اسرائیلی فوج کے غلط میزائل حملے کے الرٹ سے شہریوں میں کھلبلی مچ گئی۔
الجزیرہ کی رپورٹ کے مطابق اسرائیل فوج نے پہلے میزائل حملے کا الرٹ جاری کیا اور بعد میں اسے غلطی قرار دے دیا۔
اسرائیلی فوج نے اعتراف کیا کہ شہریوں کو محفوظ مقام پر جانے کی ہدایت غلطی سے دی گئیں۔
فوج کا کہنا ہے کہ الرٹ داخلی سسٹم چیکنگ کے دوران تکنیکی خرابی سے جاری ہوا تھا۔
واضح رہے کہ حیفہ کی سڑکوں پر موجود اسرائیلیوں نے ایران کے ساتھ 12 روزہ جنگ کے خاتمے کا خیرمقدم کیا اور امریکی صدر ٹرمپ کا جنگ بندی میں کردار ادا کرنے پر شکریہ ادا کیا۔
یہ پڑھیں: اسرائیلیوں نے ڈونلڈ ٹرمپ کا شکریہ ادا کر دیا
حیفہ کے شہریوں نے نیتن یاہو کی جانب سے جنگ بندی کی خلاف ورزی اور ایران پر شدید ترین بمباری پر امریکی صدر کی طرف سے انتہائی سخت اور معیوب الفاظ کے استعمال پر کہا کہ ’’ٹرمپ ایسا ہی ہے، یہ ایسا ہے جیسے والدین بچے کو ڈانٹتے ہیں، وہ ہمیں ڈانٹ رہا ہے۔‘‘
یاد رہے کہ حیفہ اسرائیل کا وہ شہر ہے جو 13 جون کو اسرائیل کے ابتدائی حملوں کے بعد سے ایرانی میزائلوں کا نشانہ بنا رہا ہے، اور ہفتے کے روز حملے میں درجنوں افراد زخمی ہوئے تھے۔
