلام آباد یونائیٹڈ کو پی ایس ایل کا چیمپئن بننے پر مبارکباد دیتے ہوئے کہا کہ پشاورزلمی نے بھی اچھا کھیل پیش کیا۔

    اس کے علاوہ آرمی چیف جنرل قمر جاوید باجوہ نے کہا کہ اسلام آباد یونائیٹڈ کو جیت مبارک ہو، آج پاکستان جیت گیا، آرمی چیف نے کہا کہ ہمارے قومی جذبے کو شکست نہیں دی جاسکتی، کراچی کے شائقین کا نظم وضبط مثالی رہا۔

    وزیراعلیٰ سندھ سید مراد علی شاہ کا کہنا تھا کہ اسلام آباد یونائیٹڈ کو جیت مبارک ہو، یہ کامیابی پاکستان اور کراچی کے عوام کی ہے، سندھ کےعوام نے جوش و جذبے کے ساتھ پی ایس ایل کا فائنل دیکھا، نیشنل اسٹیڈیم کو کھچا کھچ بھرا ہوا دیکھ کر بہت خوشی ہوئی، کراچی کےعوام اب اگلے انٹرنیشنل کرکٹ ایونٹ کی تیاری کریں۔

    چیئرمین تحریک انصاف عمران خان نے اسلام آباد یونائیٹڈ کو جیت پرمبارکباد دیتے ہوئے کہا کہ عمدہ کھیل پیش کرنے پرپشاور زلمی بھی شاباشی کی مستحق ہے، شائقین کرکٹ کو اچھا مقابلہ دیکھنے کو ملا۔

    آصف علی زرداری نے بھی اسلام آباد یونائیٹڈ کو مبارکباد دی ان کا کہنا تھا کہ تمام ٹیمیں پاکستان کی تھیں لہٰذا جیت بھی پاکستان کی ہوئی، شہید محترمہ بینظیربھٹو کا خون رنگ لایا کراچی میں کھیل کے میدان آباد ہوئے۔

    انہوں نے ایونٹ کے کامیاب انعقاد پر پی بی سی کو بھی مبارکباد اور وزیراعلیٰ سندھ مراد علی شاہ کوبہترین انتظامات پر شاباش دی۔ آصف زرداری نے کراچی میں امن کیلئے پولیس، قانون نافذ کرنے والے اداروں کا بھی شکریہ ادا کیا۔

    گورنر سندھ محمد زبیر کا کہنا تھا کہ کراچی کی رونقیں بحال ہوگئیں، جوکام چند سال پہلے سوچا بھی نہیں جاسکتاتھا وہ کر دکھایا، کراچی کی خوشیوں کےلئے ہم سب کو قربانی دینے کی ضرورت ہے۔

    پی ایس ایل کے کامیاب گرینڈ شو کا کریڈٹ کرکٹ بورڈ کو جاتا ہے، سیکیورٹی اداروں کے تعاون سے کامیاب اور پرامن ایونٹ کا انعقاد ممکن ہوا،پی سی بی نے کہا ہے کہ آئندہ میچز بھی پاکستان میں ہوں گے۔

    میئرکراچی وسیم اختر نے اسلام آباد یونا ئیٹڈ کو پی ایس ایل میں کامیابی پر مبارکباد پیش کرتے ہوئے کہا کہ پی ایس ایل کے کراچی میں کامیاب انعقاد ٹیم ورک کا نتیجہ ہے، کراچی کے کھیل کے میدان اسی طرح آباد رکھیں گے۔

    وزیرداخلہ سندھ سہیل انورسیال نے بھی اسلام آباد یونائیٹڈ کو پی ایس ایل فائنل جیتنے پر مبارکباد دی ہے ان کا کہنا ہے کہ ایونٹ کا کامیاب اختتام پرامن پاکستان اور عوام کے خلوص کا ثبوت ہے، سہیل انورسیال نے پولیس، رینجرز اور سیکیورٹی اداروں کو سیکیورٹی کے غیر معمولی اقدامات پر خراج تحسین پیش کیا ہے۔

    کراچی کنگز کے صدر شاہد آفریدی نے اپنے ٹوئٹر پیغام میں کہاہے کہ اسلام آباد یونائیٹڈ کو دلی مبارک باد دیتا ہوں جبکہ نجم سیٹھی، پاک فوج، حکومت، پولیس، رینجرز نے بہترین کام کیا، جس سے پاکستان کے عوام کو خوشی کا زبردست موقع ملا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • اسلام آباد یونائیٹڈ ایک بار پھر پی ایس ایل کی فاتح

    اسلام آباد یونائیٹڈ ایک بار پھر پی ایس ایل کی فاتح

    کراچی: پاکستان سپر لیگ کے فائنل میں اسلام آباد یونائیٹڈ نے 3 وکٹوں سے فتح حاصل کر کے ایک بار پھر چیمپئن بننے کا اعزاز اپنے نام کرلیا، یونائیٹڈ کے بلے باز لک رونکی اور شاداب خان نے شاندار کھیل کا مظاہرہ کیا۔

    تفصیلات کے مطابق پاکستان سپر لیگ کے تیسرے ایڈیشن کا فائنل میچ پشاور زلمی اور اسلام آباد یونائیٹڈ کی ٹیموں  کے مابین کراچی کے نیشنل اسٹیڈیم میں کھیلا گیا، زلمی کی قیادت ڈیرن سیمی جبکہ یونائیٹڈ کی قیادت جے پی ڈومینی نے کی۔

    زلمی اننگز خلاصہ

    پشاور زلمی نے بیٹنگ کا آغاز کیا تو کامران اکمل اور آندرے فلیچر میدان میں آئے، سیمی الیون کو اوپننگ کا آغاز اچھا نہ مل سکا اور پہلی وکٹ 12 کے مجموعی اسکور پر اُس وقت گری جب کامران اکمل صرف ایک رن بنا کر پویلین لوٹے بعد ازاں محمد حفیظ بھی 8 کے انفرادی اور 26 کے مجموعی اسکور پر پویلین روانہ ہوئے۔

    سیمی الیون کی تیسری وکٹ 38 کے مجموعی اسکور پر گری جب فلیچر 21 رنز کی اننگز کھیل کر پویلین لوٹے، بعد ازاں کرس جورڈن اور ڈوسن نے 52 رنز کی پارٹنر شپ بنائی اور اسی وقت چوتھی وکٹ بھی گری، پانچویں آؤٹ ہونے والے کھلاڑی سعد نسیم تھے بعد ازاں سیمی بھی گیارہ رنز بعد پویلین روانہ ہوئے اور پھر عمید آصف بھی بغیر کھاتہ کھولے پہلی ہی بال پر آؤٹ ہوئے۔

    پشاور زلمی کے آل راؤنڈر وہاب ریاض نے14گیندوں پر28رنز  ناٹ آؤٹ کی شاندار اننگز کھیلی اور ٹیم کو مستحکم پوزیشن فراہم کی، علاوہ ازیں کرس جارڈن 36 ، لیام ڈوسن33 رنزبناکرنمایاں بلے باز رہے جبکہ آندرےفلیچر 21،محمدحفیظ8،ڈیرن سیمی اورحسن علی نے6،6رنزبناسکے، سعدنسیم نے صرف 2 رنز بنائے جبکہ کامران اکمل ایک رن اورعمیدآصف بغیرکوئی رن بنائےآؤٹ ہوئے۔ 

    اسلام آباد یونائیٹڈ کی جانب سے شاداب خان نے 3 جبکہ حسین طلعت اور سمت پٹیل نے  2، 2 اور محمد سمیع، فہیم اشرف نے ایک ، ایک وکٹ حاصل کی۔

    ہدف کے تعاقب میں اسلام آباد یونائیٹڈ کی بیٹنگ کا خلاصہ

    ہدف کے تعاقب میں اسلام آباد یونائیٹڈ نے بیٹنگ کا آغاز کیا تو لک رونکی نے جارحانہ کھیل کا مظاہرہ کرتے ہوئے 26 گیندوں پر 52 رنز بنائے، یونائیٹڈ کا پہلا کھلاڑی 96 کے مجموعی اسکور پر آؤٹ ہوا۔

    بعد ازاں والٹن مجموعی اسکور میں 1 رن کا اضافہ ہونے کے بعد آؤٹ ہوئے، جے پی ڈومینی 102، صاحبزادہ فرحان 112، سمت پٹیل 115، شاداب خان 116، حسین طلعت 148 کے مجموعی اسکور پر آؤٹ ہوئے۔

    ایک وقت میں پشاور زلمی میچ میں بھرپور طریقے سے واپس آگئی تھی تاہم کامران اکمل نے آصف علی کا آسان کیچ ڈراپ کیا جس کے بعد انہوں نے اگلے ہی اوور میں دو چھکوں کی مدد سے 26 رنز حاصل کیے اور ٹیم کو فتح دلوائی۔

    یونائیٹڈ کے لک رونکی 52، صاحبزادہ فرحان 44 اور آصف علی، 26 رنز ناٹ آؤٹ کے ساتھ نمایاں بلے باز رہے جبکہ زلمی کے باؤلر حسن علی، وہاب ریاض، کرس جورڈن نے 2 ، 2 اور عمید آصف نے ایک وکٹ حاصل کی۔

    اسلام آباد یونائیٹڈ اننگز

    سترہواں اوور (وہاب ریاض): پہلی ہی گیند پر حسین طلعت کلین بولڈ ہوکر پویلین لوٹے، آخری گیند پر فہیم اشرف نے فاتحانہ چھکا مار کر ٹیم کو پی ایس ایل کا ایک بار پھر اعزاز دلوایا۔

    سولہواں اوور (حسن علی): آصف علی نے یکے بعد دیگرے دو چھکے مارنے کے بعد میچ کی صورتحال تبدیل کی اور اختتام پر اسکور برابر کردیا۔

    پندرہواں اوور (عمید آصف): 11 رنز اضافے کے بعد مجموعی اسکور 127/6 تک پہنچا، کامران اکمل نے چوتھی گیند پر آصف علی کا آسان کیج ڈراپ کیا۔

    چودہواں اوور (حسن علی): پہلی ہی بال پر سمت پٹیل 10 کے انفرادی اور 115 کے مجموعی اسکور پر پویلین روانہ ہوئے، آخری بال پر کرس جورڈن نے شاندار کیچ لے کر شاداب خان کو بھی پویلین بھیجا، اوور اختتام پر مجموعی اسکور 116/6 تک پہنچا۔

    تیرہواں اوور (کرس جورڈن): 3 رنز اضافے کے بعد مجموعی اسکور 115/4 تک پہنچا۔

    بارہواں اوور (وہاب ریاض): آخری گیند پر صاحبزادہ فرحان 44 کے انفرادی جبکہ 112 کے مجموعی اسکور پر پویلین لوٹے، یوں اوور اختتام پر ٹیم کا مجموعی اسکور 112/6 تک پہنچا۔

    گیارہواں اوور (کرس جورڈن): تیسری گیند پر یونائیٹڈ کے کپتان جےپی ڈومینی آؤٹ ہوئے، 6 رنز اضافے کے بعد مجموعی اسکور 106/3 تک پہنچا۔

    دسواں اوور (عمید آصف): پہلی ہی بال پر والٹن بغیر کھاتہ کھولے پویلین روانہ ہوئے، تین رنز اضافے کے بعد مجموعی اسکور 100/2 تک پہنچا۔

    نواں اوور (کرس جورڈن): لک رونکی 52 کے انفرادی جبکہ 96 کے مجموعی اسکور پر پویلین روانہ ہوئے، 14 رنز اضافے کے بعد مجموعی اسکور 97/1 تک پہنچا۔

    آٹھواں اوور (عمید آصف): 9 رنز اضافے کے بعد مجموعی اسکور 83 تک پہنچا۔

    ساتواں اوور (وہاب ریاض): 8 رنز اضافے کے بعد مجموعی اسکور 74/0 تک پہنچا۔

    چھٹا اوور (عمید آصف): پشاور زلمی کے لیے یہ اوور اچھا ثابت ہوا کیونکہ اس میں صرف 3 رنز ہی بن سکے، اختتام پر مجموعی اسکور 66/0 تک ہپنچا۔

    پانچواں اوور (وہاب ریاض): 8 رنز اضافے کے بعد مجموعی اسکور 63/0 تک پہنچا۔

    چوتھا اوور (ڈوسن): 16 رنز اضافے کے بعد مجموعی اسکور 55/0 تک پہنچا۔

    تیسرا اوور (حسن علی): ایک چھکے ، دو چوکوں کی مدد سے 17 رنز بنے، جس کے بعد مجموعی اسکور 40/0 تک پہنچا۔

    دوسرا اوور (ثمین گل): ایک چھکے اور چار سنگلز کے بعد مجموعی اسکور 23/0 تک پہنچا۔

    ہدف کے تعاقب میں یونائیٹڈ نے بیٹنگ کا آغاز کیا تو لک رونکی اور صاحبزادہ فرحان میدان میں آئے جبکہ پہلا اوور حسن علی نے کرایا، مصباح الیون کے بلے بازوں نے پہلے ہی اوور میں 2 چھکے مار کر مجموعی اسکور 14/0 تک پہنچایا۔

    پشاور زلمی اننگز

    بیسواں اوور (فہیم اشرف): وہاب ریاض نے ذمہ دارانہ بیٹنگ کرتے ہوئے آخری اوور میں 11 رنز حاصل کیے اور ٹیم کا مجموعی اسکور 148 تک پہنچا۔

    انیسواں اوور (محمد سمیع): وہاب ریاض نے ایک چھکے اور ایک چوکے کی مددسے ٹیم کا مجموعی اسکور 137/9 تک پہنچایا۔

    اٹھارواں اوور (فہیم اشرف): پانچویں گیند پر حسن علی 6 کے انفرادی اور 121 کے مجموعی اسکور پر پویلنی روانہ ہوئے، آخری بال پر چوکے کے بعد مجموعی اسکور 125/4 تک پہنچا۔

    سترہواں اوور (محمد سمیع): لیام ڈوسن 33 کے انفرادی جبکہ 117 کے مجموعی اسکور پر کلین بولڈ ہوکر پویلین روانہ ہوئے، اختتام پر مجموعی اسکور 118/8 تک پہنچا۔

    سولہواں اوور (شاداب خان): ڈیرن سیمی 6 کے انفرادی اسکور پر ایل بی ڈبلیو ہوکر پویلین روانہ ہوئے، اگلی ہی گیند پر عمید آصف بھی ایل بی ڈبلیو ہوکر پویلین روانہ ہوئے، 2 رنز اضافے کے بعد مجموعی اسکور 112/7 تک پہنچا۔

    پندرہواں اوور (حسین طلعت): پہلی ہی بال پر باؤلر نے سعد نسیم کو پویلین کی راہ دکھائی، اوور اختتام پر مجموعی اسکور 110/5 تک پہنچا۔

    چودہواں اوور (عماد بٹ): 8 رنز اضافے کے بعد مجموعی اسکور 101/4 تک پہنچا۔

    تیرہواں اور (حسین طلعت): زلمی کے بلے باز جورڈن 26 گیندوں پر 36 رنز بنا کر 90 کے مجموعی اسکور پر پویلین لوٹے، اختتام پر ٹیم کا مجموعی اسکور 93/4 تک پہنچا۔

    بارہواں اوور (فہیم اشرف): 5 رنز اضافے کے بعد مجموعی اسکور 83/3 تک پہنچا، کرس جورڈ ن 30 اور ڈوسن 21 کے ساتھ وکٹ پر موجود ہیں۔

    گیارہواں اوور (عماد بٹ): 5 رنز اضافے کے بعد مجموعی اسکور 78/3 تک پہنچا۔

    دسواں اوور (شاداب خان): ایک چھکے کی مدد سے اوور میں 11 رنز حاصل کیے جس کے بعد مجموعی اسکور 73/3 تک پہنچا۔

    نواں اوور (فہیم اشرف): 9 رنز اضافے کے بعد مجموعی اسکور 62/3 تک پہنچا۔

    آٹھواں اوور (شاداب خان): ایک چھکے اور چار رنز کے بعد زلمی کا مجموعی اسکور 53/3 تک پہنچا۔

    ساتواں اوور (سمت پٹیل): 5 رنز اضافے کے بعد مجموعی اسکور 43/3 تک پہنچا۔

    چھٹا اوور (شاداب خان): آخری بال پر فلیچر 21 کے انفرادی اور 38 کے مجموعی اسکور پر پویلین روانہ ہوئے، اوور میں پشاور زلمی کی ٹیم صرف دو رنز کا اضافہ کرسکی۔

     پانچواں اوور (سمت پٹیل) پہلی ہی گیند پر نئے آنے والے بیٹسمین محمد حفیظ 8 کے انفرادی اور 25 کے مجموعی اسکور پر آؤٹ ہوئے، 10 رنز اضافے کے بعد مجموعی اسکور 36/2 تک پہنچا،

    چوتھا اوور (محمد سمیع): ایک چھکے اور ایک چوکے کے بعد اختتام پر مجموعی اسکور 26/1 تک پہنچا۔

    تیسرا اوور (سمت پٹیل): دو چوکوں اور ایک سنگل کے بعد چوتھی گیند پر کامران اکمل ایک کے انفرادی اور 12 کے مجموعی اسکور پر پویلین روانہ ہوئے، اختتام پر مجموعی اسکور 13/1 تک پہنچا۔

    دوسرا اوور (محمد سمیع): ایک رن اضافے کے بعد مجموعی اسکور 2/0 تک پہنچا۔

    پشاور زلمی کی جانب سے اننگز کا آغاز کامران اکمل اور آندرے فلیچر نے کیا جبکہ پہلا اوور اسلام آباد یونائیٹڈ کے سمت پٹیل نے کیا، اوور اختتام پر ٹیم کا مجموعی اسکور 1/0 تک پہنچا۔

    ایوارڈ

     لیوک رانکی کو پی ایس فائنل میں شاندار نصف سنچری اسکور کرنے پر میچ کا بہترین کھلاڑی قرار دیا گیا، بہترین وکٹ کیپر کا ایوارڈ ملتان سلطانز کے کمار سنگاکارا کے حصہ میں آیا، فہیم اشرف نے پی ایس ایل تھری کے بہترین بولر کا اعزاز اپنے نام کیا، مین آف دی ٹورنامنٹ کا اعزاز بھی لیونک رانکی لے اڑے، کامران اکمل کو بہترین بلے باز کے اعزاز سے بھی نوازا گیا۔

    ٹاس

    ٹاس کے بعد گفتگو کرتے ہوئے پشاور زلمی کے کپتان کا کہنا تھا کہ ٹیم میں کوئی تبدیلی نہیں کی گئی، کوشش ہے کہ جیت کے تسلسل برقرار رکھیں اور شائقین اچھی کرکٹ دیکھ سکیں۔

    اسلام آباد یونائیٹڈ کے کپتان جے پی ڈومینی کا کہنا تھا کہ ٹاس جیت کرپہلے فیلڈنگ ہی کرتے، پشاور زلمی کے چیلنج کیلئے تیار ہیں، ٹیم میں تبدیلی کے حوالے سے اُن کا کہنا تھا کہ ایلکس ہیلزکی جگہ چیڈوک والٹن ٹیم میں شامل کیا گیا ہے۔

    اُن کا کہنا تھا کہ پاکستان میں کرکٹ کی واپسی بہت بڑی کامیابی ہے، اسٹیڈیم میں موجود شائقین کا جوش قابل دید ہے، اتنی بڑی تعداد میں پرجوش شائقین کی موجودگی میں کھیلنا بہت بڑا چیلنج ہے۔

  • پی ایس ایل تھری کا سب سے بڑا معرکہ آج ہوگا، انتظامات مکمل

    پی ایس ایل تھری کا سب سے بڑا معرکہ آج ہوگا، انتظامات مکمل

    کراچی: پاکستان سپر لیگ تھری کا آخری معرکہ پشاور زلمی اور اسلام آباد یونائیٹڈ کے درمیان آج نیشنل اسٹیدیم کراچی میں ہوگا، وزیر اعظم، چاروں گورنرز دیگر اہم شخصیات بھی میچ دیکھنے اسٹیڈیم آئیں گے، تمام انتظامت مکمل کرلیے گئے۔

    تفصیلات کے مطابق شہر قائد میں نو سال بعد آج کرکٹ کا میلہ سجے گا، جس میں دنیائے کرکٹ کے نامور کھلاڑی اپنی صلاحیتوں کے جوہر دکھائیں گے، پی ایس ایل تھری کے فائنل میچ میں اسلام آباد یونائیٹڈ اور پشاور زلمی مد مقابل ہوں گے، آج شام ساڑھے سات بجے ٹاس اور آٹھ بجے میچ شروع ہوگا۔

    وزیر اعظم شاہد خاقان عباسی اور چاروں صوبوں کے گورنرز بھی میچ دیکھنے اسٹیڈیم آئیں گے، چیئرمین پی سی بی نجم سیٹھی نے چیف جسٹس میاں ثاقب نثار اور چیئر مین پی ٹی آئی عمران خان کو بھی میچ دیکھنے کی دعوت دی ہے، وزیراعظم کل شام7بجےخصوصی طیارےسےکراچی میں فائنل دیکھنےآئیں گے۔

    ذرائع کا کہنا ہے کہ وزیر اعظم شاہد خاقان عباسی کے ساتھ وفاقی وزراء اور ارکان اسمبلی بھی موجود ہوں گے، شہر قائد کو اس انداز میں سجایا اور سنوارا گیا ہے جو پہلے کبھی نہیں ہوا، سڑکوں، چورنگیوں، انڈر پاسز، پلوں اور گرین بیلٹس پر کرکٹ ہیروز کی تصاویر آویزاں کی گئیں ہیں۔

    رنگا رنگ فینسی لائٹس نے ماحول اور بھی دلکش بنا دیا، شہریوں کا کہنا ہے کہ شہر قائد حقیقی معنوں میں روشنیوں کا شہر لگ رہا ہے، شائقین کو اسٹیڈیم تک پہنچانے کے لیے شٹل سروس بھی 12 بجے شروع ہو گی جس کے ذریعے لوگوں کو اسٹیڈیم کے قریب پہنچایا جائے گا، بسیں جہاں اتاریں گی وہاں سے پیدل اسٹیڈیم جائیں گے۔

    پی ایس ایل تھری فائنل کے موقع پر میئر کراچی وسیم اختر نے نیشنل اسٹیڈیم چورنگی کا افتتاح کردیا، چورنگی کو برقی قمقموں سے سجایا گیا ہے، وسیم اخترنے اسٹیڈیم چورنگی پر قومی پرچم بھی لہرایا، افتتاحی تقریب کے بعد شاندارآتشبازی کا مظاہرہ کیا گیا۔

    اس موقع پر سیکیورٹی کا خاص انتظام کیا گیا ہے، پولیس اور دیگر قانون نافذ کرنے والے اداروں نے نیشنل اسٹیڈیم کا کنٹرول سنبھال لیا ہے، بم ڈسپوزل اسکواڈ اور سراغ رساں کتوں کے ذریعے اسٹیڈیم کی تلاشی لینے کے بعد اسے کلیئر قرار دے دیا گیا ہے۔

    رنگا رنگ اختتامی تقریب شام چھ بجے شروع ہوگی

    پی سی بی اعلامیہ کے مطابق سیزن تھری کا اختتام یادگار بنانے کے لیے پی ایس ایل تھری کے فائنل کے موقع پر شائقین کرکٹ ایک ٹکٹ میں دومزے لیں گے، افتتاحی تقریب میں کئی نامور گلوکار اپنی آواز کاجادو جگائیں گے۔

    اختتتامی تقریب چھ بجے شروع ہوگی جبکہ میچ کا آغاز آٹھ بجے ہوگا، اس رنگا رنگ تقریب میں ملک کےمعروف گلوکار پرفارم کریں گے نیٹ اتوار کی شام چھ بجے شروع ہونے والی تقریب میں رنگ جمائیں گے۔

    مزید پڑھیں: فائنل دیکھنے کراچی کنگزکی نیلی شرٹ پہن کراسٹیڈیم پہنچیں، سلمان اقبال

    تقریب میں اسٹرنگز تینوں سیزن کا آفیشل سانگ دینے والے علی ظفر، شہزاد رائے، فرحان سعید اور نوجوان گلوکارہ عائمہ بیگ بھی اپنی آواز کا جادو جگائیں گی۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔  

  • اسلام آباد یونائیٹڈ کی ٹیم فائنل کھیلنےکےلیےکراچی پہنچ گئی

    اسلام آباد یونائیٹڈ کی ٹیم فائنل کھیلنےکےلیےکراچی پہنچ گئی

    کراچی : اسلام آباد یونائیٹڈ کی ٹیم پاکستان سپرلیگ تھری کا فائنل کھیلنے کراچی پہنچ گئے، کھلاڑیوں کو سخت سیکورٹی میں ایئرپورٹ سے ہوٹل پہنچا دیا گیا۔

    تفصیلات کے مطابق اسلام آباد یونائیٹڈ کے کپتان مصباح الحق، فہیم اشرف اور وقاص لاہورسے کراچی پہنچے جبکہ غیرملکی کھلاڑیوں سمیت دیگر کھلاڑی دبئی سے کراچی پہنچے۔

    پاکستان سپرلیگ کا فائنل کھیلنے کے لیے کراچی پہنچنے والے کھلاڑیوں میں کپتان مصباح الحق، آل راؤنڈر فہیم اشرف، وقاص مقصود جبکہ غیرملکی کھلاڑیوں میں لیوک رونکی، جے پی ڈومینی، سمت پٹیل، سمیوئل بدری اور اسٹیون فن شامل ہیں۔

    اسلام آباد یونائیٹڈ کی ٹیم سخت سیکورٹی حصار میں ایئرپورٹ سے ہوٹل پہنچ گئی۔

    پی ایس ایل فائنل : پشاور زلمی کی ٹیم کراچی پہنچ گئی

    خیال رہے کہ گزشتہ روز پاکستان سپر لیگ کا فائنل کھیلنے کے لیے پشاور زلمی کی ٹیم کراچی پہنچی تھی، غیر ملکی کرکٹرز بھی ٹیم کے ہمراہ تھے۔

    یاد رہے کہ اسلام آباد یونائیٹڈ نے پی ایس ایل کا افتتاحی ایڈیشن جیتا تھا جبکہ دوسرا ایڈیشن پشاور زلمی کے نام رہا تھا۔

    واضح رہے کہ اسلام آباد یونائیٹڈ کا 25 مارچ کو کراچی کے نیشنل اسٹیڈیم میں پاکستان سپرلیگ کی دفاعی چیمپئن پشاور زلمی سے ٹاکرا ہوگا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • کراچی کنگز کو شکست، اسلام آباد یونائیٹڈ کی فائنل تک رسائی

    کراچی کنگز کو شکست، اسلام آباد یونائیٹڈ کی فائنل تک رسائی

    دبئی: اسلام آباد یونائیٹڈ کی ٹیم نے لک رونکی کی تیز ترین جارحانہ بیٹنگ کی بدولت کراچی کنگز کو 8 وکٹوں سے شکست دے کر پاکستان سپر لیگ کے تیسرے ایڈیشن کے فائنل تک رسائی حاصل کرلی۔

    تفصیلات کے مطابق پی ایس ایل کے اکتیسویں اور پلے آف کے پہلے میچ میں پوائنٹس ٹیبل پر موجود پہلی اور دوسرے نمبروں کی ٹیموں میں فائنل تک رسائی حاصل کرنے کے لیے مقابلہ دبئی اسٹیڈیم ہوا۔

    آئن مورگن نے ٹاس جیت کر پہلے بیٹنگ کا اعلان کرتے ہوئے کہا کہ ’آج کے میچ میں کوئی تبدیلی نہیں کی گئی، میچ جیت کر فائنل تک رسائی حاصل کرنے کی ہر ممکن کوشش کریں گے‘۔

    کراچی کنگز نے بیٹنگ کا آغاز کیا تو خرم منظور اور ڈین لے میدان میں اترے، تیسرے اوور میں 17 رنز کے مجموعی اسکور پر عماد الیون کی دو وکٹیں گریں تاہم آئن مورگن اور ڈین لے نے گرتی ہوئی ٹیم کو تھوڑا سا سہارا فراہم کیا۔

    بعد ازاں 46 کے مجموعی اسکور پر مورگن 21 رنز کی اننگز کھیل کر آؤٹ ہوئے، نئے آنے والے بیٹسمین کولن انگرام اور ڈین لے نے 59 گیندوں پر 82 رنز کی شاندار شراکت داری قائم کی اور اسکور کو 128 تک پہنچایا۔

    کراچی کنگز کی پہلی اور دوسری وکٹ 17 جبکہ مورگن 46، جوزف ڈین لے 128 کے مجموعی اسکور پر پویلین لوٹے، کولن انگرام 39 گیندوں پر 68 رنز اور ڈین لے 51 رنز کے ساتھ نمایاں بلے باز رہے جبکہ محمد سمیع 2 ، فہیم اشرف اور عماد بٹ ایک ایک وکٹ حاصل کرسکے۔

    ہدف کے تعاقب میں اسلام آباد یونائیٹڈ نے اننگز کا آغاز کیا تو لک رونکی اور صاحبزادہ فرحان میدان میں اترے، مصباح الیون کے اوپنرز نے ٹیم کو شاندار اوپننگ فراہم کی اور 91 کے مجموعی اسکور پر اسلام آباد کی پہلی وکٹ گری۔

    لک رونکی نے دھواں دھار بیٹنگ کرتے ہوئے صرف 19 گیندوں پر پی ایس ایل کی تیز ترین ففٹی مکمل کی اور وہ 94 کے انفرادی اسکور پر فاتحانہ اننگز کھیل پر پویلین لوٹے، یونائیٹڈ کی پہلی وکٹ 91، دوسری 130 پر گری، کراچی کنگز کے کھلاڑیوں نے پانچ کیچز ڈراب کیے جس کا مصباح الیون کے بلے بازوں نے خوب فائدہ اٹھایا اور 13ویں اوور میں ہی 8 وکٹوں سے فتح اپنے نام کی اور فائنل تک رسائی حاصل کرلی۔

    پی ایس ایل کے پلے آف کا دوسرا میچ پشاور زلمی اور کوئٹہ گلیڈی ایٹرز کے مابین بدھ کے روز دبئی انٹرنیشنل اسٹیڈیم میں کھیلا جائے گا، مقابلے میں فتح حاصل کرنے والی ٹیم کراچی کنگز سے میچ کھیلے گی جس کے بعد فائنل تک رسائی حاصل کی جاسکے گی۔

    اسلام آباد یونائیٹڈ اننگز خلاصہ

    تیرہواں اوور (عثمان شنواری): تیسری گیند پر چوکے کے بعد اسلام آباد یونائیٹڈ نے 8 وکٹوں سے فتح اپنے نام کی۔

    بارہواں اوور (محمد عامر): گیارہ رنز اضافے کے بعد مجموعی اسکور 147/2 تک پہنچا۔

    گیارہواں اوور (عثمان شنواری): ایلکس ہیلز چوتھی گیند پر آؤٹ ہوئے، اختتام پر ٹیم کا مجموعی اسکور 136/2 تک پہنچا۔

    دسواں اوور (شاہد آفریدی): ایک چوکے کے بعد ٹیم کا مجموعی اسکور 124/1 تک پہنچا۔

    نواں اوور (محمد عرفان جونیئر): اسلام آباد یونائیٹڈ کا مجموعی اسکور 117/1 تک پہنچا۔

    آٹھواں اوور (شاہد آفریدی): 9 رنز اضافے کے بعد اسلام آباد یونائیٹڈ کا مجموعی اسکور 99/1 تک پہنچا۔

    ساتواں اوور (ٹائمل ملز): صاحبزادہ فرحان آخری گیند پر کیچ آؤٹ ہوئے، 13 رنز اضافے کے بعد مجموعی اسکور 91/1 تک پہنچا۔

    چھٹا اوور (محمد عامر): پہلی گیند پر لک رونکی کا کیچ ڈراپ ہوا، بعد ازاں مجموعی اسکور 75/0 تک پہنچا۔

    پانچواں اوور (عثمان شنواری): تین چھکوں کے بعد ٹیم کا مجموعی اسکور 69/0 تک پہنچا، لک رونکی نے اپنی ففٹی مکمل کی۔

    چوتھا اوور (شاہد آفریدی): ایک چھکے اور دو چوکوں کی مدد سے ٹیم کا مجموعی اسکور 49/0 تک پہنچا۔

    تیسرا اوور (ٹائمل ملز): ایک چھکے اور دو چوکوں کی مدد سے مجموعی اسکور 34/0 تک پہنچا۔

    دوسرا اوور (عثمان شنواری): چار رنز اضافے کے بعد مجموعی اسکور 18/0 تک پہنچا۔

    یونائیٹڈ کی جانب سے بیٹنگ کا آغاز لک رونکی اور صاحبزادہ فرحان نے کیا جبکہ پہلا اوور محمد عامر نے کیا، پہلے اوور میں دو چوکوں کے بعد مصباح الیون کا مجموعی اسکور 14/0 تک پہنچا۔

    کراچی کنگز اننگز خلاصہ

    بیسواں اوور (فہیم اشرف): آخری اوور میں دو چھکوں، ایک ڈبل اور تین سلنگز کے بعد مجموعی اسکور 154/4 تک پہنچا۔

    انیسواں اوور (محمد سمیع): چار رنز اضافے کے بعد مجموعی اسکور 137/4 تک پہنچا۔

    اٹھارواں اوور (فہیم اشرف): جوزف ڈین لے نصف سنچری بنا کر خود ہی وکٹ کو گرا کر آؤٹ ہوئے، کولن انگرام نے آخری بال پر چونکا لگا کر 31 گیندوں پر اپنی ففٹی مکمل کی اور مجموعی اسکور 133/4 تک پہنچا۔

    سترہواں اوور ( محمد سمیع): 9 رنز اضافے کے بعد مجموعی اسکور 120/3 تک پہنچا۔

    سولہواں اوور (حسین طلعت): دو چھکوں کی مدد سے اوور میں 15 رنز حاصل ہوئے جس کے بعد اختتام پر مجموعی اسکور 111/3 تک پہنچا۔

    پندرہواں اوور (فہیم اشرف): ایک چھکے ، ایک چوکے کی مدد سے ٹیم کا مجموعی اسکور 96/3 تک پہنچا۔

    چودہواں اوور (شاداب خان): 6 رنز اضافے کے بعد مجموعی اسکور 81/3 تک ہنچا۔

    تیرہواں اووور (حسین طلعت): دو رن اضافے کے بعد ٹیم کا مجموعی اسکور 75/3 تک پہنچا۔

    بارہواں اوور (شاداب خان): 7 رنز اضافے کے بعد ٹیم کا مجموعی اسکور 73/3 تک پہنچا۔

    گیارہواں اوور (عماد بٹ): پہلی ہی گیند پر کولن انگرام نے شاندار شارٹ کھیل کر اننگز کا پہلا چھکا مارا، اگلی بال پر رن لینے کے بعد ڈین لے وکٹ پر آئے اور انہوں نے چونکا مارا، 13 رنز اضافے کے بعد مجموعی اسکور 65/3 تک پہنچا۔

    دسواں اوور (شاداب خان): 3 رنزاضافے کے بعد ٹیم کا مجموعی اسکور 52/3 تک پہنچا۔

    نواں اوور (عماد بٹ): آئن مورگن پہلی ہی بال پر کیچ آؤٹ ہوئے انہوں نے 16 گیندوں پر 3 چوکوں کی مدد سے 21 رنز کی اننگز کھیلی، یوں کراچی کنگز کی تیسری وکٹ 46 پر گری، تین رنز اضافے کے بعد مجموعی اسکور 49/3 تک پہنچا۔

    آٹھواں اوور (شاداب خان): کپتان مورگن نے شاندار ریورس سوئپ شارٹ کھیلتے ہوئے گیند کو باؤنڈری لائن کے باہر پھینک کر چار رنز حاصل کیے، اوور اختتام پر ٹیم کا مجموعی اسکور 46/2 تک پہنچا۔

    ساتواں اوور (سمت پٹیل): ایک چوکے اور سنگلز کی مدد سے 9 رنز حاصل ہونے کے بعد مجموعی اسکور 38/2 تک پہنچا۔

    چھٹا اوور (فہیم اشرف): ایک چوکے، دو اور سنگل رنز کے بعد ٹیم کا مجموعی اسکور 29/2 تک پہنچا۔

    پانچواں اوور (سمت پٹیل): 3 رنز اضافے کے بعد ٹیم کا مجموعی اسکور 21/2 تک پہنچا۔

    چوتھا اوور (محمد سمیع): خرم منظور باؤلرکے ہاتھوں 6 کے انفرادی اسکور پر پویلین روانہ ہوئے، نئے آنے والے بیٹسمین بابر اعظم اگلی ہی گیند پر بغیر کھاتہ کھولے پویلین روانہ ہوئے، اختتام پر مجموعی اسکور 17/2 تک پہنچا۔

    تیسرا اوور (سمت پٹیل): پہلی بال پر جوئے ڈین لے اسٹمپ ہونے سے محفوظ رہے جس کے بعد انہوں نے دو چوکے لگائے، اختتام پر ٹیم کا مجموعی اسکور 15/0 تک پہنچا۔

    دوسرا اوور (محمد سمیع): ایک چوکے اور ایک سنگل کے بعد مجموعی اسکور 7/0 تک پہنچا۔

    کراچی کنگز کی جانب سے اوپننگ کے لیے خرم منظور اور جوئے ڈین لے میدان میں آئے جبکہ اسلام آباد کے سمت پٹیل نے پہلا اوور کرایا جس میں ٹیم صرف 2 رنز حاصل کرسکی۔

    عماد وسیم کی انجری کے باعث کراچی کنگز کی قیادت آئن مورگن کررہے ہیں جبکہ دوسری طرف اسلام آباد یونائیٹڈ کے قائد مصباح الحق بھی انجری کے باعث میچ سے باہر ہیں اور ان کی جگہ ٹیم کی کپتانی جے پی ڈومینی کررہے ہیں۔

    اسکواڈ

    کراچی کنگز: جوئے ڈین لے، خرم منظور، بابر اعظم، کولن انگرام، آئن مورگن (کپتان)، شاہد آفریدی، محمد رضوان، محمد عامر، محمد عرفان جونیئر، ٹائمل ملز، عثمان خان شنواری

    اسلام آباد یونائیٹڈ: لک رونکی، جے پی ڈومینی (کپتان)، ایلکس ہلز، صاحبزادہ فرحان، طلعت حسین، آصف علی، شاداب خان، فہیم اشرف، عماد بٹ، محمد سمیع اور سمت پٹیل

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پرشیئر کریں۔

  • پی ایس ایل 2018 : کراچی کنگز آج اسلام آباد یونائیٹڈ سے ٹکرائے گی

    پی ایس ایل 2018 : کراچی کنگز آج اسلام آباد یونائیٹڈ سے ٹکرائے گی

    دبئی: پاکستان سپرلیگ کے پلے آف مرحلے میں آج کراچی کنگز اور اسلام آباد یونائیٹڈ کی ٹیمیں ٹکرائیں گی، جیتنے والی ٹیم فائنل کے لیے کراچی کی اڑان بھرے گی۔

    تفصیلات کے مطابق دبئی انٹرنیشنل اسٹیڈیم میں آج کراچی کنگز کا مقابلہ اسلام آباد یونائیٹڈ سے ہوگا، جیتنے والی ٹیم فائنل جبکہ ہارنے والی ٹیم کو ایک اور موقع ملے گا اور وہ دوسرے کوالیفائنگ میچ کی فاتح ٹیم سے کھیلے گی۔

    خیال رہے کہ دوسرا کوالیفائنگ میچ کوئٹہ گلیڈی ایٹرز اور پشاور زلمی کے درمیان 20 مارچ کو لاہور میں کھیلا جائے اور جیتنے والی ٹیم پہلے کوالیفائنگ کی ہارنے والی ٹیم سے 21 مارچ کو قذافی اسٹیڈیم میں مدمقابل ہوگی۔

    کراچی کنگز کی شاندار فتح، پلے آف کے لیے کوالیفائی کرلیا

    یاد رہے کہ دوروز قبل پاکستان سپرلیگ کے انتہائی اہم اور بڑے میچ میں کراچی کنگز نے دفاعی چیمپئن اسلام آباد یونائیٹڈ کو 7 وکٹوں سے شکست دے کر پلے آف کے لیے کوالیفائی کیا تھا۔

    واضح رہے کہ پاکستان سپرلیگ کا فائنل 25 مارچ کو نیشنل اسٹیڈیم کراچی میں ہوگا، میچ کے موقع پر شاہراہ فیصل اور کارساز روڈ پرسیکیورٹی کے سخت انتظامات ہوں گے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • رومان رئیس پی ایس ایل سے باہر

    رومان رئیس پی ایس ایل سے باہر

    دبئی: پاکستان سپرلیگ کے تیسرے ایڈیشن میں اسلام آباد یونائیٹڈ کی ٹیم کو ایونٹ کے دیگر میچز میں فاسٹ باؤلر رومان رئیس کی خدمات حاصل نہیں ہوں گی۔

    تفصیلات کے مطابق کوئٹہ گلیڈی ایٹرز کے خلاف میچ میں فیلڈنگ کے دوران زخمی ہونے والے اسلام آباد یونائیٹڈ کے کھلاڑی رومان رئیس پی ایس ایل سے باہر ہوگئے۔

    اسلام آباد یونائیٹڈ کی جانب سے جاری کیے گئے بیان کے مطابق ٹیم کے فزیو ایرل ایکاٹ رومان رئیس کی چوٹ کا معائنہ کرنے والے ڈاکٹر سے رابطے میں تھے۔

    فزیو ایرل ایکاٹ کے مطابق اگرچہ رومان رئیس کی حالت میں بہت بہتری آئی ہے لیکن ان کا گھٹنا باؤلنگ کرتے ہوئے زیادہ وزن برداشت نہیں کررہا، ڈاکٹر نے رومان رئیس کو مکمل صحت یابی تک آرام کرنے کا مشورہ دیا ہے۔

    بیان میں مزید کہا گیا ہے کہ اسلام آباد یونائیٹڈ کو افسوس ہے کہ پی ایس ایل کے بقیہ میچوں میں ٹیم کو فاسٹ باؤلر کی خدمات دستیاب نہیں ہوں گی لیکن ان کا آرام کرنا ہی درست فیصلہ ہے۔

    خیال رہے کہ رومان رئیس ایونٹ کے ابتدائی مرحلے میں کوئٹہ گلیڈی ایٹرز کے خلاف میچ میں فیلڈنگ کرتے ہوئے گھٹنا زخمی ہونے کے باعث ان فٹ ہوگئے تھے۔

    یاد رہے کہ اس سے قبل اسلام آباد یونائیٹڈ کے 29 سالہ آل راؤنڈر آندرے رسل ہیمسٹرنگ کی تکلیف کے سبب پی ایس ایل سے باہر ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

  • پی ایس ایل 2018: ملتان سلطانز اوراسلام آباد یونائیٹڈ کا ٹاکرا

    پی ایس ایل 2018: ملتان سلطانز اوراسلام آباد یونائیٹڈ کا ٹاکرا

    شارجہ : پاکستان سپرلیگ سیزن تھری میں آج ملتان سلطانز اور اسلام آباد یونائیٹد کی ٹیمیں ایکشن میں دکھائی دیں گی، میچ رات نو بجے کھیلا جائے گا۔

    تفصیلات کے مطابق پاکستان سپرلیگ کا 25 واں ٹاکرا ملتان سلطانز اور اسلام آباد یونائیٹڈ کے درمیان ہوگا، میچ پاکستانی وقت کے مطابق رات 9 بجے شروع ہوگا۔

    پوائنٹس ٹیبل پر اسلام آباد یونائیٹڈ 7میچز کھیل کر 10 پوائنٹس کے ساتھ دوسرے نمبر پر جبکہ ملتان سلطانز 9 میچز کھیل کر 9 پوائنٹس کے ساتھ چوتھے نمبر پر موجود ہے۔ ٹاپ فور میں جگہ برقرار رکھنے کے لیے ملتان سلطانز کوآج کا میچ جیتنا ہوگا۔

    ملتان سلطانز

    شعیب ملک ملتان سلطانز کے کپتان ہیں جبکہ دیگر کھلاڑیوں میں احمد شہزاد، کیرون پولارڈ، کمار سنگا کارا، صہیب مقصود اور ڈیرن براوو، ورلڈ کلاس اسپنر عمران طاہر ، پاکستانی فاسٹ بولرز محمد عباس، عمرگل، محمد عرفان، جنید خان اور سہیل تنویر شامل ہیں۔

    اسلام آباد یونائیٹڈ

    مصباح الحق اسلام آباد یونائیٹڈ کے کپتان ہیں جبکہ دیگر کھلاڑیوں میں آندرے رسل، سیموئل بدری، محمد سمیع، رومان رئیس، شاداب خان، افتخار احمد، عماد بٹ، آصف علی، جے پی ڈومنی، لیوک رانچی، فہیم اشرم، سیم بلنگز، ظفر گوہر، صاحبزادہ فرحان، حسین طلعت، ایلکس ہیلز، ڈیوڈ ولی، محمد حسن اور محمد حسنین شامل ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پی ایس ایل 2018: پہلا مرحلہ مکمل، کراچی کنگز سرفہرست

    پی ایس ایل 2018: پہلا مرحلہ مکمل، کراچی کنگز سرفہرست

    دبئی: پاکستان سپر لیگ کا دوسرا مرحلہ کل سے شارجہ میں شروع ہوگا، پہلے مرحلے میں کراچی کنگز کے شیروں نے عمدہ کھیل کی بدولت پہلی پوزیشن حاصل کی۔

    تفصیلات کے مطابق پاکستان سپر لیگ کا آغاز 22 فروری کو رنگارنگ افتتاحی تقریب کے ساتھ ہوا، شائقین کرکٹ سارا سال اپنی پسندیدہ ٹیم اور کھلاڑی کو ایکشن میں دیکھنے کے لیے بے تاب رہے۔

    پی ایس ایل کی پرنور افتتاحی تقریب میں صوفی کلام پڑھنے والی گلوکارہ عابدہ پروین نے شاندار پرفارمنس سے ایسا سماں باندھا کہ پاکستانی اور غیر ملکی بھی اُن کے سروں پر جھومتے نظر آئے جبکہ علی ظفر کی فضاء میں ہونے والی پرفارمنس بھی شاندار تھی۔

    پانچ روز قبل دبئی میں سجائی جانے والی تقریب کے بعد میچز کا مرحلہ شروع ہوا اور پہلا ٹاکر دفاعی چیمئن پشاور زلمی اور نئی فرنچائز ملتان سلطانز کے مابین ہوا، بعد ازاں پہلے مرحلے میں 6 ٹیموں کے مابین 8 مقابلے ہوئے۔

    مزید پڑھیں: کراچی کنگز پہلے معرکے کی فاتح، کوئٹہ گلیڈی ایٹرز کو شکست

    پہلے مرحلے میں کراچی کنگز کے تمام شیروں نے عمدہ کارکردگی کا مظاہرہ کیا اور تینوں میچز میں فتح حاصل کی جس کے بعد پی ایس ایل کی سب سے بڑی ٹیم پوائنٹس ٹیبل پر 6 پوائنٹس کے ساتھ سرفہرست رہی جبکہ ملتان سلطانز 4 پوائنٹس کے ساتھ دوسرے نمبر پر آئی۔

    علاوہ ازیں کوئٹہ گلیڈی ایٹرز تیسرے، دفاعی چیمپئن پشاور زلمی چوتھے، اسلام آباد یونائیٹڈ پانچویں اور لاہور قلندرز کی ٹیم مسلسل تین میچز میں شکست کے بعد بغیر کسی پوائنٹ کے سب سے آخری نمبر پر آئی۔

    پوائنٹس ٹیبل

    ایک روز وقفے کے بعد پی ایس ایل کا دوسرا مرحلہ کل سے شارجہ میں شروع ہوگا، فائنل تک رسائی حاصل کرنے کے لیے تمام ہی ٹیموں کے کھلاڑی بھرپور توانائی کے ساتھ میدان میں اتریں گے۔

    یہ بھی پڑھیں: پی ایس ایل تھری : کراچی کنگز نے پشاورزلمی کو5 وکٹوں سے شکست دے دی

     کراچی کنگز کے اب تک کھیلے جانے والے میچز

    واضح رہے کہ کراچی کنگز نے پی ایس ایل کے تیسرے ایڈیشن میں اب تک تین میچز کھیلے اور تینوں میں ہی شاندار کارکردگی دکھا کر فتح اپنے نام کی کراچی کنگز کا پہلا میچ کوئٹہ گلیڈی ایٹرز سے ہوا تھا، اس ٹاکرے میں شاہد آفریدی نے سرفراز الیون کے سب سے زیادہ اسکور کرنے والے بلے باز عمر امین کا باؤنڈری پر ناقابل یقین کیچ پکڑا  اور یہی میچ کا ٹرننگ پوائنٹ ثابت ہوا، میچ میں کراچی کنگز نے 19 رنز سے فتح حاصل کی۔

    پی ایس ایل کی سب سے بڑی ٹیم کراچی کنگز کا دوسرا مقابلہ دفاعی چیمپئن پشاور زلمی سے ہوا تھا جس میں کنگز کے شیروں نے سیمی الیون کو سنسنی خیز مقابلے کے بعد 5 وکٹوں سے شکست دی تھی۔

    ویڈیو دیکھیں: شاہد آفریدی کا ناقابلِ یقین کیچ

    کراچی کنگز اور لاہور قلندرز کے مابین تیسرا میچ گزشتہ روز دبئی اسٹیڈیم میں کھیلا گیا، جس میں روی بوپارا کی شاندار ففٹی اور آفریدی کی تین وکٹوں لے کر ٹیم کو ناقابلِ یقین فتح دلوائی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔