ARYNews.tv | Urdu – Har Lamha Bakhabar

Tag: Islamabad

  • سیلزٹیکس ریٹرن جمع کرانیکی تاریخ میں توسیع کی جائے،ذکریا عثمان

    سیلزٹیکس ریٹرن جمع کرانیکی تاریخ میں توسیع کی جائے،ذکریا عثمان

    اسلام آباد: ایوان ہائے صنعت و تجارت نےما ہ جولائی کی سیلزٹیکس ریٹرن جمع کرانے کی تاریخ میں اکتیس اگست تک توسیع کرنے کی درخواست کی ہے، ایف پی سی سی آئی کے صدرزکریا عثما ن نےکہا ہےکہ سیلزٹیکس کا فارم ویب پورٹل ہرہو نے کی و جہ سے ما ہ جولائی کا سیلزٹیکس ریٹرن نہیں جمع ہوسکے،جس کی آخری تا ریخ پندرہ اگست تھی۔

    اس وجہ سے کاروباری طبقہ پریشان ہوگیا ہے ۔ زکریاعثما ن نے کہا ہے کہ عید کی طویل تعطیلات اور اس کے بعد ملک کی موجو دہ سیا سی صو رتحال کی وجہ سے بھی کارو باری طبقہ پریشان ہے ۔ لہذا سیلز ٹیکس ریٹرن جمع کرا نے کی تا ریخ میں اکتیس اگست تک تو سیع کی جا ئے۔

  • پاکستان 1ارب ڈالرکے اسلامی بانڈزجاری کرے گا

    پاکستان 1ارب ڈالرکے اسلامی بانڈزجاری کرے گا

    اسلام آباد: پاکستان 1ارب ڈالر کے اسلامی بانڈز جاری کرے گا تاکہ زرمبادلہ کے ذخائر میں زیادہ سے زیادہ اضافہ کیا جائے گا،۔وزارت خزانہ کے ذرائع کے مطابق اسلامی بانڈز کا اجراءرواں سال ستمبر میں متوقع ہے۔

    واضح رہے کہ حکومت نے 2ارب ڈالر کے یورو بانڈز عالمی مارکیٹ میں فروخت کئے تھے،اس کامیاب تجربے کو مدنظر رکھتے ہوئے اسلامی بانڈز کے اجراءپر غور کیا جا رہا ہے ۔

    ذرائع سے معلوم ہوا ہے کہ اسلامی بانڈز کے اجراءکا مقصد ایسے افراد اور اداروں کی حوصلہ افزائی کرنا ہے جو سود سے پاک سرمایہ کاری کرنے کے خواہش مند ہیں۔

  • اسلام آباد جانیوالی پروازوں کا شیڈول دوسرے روز بھی معطل

    اسلام آباد جانیوالی پروازوں کا شیڈول دوسرے روز بھی معطل

    اسلام آباد: انقلاب اور آزادی مارچ کے حوالے سے حکومت بوکھلاہٹ کا شکار ہے ،سیاسی صورتحال اور جیٹ فیول نہ ہونے کی وجہ سے اسلام آباد جانیوالی پروازوں کا شیڈول دوسروے روز بھی معطل رہنے سے مسافر کوفت کا شکار ہیں، حکومتی اداروں میں بوکھلاہٹ کی وجہ سے قومی خزانے کو کروڑوں روپے کا نقصان ہورہا ہے۔

    اسلام آباد کی غیر یقینی سیاسی صورتحال کی وجہ سے کراچی سے اسلام آباد جانیوالی پروازوں کا آپریشن معطل رہنے سے قومی اداروں  سول ایوی ایشن اتھارٹی ، پی آئی اے سمیت نجی ایئرلائن کو دو دن میں جہاں کروڑوں روپے کا نقصان اٹھانا پڑ ا وہیں مسافر بھی رل گئے۔

    کراچی سے اسلام آباد جانیوالی پرواز پی کےتین سو اور تین سو آٹھ منسوخ کردی گئی، اسلام آباد سے کراچی آنیوالی پرواز پی کے تین سو ایک اور تین سو نو بھی منسوخ ہوگئی۔

    نجی ایئرلائن شاہین ایئر کی پرواز این ایل121 اور اسلام آباد سے کراچی آنیوالی پرواز این ایل122منسوخ کردی گئی، کراچی سے اسلام آباد جانیوالی ایئر بلو کی پرواز201منسوخ کردی گئی۔

  • اسلام آباد:مارچ کے علاقوں میں موبائل سروس جزوی طورپربند

    اسلام آباد:مارچ کے علاقوں میں موبائل سروس جزوی طورپربند

    اسلام آباد: وفاقی حکومت کے انتہائی سخت انتظامات سے شہری پریشانی کا شکار ہوگئے، وفاقی دارلحکومت میں نظامِ زندگی مفلوج ہوکررہ گیا ہے۔

    اسلام آباد میں پاکستان تحریکِ انصاف اور پاکستان عوامی تحریک کی جانب سے مارچ کے موقع پرکسی بھی ناخوشگوار صورتحال سے نمٹنے کے لئے وفاقی حکومت کی جانب سے سیکورٹی کے انتہائی سخت انتظامات کئے گئے ہیں۔

    آبپارہ چوک اور زیرو پوائنٹ کے اطراف کے علاقوں میں پولیس کی بھاری نفری تعینات کردی گئی ہے جبکہ ان علاقوں میں موبائل سروس بھی جزوی طور پربند ہے۔

    راولپنڈی فیض آباد انٹر چینج سے مری جانے والی مرکزی شاہراہ کو بھی بند کردیا گیا ہے، مارگلہ چیک پوسٹ اور اسلام آباد ایکسپریس وے پر بھی وفاقی پولیس کی جانب سے دوبارہ کنٹینرزکھڑے کر دیئے گئے ہیں، جس سے مارچ کے شرکاء کو پریشانی کاسامنا کرنا پڑسکتا ہے۔

    ایکسپریس وے کو مکمل طور پر سیل کردیا گیا ہے اور کسی بھی طرح کی ایمبولینسز اور دیگر گاڑیوں کا داخلہ بھی بند ہے، جس کی وجہ سے اسلام آباد کے شہری کسی بھی ایمرجنسی میں مشکل کا شکار ہوسکتے ہیں۔

  • اسلام آباد: پولیس نے زیرو پوائنٹ کو کنٹینرز لگا کر سیل کردیا

    اسلام آباد: پولیس نے زیرو پوائنٹ کو کنٹینرز لگا کر سیل کردیا

    اسلام آباد : پولیس نے زیرو پوائنٹ کو کنٹینرز لگا کر ایک بار پھر سیل کردیا۔

    اسلام آباد میں پولیس نے عمران خان کی قیادت میں انقلاب مارچ کو روکنے کے لیے زیرو پوائنٹ پر کنٹینرز لگا دیئے، اس دوران پاکستان عوامی تحریک کے کارکنوں نے پولیس پر پتھراؤ شروع کردیا۔

    کارکنوں نے لگائے جانے والے کنٹینرز ہٹانے کی کوشش کی جبکہ کارکنوں کی جانب سے پتھراؤ کے نتیجے میں کنٹینز لگانے والی کرین کےشیشے ٹو ٹ گئے۔ کارکنان کے پتھرائو سے پولیس پیچھے ہٹ گئی اور کرین کا ڈرائیور موقع سے فرار ہوگیا۔

  • سندھ اسمبلی میں جشن آزادی،آتش بازی کا شاندار مظاہرہ

    سندھ اسمبلی میں جشن آزادی،آتش بازی کا شاندار مظاہرہ

    اسلام آباد:ملک بھرمیں یوم آزادی پورے جوش وجذبےسےمنایا جارہا ہے سندھ اسمبلی کی عمارت کوبھی بہت خوبصورتی سےسجایا گیا تھا،اس موقع پرآتش بازی کا شاندار مظاہرہ کیا گیا۔

    پورےملک میں جشن آزادی کی تقریبات کا شاندارآغازہوا، سندھ اسمبلی کی عمارت کو خوبصورتی سےسجایا گیا،اس موقع پرآ تش بازی کا شا ندارمظاہرہ کیا گیا جس سے آسمان پرقوس وقزح کےرنگ بکھر گئے،اس مو قع پرسندھ اسمبلی میں جشن آزادی کے حوالے سے پروقارتقریب منعقد کی گئی، سندھ اسمبلی میں پیپلزپارٹی،ایم کیو ایم،مسلم لیگ فنکشنل کےاراکین اسمبلی اوراسمبلی اسٹاف نے شمعیں روشن کیں،ملی نغمے گا ئے گئے۔

    آتش بازی کے شاندار مظاہرےکےبعدسندھ اراکین اسمبلی نےملک کےاستحکام،ترقی اور خوشحالی کےلئےدعائیں بھی کیں۔

  • وزیر اعظم سے شہباز شریف اور چوہدری نثار کی ملاقات

    وزیر اعظم سے شہباز شریف اور چوہدری نثار کی ملاقات

    اسلام آباد : وزیر اعظم نواز شریف سے شہباز شریف اور چوہدری نثار نے ملاقات کی ، جس میں سیاسی صورتحال پر مشاورت کی گئی۔

    وفاقی وزیر داخلہ چوہدری نثار علی خان ار وزیر اعلی پنجاب میاں شہباز شریف نے اسلام آباد میں وزیر اعظم سے ملاقات کی، جس میں ملک کی موجودہ سیاسی صورتحال پر تفصیلی تبادلہ خیال کیا گیا، دونوں رہنماؤں نے اس سے قبل آرمی چیف جنرل راحیل شریف سے بھی ملاقات کی تھی۔

  • آزادی اور انقلاب مارچ میں دہشتگردی کا خطرہ ہے، رانا مشہود

    آزادی اور انقلاب مارچ میں دہشتگردی کا خطرہ ہے، رانا مشہود

    لاہور: پنجاب کے وزیر قانون رانا مشہود نے ایک ہی سانس میں آزادی اور انقلاب مارچ کو ٹارگٹ کلرز کا نام دے کر دھمکا دیا۔۔ تو دوسرے سانس میں مارچ کے راستے طے کرنے کا بھی بتا دیا۔

    وزیر قانون رانا مشہود نے انقلاب اور آزادی مارچ والوں کو خبردار کردیا، تیرہ اور چودہ اگست کو ٹارگٹ کلرز پوزیشن آگ اور خون کا بازار گرم کریں گے،اس کے ساتھ ہی یہ بھی بتا دیا کہ پی ٹی آئی قیادت سے رابطے ہیں،مارچ کے راستے طے کئے جارہے ہیں، پنجاب کے وزیر قانون کا کہنا ہے کہ لاہور ہائی کورٹ نے غیر ضروری کنٹینرز ہٹانے کیلئے کہا ہے، حکومت اس معاملے کو دیکھ رہی ہے۔

  • چاہے جیل جانا پڑےاسلام آباد جائیں گے، عمران خان

    چاہے جیل جانا پڑےاسلام آباد جائیں گے، عمران خان

    لاہور: تحریک انصاف کے چیئرمین عمران خان نے لاہور ہائیکورٹ کے فیصلے پر رد عمل ظاہرکرتے ہوئے کہا ہے کہ انہیں اس فیصلے کی سمجھ نہیں آرہی۔

    عمران خان نے اپنے ردعمل میں کہا کہ ہم کسی سے لڑنے اسلام آباد نہیں جارہے، ہمارا لانگ مارچ پرامن ہے،ہم غیرآئینی مارچ نہیں کریں گے، عمران خان کا یہ بھی کہنا تھا کہ اگر انہیں جیل بھی جانا پڑے پھر بھی مارچ نہیں رکے گا،لاہورہائیکورٹ کے فیصلے کی سمجھ نہیں آرہی، چیئرمین تحریک انصاف نے جاوید ہاشمی کی نارضگی پر کہا کہ جاوید ہاشمی کو تحفظات تھے تو مجھ سے بات کرتے، دھاندلی سے جیتنے والوں کی کوئی حیثیت نہیں۔

  • لاہور ہائیکورٹ نے پی ٹی آئی کو دھرنا دینے سے روک دیا

    لاہور ہائیکورٹ نے پی ٹی آئی کو دھرنا دینے سے روک دیا

    لاہور: لاہور ہائیکورٹ نےتحریک انصاف کولانگ مارچ کی اجازت دیدی تاہم کہا ہے کہ غیر آئینی طریقے سے دھرنانہیں دے سکتے عدالت نے پنجاب بھر سے کینٹینرزہٹانے کا حکم برقرار رکھا ہے۔

    لاہور ہائیکورٹ میں آج دن بھر کنٹینر کیس کی سماعت جاری رہی اور اسے کچھ دیر کیلئے ملتوی بھی کیا گیا ،عدالت نے اپنے فیصلے میں 14اگست کو تحریک انصاف کو غیر آئینی طریقے سے لانگ مارچ کرنے سےروک دیا ہے، سماعت کے دوران عدالت نے کنٹینر ہٹانے کے معاملے پر حکم امتناعی جاری کرنے کی حکومت کی فوری استدعا مسترد کردی، عدالت نے اپنی آبزرویشن میں کہا کہ ہم بھی چاہتےہیں کہ عوام کے جان و مال کی حفاظت ہو مگر اس کے لیے پورا شہر بند کرنے کی اجازت نہیں دے سکتے، جبکہ دوسرے فریق کو سنے بغیر کنٹینر ہٹانے پر کس طرح حکم امتناعی دیا جاسکتا ہے ۔

    جس پر تحریک انصاف کے وکیل کا کہنا تھا کہ پاکستان تحریک انصاف آئین کے اندر رہ کر ہر کام کرتی ہے ، آئین کے اندر رہ کر احتجاج ہر سیاسی پارٹی کا حق ہے، آزادی مارچ اپنے شیڈول کے مطابق ہوگا۔