کیپ ٹاؤن: اسرائیل فلسطین تنازعہ پر بِرکس (BRICS) ممالک کا غیر معمولی اجلاس آج ہوگا۔
تفصیلات کے مطابق صہیونی فورسز کی وحشیانہ بمباری کا ہدف شہر غزہ کی صورت حال پر برکس ممالک کا ایک غیر معمولی اجلاس آج منعقد ہوگا، مشترکہ اجلاس کی میزبانی جنوبی افریقہ کے صدر سیرل رامافوسا کریں گے۔
اجلاس میں روسی صدر ولادیمیر پیوٹن شرکت کریں گے، چینی صدر شی جی پنگ اجلاس سے ویڈیو خطاب کریں گے۔ یہ اجلاس برکس کے موجودہ صدر سیرل رامافوسا کی طرف سے بلایا گیا ہے۔
برکس ممالک میں روس، چین، برازیل، بھارت اور جنوبی افریقہ شامل ہیں، یہ برکس ممالک اس ورچوئل اجلاس میں برکس کے رہنماؤں سعودی عرب، ارجنٹائن، مصر، ایتھوپیا، ایران اور متحدہ عرب امارات کے ساتھ شریک ہوں گے۔
اسرائیل سے جنگ بندی معاہدے کے قریب ہیں، اسماعیل ہنیہ کا بیان سامنے آ گیا
ایوان صدر سے جاری بیان کے مطابق صدر رامافوسا برکس کے غیر معمولی اجلاس میں افتتاحی کلمات پیش کریں گے، جہاں رکن اور مدعو ممالک غزہ میں موجودہ انسانی بحران پر اپنا مؤقف بھی پیش کریں گے۔
بیان میں کہا گیا ہے کہ قوام متحدہ کے سیکریٹری جنرل انتونیو گوتریس بھی اس ورچوئل اجلاس میں شرکت کریں گے، اور توقع ہے کہ اختتام پر تمام رہنما مشرق وسطیٰ کی صورت حال پر، بالخصوص غزہ کے حوالے سے، ایک مشترکہ بیان بھی منظور کر لیں۔
