Tag: israel iran conflict

ترجمان وائٹ ہاؤس کا کہنا ہے کہ امریکی صدر ٹرمپ اب بھی ایران سے مذاکرات میں دلچسپی رکھتے ہیں۔

ترجمان وائٹ ہاؤس کیرولین لیویٹ کا کہنا ہے کہ ایران بات چیت سے انکار کرے تو عوام کو حکومت سے طاقت چھین لینی چاہیے، ایرانی حکومت دہائیوں سے عوام کو دبا رہی ہے، اب انتخاب کا وقت ہے۔

وائٹ ہاؤس کا کہنا ہے کہ جوہری تنصیبات پر حملے کی تبدیلی نہیں سیکیورٹی سے متعلق ہیں۔

یاد رہے کہ امریکا نے گزشتہ روز ایران کے اہم جوہری مرکز فردو پر 30 ہزار پاؤنڈ 14 بموں سے بمباری کرکے اسے تباہ کرنے کا دعویٰ کیا تھا، تاہم ایران نے امریکی حملے کا بھرپور جواب دینے کا عزم کیا ہے، اور خطے میں امریکی اڈوں سمیت اہم اسٹرٹیجک مقامات کو نشانہ بنانے کی دھمکی بھی دی ہے۔

ایران اسرائیل جنگ سے متعلق تازہ ترین خبریں

ایران کی جوابی کارروائی کے انتباہ کے بعد امریکی وزیر خارجہ مارکو روبیو نے کہا تھا کہ ایران نے امریکی اثاثوں کو نقصان پہنچایا، یا جوابی کارروائی کی تو اس کی اسے بہت بھاری قیمت ادا کرنی پڑے گی۔

صدر ٹرمپ نے ایران پر حملے کے بعد کہا تھا کہ ایران پر مذاکرات شروع کرے، جوابی کارروائی کی تو اسے ناقابل تلافی نقصان پہنچایا جائے گا، ایسی کارروائی کریں گے، کہ ماضی میں ایران نے دیکھی نہ ہوگی، انہوں نے ایران میں رجیم چینج کو خارج از امکان قرار نہیں دیا تھا۔

امریکا کے سابق صدر بل کلنٹن نے کہا ہے کہ اسرائیلی وزیراعظم نیتن یاہو طویل عرصے سے ایران سے جنگ چاہتے تھے کیونکہ صرف اسی طریقے سے وہ ہمیشہ کے لیے اقتدار میں رہ سکتے ہیں۔

عرب نیوز کی رپورٹ کے مطابق سابق امریکی صدر نے بل کلنٹن بتایا کہ انہوں نے صدر ٹرمپ سے وہ اسرائیل اور ایران کے درمیان جاری کشیدگی کو کم کرنے کا مطالبہ کیا ہے تاکہ عام شہری نہ مارے جائیں، مجھے امید ہے کہ صدر ٹرمپ ایسا ہی کریں گے۔

سابق امریکی صدر کا کہنا تھا کہ وہ نہیں سمجھتے کہ نیتن یاہو یا پھر صدر ٹرمپ ایک بھرپور جنگ چاہتے ہیں جو خطے کو تباہ کر کے رکھ دے، امریکہ خطے میں اپنے اتحادیوں کا تحفظ کرے اور ساتھ ہی تحمل کا مظاہرہ کرنے کی وکالت کرے۔

ایران اسرائیل جنگ سے متعلق تازہ ترین خبریں

بل کلنٹن کا کہنا تھا کہ مشرق وسطیٰ میں اپنے دوستوں کو یقین دلانے کی ضرورت ہے کہ ہم ان کے ساتھ ہیں اور ان کا تحفظ کریں گے لیکن غیراعلانیہ جنگوں کا حصہ بننا جن میں عام شہری مارے جائیں، جواز کچھ بھی دیں یہ کوئی اچھا حل نہیں ہے۔

ایران اور ایران کی جنگ کے باعث کے باعث عالمی منڈی میں تیل کی قیمتیں بلند ہونے لگیں۔

غیرملکی میڈیا کی رپورٹ کے مطابق ایران اور اسرائیل کے ایک دوسرے پر حملے کا ہر لمحہ عالمی معیشت متاثر کررہا ہے، ایران اسرائیل کشیدگی کے باعث تیل کی قیمت 76.45 ڈالر فی بیرل تک پہنچ گئی۔

عالمی ماہرین نے خبردار کیا ہے کہ کشیدگی بڑھی تو تیل کی قیمتوں میں مزید اضافہ ہوگا۔

ماہرین کے مطابق تیل مہنگا ہونے سے دنیا بھر میں مہنگائی کی نئی لہر آنے کا خدشہ ہے، عالمی منڈیوں میں بے یقینی کی صورت حال پر سرمایہ کاروں کا سونے اور محفوظ اثاثوں کی طرف رجحان ہوگیا ہے۔

واضح رہے کہ ایران نے خبردارکیا ہے کہ آبنائے ہرمز بند کرنے کا آپشن موجود ہے، دشمنوں کی جارحیت پر سمندر کے تجارتی راستے کو بند کیا جاسکتا ہے۔

ایران اسرائیل جنگ سے متعلق تازہ ترین خبریں

ایرانی پارلیمنٹ کی قومی سلامتی کمیٹی کے پریزیڈیم کے رکن بہنام سعیدی نے کہا کہ "ایران کے پاس اپنے دشمنوں کو جواب دینے کے لیے بے شمار آپشنز موجود ہیں اور وہ حالات کی بنیاد پر ایسے آپشنز کا استعمال کرسکتا ہے۔”

ایک اور قانون ساز علی یزدیخہ کا کہنا ہے کہ ایران آبنائے ہرمز اور خلیج میں اس وقت تک مفت شپنگ کی اجازت دیتا رہے گا جب تک کہ اس کے اہم قومی مفادات کو خطرہ نہ ہو۔

ایرانی پاسداران انقلاب نے اسرائیل پر حملوں کا 15واں مرحلہ شروع کرنے کا اعلان کردیا۔

ایرانی سرکاری میڈیا کی رپورٹ کے مطابق حیفہ اور تل ابیب میں فوجی و عسکری مراکز کو نشانہ بنایا جارہا ہے، مسلسل ڈرون آپریشن جاری ہیں، تل ابیب اور حیفہ نشانے پر ہیں۔

ایرانی پاسداران انقلاب کا کہنا ہے کہ 100 سے زائد خودکش ڈرون اسرائیلی ہدف پر داغے گئے ہیں۔

پاسداران انقلاب کے مطابق حملوں کا ہدف اسرائیلی فضائی دفاعی نظام اور عسکری تنصیبات ہیں، حملوں کی شدت میں مزید اضافہ کیا جائے گا۔

اس سے قبل ایرانی وزیر خارجہ نے اسرائیلی شہریوں کو فوجی مراکز سے دور رہنے کی ہدایت کی تھی۔

ایران اسرائیل جنگ سے متعلق تازہ ترین خبریں

وزیر خارجہ عباس عراقچی کا کہنا تھا کہ میزائل حملے میں اسرائیلی استپال نہیں فوجی و انٹیلیجنس مرکز کو نشانہ بنایا ہے۔

ان کا کہنا تھا کہ اسپتال کو معمولی نقصان پہنچا بیشتر حصہ پہلے ہی خالی کروالیا گیا تھا۔

ایرانی وزیر خارجہ نے کہا کہ اسپتال زخمی اسرائیلی فوجیوں کے علاج کے لیے استعمال ہوتا تھا، ہماری قوم پر حملہ کرنے والوں کو بدترین انجام بھگتنا ہوگا۔

عباس عراقچی نے کہا کہ ہماری افواج مجرموں کو نشانہ بناتی رہیں گی جب تک وہ جارحیت سے باز نہ آئیں۔

اسرائیلی وزیراعظم نیتن یاہو نے ایران پر حملے کے تین اہداف بتا دیے۔

غیرملکی خبررساں ادارے کی رپورٹ کے مطابق اسرائیلی وزیراعظم نیتن یاہو کا کہنا ہے کہ جوہری پروگرام دہشتگردی کا محور، میزائل تیار کرنے کی صلاحیت کا خاتمہ چاہتے ہیں۔

انہوں نے کہا کہ ان مقاصد کے لیے جو ضروری ہوا وہ کریں گے۔

نیتن یاہو نے کہا کہ اسرائیل امریکا کے ساتھ مکمل رابطے میں ہے، ایران پر حملے کے ذریعے خلیج کا چہرہ تبدیل کرنا چاہتے ہیں۔

ایران اسرائیل جنگ سے متعلق تازہ ترین خبریں

اسرائیلی وزیر دفاع کاٹنز کا کہنا ہے کہ اسرائیل کی فضائیہ آج تہران میں مزید حملے کرے گی۔

انہوں نے کہا کہ اسرائیل تہران میں کم از کم 10 جوہری اہداف کو تباہ کرنے کے راستے پر گامزن ہے۔

کاٹز نے مزید کہا کہ ایران کی فورڈو یورینیم کی افزودگی کی سہولت – زمین کے اندر اتنی گہرائی میں تعمیر کی گئی ہے کہ صرف امریکی بنکر بسٹر بموں کے بارے میں خیال کیا جاتا ہے کہ وہ اسے نقصان پہنچا سکتے ہیں۔

اسرائیل اور ایران کی جنگ کے دوران امریکا نے اپنے شہریوں کے لیے ٹریول ایڈوائزری کو لیول 4 تک بڑھادیا۔

عرب میڈیا کی رپورٹ کے مطابق امریکا نے شہریوں سے اسرائیل کا سفر کرنے سے گریز کرنے کی اپیل کردی ہے۔

امریکا نے اسرائیل کے لیے اپنی ٹریول ایڈوائزری کو لیول 4 تک بڑھا دیا ہے جو اس کی اعلیٰ ترین انتباہی سطح ہے، جس میں اپنے شہریوں پر زور دیا گیا ہے کہ وہ "مسلح تنازعات، دہشت گردی اور شہری بدامنی” کی وجہ سے ملک کا سفر نہ کریں۔

ایران اسرائیل جنگ سے متعلق تازہ ترین خبریں

اسٹیٹ ڈپارٹمنٹ نے ایک بیان میں خبردار کیا ہے کہ اسرائیل میں سیکیورٹی کی صورتحال غیر متوقع ہے اور امریکی شہریوں کو چوکس رہنے اور اپنی حفاظت سے متعلق آگاہی بڑھانے کے لیے مناسب اقدامات کرنے کی یاد دہانی کرائی جاتی ہے۔

امریکیوں کو یہ بھی کہا گیا کہ وہ مقبوضہ مغربی کنارے اور غزہ کا کسی بھی وجہ سے سفر نہ کریں۔

ٹریول ایڈوائزری میں مسلسل فوجی موجودگی اور سرگرمی کا حوالہ دیتے ہوئے کہا گیا ہے کہ لبنان اور شام کے ساتھ سرحدوں کے چار کلو میٹر کے اندر شمال اسرائیل کے علاقوں سے گریز کریں۔