ARYNews.tv | Urdu – Har Lamha Bakhabar

Tag: ISPR

  • آرمی چیف کا کرم ایجنسی کا دورہ،جوانوں اورافسروں سے ملاقات

    آرمی چیف کا کرم ایجنسی کا دورہ،جوانوں اورافسروں سے ملاقات

    راولپنڈی: آرمی چیف جنرل راحیل شریف کا کہنا ہے کہ ہم اپنی سرزمین کو کسی ملک کے خلاف استعمال نہیں ہونے دیں گے اور ملک بھر میں دہشت گردوں کے خلاف بلاامتیاز آپریشن جاری رہے گا۔

    پاک فوج کے شعبہ تعلقات عامہ کے مطابق آرمی چیف جنرل راحیل شریف نے کرم ایجنسی کے علاقے ٹل میں آپریشنل مورچوں کا دورہ کیا اور وہاں موجود پاک فوج کے جوانوں سے ملاقات کی جب کہ اس دوران آرمی چیف کو کومبنگ آپریشن کے بارے میں بریفنگ دی گئی اور انٹیلی جنس بیسڈ آپریشن کے حوالے سے بھی آگاہ کیا گیا۔

    آئی ایس پی آر کے مطابق آرمی چیف جنرل راحیل شریف نے آپریشن میں دہشت گردوں سے برسرپیکار جوانوں کے بلند حوصلے کو سراہتے ہوئے کہا کہ پاکستان کی مسلح افواج کی کامیاب کارروائیوں سے دہشت گردوں اور ان کے سہولت کاروں کا خاتمہ ہورہا ہے،ملک کا امن اور خوشیاں دوبارہ لوٹ آئیں ہیں ۔

    ترجمان پاک فوج کے مطابق آرمی چیف نے پاک افغان سرحد پر ہونے والی نقل و حرکت پر کڑی نظر رکھنے کی بھی ہدایات جاری کیں۔

    جنرل راحیل شریف کا کہنا تھا کہ ملک بھر سے دہشت گردوں کے سلیپرزسیل اورنیٹ ورک ختم کررہے ترجمان پاک فوج کے مطابق آرمی چیف نے پاک افغان سرحد پر ہونے والی نقل و حرکت پر کڑی نظر رکھنے کی بھی ہدایات جاری کیں۔

    جنرل راشد محمود روس کے دورے پر روانہ

    دوسری جانب جوائنٹ چیف آف اسٹاف کمیٹی جنرل راشد محمود روس کے دورے پر روانہ ہوگئے ہیں ، آئی ایس پی آر کے مطابق چئیرمین جوائنٹس چیف آف اسٹاف جنرل راشد محمود عسکری حکام سے جو ملاقاتیں کریں گے ان میں پاکستان روس کے دو طرفہ فوجی تعاون کو بڑھانے پربات چیت ہوگی۔

  • پاک فوج کی گلگت بلتستان میں کارروائی، 2 دہشت گرد گرفتار

    پاک فوج کی گلگت بلتستان میں کارروائی، 2 دہشت گرد گرفتار

    راولپنڈی: پاک فوج نے گلگت بلتستان کے علاقے جگلوٹ میں اسلحہ منتقلی کے دوران کارروائی کر کے 2 دہشت گردوں کو گرفتار کر کے اُن کے قبضے بھاری تعداد میں اسلحہ برآمد کرلیا۔

    آئی ایس پی آر سے جاری کردہ اعلامیے کے مطابق پاک فوج نے خفیہ اطلاع پر گلگت بلتستان کے علاقے جگوٹ میں کارروائی کرتے ہوئے 2 دہشت گردوں کو گرفتار کرلیا ہے۔

    پڑھیں:  خیبرایجنسی میں فضائی کارروائی، شدت پسندوں کے 9 ٹھکانے تباہ

    اعلامیے میں مزید کہا گیا ہے کہ ’’دہشتگردوں کے قبضے سے  2کلاشنکوف اور 12 میگزین، 1800 سے زائد مختلف ہتھیاروں کی گولیاں، 5 رائفلیں، 2 پستول اور 270 ڈیٹونیٹر برآمد کی گئی ہیں‘‘۔

    فوج کے تعلقات عامہ کے مطابق دہشت گردوں کے قبضے سے خودکُش جیکٹ بھی برآمد ہوئی ہے، دونوں دہشت گرد ایک کار میں اسلحہ و گولہ بارود منتقل کررہے تھے، گرفتار ملزمان کو تفتیش کے لیے نامعلوم مقام پر منتقل کردیا گیا ہے۔

    علاوہ ازیں اعلامیے میں مزید کہا گیا ہے کہ ’’راولپنڈی میں سے پاک فوج نے کارروائی کرتے ہوئے 2 خطرناک دہشت گردوں کو گرفتار کرلیا ہے، جو قانون نافذ کرنے والے اداروں کو متعدد وارداتوں میں مطلوب تھے‘‘۔

  • جنرل راحیل شریف 2 روزہ دورے پر ملائشیا پہنچ گئے

    جنرل راحیل شریف 2 روزہ دورے پر ملائشیا پہنچ گئے

    راولپنڈی : آرمی چیف آف اسٹاف جنرل راحیل شریف 2 روزہ سرکاری دورے پر ملائشیا پہنچ گئے جہاں انہوں نے عسکری قیادت، وزیر دفاع سمیت دیگر اعلیٰ حکام سے ملاقاتیں کیں۔

    آئی ایس پی آر کے مطابق آرمی چیف آف اسٹاف جنرل راحیل شریف نے ملائشیا پہنچ کر ہم منصب راجہ محمد آفندی ، چیف آف ڈیفنس فورس، وزیر دفاع کے علاوہ دیگر حکام سے بھی ملاقاتیں کیں۔

    اس ضمن میں آرمی چیف اور ملائشیا کی عسکری قیادت کے درمیان ہونے والے ملاقات میں باہمی تعاون اور تربیتی امور کو فروغ دینے پر اتفاق کیا گیا جبکہ آپریشنل تربیتی امور سمیت خطے کی بہتر صورتحال پر تفصیلی گفتگو کی گئی۔

    جنرل راحیل شریف کے ملائشیا پہنچنے پر انہیں آرمی ہیڈ کوارٹر میں گارڈ آف آنر پیش کیا گیا، دونوں ممالک کی عسکری قیادت کے درمیان افواج میں باہمی رابطوں اور تعاون کے معاہدے پر دستخط کیے گئے۔

    آئی ایس پی آر سے جاری کردہ اعلامیہ میں مزید کہا گیا ہے کہ ’’ملائشین عسکری قیادت نے دہشت گردی کے خلاف پاکستانی  افواج کے کردار کو سراہا اور کامیابیوں کی تعریف کی‘‘۔ اس موقع پر آرمی چیف آف اسٹاف نے کہاکہ ’’دہشت گردی کے خلاف بلاامتیاز کارروائیوں کی ضرورت ہے، پاکستان اور ملائشیا کے علاقائی سلامتی کے مختلف شعبوں میں مفادات ایک جیسے ہیں‘‘۔

    علاوہ ازیں آرمی چیف آف اسٹاف نے ملائشین وزیر دفاع  پتر اجایا سے ملاقات کی گئی، دورانِ ملاقات وزیر دفاع نے دفاعی شعبے میں تعاون بڑھانے کی خواہش کا بھی اظہار کیا گیا، پاکستان اور ملائشیا کی افواج میں مختلف شعبوں میں تعاون، ضوابط کار پر دستخط کیے گئے۔

     

  • خیبرایجنسی میں فضائی کارروائی، شدت پسندوں کے 9 ٹھکانے تباہ

    خیبرایجنسی میں فضائی کارروائی، شدت پسندوں کے 9 ٹھکانے تباہ

    باجوڑ: خیبرایجنسی میں پاک افغان سرحد کے قریب آرمی کے طیاروں کی بمباری سے شدت پسندوں کی گزرگاہیں اور 9 ٹھکانے تباہ ہوگئے۔

    تفصیلات کے مطابق خیبرایجنسی میں افغان بارڈر پر سیکیورٹی فورسز کی جانب سے بری اور فضائی آپریشن کیا گیا جس کے نتیجے میں جیٹ طیاروں کی بمباری سے شدت پسندوں کے 9 ٹھکانے تباہ ہوگئے، آئی ایس پی آر سے جاری کردہ اعلامیہ میں کہا گیا ہے کہ ’’راجگال ویلی کے مقام پر سیکیورٹی فورسز کی فضائی کارروائی کے نتیجے میں شدت پسندوں کی 9 کمین گاہیں اور خفیہ گزگاہوں کو مکمل تباہ کردیا گیا ہے‘‘۔

    آئی ایس پی آر کی جانب سے اعلامیے میں مزید کہا گیا ہے کہ ’’سرحد پار دہشت گردوں کی نقل و حرکت روکنے کے لیے پاک فوج کے اضافی دستے بلند پہاڑوں اور چوٹیوں پر تعینات کردیے گئے ہیں‘‘، تاہم غیر مصدقہ اطلاعات کے مطابق فضائی کارروائی میں 15 دہشت گرد بھی ہلاک ہوئے ہیں۔

    پڑھیں :   کورکمانڈرز اپنے صوبوں میں بھرپور کومبنگ آپریشن کریں، راحیل شریف

    دوسری جانب حفیہ اداروں نے پشاور باچاخان روڈ پر کارروائی کرتے ہوئے دہشت گردی کا منصوبہ ناکام بناتے ہوئے مبینہ خودکش حملہ آور کو گرفتار کر کے نامعلوم مقام پر منتقل کردیاہے، گرفتار ملزم کا تعلق دہشت گرد تنظیم جماعت الاحرار سے بتایا گیا ہے۔

    مزید پڑھیں: راولپنڈی سمیت ملک بھر میں کومبنگ آپریشن، سینکڑوں گرفتار

    علاوہ ازیں ہنگو میں مقامی پولیس نے کارروائی کرتے ہوئے دہشت گردوں کے ٹھکانوں سے اسلحہ برآمد کرلیا ہے جبکہ ایبٹ آبار میں کارروائی کرتےہوئے کالعدم تحریک طالبان کا کمانڈر قاری الطاف کو گرفتار کرلیا ہے، حساس اداروں نے تصدیق کی ہے کہ ملزم کا تعلق سوات سے ہے جو کئی دہشت گردی کی کارروائیوں میں ملوث رہا ہے۔

  • نیشنل ایکشن پلان پرعمل نہ ہونے سے آپریشن ضرب عضب متاثر ہوا،آرمی چیف

    نیشنل ایکشن پلان پرعمل نہ ہونے سے آپریشن ضرب عضب متاثر ہوا،آرمی چیف

    راولپنڈی: آرمی چیف جنرل راحیل شریف کا کہنا ہے کہ نیشنل ایکشن پلان پر عمل درآمد نہ ہونے سے آپریشن ضرب عضب متاثر ہوا۔

    Army Chief says efforts to eliminate terrorism… by arynews

    آئی ایس پی آر سے جاری کردہ اعلامیے کے مطابق آرمی چیف کی زیر صدارت جنرل ہیڈ کوارٹر میں‌ اعلیٰ سطح کا اجلاس ہوا جس میں آپریشن ضرب عضب اور نیشنل ایکشن پلان سے متعلق امور پر غور کیا گیا۔

    اجلاس میں ڈی جی آئی ایس آئی، پرنسپل اسٹاف اور کور کمانڈر راولپنڈی نے شرکت کی۔ اس دوران آرمی چیف کو آپریشن ضرب عضب اور نیشنل ایکشن پلان کے حوالے سے بریفننگ دی گئی جس پر جنرل راحیل شریف نے اطمینان کا اظہار کیا۔

    اس موقع پر آرمی چیف نے اظہار خیال کرتے ہوئے کہا کہ ’’نیشنل ایکشن پلان پر مکمل عمل درآمد نہ کیا گیا تو دہشت گردی پر قابو پانا مشکل ہوجائے گا،آپریشن ضرب عضب آخری مرحلے میں داخل ہوگیا ہے اور اس کے ثمرات عوام تک پہنچنا شروع ہو گئے ہیں‘‘۔

    پڑھیں : کورکمانڈرز اپنے صوبوں میں بھرپور کومبنگ آپریشن کریں، راحیل شریف

    اُن کا کہنا تھا کہ ’’پوری قوم سیکیورٹی فورسز کے شانہ بشانہ کھڑی ہوئی ہے جب کہ بعض حلقوں کی جانب سے ایسے بیانات دیے جارہے ہیں جو قومی اتحاد کو نقصان پہنچا رہے ہیں، اس طرح کے نامناسب تبصرے انسدادِ دہشت گردی کی کوششوں کے لیے مفید نہیں ہیں‘‘۔

    جنرل راحیل شریف نے اس عزم کا اظہار کیا کہ ’’نیشنل ایکشن پلان ہمارے مقاصد کی بنیادی کامیابی ہے، دہشت گردی کے خلاف جنگ میں طویل سفر طے کیا جلد پاکستانی سرزمین سے دہشت گردی کی لعنت کا خاتمہ کرکے رہیں گے ‘‘۔

    اس موقع پر آرمی چیف نے پاکستانی قوم، سیکیورٹی اداروں اور انٹیلی جنس اداروں کی قربانیوں پر سلام پیش کیا۔

  • کورکمانڈرز اپنے صوبوں میں بھرپور کومبنگ آپریشن کریں، راحیل شریف

    کورکمانڈرز اپنے صوبوں میں بھرپور کومبنگ آپریشن کریں، راحیل شریف

    راولپنڈی: آرمی چیف آف اسٹاف جنرل راحیل شریف نے کہا ہے کہ دہشت گردوں نے کوئٹہ حملہ کر کے آپریشن ضربِ عضب کی کامیابی کو نقصان پہنچانے کی کوشش کی ہے۔

    ان خیالات کا اظہار انہوں نے کور کمانڈر اور اعلیٰ فوجی قیادت سے ساتھ ہونے والے مشترکہ اجلاس میں کیا۔ اُن کا کہنا تھا کہ ’’قوم کے ساتھ مل کر پاک آرمی کی قربانیوں کو رائیگاں نہیں جانے دیں گے، اب دہشت گردوں کے خلاف بھرپور اور تیز کارروائی کی جائے گی‘‘۔

    انہوں نے تمام کور کمانڈرز کو ہدایت کی کہ ’’ملک بھر میں دہشت گردوں اور ان کے سلیپر سیلز کی خلاف بھرپور کارروائی کی جائے، اس موقع پر انہوں نے تمام کور کمانڈر کو دیگر قانون نافذ کرنے والے اداروں کے ساتھ انٹیلی جنس تعلقات اور معلوماتِ عامہ کو  کے معاملات کو بہتر بنانے کی ہدایت کی۔

    پڑھیں :   سانحہ کوئٹہ: دو مزید زخمی دم توڑ گئے ، شہدا کی تعداد72 ہوگئی

    جنرل راحیل شریف نے تمام کور کمانڈرز کو اپنے صوبوں میں کومبنگ آپریشن شروع کرنے کی ہدایت کی اور صوبائی حکومتوں کے ساتھ ہر ممکنہ تعاون کی ہدایات جاری کیں‘‘۔ آرمی چیف نے اس عزم کا اظہار کیا کہ قوم کی حمایت سے جلد ملک بھر سے دہشت گردی کا خاتمہ کردیں گے ۔

    اجلاس میں تمام کور کمانڈرز اور اعلیٰ فوجی قیادت نے شرکت کی اور سانحہ کوئٹہ میں شہید ہونے والے لواحقین سے اظہار ہمدردی بھی کی گئی۔

  • ہیلی کاپٹر کی بازیابی کیلئے آرمی چیف کا امریکی و افغان حکام کو فون

    ہیلی کاپٹر کی بازیابی کیلئے آرمی چیف کا امریکی و افغان حکام کو فون

    راولپنڈی : آرمی چیف جنرل راحیل شریف نے افغانستان میں موجود امریکی مشن کے سربراہ اور افغان حکام سے ٹیلی فون پر رابطے کیے اور وہاں‌ گرنے والے ہیلی کاپٹر اور عملے کی بازیابی میں مدد کی درخواست کی۔

    ڈائریکٹر جنرل آئی ایس پی آر کے مطابق آرمی چیف آف اسٹاف نے افغانستان کے صوبے لوگر میں پنجاب حکومت کے ہیلی کاپٹر کی تلاش اور عملے کو بازیاب کروانے کے حوالے سے افغانستان میں امریکی مشن کے جنرل نکولسن سے رابطہ کر کے مدد طلب کرلی۔

    ڈی جی ایس پی آر جنرل عاصم باجوہ نے کہا کہ ’’ہیلی کاپٹر مرمت کے لیے ازبکستان سے ہوتا ہوا روس جارہا تھا،امریکی جنرل نکلولسن نے ہر ممکن تعاون کی یقین دہانی کروائی ہے۔

    جنرل عاصم باجوہ نے سماجی رابطے کی ویب سائٹ پر ٹوئٹ میں مزید کہا کہ ’’ہیلی کاپٹر کی گمشدگی کے حوالے سے آرمی چیف آف اسٹاف جنرل راحیل شریف نے افغان حکومت اور افغان نیشنل آرمی سے بھی رابطے کیے ہیں، افغان حکام نے بھی جلد از جلد عملے کی بازیابی کی یقین دہانی کروائی ہے۔

    یہ بھی پڑھیں : پنجاب حکومت کے ہیلی کاپٹر کی افغانستان میں ہنگامی لینڈنگ، عملے کو طالبان نے پکڑ لیا

    یاد رہے کہ پنجاب حکومت کا ہیلی کاپٹر فنی خرابی کے سبب افغان لوگر میں ہنگامی لینڈنگ کی تھی جہاں طالبان نے ہیلی کاپٹر میں موجود سات افراد کو یرغمال بناتے ہوئے ہیلی کاپٹر کو تباہ کردیا، افغان میڈیا نے دعویٰ کیا ہے کہ ہیلی کاپٹر میں لینڈنگ سے قبل ہی آگ لگی ہوئی تھی تاہم اس علاقے میں طالبان کا اثرو رسوخ ہونے کے باعث شبہ ظاہر کیا جارہا ہے کہ عملے کو اغوا کیا گیا ہے۔

  • آئی ایس پی آر کا فوج کی حمایت میں آویزاں پوسٹرز سے اظہار لاتعلقی

    آئی ایس پی آر کا فوج کی حمایت میں آویزاں پوسٹرز سے اظہار لاتعلقی

    اسلام آباد:آئی ایس پی آر نے مختلف شہروں میں فوج کی حمایت میں لگے ہوئے پوسٹر سے متعلق وضاحت جاری کرتے ہوئے کسی بھی طرح کے تعلق سے انکار کردیا ۔

    انٹر سروسز پبلک ریلیشنز (آئی ایس پی آر) کے ڈائریکٹر جنرل عاصم سلیم باجوہ نے سماجی رابطے کی ویب سائٹ پر ٹوئٹ کیا ہے کہ ایسے کسی بھی قسم کے پوسٹر سے فوج یا کسی متعلقہ ادارے کا کوئی تعلق نہیں۔

    اے آر وائی نیوز کے نمائندے لئیق الرحمن کے مطابق ملک کے تقریباً14 شہروں میں یہ پوسٹر و بینرز آویزاں کیے گئے جن کے بارے میں فوج نے عوام میں پھیلے ہوئے اس تاثر کو غلط قرار دیا ہے کہ یہ پوسٹرز فوج نے آویزاں کرائے۔

    یہ بھی پڑھیں : راولپنڈی : آرمی چیف کی تصاویر والے بینرز مختلف شہروں میں آویزاں

    واضح رہے کہ گزشتہ روز ملک کے مختلف شہروں میں نامعلوم افراد کی جانب سے شہر بھر میں آرمی چیف کے حق میں بینر آویزاں کیے گیے جس میں اُن سے اپیل کی گئی ہے کہ ’’اب آ بھی جاؤ‘‘، سیاسی تجزیہ نگاروں کے مطابق یہ بینرز الیکشن کمیشن میں رجسٹرڈ ایک جماعت کی جانب سے لگائے گئے ہیں۔

    سیاسی جماعتوں کے رہنماؤں کی جانب سے ان بینرز کے حوالے سے شدید تحفظات پائے جاتے ہیں جبکہ وفاقی وزیر اطلاعات و نشریات پرویز رشید نے اس حوالے سے ردعمل دیتے ہوئے کہا کہ ’’راحیل شریف کی مدتِ ملازمت میں توسیع کے حوالے سے کچھ بھی کہنا قبل از وقت ہوگا‘‘۔

  • آرمی چیف جنرل راحیل شریف غیر ملکی دورےکے بعدوطن پہنچ گئے،عسکری ذرائع

    آرمی چیف جنرل راحیل شریف غیر ملکی دورےکے بعدوطن پہنچ گئے،عسکری ذرائع

    راولپنڈی: آرمی چیف جنرل راحیل شریف تین روزہ غیرملکی دورہ مکمل کرکے وطن واپس پہنچ گئے۔

    عسکری ذرائع کے مطابق آرمی چیف جنرل راحیل شریف نے تین روزہ دورے میں جرمنی اور جمہوریہ چیک کادورہ کیا، آرمی چیف نے دورے کے دوران دونوں ممالک کی عسکری اور سیاسی قیادت سے ملاقاتیں کیں، جن میں فوجی اور دفاعی تعاون پربات چیت کی گئی۔

    آرمی چیف جنرل راحیل شریف نے جرمنی کا دو جبکہ چیک ریپبلک کا ایک روزہ دورہ کیا۔

  • آرمی چیف ایک روزہ دورے پرجمہوریہ چیک پہنچ گئے، گارڈ آف آنرپیش

    آرمی چیف ایک روزہ دورے پرجمہوریہ چیک پہنچ گئے، گارڈ آف آنرپیش

    راولپنڈی : چیف آف آرمی سٹاف جنرل راحیل شریف ایک روزہ دورے پرجمہوریہ چیک پہنچ گئے، انہوں نے چیک چیف آف جنرل اسٹاف اورنائب وزیر دفاع سے ملاقات کی۔

    تفصیلات کے مطابق آرمی چیف جنرل راحیل شریف ایک روزہ دورے پرجمہوریہ چیک پہنچ گئے ہیں، پراگ پہنچنے پر آرمی چیف کا پرتپاک استقبال کیا گیا۔

    چیک ری پبلک آرمی کے چاق و چوبند دستے نے انہیں گارڈ آف آنر پیش کیا۔

    آرمی چیف جنرل راحیل شریف نےچیک ری پبلک کے چیف آف جنرل اسٹاف اور نائب وزیر دفاع سےملاقاتوں میں د و طرفہ دفاعی امور پرتبادلہ خیال کیا۔ جن میں دفاعی تعاون بڑھانے سے متعلق بات چیت کی گئی۔

    پاک فوج کے شعبہ تعلقات عامہ (آئی ایس پی آر) کے مطابق اس موقع پر چیک ری پبلک کی عسکری قیادت نے دہشت گردی کے خلاف جنگ میں پاک فوج کی کامیابیوں کو سراہا۔