راولپنڈی : پاک فوج کے شعبہ تعلقات عامہ (آئی ایس پی آر ) کا کہنا ہے کہ آپریشن ردالفساد کے تحت کراچی میں رینجرز نے کالعدم تنظیم جنداللہ کے خلاف کامیاب کارروائی کرکے چار دہشت گردوں کو ہلاک کردیا، مارے گئے دہشت گردوں میں خاتون سہولت کار افشاں بھی شامل ہے۔
تفصیلات کے مطابق آپریشن ردالفساد میں پاک فوج کو بڑی کامیابی مل گئی۔ سندھ رینجرز کی کارروائی میں دہشت گرد تنظیم جنداللہ کے چار دہشت گرد مارے گئے۔
آئی ایس پی آر کے مطابق مارے گئے، ہلاک دہشت گردوں میں زاہد آفریدی عرف فہیم، محمد حفیظ عرف کوئٹہ وال، ماما اور خاتون سہولت کار افشاں شامل ہیں۔ ہلاک دہشت گرد ایس ایس یو پر ریموٹ کنٹرول بم حملے، سٹی کورٹ میں دستی بم حملے اور فائرنگ میں ملوث تھے۔
ملزمان نے دوہزار تیرہ میں پندرہ سے بیس افراد کو قتل کیا، آئی ایس پی آر کا کہنا ہے کہ ہلاک دہشت گردوں نے رینجرز موبائل پر حملے، بینک ڈکیتی، اغواء برائے تاوان اور سرنگ کھود کر سینٹرل جیل پر حملے کی بھی منصوبہ بندی کی تھی۔
ڈی جی رینجرز سندھ نے وزیرداخلہ چوہدری نثار سے ٹیلیفونک رابطہ کرکے کارروائی پر بریفنگ دی، وزیراعظم نوا شریف اور وزیرداخلہ چوہدری نثار نے رینجرز کی اہم کامیابی پر مبارکباد دی ہے۔
راولپنڈی: پاک فوج کے ترجمان نے اعتزاز احسن کے بیان پر ردعمل دیتے ہوئے کہا ہے کہ کچھ لوگ اعلیٰ انٹیلی جنس ایجنسی کے سربراہ سے متعلق بے بنیاد بیانات دے رہے ہیں جو گمراہ کن اور جھوٹ پر مبنی ہیں۔
پاک فوج کے تعلقات عامہ سے جاری بیان میں ڈی جی آئی ایس پی آر میجر جنرل آصف ٖغفور نے کہا کہ ’’کچھ لوگوں کے اعلیٰ انٹیلی جنس ایجنسی کےسربراہ سےمتعلق بیانات بےبنیادہیں، مسلح افواج کی ساکھ شکوک وشبہات سےبالاہے، ایسے بیانات فوج کی ساکھ کو متاثر کرنے کے لیے دیے گئے ہیں۔
Comments by few regarding head of premier int agency are baseless, misleading and unwarranted. Integrity of armed forces is beyond reproach.
قبل ازیں سینیٹ کے اجلاس کے بعد میڈیا سے گفتگو کرتے ہوئے سینیٹر اعتزاز احسن نے جے آئی ٹی سے متعلق اپنے تحفظات کا اظہار کرتے ہوئے کہا تھا کہ کمیٹی میں آنے والے تمام اداروں کے ن لیگ سے تعلقات ہیں، ایف آئی اے، ایس ای سی پی اور اسٹیٹ بینک کے سربراہان ان کے اپنے لگائے ہوئے ہیں جب کہ شریف برادران کے آئی ایس آئی سے خاندانی تعلقات ہیں ایسی صورت میں جے آئی ٹی کیا انصاف کرے گی۔
بیان سننے کے لیے دیکھیں ویڈیو:
دوسری جانب چوہدری شجاعت حسین، سراج الحق اور تجزیہ کاروں نے اعتزاز کے بیان کی مذمت کردی اور کہا ہے کہ ایسے بیانات دینے سے گریز کیا جائے۔
راولپنڈی : پاک فوج کے ترجمان میجر جنرل آصف غفور نے کہا ہے کہ بھارتی جاسوس کلبھوشن یادیو کو سزا ٹھوس ثبوتوں کی بنیاد پردی گئی ہے،اس کو سزا دینا ہمارا کام ہے، پیچھے نہیں ہٹیں گے لاپتہ لیفٹیننٹ کرنل (ر) حبیب ظاہر سے متعلق تحقیقات جاری ہیں۔
تفصیلات کے مطابق پاک فوج کے شعبہ تعلقات عامہ (آئی ایس پی آر ) کے ڈائریکٹر جنرل نے میڈیا بریفنگ کے بعد صحافیوں کے مختلف سوالات کا جواب دیتے ہوئے کہا کہ بھارتی جاسوس کلبھوشن یادیو کی سزا عملدرآمد قواعد کے مطابق کردیا جائے گا اسےٹھوس ثبوتوں کی بنیاد پر سزائے موت سنائی گئی ہے۔
انہوں نے کہا کہ کلبھوشن یادیو کو ریاست مخالف سرگرمیوں پرپکڑا، اس کے خلاف کورٹ مارشل کارروائی ہوئی،یہ فوج کا کام تھا اور فوج نے کہا کہ ہم کمپرو مائز نہیں کریں گے، اب آگے کا قانونی عمل ہے، کیس ایپلٹ کورٹ میں جائے گا اس کا فیصلہ آئے گا۔
میجر جنرل آصف غفور نے کہا کہ ایسے ثبوت پرسزاسنائی جسے کسی فورم پر جھٹلایا نہیں جا سکتا، اگر اسے کسی بھی فورم پر لے جایا گیا تو فوج اپنا مقدمہ بھرپور طریقے سے لڑے گی، کلبھوشن کو قانون کے تحت قونصلر رسائی نہیں مل سکتی تھی اور نہ ملے گی۔
احسان اللہ احسان نے ہتھیار ڈال دیے
میجر جنرل آصف غفور کا کہنا تھا کہ آپریشن ردالفساد ملک سے فساد ختم کرنے کا عہد ہے‘ رد الفساد کے تحت ملک بھر سے غیر قانونی اسلحے کا صفایا کیا جائے گا، تحریک طالبان کے ترجمان احسان اللہ احسان نے سیکیورٹی فورسز کے سامنے ہتھیار ڈال دیے ہیں۔
جی ایچ کیو میں پریس کانفرنس سے خطاب کرتے ہوئے انہوں نے کہا کہ سیکیورٹی اداروں اور عوام کے تعاون کی مدد سے آپریشنوں میں کامیابیاں ملی ہیں۔ ان کا کہنا تھا کہ پاکستان کو بنے 70 سال ہوئے ہیں ادارے وقت کے ساتھ مضبوط ہوتے ہیں۔
میجرجنرل آصف غفور کا کہنا تھا کہ دہشت گرد اوران کے ساتھی کہیں بھی ہوں ہمیں ان کوختم کرنا ہے‘ دہشت گردوں کے سرحد پار قیادت سے رابطے ختم کرنے ہیں اورملک سے غیرقانونی ہتھیاروں کو ختم کرنا ہے۔
ان کا یہ بھی کہنا تھا کہ آپریشن ردالفساد کے تحت ملک میں چار ریفارمز کرنے ہیں جن میں مدرسہ ریفارم‘ جوڈیشل ریفارم‘ پولیس ریفارم اورفاٹا ریفارم شامل ہیں۔
رد الفساد کے تحت کارروائی
پریس بریفنگ کے دوران میجرجنرل آصف غفور کا کہنا تھا کہ آپریشن ردالفساد ملک سے فساد ختم کرنے کا عہد ہے‘ انہوں نے بتایا کہ ملک بھرمیں 4535انٹیلی جنس آپریشنز کئے گئے اور مختلف کارروائیوں میں 108دہشت گرد مارے گئے۔
انہوں نے یہ بھی بتایا کہ کل 4510 مشتبہ افراد اور1859غیررجسٹرڈ افغان گرفتارکئے گئے جبکہ مجموعی طور پر کل 558 مجرموں نے ہتھیار ڈالے جن میں سے بلوچستان میں 487کالعدم تنظیم کے لوگوں نے ہتھیارڈالے۔
یہ بھی بتایا گیا ہے کہ ان کارروائیوں میں 4083 غیر قانونی ہتھیار پکڑے گئے ہیں جبکہ 6 لاکھ 22 ہزار سے زائد گولیاں برآمد کی گئی ہیں۔ بلوچستان اور فاٹا سے برآمد ہونے والا اسلحہ اس کے علاوہ ہے۔
بریفنگ کے دوران پوچھے گئے سوال کے جواب میں کہا گیا کہ دنیادہشت گردی کے خلاف جنگ میں پاکستان کے کردارکوتسلیم کرتی ہے، دنیا میں کوئی ایساملک نہیں جس نے دہشت گردی کا اس قدر جواں مردی سے بھرپورمقابلہ کیا ہو۔
ایک اور سوال کے جواب میں ان کا کہنا تھا کہ یوتھ ہماری ہے اور یہ ہماری مشترکہ ذمہ داری ہے، ماں باپ ہونے کے ناطے ہمیں بچوں پرنظر رکھنی ہے، داعش ایک ذہنیت کا نام ہے جسے ہر گھر کے اندر سے شکست دینی ہے۔
نورین لغاری کا ویڈیو بیان
ڈی جی آئی ایس پی آر نے کہا کہ نورین جیسے نوجوانوں کی سوچ بہتربنانا ہوگی، حیدرآباد میں میڈیکل کی طالبہ کو بھی ورغلایاگیا جسے لاہور سے بازیاب کرایا جاچکا ہے، انہوں نے واضح کیا کہ نورین لغاری کبھی شام نہیں گئی جبکہ ویڈیو بیان میں نورین لغاری کا کہنا تھا کہ اسے خود کش حملے کے لیے استعمال کیا جانا تھا لیکن 14 اپریل کی رات کو ہی سیکیورٹی فورسز نے ہمارے گھر پر چھاپہ مارا اور پکڑلیا۔
آئی ایس پی آر کی جانب سے نورین لغاری کے اعترافی بیان کی ویڈیو بھی جاری کی گئی ‘ اس موقع پرڈی جی آئی ایس پی آر کا کہنا تھا کہ یہ ہمارے بچے ہیں جو بھٹک گئے ہیں ان کی سماجی زندگی کو دوبارہ بحال کرنے کے لیے اقدامات کیے جارہے ہیں۔
راولپنڈی : پاک فوج نے عزیربلوچ کو اپنی تحویل میں لے لیا، لیاری گینگ وار کے سرغنہ کو پاکستان آرمی ایکٹ اور آفیشل سیکریٹ ایکٹ1923 کے تحت تحویل میں لیا گیا ہے۔
پاک فوج کے شعبہ تعلقات عامہ آئی ایس پی آر کے مطابق عزیر بلوچ کو جاسوسی کے الزام میں تحویل میں لیا گیا، آئی ایس پی آر کا کہنا ہے کہ عزیر بلوچ نے حساس سیکیورٹی معلومات غیر ملکی ایجنسیوں کو دی تھی۔ اسکے علاوہ
عذیربلوچ کے بھارتی ایجنسی را سمیت دیگر پاکستان مخالف قوتوں سے رابطے تھے۔
Uzair Baloch taken into military custody under Pakistan Army Act / Official Secret Act – 1923. (1 of 2)
یاد رہے کہ اے آروائی نیوز نے عزیر بلوچ کے خلاف مقدمہ فوجی عدالت میں چلانے کی خبرسب سے پہلےنشرکی تھی۔
عذیر بلوچ کو تیس جنوری 2016کو رینجرز نے کراچی میں داخل ہوتے ہوئے گرفتار کیا تھا، گرفتاری کے وقت عزیرجان بلوچ سے اسلحہ کے علاوہ ایرانی پاسپورٹ بھی برآمد ہوا۔
On charges of espionage (leakage of sensitive security information to foreign intelligence agencies). (2 of 2)
عزیرجان بلوچ قتل، اقدام قتل، بھتہ خوری، اغوا برائے تاوان اور سیکیورٹی فورسز پر حملوں جیسے سنگین مقدمات میں پولیس کو مطلوب تھا۔
عذیر بلوچ کی گرفتاری کے بعد پیپلز پارٹی کے سینئررہنما اور قومی اسمبلی میں اپوزیشن لیڈر خورشید شاہ نے کہا تھا کہ پیپلزپارٹی کا لیاری گینگ وار کے سرغنہ عزیر بلوچ سےکوئی تعلق نہیں ہے، ان کا کہنا تھا کہ پیپلز پارٹی عذیر بلوچ سے لاتعلقی کے موقف پر قائم ہے۔
لیاری گینگ وار کے سرغنہ عزیر بلوچ نے جے آئی ٹی کے سامنے لرزہ خیز انکشافات کیے تھے۔ جس میں کہا گیا تھا کہ عزیر بلوچ نے شیر شاہ کباڑی مارکیٹ میں تاجروں کے اجتماعی قتل سمیت ایک سو ستانوے افراد کے قتل کا اعتراف کیا۔
عزیر نے اٹھارہ اکتوبر دو ہزار دس میں بھتہ نہ دینے پر بارہ تاجروں کو بھی فائرنگ کر کے قتل کیا۔ مشترکہ تحقیقاتی کمیشن کے سامنے عزیر بلوچ نے بالواسطہ یا بلاواسطہ 197 قتل کی وارداتوں کا اعتراف کیا جس میں ڈالمیا کے حاجی اسلم، ان کے پانچ بیٹوں اور ڈی آئی جی ساؤتھ کی اسپیشل ٹیم کے اہلکار ہیڈ کانسٹیبل شجاع کا قتل بھی شامل ہے۔
راولپنڈی: پاک فوج نے کہا ہے کہ دہشت گردی میں ملوث دو افراد کو ساہیوال میں پھانسی دے دی گئی۔
پاک فوج کے شعبہ تعلقات عامہ (آئی ایس پی آر) کے مطابق دو دہشت گرد محمد شاہد عمر اور فضل حق کالعدم ٹی ٹی پی کے سرگرم کارکن تھے اور یہ دونوں دہشت گرد قانون نافذ کرنے والے اداروں پر حملوں میں ملوث تھے۔
آئی ایس پی آر نے مزید کہا ہے کہ دونوں دہشت گرد پولیو ٹیموں،این جی او کے اہلکاروں پر حملوں میں بھی ملوث تھے، دونوں دہشت گردوں نے دوران سماعت حملوں کا اعتراف کیا۔
واضح رہے کہ قومی اسمبلی اور سینیٹ سے منظوری اور صدر مملکت کے دستخط کے بعد فوجی عدالتوں نے کام شروع کردیا ہے۔
سیالکوٹ سے دو مبینہ دہشت گرد گرفتار
دوسری جانب کاؤنٹر ٹیرر ازم ڈپارٹمنٹ (سی ٹی ڈی) نے سیالکوٹ میں کارروائی کرتے ہوئے دو مبینہ دہشت گرد گرفتار کرلیے۔
سی ٹی ڈی کے مطابق گرفتار دہشت گردوں میں محمد قدیر اور محمد مرید شامل ہیں، دہشت گردوں کا تعلق کالعدم تنظیم سے ہے، دہشت گردوں سے بارودی مواد سمیت دیگر سامان برآمد کیا گیا۔
لندن: ڈی جی آئی ایس پی آر میجر جنرل آصف غفور نے کہا ہے کہ پاکستان کا غدار پاکستان میں نہیں رہ سکتا، دنیا میں اب ہمیں کوئی بائی پاس نہیں کرسکتا، راحیل شریف کی سعودی عسکری اتحاد میں تقرری ریاست کا فیصلہ ہے۔
یہ بات انہوں نے لندن میں صحافیوں سے گفت گو کرتے ہوئے کہی۔
سینئر صحافی عامر غوری نے بتایا کہ آصف غفور نے صحافیوں سے ڈھائی گھنٹے تک مختلف معاملات پر بات چیت کی، گفت گو سے قبل ہم سے اپنے کیمرے آف کرنے کی درخواست کی اور کہا کہ اگر کیمرے آن رہے تو ممکن ہے میں آپ لوگوں سے وہ باتیں نہ کرسکوں جو کرنا چاہتا ہوں۔
میڈیا نے ان کی بات مانتے ہوئے کیمرے آف کردیے،آصف غفور نے میڈیا کو اجازت دی کہ جو چیزیں آپ سمجھتے ہیں کہ وہ بہتری کی طرف جاتی ہیں انہیں رپورٹ کریں۔
آپریشن رد الفسار پر بات کرتے ہوئے میجر جنرل آصف غفور نے کہا کہ آپریشن کے تحت مختلف اہداف حاصل کرلیے ہیں، رد الفساد کے تحت مدرسہ اصلاحات کا کام جاری ہے، مختلف مدرسوں اور تعلیمی اداروں پر ہماری نظر ہے کہ وہاں لوگ کیا کررہے ہیں، انہیں پکڑنا زیادہ مشکل ہےاس لیے ان پر ہماری نظر زیادہ سخت ہے ۔
انہوں نے کہا کہ مغربی اور شرقی سرحدوں کی حفاظت کا عمل جاری ہے جس میں کامیابیاں ملی ہیں، پاکستان کے دشمن جہاں جہاں ملیں گے ان کے خلاف وہاں وہاں کارروائی کریں گے۔
راحیل شریف کی تقرری پاکستانی ریاست کا فیصلہ ہے
ایک سوال پر انہوں نے کہا کہ فوجی اتحاد میں راحیل شریف کی تقرری پاکستانی ریاست کا فیصلہ ہے، پاکستانی سعودی عرب اور ایران سے بہتر تعلقات کا خواہش مند ہے۔
A traitor cannot live in Pakistan, We doesn’t…by arynews
مسئلہ کشمیر پر ان کا کہنا تھا کہ بھارت کے ساتھ جو مسئلے ہیں وہ بات چیت کے ذریعے ہی حل ہوں گے ، نہ کشمیر وہ ہم سے لے سکتے ہیں اور نہ ہم ان سے لے سکتے ہیں لیکن یہ مسئلہ تو حل ہونا ہے۔
ایک سوال پر انہوں نے کہا کہ پانی کا مسئلہ بہت اہم ہے ، اگلی جنگیں پانی پر ہوں گی،انہوں نے تسلیم کیا کہ ہم بے شک مشکل دور سے گزر رہے ہیں لیکن ہمیں منزل نظر آرہی ہے۔
مہمند ایجنسی : جماعت الاحرار کے 8 دہشت گردوں نے پاک فوج کے سامنے ہتھیار ڈال دیئے، جماعت سے منسلک دیگر دہشت گرد جلد ہتھیارڈال سکتے ہیں۔
پاک فوج کے شعبہ تعلقات عامہ آئی ایس پی آرکے مطابق گزشتہ رات مہمند ایجنسی میں شدت پسند جماعت الاحرار کے 8 دہشت گردوں نے پاک فوج کے سامنے ہتھیار ڈال دیئے۔
ہتھیارڈالنے والوں میں اکبر، گل،سراج اور اس کے 5 ساتھی شامل ہیں۔
پاکستان دشمنوں نے گمراہ کرکے حملوں پر اُکسایا
خود کو قانون کے حوالے کرتے ہوئے جماعت الاحرار کے دہشت گردوں کا کہنا تھا کہ ہمیں پاکستان دشمنوں نے گمراہ کرکے حملوں پر اکسایا تھا، اب دہشت گردی پر ہمارا ضمیر ملامت کررہا ہے، یہ عمل مذہب کے بھی خلاف ہے۔
واضح رہے کہ حکام کے آگے ہتھیار ڈالنے والوں کاتعلق ولی الرحمان گروپ سے ہے۔ آئی ایس پی آرکے مطابق جماعت سے منسلک دیگر دہشت گرد جلد ہتھیارڈال سکتے ہیں، بھٹکنے والے دہشت گرد خود کو حکام کے حوالے کردیں۔
اسلام آباد: آرمی چیف جنرل قمر جاوید باجوہ نے کہا ہے کہ بیرون ملک مقیم پاکستانی وطن کی ترقی اور خوشحالی میں اپنا بھرپور کردار ادا کریں.
پاک فوج کےشعبہ تعلقات عامہ آئی ایس پی آر کے مطابق آرمی چیف جنرل قمر جاوید باجوہ پاکستانی ہائی کمیشن لندن میں ہم وطنوں سے خطاب کر رہے تھے جہاں ان کے اعزاز میں عشائیہ دیاگیا اور پاکستانی ہائی کمشنر سید ابن عباس نےآرمی چیف کا استقبال کیا.
اس موقع پر آرمی چیف نے برطانیہ میں مقیم پاکستانی کیمونٹی سے بات چیت کی اور شرکاء کو دہشت گردی کےخاتمے اور پاکستان میں انتہا پسندی کے خاتمے میں آنےوالی بہتری سے متعلق بتایا گیا.
پاک فوج کےسربراہ جنرل قمر جاوید باجوہ نےتقریب سے اپنے خطاب میں کہا کہ بیرون ملک مقیم پاکستانی وطن کی ترقی اور خوشحالی میں اپنا اہم کردار ادا کریں اور پاک فوج سیکیورٹی کی صورت حال بہتربنانے کے لیے اپناکردار ادا کرتی رہے گی.
پاکستان خطے میں قیام امن کیلئے کردارادا کرتا رہے گا، آرمی چیف
یاد رہےکہ گذشتہ روز چیف آف آرمی اسٹاف جنرل قمر جاوید باجوہ نے لندن مختلف اعلیٰ شخصیات سے ملاقات کی، اس موقع پر انہوں نے کہا کہ پاکستان ایک امن دوست ریاست ہے اور خطے میں امن واستحکام کے لئے اپنا بھرپور کردارادا کرتا رہے گا.
آرمی چیف کا کہناتھا کہ افغانستان میں امن کے لیے پاکستان اپنی تمام تر کوششیں جاری رکھے گا ان کامزید کہنا تھا کہ افغانستان میں دیرپا امن پاکستان کےمفاد میں ہے۔
راولپنڈی : چیف آف آرمی اسٹاف جنرل قمر جاوید باجوہ نے کہا ہے کہ پاکستان ایک امن دوست ریاست ہے اور خطے میں امن واستحکام کیلئے اپنا بھرپور کردارادا کرتا رہے گا۔
یہ بات انہوں نے لندن میں مختلف اعلیٰ شخصیات سے ملاقات کے موقع پر کہی، آرمی چیف جنرل قمر جاوید باجوہ جو ان دنوں لندن کے دورے پر ہیں، لندن پہنچنے پران کو گارڈ آف آنر پیش کیا گیا، انہوں نے لندن میں مصروف دن گزارا اوراعلیٰ حکام سے اہم ملاقاتیں کیں۔
پاک فوج کے شعبہ تعلقات عامہ ( آئی ایس پی آر ) کے ڈی جی کے مطابق آرمی چیف نے برطانوی چیف آف ڈیفنس اسٹاف سےملاقات کی۔
اس کے علاوہ آرمی چیف نے برطانوی خصوصی نمائندہ برائے پاکستان وافغانستان اور امریکی مشن کےکمانڈر سے بھی علیحدہ ملاقات کی ہے۔ ملاقات مین جیو پولیٹیکل صورتحال اورافغانستان سے متعلق امور پربات چیت کی گئی۔
اس موقع پر گفتگو کرتے ہوئے آرمی چیف جنرل قمر جاوید باجوہ نے کہا کہ پاکستان ایک امن دوست ریاست ہے اور خطے میں امن واستحکام کیلئے اپنا بھرپور کردارادا کرتا رہے گا۔
انہوں نے کہا کہ خصوصاً افغانستان میں امن کیلئے پاکستان اپنی تمام تر کوششیں جاری رکھے گا، افغانستان میں دیرپا امن پاکستان کےمفاد میں ہے۔
ڈی جی آئی ایس پی آر کے مطابق آرمی چیف نے سی پیک اورخطے پراس کےثمرات پر بھی روشنی ڈالی، برطانوی رہنماؤں کا بھی اپنے خیالات کا اظہار کرتے ہوئے کہنا تھا کہ خطےمیں امن واستحکام کیلئے پاکستان کا کردار قابل قدر ہے۔
اسلام آباد: آئی ایس پی آر کا کہنا ہے کہ پاک فوج میں اعلی سطح پر افسران کی تقرریاں اور تبادلے کئے گئے ہیں۔
پاک افواج کے شعبہ تعلقات آئی ایس پی آر کے مطابق پاک فوج کے میجرجنرل اظہر صالح عباسی کو لیفٹنٹ جنرل کے عہدے پر ترقی دیکر کور کمانڈر منگلا ون کور تعینات کردیا گیا۔ہے جبکہ پاکستان آرڈیننس فیکٹریز کے چیئرمین لیفٹنٹ جنرل عمر محمود حیات کا تبادلہ بطور چیئرمین نیشنل ڈیزاسٹر مینجمنٹ اتھارٹی تعینات کر دیا گیا ہے۔
آئی ایس پی آر کے مطابق موجودہ کور کمانڈر منگلا ون کور لیفٹینٹ جنرل عمرفاروق درانی کو پاکستان آرڈیننس فیکٹریز کا چیئرمین مقرر کردیا گیا ہے۔
خیال رہے کہ اس سے قبل لیفٹیننٹ جنرل عمرفاروق درانی کورکمانڈر منگلا کے فرائض سرانجام دے رہے تھے۔
مغرب میں منگلا قلعہ کے تلہٹی میں واقع ایک چھوٹے سے گاؤں کے نام سے ماخوذ ہے جو منگلا ڈیم کی تعمیر سے قبل یہاں موجود تھا۔ اس وقت لفظ منگلا ایک بڑے علاقے کے لئے استعمال کیا جاتا ہے جس میں منگلا چھاؤنی، منگلا کالونی اور منگلا ہیملیٹ شامل ہیں۔
پاک فوج کے 16 میجر جنرلز عہدوں پر تعینات
یاد رہے کہ رواں سال ماہ فروری میں پاک فوج میں اعلیٰ سطح افسران کے تقرری و تبادلے کیے گئے تھے، جس میں 16 میجر جنرلزکو مختلف عہدوں پر تعینات کیا گیا تھا۔
میجرجنرل جمیل رحمت وینس کو وائس چیف آف جنرل اسٹاف الفا، میجر جنرل خان طاہر کو ریماؤنٹ وٹرنری اینڈ فارمرز، میجرجنرل طیب کو کمانڈنٹ ڈیفنس سروسز گار، میجرجنرل ماجد احسان کو وائس چیف آف جنرل اسٹاف براوو تعینات کیا گیا ہے۔
میجرجنرل ظفرالحق کو ہیڈ آف ہیومن ریسورس ڈپارٹمنٹ، میجر جنرل کامران کو جی او سی17 ڈویژن کھاریاں، میجر جنرل عامر کو جی او سی ٹین ڈویژن لاہور، میجرجنرل علی کو جی او سی 18 ڈویژن میں حیدرآباد، میجر جنرل عامررضا کو جی او سی37 آرمڈ ڈویژن گوجرانوالہ تعینات کیا گیا ہے۔
