ARYNews.tv | Urdu – Har Lamha Bakhabar

Tag: ISPR

  • اٹلی:آرمی چیف جنرل راحیل شریف اٹلی پہنچ گئے

    اٹلی:آرمی چیف جنرل راحیل شریف اٹلی پہنچ گئے

    روم / راولپنڈی : پاک فوج کے سربراہ جنرل راحیل شریف تین روزہ دورے پر اٹلی پہنچ گئے ہیں.جہاں وہ اعلیٰ عسکری اور سیاسی حکام کے ساتھ ملاقاتیں کریں گے۔

    ڈی جی آئی ایس پی آر میجر جنرل عاصم باجوہ کے مطابق آرمی چیف جنرل راحیل شریف اپنے دورے کے دوران اپنے ہم منصب اور فیلڈ کمانڈروں کے ساتھ ملاقاتیں کریں گے جس میں باہمی ،فوجی اور دفاعی تعاون کے امور پر بات چیت کریں گے۔

    ڈی جی آئی ایس پی آر کے مطابق آرمی چیف جنرل راحیل شریف نے اٹلی پہنچنے پر اٹلی کے وزیر خارجہ سے ملاقات کی جس میں علاقائی سیکیورٹی کے امور پر بات چیت ہوئی۔

    ملاقات میں اٹلی کے وزیر خارجہ نے خطے میں سیکیورٹی اور استحکام کے لیے پاکستان کے مثبت کردار کو سراہا ہے۔

  • گرائے گئے بھارتی ڈرون سے پاکستان میں جاسوسی کے ثبوت مل گئے

    گرائے گئے بھارتی ڈرون سے پاکستان میں جاسوسی کے ثبوت مل گئے

    راولپنڈی : پاک فوج نے کنٹرول لائن پر گرائے گئے بھارتی جاسوس طیار ے سے پاکستانی علاقے میں جاسوسی کے ثبوت حاصل کر لئے۔

    پاک فوج نے چند روز قبل گرائے گئے بھارتی جاسوس تیارے سے نا قابل تردید ثبوت حاصل کر لئے۔ آئی ایس پی آر کے مطابق گرائے جانے والے بھارتی ڈرون کاتکنیکی تجزیہ مکمل کرکے ڈرون سے لی گئی تصویریں حاصل کر لی گئی ہیں۔

    بھارتی ڈرون نے پاکستانی علاقوں کی تصاویر بنائی گئیں۔تصاویر میں ایل او سی پر بھارتی علاقہ بھی واضح نظر آرہا ہے۔ جاسوسی طیارہ مقبوضہ کشمیرکےعلاقےچوڑیاں سےاڑایاگیا۔

    آئی ایس پی آر کے مطابق بھارت کی جانب سے اب تک پینتیس بار سیز فائر معاہدے کی خلاف ورزی کی گئی۔

    گرائے گئے ڈرون کی تصاویرسے ظاہر ہوتا ہےکہ یہ پاکستانی حدود میں حساس تنصیبات کی تصاویرلینے اور جاسوسی کی دیگر سرگرمیوں کے لئے بھیجا گیا تھا۔

    #video of #indiandrone#video of #indiandrone Posted by ISPR Official on Monday, July 27, 2015  

  • سیلاب متاثرہ علاقوں میں پاک فوج کی امدادی سرگرمیاں جاری

    سیلاب متاثرہ علاقوں میں پاک فوج کی امدادی سرگرمیاں جاری

    لاہور : جنوبی پنجاب کے سیلاب سے متاثرہ علاقوں میں پاک فوج کی امدادی سرگرمیاں جاری ہیں۔لاہور اور اس کے اطراف میں نو امدادی کیمپ قائم کردیئے گئے ہیں۔

    تفصیلات کے مطابق جنوبی پنجاب کے متاثرہ علاقوں میں پاک فوج کی جانب سے امدادی کارروائیاں جاری ہیں, آئی ایس پی آر کے مطابق لیہ،ڈی جی خان،راجن پور سمیت دیگر متاثرہ علاقوں میں پھنسےافرادکونکالاجارہاہے ۔

    لیہ اورگردونواح سےنو سو ساٹھ افرادکومحفوظ مقامات پرمنتقل کیا گیا ۔لیہ کے آرمی میڈیکل کیمپ میں آٹھ سو تین مریضوں کوطبی امدادفراہم کی گئی ہے۔

    راجن پور میں بھی مریضوں کو طبی امداد دی جارہی ہے،  آئی ایس پی آر کے مطابق جھگڑاامام بندکاشگاف پرکرنےکےلئےدن رات کام جارہی ہے۔

    پاک فوج کی جانب سے متاثرین میں خوراک کےتھیلے بھی تقسیم کیےجارہےہیں، آئی ایس پی آر کے مطابق پاک فوج نے لاہور میں نو امدادی کیمپ قائم کئے ہیں ۔عوام سے راشن، خیمے اور دوائیں فراہم کرنے کی اپیل کی گئی ہے۔

  • اقتصادی راہداری منصوبہ ہر حال میں مکمل کیا جائے گا،آرمی چیف

    اقتصادی راہداری منصوبہ ہر حال میں مکمل کیا جائے گا،آرمی چیف

    پنجگور: آرمی چیف جنرل راحیل شریف نے کہا ہے کہ گوادر پورٹ کیخلاف دشمنوں کے عزائم سے بخوبی آگاہ ہیں۔ گوادر پورٹ اور اقتصادی راہداری منصوبہ ہر قیمت پر مکمل کیا جائے گا۔ پاک فوج راہداری منصوبےکےخواب کی تکمیل ہرصورت میں کریگی۔

    ان خیالات کا اظہار انہوں نے ضلع پنجگور کے دورے کے موقع پر کیا، تفصیلات کے مطابق آرمی چیف جنرل راحیل شریف نے راہداری منصوبے کی طرف میلی آنکھ سے دیکھنے والوں کو خبردار کردیا۔

    آئی ایس پی آر کے مطابق آرمی چیف جنرل راحیل شریف نے بلوچستان کے ضلع پنجگور کا دورہ کیا۔اس موقع پر اُنہوں نے اقتصادی راہداری منصوبےکےتحت زیرتعمیرسڑکوں کامعائنہ کیا آرمی چیف کوایف ڈبلیواوکی شاہراہوں سےمتعلق بریفنگ دی گئی۔

    آرمی چیف جنرل راحیل شریف نے بلوچستان کی عوام کوخراج تحسین پیش کرتے ہوئے کہا کہ آٹھ سو ستر میں سے پانچ سو دو کلومیٹرسڑک کی تعمیرڈیڑھ سال سےکم عرصےمیں کرلی گئی ہے۔ آرمی چیف نے کہا کہ منصوبوں کی تعمیر کیلئے بلوچستان میں سیکورٹی اور پرامن ماحول ضروری تھا۔

    آرمی چیف نے صوبے کی سیکورٹی صورتحال میں بہتری پر قانون نافذ کرنے والے اداروں کی کارکردگی کو سراہتے ہوئے کہا کہ بیرونی امداد پر کام کرنے والے دہشتگردوں کیخلاف ایف سی اور پولیس کے کامیاب آپریشن قابل ستائش ہیں۔

    آرمی چیف جنرل راحیل شریف نے بلوچستان کے عوام کو خراج تحسین پیش کیا اور منصوبوں کی تکمیل کیلئے بلوچستان کی عوام کی غیر مشروط حمایت کا شکریہ ادا کیا۔

    انہوں نے کہا گوادرپورٹ کیخلاف دشمن کےعزائم سےآگاہ ہیں گوادرپورٹ اوراقتصادی راہداری کامنصوبہ ہرحال میں مکمل کیاجائیگا۔

    آرمی چیف کا کہنا تھا کہ اقتصادی راہداری خطے کی خوشحالی کیلئے بہت اہم ہے ۔آرمی چیف نےمنصوبےپرفرنٹیئرورکس آرگنائزیشن کےکام کوسراہتے ہوئے قومی منصوبےکی تکمیل میں جانیں قربان کرنیوالوں کوخراج عقیدت پیش کیا۔

  • چترال:پاک فوج کی امدادی کارروائیاں جاری،سیلاب میں پھنسے 60افراد محفوظ مقام پرمنتقل

    چترال:پاک فوج کی امدادی کارروائیاں جاری،سیلاب میں پھنسے 60افراد محفوظ مقام پرمنتقل

    چترال : آرمی چیف جنرل راحیل شریف کی ہدایت پرچترال کے سیلاب زدہ علاقوں میں پاک فوج کا امدادی کام جاری ہے، سیلاب میں پھنسے ساٹھ افراد کو محفوظ مقام پرمنتقل کردیا گیا۔

    آئی ایس پی آر کے مطابق چترال کے سیلاب سے متاثرعلاقوں میں پاک فوج کا ریلیف آپریشن جاری ہے، کراغ اور بونی میں پھنسے ساٹھ افراد کو آرمی ہیلی کاپٹر کے ذریعے محفوظ مقام پرمنتقل کردیا گیا، ان میں سیاح، بیمار اور بزرگ شامل ہیں۔

    سیلاب متاثرین کو محفوظ مقامات پرمنتقل کرنے کا سلسلہ جاری ہے اور متاثرہ علاقوں میں آرمی کے ہیلی کاپٹرز مسلسل پرواز کر رہے ہیں، چترال میں سیلابی ریلوں سے درجنوں گاؤں ملیا میٹ ہوگئے ہیں اور پانچ لاکھ افراد متاثر ہوئے ہیں۔

    مون سون بارشوں کےبعد چترال کو سیلابی پانی نے چاروں سے گھیرے میں لیا ہوا ہے، سیلاب کی منہ زورموجوں نےگرم چشمہ، کیلاش، بمبورت، رمبور،حسن آباد اور مستونج سمیت دیگرعلاقوں میں بڑے پیمانے پر تباہی مچادی، اب تک تین درجن سے زائدپُل،متعددرابطہ سڑکیں اور کئی مکانات سلابی ریلوں میں بہہ گئے ہیں۔

    ذرائع کے مطابق چترال کے چھبیس سے زائد دیہات میں تیار فصلوں کو بھی نقصان پہنچا ہے۔

  • سیلاب متاثرین کی مدد کیلئے ہر ممکن اقدامات کئے جائیں، جنرل راحیل شریف

    سیلاب متاثرین کی مدد کیلئے ہر ممکن اقدامات کئے جائیں، جنرل راحیل شریف

    راولپنڈی : پاک فوج کے سربراہ جنرل راحیل شریف نے فوج کے تمام متعلقہ حکام کو ہدایت کی ہے کہ چترال سمیت ملک بھر کے سیلاب سے متاثرہ علاقوں میں امدادی کاروائیوں کے لئے تمام تر وسائل بروئے کار لائیں اور متاثرین کی ہر ممکن مدد کی جائے ۔

    آئی ایس پی آر کے ترجمان کے مطابق تمام کور ہیڈ کوارٹرز میں سیلاب کی صورتحال کی نگرانی کی جا رہی ہے اور اس مد میں تمام تیاریاں مکمل ہیں ۔

    فیلڈ کمانڈرزکو بھی ہدایت کی گئی ہے کہ وہ ممکنہ سیلاب کے علاقوں میں پیشگی اقدامات کریں ۔

    ترجمان کے مطابق چترال میں چھ روز سے پاک فوج کی امدادی کاروائیاں جاری ہیں اور 73متاثرین کو چترال کے مختلف علاقوں سے محفوظ مقامات پر منتقل کیا گیا ہے ۔

    امدادی کاموں میں دو ہیلی کاپٹرز حصہ لے رہے ہیں اور کور کمانڈر پشاور لیفٹیننٹ جنرل ہدایت الرحمن متاثرہ علاقوں کا خود دورہ کر کے امدادی کارروائیوں کا جائزہ لے رہے ہیں ۔

    پاک آرمی کے ڈاکٹروں اور پیرامیڈیکل اسٹاف کی بڑی تعداد متاثرہ علاقوں میں پہنچ چکی ہے۔

  • اقوام متحدہ کے فوجی مبصرین کا سیالکوٹ ورکنگ باؤنڈری کا دورہ

    اقوام متحدہ کے فوجی مبصرین کا سیالکوٹ ورکنگ باؤنڈری کا دورہ

    سیالکوٹ: پاکستان اوربھارت کیلئےاقوام متحدہ کے ملٹری آبزورزگروپ نے ورکنگ بائونڈری پرواقع متاثرہ دیہات کادورہ کیا۔

    اقوام متحدہ کے ملٹری آبزورزگروپ نے بھارت کی جانب سے بلااشتعال فائرنگ کے نتیجے میں سیالکوٹ کے قریب متاثرہ علاقوں صالح پور،ملانے چپراڑ سیکٹرکادورہ کیا۔

     اقوام متحدہ کے ملٹری آبزورزگروپ نے بھارت کی جانب سے بلااشتعال فائرنگ اورشیلنگ سے زخمی ہونیوالےافراد سے ملاقات کی۔

    گروپ نے بھارت کی جانب سے ورکنگ بائونڈری پرآبادسول آبادی پرڈھائے جانیوالے مظالم سے متعلق شہادتیں بھی قلمبند کیں۔

    فوجی مبصرین جلد بھارتی جارحیت سے متعلق رپورٹ تیار کر کے جلد اقوام متحدہ کے حوالے کردیں گے۔

  • جنگ بندی کے معاہدے کی بھارتی خلاف ورزی قابل مذمت ہے، دفتر خارجہ

    جنگ بندی کے معاہدے کی بھارتی خلاف ورزی قابل مذمت ہے، دفتر خارجہ

    اسلام آباد : بھارت کی جانب سے کنٹرول لائن پر بار بار خلاف ورزی پر اپنے شدید ردعمل کا اظہار کیا ہے، تفصیلات کے مطابق  پاکستان نے بھارت کی ایل او سی پر جنگ بندی معاہدے کی خلاف ورزی پر شدید احتجاج کیا ہے .

    ، ترجمان دفتر خارجہ نے کہا ہے کہ بھارت کی اشتعال انگیزی قابل مذمت ہے۔ بھارت دو ہزار تین کے جنگ بندی معاہدے پر عمل کرے .

    اس سے پہلے بھارتی فورسز نے عید کے روز بھی کنٹرول لائن پر گولہ باری کی ۔ دفتر خارجہ نے بھارت کی جانب سے عید کے روز بھی کنٹرول لائن کی خلاف ورزی پر شدید ردعمل کا اظہار کیا ہے ۔

    ترجمان قاضی خلیل اللہ نے کہا بھارت نے گزشتہ روز دو بار کنٹرول لائن کی خلاف ورزی کی ۔ بھارتی فوج نے راولا کوٹ اور پونچھ سیکٹر میں چھوٹے ہتھیاروں راکٹ ، مارٹر گن اور بھاری مشین گن کا استعمال کیا ۔

    ترجمان کا کہنا ہے کہ بھارتی فورسز کا جارحانہ اقدام اوفا سمجھوتے کی خلاف ورزی ہے ۔ بھارت کی جانب سے جنگ بندی معاہدے کی مسلسل خلاف ورزی پر تشویش ہے ۔

    اس سے پہلے بھارتی فورسز نے عید کے روز بھی کنٹرول لائن پر گولہ باری کی تاہم پاک فوج کی منہ توڑ جوابی کارروائی نے دشمن کی بندوقیں خاموش کرا دیں ۔

  • اقوام متحدہ بھارتی جنگی جنون کا نوٹس لے، پاکستان نے احتجاج ریکارڈ کرادیا

    اقوام متحدہ بھارتی جنگی جنون کا نوٹس لے، پاکستان نے احتجاج ریکارڈ کرادیا

    اسلام آباد: بھارت کی جانب سے جنگ بندی کی مسلسل خلاف ورزی پر پاکستان نے اقوام متحدہ کےفوجی مبصرین کے سامنے احتجاج ریکارڈ کرادیا،۔

    پاکستان نے اقوام متحدہ کے فوجی مبصرین کے سامنے احتجاج ریکارڈ کراتے ہوئے  بھارتی جارحیت کی تحقیقات کا مطالبہ کیا ہے۔

    پاکستان نے کہا ہے کہ گذشتہ دو روزسےبھارت مسلسل سرحدی حدود کی خلاف ورزی کررہاہے ۔ بھارتی گولہ باری سے چار پاکستانی شہید اورپانچ زخمی ہوگئے۔

    آئی ایس پی آر کے مطابق بھارت نے بھاری مارٹراورمشین گنوں کا استعمال کیا گیا۔ پاکستانی مؤقف پر فوجی مبصرین نے تحقیقات کی یقین دہانی کرادی۔

  • آپریشن ضرب عضب میں اچھی پیش رفت ہو رہی ہے، ترجمان پاک فوج

    آپریشن ضرب عضب میں اچھی پیش رفت ہو رہی ہے، ترجمان پاک فوج

    راولپنڈی: پاک فوج کے ترجمان میجر جنرل عاصم سلیم باجوہ کا کہنا ہے کہ خیبر ایجنسی میں شدت پسندوں کے خلاف کارروائی مکمل کر لی گئی ہے جبکہ شمالی وزیرستان میں کارروائی کا پہلا مرحلہ بھی مکمل ہوگیا ۔

    انہوں نے بتایا کہ آپریشن ضرب عضب میں اچھی پیش رفت ہو رہی ہے۔ ہمارے اہداف حاصل ہو رہے ہیں۔ ہم جتنا جلد ممکن ہو آپریشن کو مکمل کرنا چاہتے ہیں۔

    آئی ایس پی آر کے ترجمان عاصم سلیم باجوہ برطانوی خبر رساں ادارے سے بات چیت کرتے ہوئے کہا کہ ابتدائی مرحلے میں شدت پسندوں کی جانب سے مزاحمت کا سامنا کرنا پڑا ہے۔

    شوال میں کارروائی کے بارے میں فوجی ترجمان کا کہنا تھا کہ آپریشن کے بعد صورتحال پاک فوج کے کنٹرول میں ہے افغانستان فرار ہو جانے والے عسکریت پسندوں کے بارے میں جنرل عاصم کا کہنا تھا کہ ان کی نشاندہی کے باوجود ان کیخلاف کاروائی نہیں کی گئی۔