Tag: israel iran conflict

اسرائیلی وزیراعظم نیتن یاہو نے ایرانی عوام کے نام پیغام دے دیا۔

اسرائیلی وزیراعظم نیتن یاہو نے پیغام میں کہا کہ ہمارا ہدف ایرانی عوام نہیں بلکہ ان کا جابرانہ نظام ہے، تاریخ کی بڑی فوجی کارروائی ’آپریشن رائزنگ لائن‘ میں مصروف ہیں۔

نیتن یاہو کا کہنا ہے کہ اسلامی حکومت 50 سال سے ایرانی عوام کو ظلم کا نشانہ بنا رہی ہے، یہ حکومت اسرائیل کی تباہی کی دھمکیاں دے رہی ہے ہم اپنا دفاع کریں گے۔

اسرائیلی وزیراعظم کا کہنا ہے کہ ہماری جنگ عوام سے نہیں، دہشتگردی اور جبر سے ہے، مشرق وسطیٰ کا مستقبل امن اور خوشحالی کا ہونا چاہیے۔

یہ پڑھیں: ایران نے اسرائیل پر جوابی حملہ کردیا

انہوں نے کہا کہ امید کرتے ہیں مشرق وسطیٰ میں امن و خوشحالی کا دن جلد آئے گا۔

عرب میڈیا نے اسرائیلی اخبار  ہارٹز  کا  حوالہ دیتے ہوئے دعویٰ کیا کہ  اسرائیل پر  ایران کے تازہ  حملوں میں  15 افراد  زخمی ہوئے ہیں، رپورٹ میں بتایا گیا کہ تمام  15 افراد وسطی اسرائیل میں زخمی ہوئے ہیں۔

رپورٹس کے مطابق ایران کے 100 سے زائد بیلسٹک میزائل حملوں میں تل ابیب میں عمارتوں کو بھی شدید نقصان پہنچا۔

یمن کی حوثیوں نے اسرائیل پر میزائل داغتے ہوئے ایران کا ساتھ نہ چھوڑنے کا اعلان کردیا۔

یمن کے حوثی رہنما نے اسرائیل کو انتباہ کرتے ہوئے کہا کہ ایران یا کسی بھی مسلم ملک کو اسرائیلی جارحیت کے سامنے تنہا نہیں چھوڑیں گے۔

حوثی رہنما نے کہا کہ فلسطین اور لبنان کی طرح ایران کا بھی بھرپور دفاع کریں گے۔

دوسری جانب اسرائیلی فوج کا کہنا ہے کہ یمن سے داغا گیا میزائل اسرائیلی شہر ہیبرون میں گر کر تباہ ہوگیا جس کے نتیجے میں تین فلسطینی بچے زخمی ہوئے۔

یہ پڑھیں: ایران کا ملک بھر میں فضائی دفاعی نظام متحرک، اسرائیلی ڈرون تباہ

اسرائیلی میڈیا کے مطابق میزائل مقبوضہ مغربی کنارے میں گرا ہے۔

علاوہ ازیں الجزیرہ کی رپورٹ کے مطابق دارالحکومت تہران میں فضائی دفاعی نظام فعال ہے اور شہر کے مرکز میں دھماکوں کی آوازیں سنی گئی ہیں جو آنے والے کسی ممکنہ خطرے کو دفاعی نظام کے ذریعے انٹرسیپٹ کرنے کی کوشش ہے۔

اسی کے ساتھ ساتھ شہر کے اندر اور مضافاتی علاقوں سے بھی دھماکوں کی آوازیں سنی گئی ہیں۔

فردو جوہری تنصیب کے قریب اسرائیلی ڈرون مارگرایا گیا ہے جب کہ اسرائیلی تازہ حملے میں ہمدان ایئربیس اور فردیز شہر کو نشانہ بنایا گیا ہے۔

ایران کی فضائی حدود پہلے ہی مسافر طیاروں کیلئے بند ہے۔

واشنگٹن: امریکی صدر ڈونلڈ ٹرمپ کا کہنا ہے کہ ایران اب بھی معاہدہ کرسکتا ہے دیر نہیں ہوئی ہے۔

ایران پر اسرائیلی حملے کے بعد امریکا کے صدر ڈونلڈ ٹرمپ کا کہنا ہے کہ واضح نہیں ہے کہ ایران کا جوہری پروگرام بچ گیا ہے یا نہیں، اسرائیلی حملوں کے بعد بھی ایران سے جوہری مذاکرات اتوار کو طے ہیں۔

انہوں نے کہا کہ میں نے ایران کو رسوائی اور تباہی سے بچانے کی کوشش کی، اسرائیلی حملوں کے بعد علاقائی جنگ پر تشویش نہیں ہے۔

ٹرمپ کا کہنا تھا کہ اسرائیلی حملہ ایران کے ساتھ جوہری معاہدے میں ناکامی کا نتیجہ ہے۔

یہ پڑھیں: اسرائیل نے ایران کو کیسے دھوکے میں رکھا؟ ٹرمپ نے بھی ’کھیل کھیلا‘

انہوں نے ایران پر اسرائیلی حملے کی تعریف کرتے ہوئے کہا کہ میرے خیال میں یہ بہترین رہا ہے اور بہت کچھ آنے والا ہے۔

ٹرمپ کا کہنا تھا کہ میں جن لوگوں سے نمٹ رہا تھا وہ مر چکے ہیں۔

امریکی میڈیا کہنا ہے کہ ٹرمپ اور نیتن یاہو کے درمیان جمعرات کو کئی بار رابطے ہوئے، ایران پر اسرائیلی حملوں سے پہلے دونوں رہنماؤں میں بات چیت ہوئی۔

اسرائیل نے دنیا بھر میں سفارتی مشن بند کرنے کا اعلان کردیا۔

ترجمان اسرائیلی حکومت کا کہنا ہے کہ موجودہ حالات کے پیش نظر سفارتی خدمات معطل کی جارہی ہیں، اسرائیلی سفارت خانوں میں قونصلر سروسز بھی فراہم نہیں کی جائیں گی۔

اسرائیلی حکومت نے شہریوں پر زور دیا ہے کہ اگر دشمنانہ سرگرمی کا سامنا کرنا پڑا تو مقامی سیکیورٹی سروسز کے ساتھ تعاون کریں۔

اسرائیلی سفارتخانے کب تک بند رہیں گے اس کا کوئی ٹائم فریم نہیں دیا گیا۔

جرمن چانسلر فریڈرک مرز نے اسرائیلی وزیر اعظم بنجمن نیتن یاہو سے بات کی اور کہا کہ جرمنی یہودیوں اور اسرائیلی مقامات کے تحفظ کو بڑھا رہا ہے۔

یہ پڑھیں: ’ اردن نے ایران کا اسرائیل پر حملہ ناکام بنا دیا‘

رائٹرز کے ایک عینی شاہد نے بتایا کہ اسٹاک ہوم کے عظیم عبادت گاہ کے باہر سیکورٹی بڑھا دی گئی تھی، پولیس وین اور کار عمارت کے قریب کھڑی تھی۔

اس سے قبل اسرائیل نے کہا تھا کہ اس نے ایران میں جوہری تنصیبات اور میزائل فیکٹریوں پر حملہ کیا ہے اور بہت سے فوجی کمانڈروں کو ہلاک کر دیا ہے جس میں تہران کو جوہری ہتھیار بنانے سے روکنے کے لیے طویل کارروائی ہو سکتی ہے۔

امریکی صدر ڈونلڈ ٹرمپ نے تجویز پیش کی کہ ایران نے اپنے جوہری پروگرام کو محدود کرنے کے لیے بات چیت میں امریکی مطالبات کی مزاحمت کرتے ہوئے خود پر حملہ کیا ہے، اور اس پر زور دیا کہ وہ معاہدہ کرے، اگلے پہلے سے طے شدہ حملے اور بھی وحشیانہ ہوں گے۔