غزہ: اسرائیل اور حماس کے درمیان تین روزہ جنگ بندی کا آج آخری روز ہے، مصر میں جاری مذاکرات میں پیشرفت کے بعد اسرائیل نے غزہ سے اپنی تمام افواج کو نکل جانے کا حکم دے دیا ہے۔
اسرائیل اور حماس کے درمیان مصر میں جاری مذاکرات میں پیشرفت کے بعد اسرائیل نے غزہ سے اپنی تمام افواج کو نکل جانے کا حکم دے دیا ہے، اسرائیلی وزیر اعظم بینجمن نیتن یاہو کا کہنا ہےکہ غزہ کے شہری جنگ شروع ہونے سے پہلے والی پوزیشن پر واپس آجائیں۔
غزہ میں ہونے والے اسرائیل کے سفاکانہ حملوں میں انیس سو فلسطینی شہید اور نو ہزارسے زائد زخمی ہوئے جبکہ شہداء اور زخمیوں میں عورتوں اوربچوں کی بڑی تعداد بھی شامل ہے، تقریباً ایک ماہ تک جاری رہنے والی جنگ میں اسرائیل کے بھی سڑسٹھ فوجی اور تین شہری مارے گئے۔