ARYNews.tv | Urdu – Har Lamha Bakhabar

Tag: Israel

  • اسرائیلی وزیراعظم کوسزا سے بچانے کیلئے پارلیمنٹ متحرک

    اسرائیلی وزیراعظم کوسزا سے بچانے کیلئے پارلیمنٹ متحرک

    یروشلم : اسرائیلی وزیراعظم نتن یاہو کو بدعنوانی کےالزامات سے بچانے کیلئے پارلیمنٹ متحرک ہوگئی۔

    تفصیلات کے مطابق اسرائیلی وزیراعظم نتن یاہو کو بدعنوانی کےالزامات سےبچانے کیلئے حکمراں جماعت کے اراکین نے پارلیمنٹ میں بل پیش کیا ہے، جس کے تحت تفتیشی عمل کے حوالے سے قوانین میں دو نئی شقیں شامل کی گئی ہیں۔

    بل کے حق میں 46جبکہ مخالفت میں 36ووٹ آئے، بل پر ابھی مزید دو بار ووٹنگ ہونا ہے جس کے بعد ہی یہ بل قانونی شکل اختیار کرسکتا ہے۔

    پہلی شق کے مطابق تحقیقاتی کمیشن اٹارنی جنرل پولیس سے اب تک ہونے والی تفتیش کے نتائج معلوم کرسکتا ہے لیکن اسے ظاہر نہ کرنے کا پابند ہوگا۔

    دوسری شق کے مطابق خلاف ورزی کی صورت میں اسے جیل کی ہوا کھانا پڑسکتی ہے۔

    اپوزیشن نے الزام عائد کیا ہے کہ اس نئے قانون کا مقصد وزیر اعظم نیتن یاہو کو کرپشن کے الزامات کے تحت جاری تفتیش سے بچانا ہے۔

    اپوزیشن کہنا ہے اس طرح کی شقیں پیش کرنے مقصد نتن یاہو کو سزا سے بچانا ہے۔

    مزید پڑھیں : دھوکا دہی کے سنگین الزامات، اسرائیلی وزیر اعظم نیتن یاہو کے خلاف تحقیقات کا حکم

    خیال رہے کہ اسرائیلی وزیراعظم پر کاروباری شخصیات سےبڑے پیمانے پر تحائف وصول کرنے کے الزامات ہیں۔

    یاد رہےکہ نیتن یاہو کے حوالے سے حالیہ مہینوں میں سامنے آنے والے سکینڈلز پر ان کے مخالفین نے تحقیقات کا مطالبہ کیا تھا تاہم ان میں سے ایک پر بھی مقدمہ نہ چل سکا۔

    اسرائیلی وزیراعظم نیتن یاہو کی اہلیہ سارہ نیتن یاہو کے خلاف سرکاری خزانے میں خورد برد کے الزام میں پولیس کی تفتیش جاری ہے۔

    واضح رہےکہ اسرائیلی وزیراعظم پر1لاکھ 27 ہزار ڈالرزبرطانیہ کے ایک دورے کے دوران حسب ضرورت ذاتی بیڈ روم پرخرچ کرنے کا الزام ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • فیفا رینکنگ میں فلسطینی ٹیم نے اسرائیل کو پیچھے چھوڑ دیا

    فیفا رینکنگ میں فلسطینی ٹیم نے اسرائیل کو پیچھے چھوڑ دیا

    زیورخ: فیفا کی ورلڈ رینکنگ میں فلسطین کی فٹبال ٹیم نے نئی تاریخ رقم کرتے ہوئے پہلی بار عالمی درجہ بندی میں اسرائیل کو پیچھے چھوڑ دیا۔

    تفصیلات کے مطابق فلسطین کی فٹبال ٹیم فیفا عالمی رینکنگ میں 84 ویں سے 82 ویں پوزیشن پر آگئی ہے جبکہ اسرائیل کی ٹیم 16 درجے تنزلی کے بعد 82 ویں پوزیشن سے 98 ویں پوزیشن پر پہنچ گئی ہے۔

    فلسطینی فٹبال ایسوی ایشن کے سربراہ جبرائیل رجب نے ٹیم کی 82 ویں نمبر تک ترقی کو ایک تاریخی سنگ میل قرار دیا ہے۔

    خیال رہے کہ گزشتہ روز فیفا کی جانب سے جاری کی جانے والی عالمی رینکنگ کے تحت ابتدائی پانچ پوزیشنز میں کوئی تبدیلی نہیں ہوئی جہاں جرمنی پہلے، برازیل دوسرے، پرتگال تیسرے، ارجنٹائن چوتھے اور بیلجیئم پانچویں نمبر پر برقرار ہیں۔

    فیفا رینکنگ میں اسپین کی ٹیم چھٹے نمبر پر آگئی اور پولینڈ کی ٹیم تنزلی کے بعد ساتویں نمبر پر چلے گئی تاہم سوئٹزرلینڈ نے 3 درجے ترقی کے ساتھ آٹھویں پوزیشن سنبھالی لی۔

    فرانس کی ٹیم رینکنگ میں تنزلی کے بعد نویں نمبر پر جبکہ چلی کی ٹیم دسویں نمبر پرچلے گئی ہے۔

    دوسری جانب اسرائیلی فٹبال ایسوی ایشن کے ترجمان کا کہنا ہے کہ ہم فلسیطینی فٹبال ٹیم کو مبارکباد دیتے ہیں، ہم ان کے ساتھ کسی بھی وقت دوستانہ میچ کھیلنے کے لیے تیار ہیں۔

    یاد رہے کہ فیفا کی جانب سے فلسطینی فٹبال ٹیم کو 1998 میں تسلیم کیا گیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیسبک وال پر شیئر کریں۔

  • غزہ: اسرائیلی فوج کا حملہ،7 فلسطینی شہید،14زخمی

    غزہ: اسرائیلی فوج کا حملہ،7 فلسطینی شہید،14زخمی

    غزہ : اسرائیلی فوج نے حملہ کر کے سات فلسطینیوں کوشہید اورچودہ کوزخمی کر دیا۔

    تفصیلات کے مطابق فلسطین میں اسرائیلی جارحیت کا سلسلہ جاری ہے، اسرائیلی فوج نے ایک بار پھرغزہ میں آپریشن شروع کر دیا، حملےمیں سات بے گناہ فلسطینی شہید ہوگئے۔ جبکہ چودہ افراد زخمی ہوئے ۔

    اسرائیل نے دعویٰ کیا ہے کہ اس نے غزہ میں ایک سرنگ کو تباہ کر دیا ہے، یہ سرنگ غیر قانونی سرگرمیوں کے لئے غزہ کی پٹی کو اسرائیلی علاقوں سے ملاتی تھی۔

    ام کے مطابق یہ سرنگ غیر قانونی سرگرمیوں کے لئے غزہ کی پٹی کو اسرائیلی علاقوں سے ملاتی تھی، جسے بمباری کے ذریعے تباہ کردیا گیا، مزید بتایا گیا کہ اس کاروائی میں نو فلسطینی بھی زخمی ہوئے ہیں۔

    مزید پڑھیں : فلسطینی صدر نے اسرائیل سے تمام رابطے معطل کر دیئے

    فلسطینی وزارت صحت کے ترجمان اشرف القدرہ کا اپنے ایک بیان میں کہنا تھا کہ اسرائیلی فوج نے غزہ کی پٹی کے علاقے خان یونس میں ایک سرنگ کو بم سے اڑایا ہے اور اس دھماکے میں پانچ فلسطینی نوجوان احمد ابو عرمانہ ، عمر نصار الفلیت ، عرفات ابو مرشد ، حسن حسنين اور مصباح شبیر شہید ہوگئے ہیں۔

    خیال رہے کہ فلسطینیوں پر جاری اسرائیلی مظالم پر فلسطینی صدر محمود عباس نے اسرائیل کے ساتھ سرکاری رابطے معطل کرنے کے احکامات جاری کئے تھے، حمود عباس نے کہنا تھا کہ اسرائیلی فورسز جب تک مقبوضہ بیت المقدس میں فلسطینیوں پر ظلم اور تشدد کا باب ختم نہیں کرتی اور بالخصوص قبلہ اول اور بیت المقدس میں فلسطینیوں پر عاید کردہ پابندیاں نہیں اٹھاتے اس وقت تک اسرائیل کیساتھ تمام سرکاری رابطے معطل رہیں گے۔

    واضح رہے کہ فلسطین میں اکتوبر 2015 سے شروع تشدد کی نئی لہر میں اب تک 250 سے زائد فلسطینی شہید جبکہ متعدد افراد زخمی ہوچکے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

     

  • اسرائیل نے گھٹنے ٹیک دیے‘ مسجد اقصیٰ سے میٹل ڈیٹیکٹر ہٹا لیے

    اسرائیل نے گھٹنے ٹیک دیے‘ مسجد اقصیٰ سے میٹل ڈیٹیکٹر ہٹا لیے

    مقبوضہ بیت المقدس: اسرائیل نے رات گئے مسجد اقصی کے داخلی راستے سے میٹل ڈیٹیکٹر ہٹا دیے‘فلسطینی شہری میٹل ڈیٹیکٹرز کی تنصیب کے بعد کئی دن سے احتجاجاً مسجد کے باہر نماز ادا کررہے تھے‘ جس کے سبب اسرائیل کو عالمی دباؤ کا سامنا تھا۔

    تفصیلات کے مطابق گزشتہ روز اسرائیل سیکیورٹی کابینہ کا اجلاس ہوا، اجلاس میں قبلہ اول کے داخلی مقام سے میٹل ڈی ٹیکٹر ہٹانے کا اعلان کیا اور فیصلہ کیا گیا کہ میٹل ڈیٹیکٹر کی جگہ سیکیورٹی کیمرے نصب کیے جائیں گے۔

    یاد رہے کہ مسجد اقصیٰ میں میٹل ڈیٹیکٹر کی تنصیب پر فلسطینیوں کی جانب سے مظاہرے جاری تھے ، اسرائیل فوج کی مظاہرین پر فائرنگ سے اب تک پانچ فلسطینی شہید ہوچکے ہیں۔

    ترک صدر نے گزشتہ روز اسرائیل سے مسجد اقصٰی سے میٹل ڈی ٹیکٹر ہٹانے کا مطالبہ کیا تھا جبکہ پوپ فرانسس نے بھی اسرائیل پر زور دیا ہےکہ وہ خطے میں امن کے لیے تشدد کے بجائے تنازعات مذاکرات سے حل کرے۔

     فلسطینی صدر نے اسرائیل سے تمام رابطے معطل کردیئے

    یاد رہے کہ فلسطینی صدر محمود عباس نے اسرائیل کے ساتھ سرکاری رابطے معطل کرنے کا اعلان کیا تھا اور کہا تھا کہ اسرائیلی فورسز جب تک مقبوضہ بیت المقدس میں فلسطینیوں پر ظلم اور تشدد کا باب ختم نہیں کرتی اور بالخصوص قبلہ اول اور بیت المقدس میں فلسطینیوں پر عاید کردہ پابندیاں نہیں اٹھاتے اس وقت تک اسرائیل کیساتھ تمام سرکاری رابطے معطل رہیں گے۔

    خیال رہے 14 جولائی کو فلسطینی حملہ آور نے فائرنگ کر کے 2 اسرائیلی پولیس گارڈز کی ہلاک کردیا تھا ، جس کے بعد اسرائیل نے مسجد اقصیٰ میں میٹل ڈیٹیکٹرز لگائے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • مسجد اقصیٰ میں جاری کشیدگی ،فلسطینی صدر نے اسرائیل سے تمام رابطے معطل کر دیئے

    مسجد اقصیٰ میں جاری کشیدگی ،فلسطینی صدر نے اسرائیل سے تمام رابطے معطل کر دیئے

    یروشلم : فلسطینیوں پراسرائیلی مظالم جاری ہیں، فلسطینی صدر محمود عباس نے اسرائیل کے ساتھ سرکاری رابطے معطل کرنے کے احکامات جاری کردئیے۔

    فلسطین کے مقبوضہ مغربی کنارے کے وسطی شہر رام اللہ میں اپنی کابینہ سے خطاب میں فلسطینی صدر محمود عباس نے اسرائیل سے تمام رابطے منقطع کرنے کا اعلان کیا۔

    محمود عباس نے کہا کہ اسرائیلی فورسز جب تک مقبوضہ بیت المقدس میں فلسطینیوں پر ظلم اور تشدد کا باب ختم نہیں کرتی اور بالخصوص قبلہ اول اور بیت المقدس میں فلسطینیوں پر عاید کردہ پابندیاں نہیں اٹھاتے اس وقت تک اسرائیل کیساتھ تمام سرکاری رابطے معطل رہیں گے۔

    فلسطینی صدر کا کہنا ہے کہ نام نہاد سیکیورٹی کے نام پر مسجد اقصیٰ پر بالادستی کے قیام کے لیے اٹھائے گئے اسرائیلی اقدامات کو فلسطینی قوم نے مسترد کردیا ہے اور کہا کہ اسرائیل بامقصد بات چیت کی بحالی کے بجائے سیاسی، مذہبی کشمکش کو ہوا دینے اور قبلہ اول کی زمانی اور مکانی تقسیم کی سازشوں میں مصروف ہے۔

    خیال رہے اسرائیلی فورسز کا نہتے فلسطینوں کیخلاف طاقت کا اندھا دھند استعمال جاری ہے، گزشتہ روز مقبوضہ مغربی کنارے سمیت فلسطین بھر میں قبلہ اول کے دفاع اور اسرائیلی پابندیوں کے خلاف’یوم الغضب‘ منایا گیا،مسجد اقصیٰ میں میٹل ڈیٹیکٹر لگانے کے خلاف احتجاج کرنے والے فلسطینیوں پر اسرائیلی فوجی ٹوٹ پڑے۔

    اسرائیلی فوج کی فائرنگ اور وحشیانہ تشدد سے 6 فلسطینی نوجوان شہید جبکہ متعدد زخمی ہوگئے تھے جبکہ اسرائیل نے50 سال سے کم عمر فلسطینیوں کو مسجد اقصیٰ میں نماز کی ادائیگی سے بھی روک دیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • مسجدِ اقصیٰ میں اسرائیلی سیکیورٹی‘ مسلمانوں کا داخلے سے انکار

    مسجدِ اقصیٰ میں اسرائیلی سیکیورٹی‘ مسلمانوں کا داخلے سے انکار

    یروشلم: اسرائیل نے مسجدِ اقصیٰ ایک بار پھر مسلمانوں کے لیے کھول دی ہے ‘ تاہم نئے سیکیورٹی اقدامات کی موجودگی میں مسلمانوں نے مسجد میں جانے سے انکار کردیا ہے‘ مسجد اقصیٰ دو اسرائیلی پولیس اہلکاروں کے قتل کے بعد بند کی گئی تھی۔

    تفصیلات کے مطابق جمعے کے روز دو اسرائیلی پولیس اہلکاروں کے قتل کے بعد بند ہونے والی مسجدِ اقصیٰ مسلمانوں کے لیے کھول دی گئی، اس موقع پر نماز کے لیے جمع ہونے والے افراد نے مسجد میں داخل ہونے سے انکار کردیا اور ’’اللہ واکبر‘‘ کے نعرے بلند کیے۔

    پولیس کے مطابق واقعے کے مسجدِ اقصیٰ میں مانیٹرنگ کے لیے کیمرے لگائے گئے ہیں اور دو دروازے داخلے کے لیے مختص کرکے ان پر میٹل ڈٹیکٹر واک تھرو گیٹ نصب کیے گئے ہیں۔

    ذرائع کے مطابق مسجد سے نماز کے لیے اذان دی گئی تھی درجنوں نمازیوں نے نئے سیکیورٹی انتظامات کے خلاف احتجاج کرتے ہوئے مسجد میں داخل ہونے سے انکار کیا اور لگ بھگ 150 افراد نے احتجاجاً مسجد کے باہر نماز ادا کی۔

    مسجدِ اقصیٰ کے ڈائریکٹر شیخ عمر قصوانی نے صحافیوں سے بات کرتے ہوئے اسرائیلی حکونت کی جانب سے کیے گئے انتظامات کو رد کردیا‘ انہوں نے کہا کہ ہم ان میٹیل ڈٹیکٹرز سے گزر کر مسجد میں داخل نہیں ہوں گے۔ ان کا موقف تھا کہ اس قسم کی چیزیں کسی بھی عبادت گاہ یا مسجد کے سامنے نہیں ہونی چاہیئے ہیں۔

    دن ڈھلے ایک میت بھی نمازِ جنازہ کی ادائیگی کے لئے مسجد ِ اقصیٰ لائی گئی تاہم حکام نے اسے داخلے کی اجازت دینے سے انکار کردیا۔

    اسرائیلی میڈیا کے مطابق تین عرب حملہ آوروں نے جمعے کے روز پولیس اہلکاروں کو نشانہ بنایا جس کے بعد وہ پرانے شہر میں واقع کمپاؤنڈ کی جانب فرار ہوئے جہاں مسجدِ اقصیٰ اور بیت المقدس واقع ہیں‘ تاہم سیکیورٹی فورسز نے انہیں راستے میں قتل کردیا۔ اسرائیلی حکام کا الزام ہے کہ یہ حملہ آور مسجدِ اقصیٰ کی طرف سے آئے تھے‘ اور اس واقعے کو یروشل میں ہونے والا اب تک کا سب سے سنگین واقعہ قراردیا جارہا ہے۔

    اسرائیل نے اس واقعے کےبعد مسجدِ اقصیٰ کو بند کرنے کا غیر متوقع فیصلہ کیا جس سے مقامی مسلمانوں غم و غصے کی لہر دوڑ گئی جب کے اردن جو کہ مسجدِ اقصیٰ کا باقاعدہ متولی ہے ‘ اس کی جانب سے بھی اس فیصلے پر ناراضی کا اظہار کیا گیا تھا۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • اسرائیلی فورسز کی فائرنگ‘ 3 فلسطینی شہید

    اسرائیلی فورسز کی فائرنگ‘ 3 فلسطینی شہید

    یروشیلم: مقبوضہ بیت المقدس میں قابض اسرائیلی فورسز نےمسجد اقصیٰ میں فائرنگ کرکےتین فلسطینیوں کوشہید کردیا۔

    تفصیلات کےمطابق اسرائیلی پولیس نے دعویٰ کیا کہ تینوں فلسطینیوں نے باب الاسباط سے نکل کر اسرائیلی پولیس اہلکاروں پر مبینہ طور پر فائرنگ کی،جس سے2پولیس اہلکارمارے گئے۔

    پولیس کا مزید کہنا تھا کہ مبینہ مسلح حملہ آور مسجد اقصیٰ کے صحن میں داخل ہوئےتووہاں موجود پولیس اہلکاروں اور ان کے درمیان چھڑپ ہوئی،جس میں تینوں حملہ آورجاں بحق ہوگئے۔

    اسرائیلی فورسزکا کہناہےکہ مقتولین کے پاس خودکار آتشی اسلحہ اور پستول تھا۔ بعدازاں اسرائیلی پولیس نے فلسطینیوں کو مسجد اقصیٰ میں نماز جمعہ ادا کرنے کی اجازت نہیں دی۔

    اسرائیلی فورسز کی فائرنگ سے دو فلسطینی شہید

    یاد رہےکہ رواں ماہ 12 جولائی کو فلسطین میں مغربی کنارے کے شمالی حصے میں قائم مہاجرین کے جنین کیمپ میں اسرائیلی فورسز نے فائرنگ کرکے دو فلسطینیوں کوشہید کردیا تھا۔

    فلسطینی خاتون رکن پارلیمان کو 6 ماہ قید کی سزا

    واضح رہےکہ گزشتہ دنوں اسرائیل کی ایک عدالت نے فلسطین میں انسانی حقوق کی کارکن اور خاتون رکن پارلیمنٹ کے خلاف مقدمہ چلائے بغیر 6 ماہ قید کی سزا سنادی تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • لبنان میں ’ونڈر ویمن‘ کی ریلیز پر پابندی عائد

    لبنان میں ’ونڈر ویمن‘ کی ریلیز پر پابندی عائد

    ہالی وڈ کی عنقریب ریلیز ہونے والی فلم ’ونڈرویمن‘ پر لبنان نے پابندی عائد کردی ہے‘ پابندی کی وجہ مرکزی کردار گیل گاڈوٹ کا اسرائیلی فوج سے تعلق ہونا بتایا جارہا ہے۔

    تفصیلات کے مطابق لبنانی حکام نے پریمیئر سے چند گھنٹے قبل فلم ’ونڈر ویمن‘ کی ریلیز پر پابندی عائد کردی جس کے بعد سینما مالکان نے فلم کے پوسٹر اتاردیئے۔

    مقامی میڈیا ذرائع کے مطابق حکام کا کہنا ہے کہ پابندی کا سبب فلم کا مرکزی کردار ‘ اداکارہ گیل گاڈوٹ ہیں جوکہ اسرائیلی فوج میں اپنی خدمات پیش کرچکی ہیں۔

    یاد رہے کہ لبنان اوراسرائیل باضابطہ طور پر حالتِ جنگ میں ہیں‘ دونوں کے درمیان کئی بار لڑائی چھڑ چکی ہے خصوصاً 2006 میں اسرائیل نے لبنان پر بے پناہ بمباری کی تھی جس سے سینکڑوں شہری شہید ہوئے تھے جبکہ انفرااسٹرکچر کو بھی شدید نقصان پہنچا تھا۔

    دنیا کو تباہی سے بچانے والی حیرت انگیزعورت

     لبنان میں اسرائیلی مصںوعات کے استعمال اور شہریوں پر اسرائیل کا سفر کرنے پر پابندی عائد ہے اورحکومت اسرائیل کے ساتھ کسی بھی قسم کے تعلقات نہیں چاہتی۔

    پابندی لگنے کے بعد گزشتہ روز ہونے والا پریمئر شو کینسل کردیا گیا اور متعلقہ تقسیم کار کمپنی کو آگاہ کیا گیا جس نے سینما مالکان تک حکومتی پابندی کا حکم نامہ پہنچایا۔

    فلم کی ریلیز کے خلاف مہم چلانے والی رانیا مصری کا کہنا ہے کہ ونڈر ویمن پر پابندی خوش آئند ہے اور اس سے قانون کے احترام کا اظہار ہوتا ہے ‘ حالانکہ یہ فیصلہ بہت دیر سے آیا تاہم اچھی بات یہ ہے کہ فلم کی باضابطہ لانچ سے قبل کرلیا گیا۔

    یاد رہے کہ فلم کی مرکزی کردار گیل گاڈوٹ فلمی دنیا میں آنے سے قبل اسرائیلی فوج میں اپنی خدمات پیش کرچکی ہیں جس کے سبب لبنان نے فلم کا بائیکاٹ کیا ہے۔

    اس سے قبل بیٹ مین ورسز سپر مین بھی گیل کی موجودگی کے سبب پابندی کے لیے مہم چلائی گئی تھی تاہم اس وقت اس مہم کے مثبت نتائج برآمد نہیں ہوئے تھے تاہم رانیا کے مطابق اب کی بار اس مہم میں میڈیا کی شرکت سے مثبت نتائج برآمد ہوئے۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • دورہ اسرائیل ، میلانیا نے ریڈ کارپٹ پر امریکی صدر ٹرمپ کا ہاتھ جھٹک دیا

    دورہ اسرائیل ، میلانیا نے ریڈ کارپٹ پر امریکی صدر ٹرمپ کا ہاتھ جھٹک دیا

    تل ابیب : امریکی صدرڈونلڈٹرمپ کے اسرائیل پہنچنے پر اہلیہ کیساتھ تعلقات کشیدہ نظر آئے، ریڈ کارپٹ پر ٹرمپ نے بیوی کی طرف ہاتھ بڑھایا تو میلانیا نے ان کا ہاتھ جھٹک دیا، جس کی ویڈیو وائرل ہوگئی۔

    امریکی صدر ڈونلڈ ٹرمپ سعودی عرب کے دورے کے بعد براہ راست پرواز کے ذریعے اسرائیل پہنچے تو اسرائیلی وزیر اعظم بن یامین نیتن یاہو نے دیگر حکام کے ساتھ ان کا ریڈ کارپٹ پر استقبال کیا، اس موقع پر ریڈ کارپٹ پر چلتے ہوئے ڈونلڈ ٹرمپ نے اپنی اہلیہ میلانیا ٹرمپ کا ہاتھ تھامنے کی کوشش کی تو میلانیا ٹرمپ نے بے اعتنائی کے ساتھ اپنے شوہر کا ہاتھ جھٹک دیا ۔

    حالانکہ یہ کارروائی ایک سیکنڈ سے بھی کم وقت میں ہوئی لیکن کیمرے کی آنکھ سے بچ نہیں پائی اور ویڈیو سوشل میڈیا پر وائرل ہو گئی۔ اور لوگوں نے طرح طرح کے تبصرے شروع کردیے۔

    ویڈیو دیکھیں

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • داعش کے حامی دہشت گردوں نے اسرائیل سے معافی مانگ لی

    داعش کے حامی دہشت گردوں نے اسرائیل سے معافی مانگ لی

    مقبوضہ بیت المقدس: اسرائیل کے سابق وزیردفاع موشے یعلون نے انکشاف کیا ہے کہ ان کے داعش کے وفادار دہشت گرد گروپ سے روابط استوار ہیں۔

    تفصیلات کے مطابق اسرائیل کے سابق وزیرِ دفاع نے انکشاف کیاکہ داعش سے منسلک گروہ ’شہدائے یرموک‘ ارکان نے ایک موقع پر گولان کی پہاڑیوں پر تعینات اسرائیلی فوجی دستوں پر ”غلطی“ سے کئے گئے حملے پر اسرائیل سے معذرت کی تھی۔

    اس انکشاف سے اسرائیل اوردہشت گرد گروپ داعش کے درمیان روابط کا ثبوت ملتا ہے کیونکہ اسرائیلی قانون کے تحت دہشت گردوں کے ساتھ کسی بھی رابطہ کو غیرقانونی تصور کیا جاتا ہے۔

    اسرائیلی اخبار کے مطابق 2013ءتا مئی 2016ء وزیردفاع کے عہدہ پر تعینات رہنے والے موشے یعلون نے کہا کہ حال ہی میں ایک واقعہ پیش آیا، جس میں داعش نے اسرائیلی فوجی دستوں پر فائرنگ کی تھی اور اس کے بعد اس واقعہ پر معذرت کی ہے۔

    موشے یعلون کے دفتر نے اس بیان کی وضاحت سے انکار کیا ہے۔ اسرائیلی دفاعی افواج (آئی ڈی ایف) نے بھی اس انکشاف پر کسی تبصرے سے انکار کیا ہے۔

    طالبان اورداعش کے درمیان جھڑپیں

     یاد رہے کہ گزشتہ روزشمالی افغانستان میں افغان طالبان اور داعش کے درمیان جھڑپوں کے دوران 101کے قریب جنگجو ہلاک ہوگئےہیں۔

    تفصیلات کےمطابق شمالی افغانستان کے ضلع درزاب میں طالبان اور داعش کےدرمیان جاری لڑائی کےدوران اب تک 101جنگجو ہلاک جبکہ مزید ہلاکتوں کا خدشہ ہے۔

    امریکی بم حملے میں36داعش جنگجو ہلاک 

    اب سے چند روز قبل امریکہ نے دنیا بھر میں داعش کیخلاف چلائی جانے والی مہم میں افغانستان میں داعش کے ٹھکانے پر سب سے بڑا غیرجوہری بم گرادیا ہے، حکام کے مطابق جہاں بم گرایا گیا وہاں داعش نے سرنگوں اور غاروں میں کمپلیکس بنا رکھا تھا، جس کے نتیجے میں  داعش کے 36جنگجو ہلاک ہوئے تھے۔

     وائٹ ہاؤس کے ترجمان شون اسپائسرنے افغانستان میں بم گرانے کی تصدیق کی  اور کہا کہ مدرآف آل بم کہا جانے والااکیس ہزارپاؤنڈ وزنی جی بی یوفورٹی تھری بم ننگرہارمیں داعش کے ٹھکانوں پرسی ون تھرٹی طیارے سے گرایا گیا ،جے بی یو 43 غیر جوہری بم اب تک سب سے بڑا ہتھیار ہے، جو داعش کیخلاف استعمال کیا گیا۔

    داعش کا سربراہ ابوبکر البغدادی عراقی حملے میں بال بال بچ

     کچھ عرصہ قبل داعش کے سربراہ اور عالمی سطح پرمطلوب دہشت گرد ابو بکربغدادی کی زندگی پر بنائی جانے والی دستاویزی فلم انکشاف کیا گیا ہے کہ کچھ عرصہ  وہ قبل عراقی فورسز کے حملے میں بال بال بچا تھا۔

    داعش کے سربراہ پر بنائی جانے والی اس ڈاکیومنٹری کا نام ’ابوبکر البغدادی: ان دی دٹ پرنٹس آف دی موسٹ پاورفل مین ان دی ورلڈ‘ ہے اوراسے ڈاکیومنٹری میکر صوفیہ عمارہ نے بنایا ہے۔

    ڈاکیومنٹری میں انکشاف کیا گیا ہے کہ بغدادی‘ عراق کی خصوصی فورسز’ فالکن بریگیڈ ‘ کے ہاتھوں سے محض چند منٹ کے فرق سے نکل گیا تھا۔ عراقی فورسز جب ایک ایسے گھر میں داخل ہوئیں جہاں وہ مقیم تھا تو وہ ایک خفیہ راستے کی مدد سے وہاں سے فرار ہوچکا تھا۔ جب تک فورسز نے وہ راستہ دریافت کیا البغدادی ایک بار پھر ان کی پہنچ سے دور جاچکا تھا۔