Tag: Islamabad

اسلام آباد: وفاقی دارالحکومت میں کرونا وائرس کیسز میں اضافہ جاری ہے، کرونا کیسز رپورٹ ہونے پر اسلام آباد کے 3 تعلیمی ادارے بند کرنے کا فیصلہ کیا گیا ہے۔

ڈی ایچ او ڈاکٹر زعیم ضیا نے ڈپٹی کمشنر اسلام آباد کو ایک مراسلہ جاری کرتے ہوئے ہدایت کی ہے کہ کرونا سے متاثرہ 3 کالجز تا حکم ثانی بند کر دیے جائیں، ان تعلیمی اداروں میں 8 کرونا کیسز سامنے آ چکے ہیں۔

ڈی ایچ او اسلام آباد ڈاکٹر زعیم کا کہنا تھا کرونا کیسز 2 سرکاری، اور ایک نجی تعلیمی ادارے سے سامنے آئے، سیکٹر جی الیون تھری میں واقع نجی تعلیمی ادارے میں 3 کیس رپورٹ ہوئے، اسلام آباد کالج فارگرلز ایف 6/2 میں 2 کرونا کیس رپورٹ ہوئے، جب کہ اسلام آباد ماڈل کالج فارگرلز آئی نائن ون میں 3 کرونا کیسز رپورٹ ہوئے۔

ڈی ایچ او نے مراسلے میں ضلعی انتظامیہ کو متاثرہ تعلیمی ادارے سیل کرنے کی ہدایت کر دی ہے، ڈاکٹر زعیم کی جانب سے متاثرہ تعلیمی اداروں کے ٹیچرز اور عملے کے کرونا ٹیسٹنگ کی بھی ہدایت کی گئی ہے۔

ڈی ایچ او ڈاکٹر زعیم نے یہ ہدایت بھی کہ ہے کہ پازیٹو طلبہ سے ملنے والے افراد 14 دن قرنطینہ میں رہیں۔

اسلام آباد: سابق صدر آصف علی زرداری نے ن لیگی رہنماؤں پر حملے کی مذمت کرتے ہوئے کہا ہے کہ یہ حملہ سیاسی عدم برداشت کا ثبوت ہے۔

اے آر وائی نیوز کے مطابق سابق صدر آصف زرداری نے رہنما مسلم لیگ ن احسن اقبال کو فون کر کے شاہد خاقان عباسی، احسن اقبال، مصدق ملک، اور مریم اورنگ زیب پر حملے کی مذمت کی۔

پی پی شریک چیئرمین نے کہا رہنماؤں پر حملہ سیاسی عدم برداشت کا ثبوت ہے، عمران خان سیاسی شکست پر بوکھلاہٹ کا شکار ہو چکے ہیں۔

افسوسناک واقعہ: لیگی رہنماؤں اور پی ٹی آئی کارکنان میں ہاتھا پائی

آصف زرداری نے کہا مریم اورنگ زیب سے توہین آمیز سلوک قابل مذمت ہے، عمران خان نے سیاست میں گالی اور عدم برداشت کا عنصر پیدا کیا، پی ڈی ایم رہنماؤں پر حملے سے غیر جمہوری سوچ ظاہر ہوتی ہے۔

واضح رہے کہ آج اسلام آباد میں اپوزیشن رہنما میڈیا سے گفتگو کررہے تھے کہ اس دوران صبح سے ڈی چوک پر موجود پی ٹی آئی کارکنان نے اپوزیشن کے خلاف چور اور غدار کے القابات کے ساتھ سخت نعرے بازی شروع کر دی، میڈیا گفتگو کے بعد لیگی رہنما سندھ ہاؤس کی جانب روانہ ہونے لگے تو پی ٹی آئی کارکنان نے نون لیگی رہنماؤں کو زد و کوب کیا۔

شاہد خاقان عباسی کا پی ٹی آئی کارکنان کو چیلنج

پی ٹی آئی کارکنان نے مصدق ملک کو دھکے دیے، اور شاہد خاقان عباسی سے ہاتھا پائی کی، شاہد خاقان اور پی ٹی آئی کارکن نے ایک دوسرے کو تھپڑ بھی مارے، مریم اورنگ زیب پر بھی حملہ کیا گیا جب کہ احسن اقبال کو جوتا مارا گیا۔

اسلام آباد: وفاقی دارلحکومت کے علاقے بھارہ کہو میں امام مسجد، ان کے بیٹے اور شاگرد کے قتل کا مقدمہ درج کر لیا گیا۔

تفصیلات کے مطابق گزشتہ رات اسلام آباد میں امام مسجد مفتی اکرام کو ان کے 13 سالہ بیٹے سمیع الرحمٰن اور ایک شاگرد حبیب اللہ کے ساتھ فائرنگ کر کے قتل کر دیا گیا تھا، جس پر آج مظاہرین نے مری روڈ پر نکل کر ٹریفک بلاک کر دیا تھا۔

ڈپٹی کمشنر اسلام آباد اور ایس ایس پی آپریشنز نے مظاہرین کے ساتھ مذاکرات کیے، کامیاب مذاکرات کے بعد مظاہرین نے دھرنا ختم کر کے مری روڈ ٹریفک کے لیے کھول دیا۔

پولیس نے امام مسجد مفتی اکرام اور دو بچوں کے قتل پر ایف آئی آر درج کر لی، تہرے قتل کا مقدمہ مقتول امام مسجد مفتی اکرام الرحمٰن کے بھائی قاری کرامت الرحمٰن کی مدعیت میں درج کیا گیا ہے۔پولیس حکام نے بتایا کہ قاتلوں کی گرفتاری کے لیے چھاپے مارے جا رہے ہیں۔

اسلام آباد میں امام مسجد 2 بچوں سمیت قتل

پولیس ذرائع کا کہنا ہے کہ پرنس روڈ گلی نمبر دس بھارہ کہو میں واقع جامع مسجد اکبر کے پاس نامعلوم افراد نے فائرنگ کی تھی۔

گزشتہ رات ڈی آئی جی آپریشنز نے واقعے کا نوٹس لیتے ہوئے ایس ایس پی کی سربراہی میں 2 تفتیشی ٹیمیں تشکیل دے دی تھیں، ان ٹیموں کو 24 گھنٹوں کے اندر رپورٹ ڈی آئی جی آپریشنز کو پیش کرنی تھی۔

پولیس کا کہنا تھا کہ ملزمان کی نشان دہی کے لیے سی سی ٹی وی کیمروں کی مدد بھی حاصل کی جا رہی ہے۔

اسلام آباد: بھارہ کہو کے علاقے میں امام مسجد کو 2 بچوں سمیت قتل کر دیا گیا۔

تفصیلات کے مطابق اسلام آباد میں بھارہ کہو کے علاقے میں ایک امام مسجد اور دو بچوں کو گولیاں مار کر قتل کر دیا گیا۔

ایس ایس پی کا کہنا ہے کہ مرنے والوں میں مفتی اکرام، ان کا 13 سال کا بیٹا اور شاگرد شامل ہیں، تینوں افراد کو گولیاں مار کر قتل کیا گیا۔

پولیس کا کہنا ہے کہ جائے وقوعہ کا معائنہ کر کے شواہد اکھٹے کیے گئے ہیں، اور مزید تفتیش جاری ہے۔

لاہور: امام مسجد کا قتل، وزیراعلیٰ پنجاب کا نوٹس

ڈی آئی جی آپریشنز نے واقعے کا نوٹس لیتے ہوئے ایس ایس پی کی سربراہی میں 2 تفتیشی ٹیمیں تشکیل دے دیں، یہ ٹیمیں 24 گھنٹوں میں رپورٹ ڈی آئی جی آپریشنز کو پیش کریں گی۔

ملزمان کی نشان دہی کے لیے سی سی ٹی وی کیمروں کی مدد بھی حاصل کی جا رہی ہے۔

یاد رہے کہ 28 جنوری کو لاہور میں نامعلوم افراد نے ملنے کے بہانے امام مسجد کو قتل کر دیا تھا اور فرار ہوگئے تھے، یہ واقعہ لاہور کے علاقے شالیمار میں آیا تھا، پولیس کا کہنا تھا کہ مسجد کے کوارٹر میں مقیم امام مسجد کو تیز دھار آلے سے قتل کیا گیا۔

امام مسجد کے قتل سے متعلق پولیس نے بتایا کہ مقتول امام آصف ملتانی کالونی کی مسجد میں امامت کراتے تھے، رات گئے نامعلوم افراد مسجد کے کوارٹر میں ملنے آئے، اور انھیں قتل کر دیا۔