ٹنڈو محمدخان: صوبہ سندھ کے ضلع ٹنڈو محمد خان میں مسلح افراد نے نجی یونیورسٹی پر حملہ کردیا ہے۔
تفصیلات کے مطابق ہالا میں واقع اسرا یونیورسٹی میں اس وقت صورت حال خطرناک ہوئی جب مسلح افراد اسلحے کے زور پر درسگاہ میں داخل ہوئے اور ہوئی فائرنگ کردی، جس کے نتیجے میں وہاں موجود طلبا میں سخت خوف وہراس پھیل گیا۔
وائس چانسلر اسرا یونیورسٹی ڈاکٹر نذیر اشرف نے واقعے کی تصدیق کرتے ہوئے بتایا کہ یونیورسٹی پر حملہ کرنے والے کافی چہروں کی شناخت ہوگئی ہے، ملزمان کی شناخت ملزمان کی شناخت سی سی ٹی وی کی مدد سے کی گئی ہے۔
ڈاکٹر نذیر اشرف نے بتایا کہ ملزمان نے اسلحے کے زور پر یونیورسٹی میں توڑ پھوڑ کی اور ملازمین کو زدوکوب کیا، اس دوران مزاحمت کرنے والے دو ملازمین کو بھی زخمی کیا گیا۔
یہ بھی پڑھیں: لاہور پریس کلب کے باہر صحافی کا قتل ، 3 شوٹرز گرفتار
افسوسناک واقعے پر وائس چانسلر نے کہا کہ حملہ آور دوبارہ اس طرح کی کارروائی کرسکتے، پولیس اور اعلیٰ حکام سے گزارش ہے کہ فوری طور پر ملزمان کو گرفتار کیا جائے اور واقعے کے بعد یونیورسٹی طلبا میں پھیلی بے چینی کو ختم کیا جائے۔
پولیس حکام کا کہنا ہے کہ واقعے کی جانچ پڑتال کے لئے سی سی ٹی وی فوٹیج تحویل میں لیکر ابتدائی تفتیش کا عمل شروع کردیا گیا ہے فوری طور یہ واضح نہیں ہوسکا ہے کہ مسلح ملزمان کا یونیورسٹی میں خوف وہراس پھیلانے کا مقصد کیا تھا؟
