اسلام آباد: وفاقی دارالحکومت اسلام آباد میں کرونا وائرس مثبت کیسز کی شرح 1 فیصد سے بھی کم ہوگئی، کرونا وائرس کی تیسری لہر میں یہ مثبت کیسز کی کم ترین شرح ہے۔
تفصیلات کے مطابق وفاقی دارالحکومت اسلام آباد میں کرونا وائرس کیسز کی شرح کم ترین سطح پر آگئی، گزشتہ 24 گھنٹے میں اسلام آباد میں مثبت کرونا کیسز کی شرح 1 فیصد سے بھی کم ریکارڈ کی گئی۔
ڈی ایچ او اسلام آباد کا کہنا ہے کہ کرونا وائرس کی تیسری لہر میں یہ مثبت کیسز کی کم ترین شرح ہے، گزشتہ 24 گھنٹے میں 3 ہزار 463 کرونا ٹیسٹ کیے گئے جن میں سے 31 مثبت کیسز رپورٹ ہوئے۔
اسلام آباد سمیت ملک بھر میں گزشتہ 24 گھنٹے میں کرونا وائرس کے صرف 838 نئے کیسز سامنے آئے ہیں جبکہ کووڈ سے گزشتہ روز 59 اموات ہوئیں۔
ملک میں گزشتہ 24 گھنٹے میں کرونا وائرس کے مثبت کیسز کی شرح 2.39 فیصد رہی۔
دوسری جانب گرمی کی شدت میں اضافے کے ساتھ ملک بھر میں بجلی کا شارٹ فال چار ہزار میگاواٹ تک بڑھ گیا ہے، شہروں میں پانچ سے سات جبکہ دیہات میں 8 سے 10 گھنٹے لوڈشیڈنگ کی جا رہی ہے۔
اس آرڈیننس کے ابتدائی مسودے میں ریپ کے مجرمان کو نامرد بنانے سے قبل ان کی رضامندی حاصل کرنے کی شرط شامل کی گئی تھی جسے حتمی مسودے میں ختم کردیا گیا۔
ترجمان دفتر خارجہ کا کہنا تھا کہ بھارت 2003 کی جنگ بندی کے معاہدے کا احترام یقینی بنائے، بھارت اپنی افواج کو جنگ بندی پر کاربند کرکے عمل کی ہدایت کرے، اور سرحدوں پر معاہدے کی حقیقی روح کے مطابق امن برقرار رکھے۔