Tag: Israel-Gaza war

غزہ: فلسطین کے محصور علاقے غزہ میں جارحیت کو 140 روز مکمل ہو گئے ہیں، گزشتہ چوبیس گھنٹوں کے دوران اسرائیلی بمباری میں مزید 100 سے زائد افراد شہید ہو گئے ہیں۔

غیر ملکی میڈیا رپورٹس کے مطابق 7 اکتوبر سے غزہ پر اسرائیلی حملوں میں کم از کم 29,606 فلسطینی شہید اور 69,737 زخمی ہو چکے ہیں، گزشتہ رات جنوبی غزہ کے علاقے رفح میں اسرائیل کی بمباری میں 8 افراد شہید ہوئے، جب کہ حماس سے لڑائی میں ایک اور اسرائیلی فوجی افسر ہلاک ہو گیا، جس کی عمر 21 سال تھی۔

زمینی آپریشن کے دوران اب تک 238 اسرائیلی فوجی مارے جا چکے ہیں، اسرائیلی وزیر اعظم نے ڈھٹائی کا مظاہرہ کرتے ہوئے کہا رفح میں حماس کے مکمل خاتمے کے لیے کام کر رہے ہیں، ادھر اسرائیلی میڈیا کا کہنا ہے کہ یرغمالیوں کی رہائی کے لیے اسرائیلی مذاکرات کار آئندہ ہفتے دوحہ جائیں گے۔

اسرائیل کی جنگی کابینہ جنگ بندی اور قیدیوں کی رہائی کے معاہدے پر غور کرنے کے لیے اجلاس کر رہی ہے، ایسے میں تل ابیب میں حکومت کے خلاف ہونے والے مظاہرے شروع ہو گئے ہیں، پولیس بھی مظاہرین پر ٹوٹ پڑی اور 21 افراد کو گرفتار کر لیا گیا ہے۔ جس پر اسرائیل کی یش اتید پارٹی کے رہنما یائر لاپڈ نے شدید رد عمل ظاہر کرتے ہوئے پولیس تشدد کو خطرناک اور جمہوریت مخالف قرار دیا۔

غزہ: صہیونی فورسز کی دہشت گردی سے غزہ میں مزید 200 فلسطینی شہید ہو گئے۔

تفصیلات کے مطابق فلسطین کے محصور علاقے غزہ کی پٹی میں 109 ویں دن بھی اسرائیل کی بدترین جارحیت جاری رہی، گزشتہ چوبیس گھنٹوں میں مزید دو سو فلسطینی شہید کر دیے گئے، جب کہ خان یونس میں حملے میں ایک ہی مقام پر 65 فلسطینی شہید ہو گئے۔

اسرائیل نے خان یونس میں ہلال احمر کے ہیڈکوارٹر پر بھی بم برسا دیے، ہلال احمرکا کہنا ہے 4 منزلہ عمارت میں بے گھر فلسطینیوں نے پناہ لے رکھی تھی، اس حملے میں متعدد فلسطینی بھی زخمی ہوئے ہیں۔

اسرائیل نے ظلم کی انتہا کر دی، رفح میں امداد کے لیے منتظر فلسطینیوں پر بھی فائرنگ کر دی، جس سے بھگڈر مچ گئی، اسرائیلی فوج نے خان یونس کے ال امل اسپتال کا بھی محاصرہ کیا، اور النصیر اسپتال کے قریب بھی بم برسائے۔

یورپی یونین اجلاس میں اسرائیل کی فلسطینیوں کو شرمناک پیشکش، شرکا برہم ہو گئے

7 اکتوبر سے غزہ پر اسرائیلی حملوں میں کم از کم 25,295 فلسطینی شہید اور 63,000 زخمی ہو چکے ہیں۔ دوسری طرف اسرائیل نے یر غمالیوں کی واپسی کے لیے ایک اور بھونڈی پیشکش کر دی ہے، اسرائیل نے یرغمالیوں کے بدلے میں مستقل جنگ بندی کی بجائے 2 ماہ کی جنگ بندی کی پیشکش کی، جب کہ حماس نے غزہ میں مستقل جنگ بندی کا مطالبہ کیا تھا۔