Tag: Israel

فلسطین کے محصور علاقے غزہ کے رہائشی عید کے دن بھی جنازے اٹھائیں گے، اسرائیل کی بمباری سے گزشتہ چوبیس گھنٹوں میں ڈیڑھ سو سے زائد فلسطینی شہید ہو گئے ہیں۔

گزشتہ 6 ماہ سے جاری اسرائیل کی درندگی کے سامنے غزہ والے ڈٹ گئے ہیں، ایک ننھی بچی کی ویڈیو سامنے آئی ہے جس میں وہ کہتی ہے اسرائیلی بزدل ہیں، اس لیے ہم پر حملہ کرتے ہیں۔

بچی نے کہا ہمیں بمباری سے ڈر نہیں لگتا، میں شہید ہوئی بھی تو اپنی سرزمین پر ہوں گی، لیکن اپنے اجداد کی زمین نہیں چھوڑیں گے، بچی نے کہا چاہے ہم پر کتنی ہی بمباری کر لیں اپنی سرزمین کسی قیمت نہیں چھوڑیں گے۔

دوسری طرف صہیونی فورسز کی بمباری جاری ہے، خان یونس کے مختلف علاقوں پر بمباری سے 21 افراد شہید ہو گئے، دیر البلح میں راکٹ حملے میں ایک ہی خاندان کے 8 افراد مارے گئے، مصر میں ہونے والے امن مذاکرات کے بعد حماس تو ثالث ممالک کی شرائط پر غور کر رہا ہے لیکن اسرائیلی وزیر اعظم نیتن یاہونے ایک بار پھر رفح پر چڑھائی کی دھمکی دے دی ہے۔

غزہ میں شہید ہونےوالے فلسطینیوں کی مجموعی تعداد 33 ہزار 360 ہو چکی ہے، جن میں ساڑھے چودہ ہزار معصوم بچے بھی شامل ہیں۔

غزہ: فلسطین کے محصور علاقے غزہ پر صہیونی فورسز کی بمباری کے 150 روز ہو گئے، اب تک فلسطینیوں کی شہادتیں 30 ہزار 410 ہو گئی ہیں۔

تفصیلات کے مطابق اسرائیل کا غزہ میں انسانیت سوز مظالم کا سلسلہ جاری ہے، صہیونی فوج کی مختلف علاقوں میں بمباری سے مزید 43 فلسطینی شہید اور 80 سے زائد زخمی ہو گئے، 7 اکتوبر سے غزہ پر اسرائیلی حملوں میں کم از کم 30,410 فلسطینی شہید اور 71,700 زخمی ہو چکے ہیں۔

اسرائیلی فورسز نے غزہ میں گھروں اور پناہ گزین کیمپوں کو نشانہ بنایا، غزہ میں وزارت صحت کا کہنا ہے کہ اسرائیلی فورسز نے شہر میں امداد کے متلاشی لوگوں پر ایک بار پھر فائرنگ کی، ایک اور ’خوفناک قتل عام‘ میں درجنوں افراد جانوں سے محروم اور زخمی ہوئے۔ ایک ہفتے کے دوران غزہ میں امداد کے لیے جمع افراد کے قتلِ عام کے دوسرے واقعے میں شہادتوں کی مجموعی تعداد 118 ہو گئی ہے۔

فلسطینی وزارتِ صحت کے مطابق دیر البلح اور جبالیہ میں اسرائیلی فائرنگ سے 17 شہید اور درجنوں زخمی ہوئے، رفح میں اماراتی اسپتال کے باہر صہیونی حملے میں 11 افراد جان سے گئے۔ یونیسف کے مطابق غذائی قلت کے سبب کمال عدوان اسپتال میں 15 بچے موت کے منہ میں جا چکے ہیں، یونیسف نے اموات بڑھنے کا خدشہ ظاہر کر دیا ہے۔