ARYNews.tv | Urdu – Har Lamha Bakhabar

Tag: Israel

  • غزہ کی صورتحال پر اقوام متحدہ کی جنرل اسمبلی کا بند کمرا اجلاس بے نتیجہ ختم

    غزہ کی صورتحال پر اقوام متحدہ کی جنرل اسمبلی کا بند کمرا اجلاس بے نتیجہ ختم

    غزہ: فلسطین میں قابض اسرائیلی فوج کے معاملے پر اقوام متحدہ کی جنرل اسمبلی کا بند کمرا اجلاس بے نتیجہ ختم ہوگیا۔

    تفصیلات کے مطابق غزہ میں قابض اسرائیلی فوج نے ظلم وبربریت کی انتہا کررکھی ہے، آئے دن نہتے فلسطینیوں کو فائرنگ کرکے موت کے گھاٹ اتار دیتے ہیں، اسی بابت اقوام متحدہ کا اجلاس بے نتیجہ ختم ہوگیا۔

    برطانوی خبررساں ادارے کے مطابق یہ اجلاس بولیویا کی درخواست پر طلب کیا گیا تھا، جس میں کویت نے عرب ممالک کی نمائندگی کی۔

    سلامتی کونسل کے اراکین کو غزہ میں اسرائیلی حملوں کے بعد کشیدہ صورت حال پربریفنگ دی گئی۔

    گزشتہ دو روز میں اسرائیلی حملوں چودہ فلسطینی شہید اور متعدد زخمی ہوچکے ہیں۔

    غزہ: اسرائیلی فوج کی فائرنگ، 20سالہ نوجوان شہید، سینکڑوں زخمی

    خیال رہے کہ غزہ میں گذشتہ ہفتے ہونے والے مظاہرے میں اسرائیلی فوج نے فائرنگ کرکے فلسطینی نوجوان محمد ابو عبادہ کو فائرنگ کرکے شہید کردیا تھا۔

    واضح رہے کہ گذشتہ ماہ اسرائیلی فورسز نے آپریشن کے دوران 24 سالہ فلسطینی شہید ہوگیا تھا، جس پر اہلخانہ کی جانب سے احتجاجی مظاہرہ کیا گیا تھا۔

    یاد رہے کہ غاصب صیہونی ریاست اسرائیل کے ظالم فوجیوں کی جانب سے ستمبر میں مقبوضہ فلسطین کے شہر غزہ میں واقع ایک کثیر المنزلہ عمارت پر فضائی بمباری کی گئی تھی جس کے نتیجے میں 18 فلسطینوں کے زخمی ہونے کی اطلاعات موصول ہوئی تھیں۔

  • غزہ: اسرائیلی فوج کی فائرنگ اورفضائی حملے‘ 6 فلسطینی شہید

    غزہ: اسرائیلی فوج کی فائرنگ اورفضائی حملے‘ 6 فلسطینی شہید

    غزہ : فلسطین میں قابض اسرائیلی فوج کی بلا اشتعال فائرنگ اور فضائی حملوں میں 6 فلسطینی شہید ہوگئے۔

    تفصیلات کے مطابق غزہ کے علاقے خان یونس میں اسرائیلی فوج کی فائرنگ اور راکٹ فائر کیے گئے جس کے نتیجے میں 6 فلسطینی شہید ہوگئے۔

    فلسطینی وزارت صحت کے ترجمان کے مطابق اسرائیلی فوج کی فائرنگ اور فضائی حملوں میں 6 فلسطینی شہید ہوئے۔

    دوسری جانب حماس کے ترجمان نے اسرائیلی فوج کی اس کارروائی کو بزدلانہ حملہ قرار دیتے ہوئے کہا کہ فضائی حملے میں شیخ نور برکی جان کی بازی ہارگئے جو خان یونس میں حماس کے کمانڈر تھے۔

    غزہ: اسرائیلی فوج کی فائرنگ، 20سالہ نوجوان شہید، سینکڑوں زخمی

    یاد رہے کہ دو روز قبل غزہ میں اسرائیلی افواج کے غاضبانہ قبضے کے خلاف پرامن فلسطینوں کا ہفتہ وار احتجاج جاری تھا کہ صہیونی فوج نے مظاہرین پرفائرنگ کردی تھی جس کے نتیجے میں 20 سالہ فلسطینی نوجوان شہید ہوگیا تھا۔

    واضح رہے کہ رواں سال ستمبر میں اسرائیلی فوج کی جانب سےغزہ میں واقع ایک کثیر المنزلہ عمارت پر فضائی بمباری کی گئی تھی جس کے نتیجے میں 18 فلسطینی شہید ہوگئے تھے۔

  • غزہ: اسرائیلی فوج کی فائرنگ، 20سالہ نوجوان شہید، سینکڑوں زخمی

    غزہ: اسرائیلی فوج کی فائرنگ، 20سالہ نوجوان شہید، سینکڑوں زخمی

    غزہ: فلسطین میں قابض اسرائیلی فوج کی بربریت تھم نہ سکی، فائرنگ کرکے 20 سالہ نوجوان کو شہید کردیا جبکہ سینکڑوں زخمی ہیں۔

    تفصیلات کے مطابق غزہ میں اسرائیلی فوج کی درندگی عروج پر پہنچ گئی، نہتے فلسطینیوں پر اندھادھند فائرنگ سے بیس سالہ نوجوان شہید اور سینکڑوں زخمی ہوگئے۔

    غزہ میں اسرائیلی افواج کے غاضبانہ قبضے کے خلاف پرامن فلسطینوں کا ہفتہ وار احتجاج جاری تھا کہ صہیونی فوج نے مظاہرین پر ایک بار پھر اندھا دھند فائرنگ کردی۔

    اسرائیلی فوج کی فائرنگ سے بیس سالہ نوجوان شہید اور سینکڑوں زخمی ہوگئے۔

    فلسطینی وزارت صحت کے مطابق اکتیس مارچ سے جاری مظاہروں میں ابتک دو سو بیس فلسطینی شہید اور ہزاروں زخمی ہو چکے ہیں۔

    خیال رہے کہ غزہ میں گذشتہ ہفتے ہونے والے مظاہرے میں اسرائیلی فوج نے فائرنگ کرکے فلسطینی نوجوان محمد ابو عبادہ کو فائرنگ کرکے شہید کردیا تھا۔

    واضح رہے کہ گذشتہ ماہ اسرائیلی فورسز نے آپریشن کے دوران 24 سالہ فلسطینی شہید ہوگیا تھا، جس پر اہلخانہ کی جانب سے احتجاجی مظاہرہ کیا گیا تھا۔

    یاد رہے کہ غاصب صیہونی ریاست اسرائیل کے ظالم فوجیوں کی جانب سے ستمبر میں مقبوضہ فلسطین کے شہر غزہ میں واقع ایک کثیر المنزلہ عمارت پر فضائی بمباری کی گئی تھی جس کے نتیجے میں 18 فلسطینوں کے زخمی ہونے کی اطلاعات موصول ہوئی تھیں۔

  • اسرائیل فلسطینی بچوں کی زندگیوں سے کھیلنا بند کرے، انتونیو گوتیرس

    اسرائیل فلسطینی بچوں کی زندگیوں سے کھیلنا بند کرے، انتونیو گوتیرس

    نیو یارک : اقوامتحدہ کے سیکریٹری جنرل انتونیو گوٹیرس نے اسرائیل پر زور دیتے ہوئے کہا ہے کہ اسرائیل فلسطینیوں کے خلاف طاقت کا استعمال بند کردے۔

    تفصیلات کے مطابق مقبوضہ فلسطین میں جاری غاصب صیہونی ریاست اسرائیل کے ظلم و بربریت اور بچوں پر صیہونی فوج کی فضائی بمباری پر اقوام متحدہ کے سیکریٹری جنرل نے دکھ کا اظہار کیا ہے۔

    غیر ملکی خبر رساں ادارے کا کہنا تھا کہ انتونیو گوٹیرس نے اسرائیل کے جنگی طیاروں کی بمباری کے نتیجے میں فلسطینی بچوں کی شہادت پر افسوس کا اظہار کرتے ہوئے کہا کہ اسرائیل فلسطینی بچوں کے خون سے ہولی کھیل رہا ہے۔

    اقوام متحدہ کے سیکریٹری جنرل انتونیو گوٹیرس نے دہشت گرد غاصب ریاست اسرائیل پر فلسطینی بچوں کے خون سے کھیلنے کا سلسلہ بند کرنے کا زور دیتے ہوئے کہا کہ اسرائیل بچوں کی زندگیاں خطرے ڈالنا بند کرے۔

    اقوام متحدہ کے سیکریٹری جنرل کا کہنا تھا کہ اسرائیل کے درندہ صفت فوجیوں کی جانب سے غزہ میں بے گناہ فلسطینیوں کو نشانہ بنایا جارہا ہے۔

    انتونیو گوٹریس کا کہنا تھا کہ صیہونی فوجیوں کی جانب سے فلسطینی بچوں جان بوجھ کر بمباری اور فائرنگ کا نشانہ بنانے کے واقعات انتہائی افسوس ناک اور ناقابل معافی ہیں، غاصب ریاست اسرائیل فلسطینیوں کے خلاف طاقت کا استعمال بند کردے۔

    مزید پڑھیں : اسرائیلی فوج کی فائرنگ، فلسطینی نوجوان شہید، درجنوں زخمی

    یاد رہے کہ 2 اکتوبر کو اسرائیلی فورسز کی جانب سے ایک فلسطینی نوجوان محمد ابو عبادہ کو فائرنگ کرکے شہید کیا گیا تھا جبکہ درجنوں شہریوں کو زخمی کیا تھا۔

    مزید پڑھیں : غزہ پر اسرائیلی جنگی طیاروں کی بمباری، تین فلسطینی شہید

    اسرائیلی فوج نے ڈھٹائی کا مظاہرہ کرتے ہوئے کہا کہ فلسطینیوں نے اسرائیلی فوج پر فائرنگ کی جبکہ جوابی کارروائی میں ایک فلسطینی مارا گیا۔

    خیال رہے کہ گذشتہ روز فلسطین کے مقبوضہ شہر غزہ میں اسرائیلی جنگی طیاروں کی شدید بمباری کے نتیجے میں تین فلسطینی نوجوان شہید جبکہ متعدد زخمی ہوگئے تھے۔

    یاد رہے کہ فلسطین میں قابض اسرائیلی فوج کی فائرنگ سے زخمی ہونے والا فلسطینی نوجوان دو روز دوران علاج دم توڑ گیا تھا، وہ ہفتہ وار احتجاج میں شریک ہوکر قابض اسرائیلی افواج کے خلاف مظاہرہ کررہا تھا۔

  • اسرائیلی فوج کی فائرنگ، فلسطینی نوجوان شہید، درجنوں زخمی

    اسرائیلی فوج کی فائرنگ، فلسطینی نوجوان شہید، درجنوں زخمی

    تل ابیب: فسلطین میں اسرائیلی جارحیت تھم نہ سکی، قابض فوج نے ایک اور فلسطینی نوجوان کو فائرنگ کرکے شہید کردیا۔

    تفصیلات کے مطابق فلسطین میں اسرائیلی فوج کی بربریت تاحال جاری ہے، آج بھی ایک فلسطینی نوجوان محمد ابو عبادہ کو فائرنگ کرکے شہید کردیا جبکہ درجنوں زخمی بھی ہوئے۔

    غیر ملکی خبر رساں ادارے کے مطابق غزہ میں اسرائیل کے خلاف سیکڑوں فلسطینی مظاہرہ کر رہے تھے کہ اسی دوران اسرائیلی فوج نے فائرنگ کردی جس کے باعث نوجوان جاں بحق ہوا۔

    وزارت صحت کی جانب سے جاری کردہ بیان میں کہا گیا ہے کہ دیگر زخمیوں کو طبی امداد فراہم کی جارہی ہے، جبکہ دو زخمیوں کی حالت تشویش ناک ہے۔

    دوسری جانب اسرائیلی فوج نے ہرزہ سرائی کرتے ہوئے کہا ہے غزہ بارڈر کے قریب تقریباً تین ہزار کے قریب افراد موجود تھے جو اسرائیلی فوج کو نقصان پہنچانا چاہتے تھے۔

    غزہ پر اسرائیلی جنگی طیاروں کی بمباری، تین فلسطینی شہید

    اسرائیلی فوج نے ڈھٹائی کا مظاہرہ کرتے ہوئے کہا کہ فلسطینیوں نے اسرائیلی فوج پر فائرنگ کی جبکہ جوابی کارروائی میں ایک فلسطینی مارا گیا۔

    خیال رہے کہ گذشتہ روز فلسطین کے مقبوضہ شہر غزہ میں اسرائیلی جنگی طیاروں کی شدید بمباری کے نتیجے میں تین فلسطینی نوجوان شہید جبکہ متعدد زخمی ہوگئے تھے۔

    یاد رہے کہ فلسطین میں قابض اسرائیلی فوج کی فائرنگ سے زخمی ہونے والا فلسطینی نوجوان دو روز دوران علاج دم توڑ گیا تھا، وہ ہفتہ وار احتجاج میں شریک ہوکر قابض اسرائیلی افواج کے خلاف مظاہرہ کررہا تھا۔

  • اسرائیلی فوج کی فائرنگ سے زخمی ہونے والا فلسطینی شہید ہوگیا

    اسرائیلی فوج کی فائرنگ سے زخمی ہونے والا فلسطینی شہید ہوگیا

    تل ابیب: فلسطین میں قابض اسرائیلی فوج کی فائرنگ سے زخمی ہونے والا فلسطینی نوجوان دوران علاج دم توڑ گیا۔

    تفصیلات کے مطابق جمعے کے روز ہزاروں فلسطینی اسرائیلی قبضے کے خلاف ہفتہ وار مظاہرہ کررہے تھے کہ اسی دوران اسرائیلی فوج کی فائرنگ سے ایک فلسطینی نوجوان ’ یحیٰ بدر‘ زخمی ہوگیا تھا۔

    غیر ملکی خبر رساں ادارے کے مطابق زخمی نوجوان کا مقامی اسپتال میں علاج جاری تھا تاہم آج زخموں کی تاب نہ لاتے ہوئے شہید ہوگیا۔

    دوسری جانب اسرائیل نے ہرزہ سرائی کرتے ہوئے کہا ہے کہ فسلطینیوں کی جانب سے پہلے ہم پر حملے کیے جاتے ہیں، حماس کے لوگ مظاہرے میں شریک ہوکر کارروائیاں کرتے ہیں۔

    اسرائیلی فوج کی فائرنگ اور شیلنگ سے 5 فلسطینی شہید، 80 زخمی

    خیال رہے کہ دو روز قبل ہزاروں فلسطینیوں نے غزہ سرحد پر احتجاج کیا اور اسرائیلی فوج کے خلاف نعرے بازی کی، قابض فوج نے مظاہرین پر آنسو گیس کی شیلنگ اور فائرنگ کی جس کے نتیجے میں 5 فلسطینی شہید 80 زخمی ہوگئے تھے۔

    واضح رہے کہ رواں ماہ غزہ کی سرحد پر فلسطینیوں کی جانب سے اسرائیل کے خلاف ہونے والے احتجاج کے دوران اسرائیلی فوج کی فائرنگ سے 3 فلسطینی شہید جبکہ درجنوں زخمی ہوگئے تھے۔

    یاد رہے کہ 30 مارچ سے شروع ہونے والی جمعہ احتجاجی تحریک کے دوران اب تک 250 سے زائد فلسطینی شہید اور 30 ہزار کے قریب زخمی ہوچکے ہیں۔

  • عمان نے اسرائیل کو ریاست تسلیم کرنے کا اعلان کردیا

    عمان نے اسرائیل کو ریاست تسلیم کرنے کا اعلان کردیا

    مسقط : سلطان قابوس سے اسرائیلی وزیر اعظم کی ملاقات کے بعد عمان نے غاصب صیہونی اسرائیل ریاست کو تسلیم کرنے کا عندیہ دے دیا۔

    تفصیلات کے مطابق غاصب صیہونی ریاست اسرائیل کے انتہا پسند وزیر اعظم نیتن یاہو کے جمعے کے روز خلیجی ملک عمان کا خفیہ دورہ کرنے کے بعد ریاست عمان نے اسرائیل کے وجود کو تسلیم کرنے کا فیصلہ کرلیا ہے۔

    غیر ملکی خبر رساں ادارے کا کہنا تھا کہ گذشتہ روز بحرین میں جاری سیکیورٹی کانفرنس کے دوران عمان کے وزیر خارجہ یوسف بن علوی نے خطاب کرتے ہوئے کہا تھا کہ اب وقت آگیا ہے کہ اسرائیل کے ساتھ دیگر ریاستوں کی طرح پیش آیا جائے۔

    عمان کے وزیر خارجہ کا کہنا تھا کہ صیہونی ریاست اسرائیل مشرق وسطیٰ میں ایک ریاست ہے جس کی حقیقت کو چھپایا نہیں جاسکتا اسی لیے عمان فلسطین اور اسرائیل کے درمیان معاملات حل کروانے کی پیش کش کرتا ہے لیکن بحیثیت ثالث نہیں۔

    یاد رہے کہ جمعے کو اسرائیلی وزیر اعظم نیتن یاہو نے عمان کا دورہ کیا تھا جسے تکمیل تک خفیہ رکھا گیا تھا، جس دوران اسرائیلی وزیر اعظم نے عمان کے بادشاہ سلطان قابوس سے طویل ملاقات کی تھی۔

    غیر ملکی خبر رساں ادارے کا کہنا تھا کہ اسرائیلی وزیر اعظم نیتن یاہو واحد وزیر اعظم ہیں جنہوں نے 20 برس کے دوران عمان کا دورہ کیا ہے جبکہ اس سے قبل اسرائیل اور عمان کے درمیان سفارت تعلقات بھی منقطع تھے۔

    غیر ملکی میڈیا کا کہنا ہے کہ دورہ عمان کے دوران اسرائیلی وزیر اعظم ہمراہ ان کی اہلیہ، موساد کے سربراہ اور قومی سلامتی کے مشیر بھی موجود تھے۔

    خیال رہے کہ نیتن یاہو کو دورہ عمان کی دعوت سلطان قابوس کی جانب سے دی گئی تھی۔

    واضح رہے کہ نیتن یاہو سے قبل اسرائیل کے دو وزراء اعظم سنہ 1994 اور 96 میں عمان کا دورہ کرچکے ہیں جس کے بعد عمان میں دونوں ممالک کے تجارتی نمائندوں کے لیے دفاتر کھولے گئے تھے جسے اکتوبر 2000 میں فلسطین کے دوسرے انتفاضہ کے بعد بند کردیا گیا تھا۔

  • اسرائیل سے زمین واپس لینا اردن کے قومی مفاد میں ہے، شاہ عبداللہ

    اسرائیل سے زمین واپس لینا اردن کے قومی مفاد میں ہے، شاہ عبداللہ

    عمان : اردن کے بادشاہ شاہ عبداللہ دوّم نے عوامی مطالبے کو منظور کرتے ہوئے 25 برس قبل امن معاہدے کے تحت اسرائیل کو دی گئے علاقوں کی لیز میں اضافے سے انکار کا کردیا ہے۔

    تفصیلات کے مطابق اردن کے بادشاہ شاہ عبداللہ دوّم نے 25 برس قبل غاصب صیہونی ریاست اسرائیل کو لیز پر دی گئی اردن کی زمین واپس لینے کا اعلان کردیا۔

    غیر ملکی خبر رساں ادارے کا کہنا تھا کہ اردن کی حکومت نے سماجی رابطے کی ویب سائٹ ٹوئٹر پر شاہ عبداللہ دوّم کے اعلان کے متعلق بتایا کہ شاہ عبداللہ نے اسرائیل کو لیز پر دئیے گئے علاقے الباقورہ اور غمرہ کو امن معاہدوں سے نکالنے کا فیصلہ کیا ہے۔

    شاہ عبداللہ دوّم کا کہنا ہے کہ الباقورہ اور غمرہ ہماری ترجیحات کا اوّلین حصّہ ہے اور ان زمینوں کا اسرائیل سے واپس لینا ہماری عوام کے قومی مفاد میں ہے۔

    خیال رہے کہ صیہونی ریاست اسرائیل کی حکومت نے 25 برس قبل امن معاہدے کے نام پر اسرائیل اور اردن کے سرحدی علاقوں الباقورہ اور غمرہ کو لیز پر لیا تھا جو 25 اکتوبر کو اختتام ہوجائے گی۔

    شاہ عبداللہ کے بیان پر اسرائیل کے انتہا پسند وزیر اعظم نیتن یاہو نے کہا ہے کہ اردن سے لیز پر حاصل کے گئے علاقوں کی لیز میں توسیع کے لیے مذاکرات کیے جائیں گے۔

    غاصب صیہونی ریاست کے وزیر اعظم نیتن یاہو کا کہنا تھا کہ خطے میں امن و استحکام کےلیے مصر اور اردن کے ساتھ ہونے والا معاہدہ بہت اہمیت کا حامل ہے۔

    واضح رہے کہ اردن کے ارکان 87 پارلیمنٹ نے اسرائیل کو دی گئے علاقے واپس لینے کےلیے پٹیشن دائر کررکھی ہے، بادشاہ شاہ عبداللہ نے اراکین پارلیمنٹ کے دباؤ میں آکر لیز پر دی گئی زمینیں واپس لینے کا فیصلہ کیا ہے۔

    غیر ملکی خبر رساں ادارے کا کہنا تھا کہ اردن میں شہری اسرائیل کے ساتھ طے ہونے والے امن معاہدے کے خلاف گزشتہ کئی روز سے سراپا احتجاج ہیں اور شاہ عبداللہ سے مطالبہ معاہدے میں توسیع کرنے سے منع کررہے ہیں

    یاد رہے کہ اردن اور اسرائیل کے درمیان طے ہونے والا امن معاہدہ سنہ 1994 نومبر میں شاہ عبداللہ کے والد شاہ حسین اور اسرائیلی وزیر اعظم اسحاق رایبن کے درمیان طے ہوا تھا جس کے تحت الباقورہ اور غمرہ کی زمین 25 سال کے لیے اسرائیل کو لیز پر دی گئی تھیں۔

  • یہودی آباد کاروں کی سنگ باری سے فلسطینی خاتون شہید، شوہر زخمی

    یہودی آباد کاروں کی سنگ باری سے فلسطینی خاتون شہید، شوہر زخمی

    یروشلم : فلسطین پر قابض صیہونی ریاست کے شہریوں نے نابلس کے جنوبی علاقے میں آٹھ بچوں کی ماں کو سنگ باری کا نشانہ بناکر شہید کردیا۔

    تفصیلات کے مطابق مقبوضہ فلسطین کے مغربی علاقے نابلس کے جنوب میں درندہ صفت غاصب صیہونی آبادکاروں نے نہتی فلسطینی خاتون اور اس کے شوہر کو شدید سنگ باری کرکے زخمی کردیا جس کے بعد خاتون کے سر پر پتھر مار کر اسے شہید کردیا۔

    فلسطینی خبر رساں ادارے کا کہنا تھا کہ گذشتہ روز علیٰ الصبح یہودی آباد کاروں نے نابلس کے جنوبی علاقے زعترہ میں چیک پوسٹ سے گزرنے والی گاڑی پر شدید پتھراؤ شروع کردیا تھا۔

    غیر ملکی میڈیا کا کہنا تھا کہ انتہا پسند یہودیوں کی سنگ باری کے نتیجے میں گاڑی میں موجود 45 سالہ خاتون عایشہ محمد طلال اور ان کے شوہر شدید زخمی ہوگئے تھے۔

    مقامی خبر رساں ادارے کے مطابق صیہونی ریاست کے درندہ صفت یہودی شہریوں نے بے دردی سے زخمی فلسطینی خاتون کے سر پر بھاری بھرکم پتھر مارے۔

    ایمرجنسی خدمت انجام دینے والے عملے نے زخمی خاتون کو فوری طور پر اسپتال منتقل کردیا تھا تاہم وہ زخموں کی تاب نہ لاتے ہوئے راستے میں ہی شہید ہوگئیں تھی۔

    فلسطینی خبر رساں ادارے کا کہنا تھا کہ شہید ہونے والی 45 سالہ خاتون آٹھ بچوں کی ماں تھی، فلسطینی عوام نے خاتون کی وحشیانہ شہادت پر احتجاج کرتے ہوئے اسرائیلی جارحیت کے خلاف شدید نعرے بازی کی۔

    یاد رہے کہ 12 اکتوبر کو اسرائیلی فوجیوں کی فائرنگ سے 6 فلسطینی نوجوان شہید جبکہ 140 سے زائد زخمی کردئیے تھے، نہتے شہریوں کی شہادت کے بعد احتجاج مزید شدت اختیار کر گیا۔

    خیال رہے کہ رواں برس مارچ سے اب تک اسرائیل اور غزہ کی سرحد پر احتجاج کرنے والے مظاہرین پر صیہونی افواج کی فائرنگ سے 200 سے زائد فلسطینی شہید ہوچکے ہیں جبکہ مظاہروں کے دوران ایک اسرائیلی فوجی ہلاک ہوا ہے۔

  • اسرائیل نے ’کیرم شالوم‘ گزرگاہ پر پابندی عائد کردی

    اسرائیل نے ’کیرم شالوم‘ گزرگاہ پر پابندی عائد کردی

    یروشلم : صیہونی ریاست اسرائیل نے فلسطینی شہریوں پر دھائے جانے والے مظالم میں مزید اضافہ کردیا، غزہ پر مزید بحری اور زمینی پابندیاں عائد کرتے ہوئے ’کیرم شالوم‘ گزر گاہ بند کردی۔

    تفصیلات کے مطابق غاصب صیہونی ریاست اسرائیل نے نہتے فلسیطینوں کی جانب سے کیے جانے والے احتجاجی مظاہروں کو روکنے کے لیے گذشتہ روز مقبوضہ غزہ پر مزید نئی پابندیاں عائد کردی ہیں۔

    فلسطینی خبر رساں ادارے کا کہنا تھا کہ ظلم و بربریت کا بازار گرم کرنے والی ریاست اسرائیل کے وزیر دفاع لائیبرمین کی جانب سے نئی پابندیاں غزہ کے مچھیروں پر لگائی گئی ہیں جو اب سمندر میں صرف 6 سے 9 ناٹنیکل میل تک ہی شکار کرسکیں گے۔

    انتہا پسند اسرائیلی وزیر دفاع نے فلسطینی شہریوں کو دھمکی دی ہے کہ اگر مچھیرے اسرائیلی حکومت کے جاری کردہ احکامات کی حکم عدولی کریں گے یا مزید مظاہرے کریں گے تو انہیں مزید پابندیوں کا سامنا کرنا پڑے گا۔

    مقامی خبر رساں ادارے کا کہنا تھا کہ اسرائیلی حکومت کی جانب سے غزہ میں اشیاء کی آمد و رفت کے لیے استعمال ہونے والی شاہراہ ’کیرم شالوم‘ پر پابندیاں عائد کردی گئی ہیں۔

    خیال رہے کہ اسرائیلی حکومت کی جانب سے حماس کی حکومت وجود میں آنے کے بعد سے غزہ کا بحری اور زمینی محاصرہ کیا ہوا ہے۔

    فلسطینی خبر رساں ادارے کا کہنا تھا کہ سنہ 1948 میں فلسطینی شہریوں کو ان ہی کے گھروں سے بے دخل کرکے یہودیوں کو آباد کردیا گیا تھا جس کے خلاف رواں برس مارچ سے نہتے فلسطینی شہری صیہونی ریاست کے خلاف احتجاجی مظاہرے کررہے ہیں۔

    مزید پڑھیں : غزہ میں اسرائیلی فوج کی فائرنگ‘ 3 فلسطینی شہید

    واضح رہے کہ اسرائیلی فورسز کے ظلم و بربریت اور اندھا دھند فائرنگ کی زد میں آکر غزہ کی سرحد پراحتجاج کرنے والے تین فلسطینی شہری شہید جبکہ 300 سے زائد افراد زخمی ہوئے تھے۔

    غزہ کی وزارت صحت کے ترجمان کے مطابق اسرائیلی فوج کی فائرنگ سے 12 سالہ فارس حفیظ اور 24 محمود اکرم موقع پرہی دم توڑ گئے۔

    مزید پڑھیں : غزہ میں اسرائیلی فوج کی فائرنگ، نوجوان شہید، 24 فلسطینی زخمی

    یاد رہے کہ دو روز قبل اسرائیلی فورسز نے احتجاج کرنے والے فلسطینیوں پر فائرنگ کردی تھی جس کے نتیجے میں نوجوان شہید جبکہ 24 فلسطینی زخمی ہوگئے تھے۔

    واضح رہے کہ غزہ میں اسرائیلی قبضے کے خلاف 30 مارچ سے شروع ہونے والے مظاہروں میں اسرائیلی فوجیوں کی فائرنگ سے تقریباََ 200 فلسطینی جاں بحق اور 21 ہزار سے زائد مظاہرین زخمی ہوچکے ہیں۔