ARYNews.tv | Urdu – Har Lamha Bakhabar

Tag: Israel

  • گولان کی پہاڑیوں پراسرائیل کی مکمل بالادستی تسلیم کرنے کا وقت آگیا ہے‘ ڈونلڈ ٹرمپ

    گولان کی پہاڑیوں پراسرائیل کی مکمل بالادستی تسلیم کرنے کا وقت آگیا ہے‘ ڈونلڈ ٹرمپ

    واشنگٹن: امریکی صدر ڈونلڈ ٹرمپ کا کہنا ہے کہ امریکا گولان کی پہاڑیوں پر اسرائیلی خودمختاری کو تسلیم کرتا ہے۔

    تفصیلات کے مطابق امریکی صدر ڈونلڈ ٹرمپ نے سماجی رابطے کی ویب سائٹ ٹویٹر پر اپنے پیغام میں کہا کہ 52 سال بعد امریکا کو گولان کی پہاڑیوں پراسرائیل کی مکمل بالادستی تسلیم کرنے کا وقت آگیا ہے۔

    ڈونلڈ ٹرمپ نے کہا کہ گولان کی پہاڑیاں اسرائیل کی سلامتی اور علاقے کے استحکام کے لیے اہمیت رکھتی ہیں۔


    امریکی صدر کا یہ بیان ایسے وقت میں سامنے آیا ہے جب وزیرخارجہ مائیک پومپیو بھی یروشلم میں ہیں۔

    دوسری جانب امریکی تھنک ٹینک کونسل آف فارن ریلیشنز کے صدر رچرڈ ہاس نے ٹویٹرپراپنے پیغام میں کہا کہ وہ ڈونلڈ ٹرمپ کے فیصلے سے سخت اختلاف رکھتے ہیں۔

    یاد رہے کہ امریکا نے 2017 میں یروشلم کو اسرائیل کا دارالحکومت تسلیم کیا تھا اور 2018 میں تل ابیب سے اپنا سفارت خانہ یروشلم منتقل کردیا تھا۔

    امریکی سفارت خارجہ یروشلم منتقل کرنے پر فلسطین اور عرب دنیا سے سخت رد عمل سامنے آیا تھا۔

    واضح رہے کہ گولان کی پہاڑیاں 1200 مربع کلومیٹر پرپھیلی ایک پتھریلی سطح ہے جو کہ شامی دارالحکومت دمشق سے تقریباََ 60 کلومیٹرجنوب مغرب میں واقع ہیں۔

  • اسرائیلی فوج کی غزہ میں جارحیت، اسرائیل کا اقوام متحدہ کی رپورٹ ماننے سے انکار

    اسرائیلی فوج کی غزہ میں جارحیت، اسرائیل کا اقوام متحدہ کی رپورٹ ماننے سے انکار

    غزہ: فلسطین میں قابض اسرائیلی فوج کی جارحیت بے نقاب ہونے پر اسرائیل نے اقوام متحدہ کی رپورٹ ماننے سے انکار کردیا۔

    تفصیلات کے مطابق اسرائیلی حکام نے ڈھٹائی کا مظاہرہ کرتے ہوئے غزہ میں جنگی جرائم کے حوالے سے اقوام متحدہ کی رپورٹ کو غیر منصفانہ قرار دے دیا۔

    غیر ملکی خبر رساں ادارے کا کہنا ہے کہ اقوام متحدہ کی ہیومن رائٹس کونسل کی جانب سے تحقیقات کے بعد ایک رپورٹ جاری کی گئی تھی جس میں اسرائیلی جارحیت کو بے نقاب کیا گیا تھا۔

    رپورٹ میں کہا گیا تھا کہ گذشتہ برس 30 مارچ سے 31 دسمبر تک ہفتہ وار مظاہرے کے دوران اسرائیلی فوج نے تقریباً 6 ہزار فلسطینیوں کو نشانہ بنایا۔

    رپورٹ میں مطالبہ کیا گیا تھا کہ ان معاملے کی شفاف تحقیقات ہونی چاہیے، تاہم اسرائیل نے ڈھٹائی کا مظاہرہ کرتے ہوئے رپورٹ کو ہی ماننے سے انکار کردیا۔

    واضح رہے کہ گذشتہ دنوں اسرائیل میں ایک حملے میں دو اسرائیلی ہلاک ہوگئے تھے، اسرائیلی فوج نے حملے کا ذمہ دار فلسطینی نوجوان کو قرار دیتے ہوئے رملہ کے ایک گاؤں میں چھاپا مار کارروائی کی تھی۔

    اسرائیلی فوج کی فائرنگ، 3 فلسطینی نوجوان شہید

    یاد رہے کہ دو ماہ قبل راملہ میں یہودی بلوائیوں کی فائرنگ سے ایک فلسطینی شہید جبکہ درجنوں زخمی ہوگئے تھے۔

    خیال رہے کہ غیور فلسطینیوں نے 30 مارچ 2018 کو ’تحریک حق واپسی‘ کے تحت غزہ کی پٹی پر احتجاجی مظاہروں کا آغاز کیا تھا، فلسطینی شہری ہر جمعے اسرائیلی سرحد پر جمع ہوکر غزہ کی صیہونی مظالم اور غزہ کی ناکہ بندی کے خلاف مظاہرہ کرتے ہیں۔

  • فلسطین میں اسرائیلی جارحیت، سعودی عرب کی شدید مذمت

    فلسطین میں اسرائیلی جارحیت، سعودی عرب کی شدید مذمت

    غزہ: فلسطین میں اسرائیلی فوج کے ہاتھوں معصوم اور نہتے شہریوں پر ظلم وبربریت کی سعودی عرب نے شدید مذمت کی ہے۔

    تفصیلات کے مطابق فلسطین کے مختلف شہروں بالخصوص غزہ پٹی پر صیہونی ریاست کی جارحیت کی سعودی عرب نے شدید الفاظ میں مذمت کی ہے۔

    غیر ملکی خبر رساں ادارے کے مطابق سعودی سفیر ڈاکٹر عبدالعزیز نے اپنے بیان میں کہا ہے کہ اسرائیلی فوج کے حملوں میں سیکڑوں فلسطینی مارے جاچکے ہیں۔

    انہوں نے اقوام متحدہ کی انسانی حقوق کونسل سے خطاب کرتے ہوئے بتایا کہ اسرائیلی فوج غزہ میں طاقت کا بے دریغ استعمال کررہی ہے۔

    ڈاکٹر عبدالعزیز نے عالمی برادری سے مطالبہ کیا کہ وہ مقبوضہ فلسطینی علاقوں میں اسرائیل کی ان جارحانہ کارروائیوں کو رکوائے اور ان جرائم کے ذمے داروں کا احتساب کرے۔

    خیال رہے کہ غزہ میں قابض اسرائیلی فوجیوں نے اپنی جارحیت جاری رکھی ہوئی ہے، ہفتہ وار مظاہرے کے دوران ہمیشہ کسی نہ کسی نہتے شہری کو شہید کردیتے ہیں۔

    گذشتہ دنوں غزہ میں ہفتہ وار احتجاجی مظاہرے کے دوران قابض اسرائیلی فوج کی فائرنگ سے ایک فلسطینی شہید جبکہ درجنوں زخمی ہوگئے تھے۔

    اسرائیل میں انتخابات قریب، نیتن یاہو کا فوجی جارحیت جاری رکھنے کا عزم

    واضح رہے کہ اسرائیل میں الیکشن 9 اپریل کو ہونے جارہے ہیں، بین الاقوامی تعلقات عامہ کے ماہرین نے خیال ظاہر کیا ہے کہ اسرائیلی وزیراعظم نیتن یاہو شدید تناؤ کا شکار ہیں، انتخابات ہار بھی سکتے ہیں۔

  • زیرحراست فلسطینیوں پر تشدد، 3 اسرائیلی فوجیوں کو صرف چھ ماہ قید کی سزا

    زیرحراست فلسطینیوں پر تشدد، 3 اسرائیلی فوجیوں کو صرف چھ ماہ قید کی سزا

    غزہ: فلسطین میں زیرحراست معصول قیدیوں پر تشدد کے جرم میں 3 اسرائیلی فوجیوں کو صرف چھ ماہ قید کی سزا سنائی گئی۔

    تفصیلات کے مطابق فلسطین میں بربرت اور جارحیت کی انتہا کرنے والی اسرائیلی فوج کے خلاف عدالتی فیصلے میں بھی تعصب اور فلسطینیوں کے خلاف بغض کھل کر سامنے آگیا۔

    غیر ملکی خبر رساں ادارے کا کہنا ہے کہ اسرائیلی تحویل میں دو فلسطینیوں کو بہیمانہ تشدد کا نشانہ بنایا گیا تھا جس کے جرم میں عدالت نے 6 ماہ قید کا فیصلہ سنایا۔

    تینوں فوجیوں کو پلی بارگین کے تحت سزا سنائی گئی۔ خیال رہے کہ زیرحراست فلسطینیوں پر الزام عائد کیا گیا ہے کہ انہوں نے غزہ میں اسرائیلی فوج پر فائرنگ کی تھی۔

    اسرائیلی فوج نے ڈھٹائی کا مظاہرہ کرتے ہوئے کہا تھا کہ زیرحراست فلسطینی قاتل ہیں، انہوں نے تین فوجیوں کو غزہ میں ہلاک کیا۔ جبکہ اس حوالے سے کوئی ثبوت سامنے نہیں آئی۔

    اسرائیل میں انتخابات قریب، نیتن یاہو کا فوجی جارحیت جاری رکھنے کا عزم

    خیال رہے کہ غزہ میں قابض اسرائیلی فوجیوں نے اپنی جارحیت جاری رکھی ہوئی ہے، ہفتہ وار مظاہرے کے دوران ہمیشہ کسی نہ کسی نہتے شہری کو شہید کردیتے ہیں۔

    دو روز قبل ہی غزہ میں ہفتہ وار احتجاجی مظاہرے کے دوران قابض اسرائیلی فوج کی فائرنگ سے ایک فلسطینی شہید جبکہ درجنوں زخمی ہوگئے تھے۔

    واضح رہے کہ اسرائیل میں الیکشن 9 اپریل کو ہونے جارہے ہیں، بین الاقوامی تعلقات عامہ کے ماہرین نے خیال ظاہر کیا ہے کہ اسرائیلی وزیراعظم نیتن یاہو شدید تناؤ کا شکار ہیں، انتخابات ہار بھی سکتے ہیں۔

  • اسرائیل میں انتخابات قریب، نیتن یاہو کا فوجی جارحیت جاری رکھنے کا عزم

    اسرائیل میں انتخابات قریب، نیتن یاہو کا فوجی جارحیت جاری رکھنے کا عزم

    غزہ: اسرائیل میں انتخابات قریب ہونے کے باوجود وزیراعظم نیتن یاہو نے فوجی جارحیت جاری رکھنے کے عزم کا اظہار کیا ہے۔

    تفصیلات کے مطابق دو روز قبل ہی غزہ میں ہفتہ وار احتجاجی مظاہرے کے دوران قابض اسرائیلی فوج کی فائرنگ سے ایک فلسطینی شہید جبکہ درجنوں زخمی ہوگئے تھے۔

    غیر ملکی خبر رساں ادارے کا کہنا ہے کہ اسرائیلی فورسز نے غزہ میں حماس کے خلاف بھی کارروائیاں تیز کردی ہیں، حالیہ دنوں میں حماس کے کئی ٹھکانوں پر راکٹ فائر کیے گئے۔

    اسرائیلی وزیراعظم نیتن یاہو کا اپنے ایک بیان میں کہنا تھا کہ غزہ میں بڑے پیمانے پر آپریشن کرنے سے بھی دریغ نہیں کریں گے، کچھ لوگوں کا خیال ہے کہ ہم الیکشن کی تیاریوں میں مصروف ہیں۔

    ان کا مزید کہنا تھا کہ حماس خوش فہمی میں نہ رہے، اشتعال انگیزی کرنے والوں کا سدباب کیا جائے گا، ذمہ داروں کو مستثنٰی قرار نہیں دیا جاسکتا۔

    غزہ: اسرائیلی فورسز کی فائرنگ، ایک فلسطینی شہید، 6 زخمی

    خیال رہے کہ گذشتہ روز غزہ کی پٹی کے شمالی علاقے میں حماس کی ایک تنصیب کو نشانہ بنایا گیا تھا اور وسطی علاقے میں واقع قصبے دیر البلاح سے مغرب میں مچھلیوں کے شکار کے لیے استعمال ہونے والی دو کشتیوں پر بمباری کی گئی، تاہم اس حوالے سے کوئی زخمی یا ہلاکتوں کی اطلاعات موصول نہیں ہوئیں۔

    اسرائیل میں الیکشن 9 اپریل کو ہونے جارہے ہیں، بین الاقوامی تعلقات عامہ کے ماہرین نے خیال ظاہر کیا ہے کہ نیتن یاہو اس تناؤ کے باعث اقتدار سے ہاتھ دھو بھی سکتے ہیں۔

  • امریکا نے اسرائیل میں جدید میزائل سسٹم ’تھاڈ‘ نصب کردیا

    امریکا نے اسرائیل میں جدید میزائل سسٹم ’تھاڈ‘ نصب کردیا

    واشنگٹن : امریکا نے لمبے فاصلے پر مار کرنے والا جدید ترین میزائیل ڈیفینس سسٹم غاصب صیہونی ریاست اسرائیل میں نصب کردیا۔

    غیر ملکی خبر رساں ادارے کے مطابق امریکی حکام نے اسرائیل میں جدید ترین دفاعی نظام کی تعیناتی کا مقصد امریکی افواج کی صلاحیتوں کو جانچنا اور ایران کے طاقتور میزائلوں کی خطے میں کارروائی کے خدشات ہیں۔

    امریکی افواج کے ترجمان کا کہنا تھا کہ مذکورہ دفاعی سسٹم کی اسرائیل میں تعیناتی اسرائیل کو خطے میں درپیش خطرات سے نمٹنے کیلئے طے شدہ وعدے کی عکاس ہے، امریکی افواج ہر خطرے کے خلاف فوری طور پر ہر وقت اور ہرجگہ کارروائی کرنے کو تیار ہے۔

    غیر ملکی خبر رساں ادارے کا کہنا ہے کہ ’ٹرمنل ہائی ایلٹی ٹیوڈ ایریا ڈیفینس سسٹم یا تھاد‘ کو جنگی ساز و سامان بنانے والی امریکی کمپنی لوک ہیڈ مارٹن نے تیار کیا ہے۔

    اسرائیلی وزیر اعظم نیتن یاہو کا کہنا تھا کہ جدید ترین دفاعی نظام ’ تھاڈ ‘ کی تنصیب درحقیقت دونوں ممالک کی افواج کے درمیان دفاعی تعاون مزید مضبوط بنانے کا عہد نامہ ہے، اس سسٹم سے اسرائیلی فوج کو مشرقِ وسطیٰ سے درپیش قریب اور دور کے خطرات سے نبرد آزما ہونے میں بھرپور مدد ملے گی۔

    اسرائیلی آرمی کے ترجمان لیفٹیننٹ کرنل جوناتھن کا کہنا تھا کہ تھاڈ میزائل سسٹم پیر کے روز امریکا اور یورپ سے اسرائیل پہنچا تھا جسے جنوبی اسرائیل میں نصب کردیا گیا ہے، مذکورہ میزائل سسٹم کو دنیا کے دیگر مقامات پر بھی نصب کیا گیا ہے۔

    غیر ملکی خبر رساں ادارے کا کہنا ہے کہ اسرائیل کے پاس پہلے سے جدید دفاعی میزائل سسٹم موجود ہے جو کم اور درمیانے فاصلے پر مار کرنے کی صلاحیت رکھتا ہے تاہم ’تھاڈ‘ نے اسرائیلی دفاعی میزائل سسٹم کو مزید مضبوط و طاقتور بنا دیا ہے۔

  • 27 فروری کو بھارت اور اسرائیل پاکستان پرحملے کی منصوبہ بندی کررہے تھے،حکومتی ذرائع

    27 فروری کو بھارت اور اسرائیل پاکستان پرحملے کی منصوبہ بندی کررہے تھے،حکومتی ذرائع

    اسلام آباد : حکومتی ذرائع نے انکشاف کیا پاکستان پرحملےکی تیاریوں میں بھارت کیساتھ اسرائیل کی سازش بھی شامل تھی، بھارت نے راجستھان کے  جانب سے حملے کا منصوبہ بنایاتھا، جس کے بعد  پاکستان نےواضح پیغام دیا تھا حملہ کیاگیا تو منہ توڑ جواب دیاجائےگا۔

    تفصیلات کے مطابق حکومتی ذرائع کا کہنا ہے کہ 27 فروری کو بھارت اور اسرائیل پاکستان پر حملے کی منصوبہ بندی کررہے تھے، پاکستان کی انٹیلی جنس ایجنسیوں کو حملے کی تیاری کاعلم ہوگیا تھا، جس کے بعد پاکستان نے بتادیا تھا حملہ کیا توبھرپورجواب دیں گے۔

    ذرائع کا کہنا تھا کہ بھارت نے پاکستان پر جنگ مسلط کرنے کی کوشش کی تھی، جنگ مسلط کرنے کی کوشش میں بھارت کیساتھ اسرائیل اورایک اور ملک بھی شامل تھا۔

    پاکستان پر جنگ مسلط کرنے کی کوشش میں بھارت کیساتھ اسرائیل اورایک اور ملک بھی شامل تھا

    حکومتی ذرائع کے مطابق بھارت نے راجستھان کے جانب سے حملے کا منصوبہ بنایاتھا، اطلاعات کے بعد پاکستان نے بھارتی منصوبہ بندی سے متعلق بھارت کوآگاہ کیاتھا اور حملے کی منصوبہ بندی کا علم ہونے کے بعد ایئراسپیس بند کردی تھی اور پاکستان کی جانب سےطیارےگرانےکےبعدواضح پیغام دیاگیا کہ حملہ ہوا تو منہ توڑجواب دیاجائےگا۔

    ذرائع نے بتایا اسرائیل کی کوشش ہے پاکستان براہ راست ان سےبات کرے، اسرائیل کی کوشش ہےپاکستان کےایٹمی اثاثوں کونقصان پہنچایاجائے، فلسطین میں اسرائیلی مظالم کی صورت میں بات نہیں کی جاسکتی۔

    اسرائیل کی کوشش ہےپاکستان کےایٹمی اثاثوں کونقصان پہنچایاجائے

    حکومتی ذرائع کا کہنا تھا بالاکوٹ میں بھارتی دراندازی کے بعد پاکستان نےصبروتحمل کامظاہرہ کیا، اگلے روز دوبارہ دراندازی کی صورت میں واضح جواب دیاگیا جبکہ پاکستان کی جانب سے بھارتی پائلٹ کی رہائی کےاقدام کوعالمی سطح پر سراہا گیا۔

    ذرائع نے بتایا پاکستان مختلف تنظیموں کو غیر مسلح کرکے قومی دھارے میں شامل کرنے کا فیصلہ کرچکا ہے ، بھارت کی جانب سے پلواماحملوں کے ڈوزیئر میں کوئی ایکشن ایبل ثبوت نہیں، پلواماحملےمیں کوئی نان اسٹیٹ ایکٹرتک شامل نہیں تھا۔

    بھارت کی پلواماحملےکراکےملبہ پاکستان پرڈالنےکی منصوبہ بندی تھی

    حکومتی ذرائع نے کہا بھارت کی پلواماحملےکراکےملبہ پاکستان پرڈالنےکی منصوبہ بندی تھی، عالمی برادری نےکشیدگی کم کرنےمیں پاکستان کے کردار کی تعریف کی اور عالمی سطح پرپاکستان کاامیج بہترہورہاہے۔

    ذرائع کا کہنا تھا کہ  راجستھان کےراستےپاکستان پرحملےکیساتھ میزائل حملوں کابھی منصوبہ تھا، میزائل حملوں میں پاکستان کے 8 سے 9 مقامات کو نشانہ بنانے کی منصوبہ بندی تھی، پاکستان کی جانب سے بھی جواباً9 سے زائد مقامات کو ٹارگٹ کرلیاگیا تھا۔

      راجستھان کےراستےپاکستان پرحملےکیساتھ میزائل حملوں کابھی منصوبہ تھا

    حکومتی ذرائع نے کہا پاکستان کو دشمن کےناپاک عزائم کی انٹیلی جنس معلومات مل چکی تھیں،  پاکستان کوبعض دوست ممالک نے بھی انٹیلی جنس معلومات فراہم کیں۔

    ذرائع نے مزید کہا بھارت پاکستان کےایئربیسز کونشانہ بنانےکی منصوبہ بندی کررہاتھا بھارت کی جانب سےکراچی اوربہاولپورٹارگٹ تھے، بھارت کیساتھ اسرائیل اورایک عالمی طاقت بھی شامل تھی۔

    بھارت کی جانب سےکراچی اوربہاولپورٹارگٹ تھے

    واضح رہے 27 فروری کو پاکستان نے فضائی حدود کی خلاف ورزی پر بھارت کےدو طیارے مارگرائے تھے اور پائلٹ  ابھی نندن کوگرفتارکرلیا تھا، جس کے بعد بھارت نے بھی طیاروں کی تباہی اور پائلٹ لاپتہ ہونے کا اعتراف کیا تھا۔

    ڈی جی آئی ایس پی آر نے بتایا تھا بھارتی طیارے پاکستانی حدود میں نشانہ بنائے، ایک طیارہ آزاد کشمیر دوسرا مقبوضہ کشمیر کی حدود میں گرا تھا۔ْ

  • قابض اسرائیلی فوج کی جارحیت، فائرنگ سے درجنوں فلسطینی شدید زخمی

    قابض اسرائیلی فوج کی جارحیت، فائرنگ سے درجنوں فلسطینی شدید زخمی

    غزہ: فلسطین میں قابض صیہونی فوج کی اندھا دھن فائرنگ سے درجنوں نہتے فلسطینی شدید زخمی ہوگئے۔

    تفصیلات کے مطابق غزہ پٹی پر ہفتہ وار مظاہرے کے دوران اسرائیلی فوج نے جارحیت کا مظاہرتے کرتے ہوئے مظاہرین پر گولیوں کی بوجھاڑ کردی خوش قسمتی سے کوئی جانی نقصان نہیں ہوا البتہ متعدد فلسطینی شدید زخمی ہوگئے۔

    غیر ملکی خبر رساں ادارے کا کہنا ہے کہ اسرائیلی فوج کی فائرنگ اور آنسوں گیس سے ایک صحافی بھی زخمی ہوا، تمام افراد کو مقامی اسپتال میں طبی امداد فراہم کی جارہی ہے۔

    دوسری جانب اقوام متحدہ کی جانب سے جاری رپورٹ میں کہا گیا ہے کہ اسرائیلی فوج غزہ میں فلسطینیوں پر فائرنگ کرکے انسانی حقوق اور عالمی قوانین کی خلاف ورزی کرتی ہے۔

    اسرائیلی فورسز کی نہتے فلسطینیوں پر فائرنگ، دو نوجوان شہید

    غاضب صیہونی ریاست کے خلاف ہر جمعے فلسطینی غزہ بارڈر پر احتجاجی مظاہرہ کرتے ہیں، یہ سلسلہ گذشتہ سال 30 مارچ سے چلا آرہا ہے۔

    ایک محتاط اندازے کے مطابق ہفتہ وار احتجاجی مظاہروں کے دوران اب تک اسرائیلی فوج 250 فلسطینیوں کو شہید کرچکی ہے، جبکہ ہزاروں زخمی بھی ہوئے۔

    خیال رہے کہ گذشتہ سال نو فروری کو صیہونی فوج کی فائرنگ سے 14 سالہ حسن ایاد شلبی سینے میں گولی لگنے کے باعث موقع پر ہی شہید ہوگیا تھا جبکہ 17 سالا حمزہ محمد اشتوی کو شدید زخمی حالت میں اسپتال منتقل کیا گیا جہاں وہ زخموں کی تاب نہ لاتے ہوئے شہید تھا۔

  • پاسداران انقلاب پر حملہ، ایران نے اسرائیل اور امریکا کو ذمہ دار ٹھہرادیا

    پاسداران انقلاب پر حملہ، ایران نے اسرائیل اور امریکا کو ذمہ دار ٹھہرادیا

    ماسکو: ایرانی حکومت نے پاسداران انقلاب کے بس پر خودکش حملے کا ذمہ دار ایران اور امریکا کو ٹھرایا ہے۔

    تفصیلات کے مطابق گذشتہ روز ایران میں پاسداران انقلاب کی بس کو خود کش حملے میں اڑا گیا تھا، دہشت گردی کے اس واقعے میں بیس اہلکار ہلاک ہوئے تھے۔

    غیر ملکی خبر رساں ادارے کے مطابق ایرانی صدر حسن روحانی نے الزام عائد کیا ہے کہ اس حملے میں امریکا اور اسرائیل براہِ راست ملوث ہیں۔

    انہوں نے کہا کہ یہ حملہ اس بات کی نشاندہی ہے کہ امریکا اور اسرائیل ایران میں دہشت گردی میں ملوث ہیں، اپنے دفاع کے لیے ہرممکن اقدامات کریں گے۔

    حسن روحانی کا مزید کہنا تھا کہ امریکا کی کوشش رہی ہے کہ وہ ایران کو غیر مستحکم کرے، ہرحالات سے مقابلے کے لیے تیار ہیں۔

    دوسری حانب امریکی انتظامیہ نے اس الزام کو مسترد کرتے ہوئے کہا ہے کہ امریکا کی ہمیشہ سے دہشت گردی کے خلاف پالیسی رہی ہے۔

    ایران میں پاسداران انقلاب کی بس پر خود کش حملہ، 20اہلکار ہلاک

    خیال رہے کہ گذشتہ روز ایران کے شہر زاہدان میں پاسداران انقلاب کی بس کو خود کش بمبار نے نشانہ بنایا تھا جس کے نتیجے میں 20 اہلکار ہلاک اور 20 کے زخمی ہوگئے تھے۔

    پاسداران انقلاب صوبہ سیستان سے صوبہ بلوچستان کے شہر زاہدان سے خاش جارہے تھے، اس حوالے سے غیر ملکی خبر رساں ایجنسی کا کہنا تھا کہ حملے کی ذمہ داری دہشت گرد گروپ جیش العدل نے قبول کی ہے۔

  • بھارت کا جنگی جنون، اسرائیل سے جدید ڈرون کی خریداری

    بھارت کا جنگی جنون، اسرائیل سے جدید ڈرون کی خریداری

    نئی دہلی: بھارت کا جنگی جنون بڑھتا جارہا ہے، اسرائیل سے جدید ڈرون خریدنے کی منظوری دے دی گئی۔

    تفصیلات کے مطابق مقبوضہ کشمیر میں ظلم وبربریت کی انتہا کرنے والے ملک بھارت کے سر سے جنگی جنون کا بھوت اتر نہ سکا۔

    بھارتی میٖڈیا کے مطابق بھارتی وزارت دفاع نے 54 ہاروپ ڈرونز اسرائیل سے خریدنے کی منظوری دے دی، بھارت اسرائیل سے ایک سو دس ڈرونز خریدے گا۔

    وزرات وفاع کا کہنا ہے کہ ڈرونز کسی بھی ہدف سے ٹکرا کر اسے تباہ کرنے کی صلاحیت رکھتا ہے، بھارت کی مزید دو قسم کے ڈرونز خریدنے کے لیے بھی بات چیت جاری ہے۔

    کیمرے سے لیس سے یہ اٹیک ڈرونز دشمن کی تنصیبات پر گر کر اسے تباہ کرسکتی ہیں اور بڑی تباہی پھیلا سکتے ہیں، بھارتی حکام کے مطابق وہ اپنی دفاعی صلاحیتوں میں مزید اضافہ کریں گے۔

    خیال رہے کہ رواں ماہ کے آغاز میں بھارتی وزیر خزانہ پیوش گوئل نے کہا تھا کہ پہلی بار دفاعی بجٹ کا حجم اکتیس سو ارب بھارتی روپے ہوگیا ہے، بجٹ دفاعی ضروریات پوری کرنے میں ناکام رہا تو مزید فنڈز فراہم کیے جائیں گے۔

    بھارت کا جنگی جنون عروج پر، دفاعی بجٹ میں ایک بار پھر اضافہ کردیا

    یاد رہے کہ گزشتہ سال بھی بھارت کی جانب سے دفاعی بجٹ میں اضافہ کیا گیا تھا جس پر اپوزیشن کی جانب سے تنقید کی گئی تھی۔

    بھارت اس وقت بیرونی ممالک سے جنگی ساز و سامان خریدنے میں عالمی سطح پر اول نمبر پر ہے جبکہ دفاعی ماہرین کا کہنا ہے کہ مستقبل میں اسے کے دفاعی اخراجات میں مزید اضافے کا امکان ہے۔