Tag: Israeli army Strikes

  • غزہ: اسرائیلی جارحیت کا سلسلہ جاری، مزید درجنوں فلسطینی شہید

    غزہ: اسرائیلی جارحیت کا سلسلہ جاری، مزید درجنوں فلسطینی شہید

    وسطی غزہ میں اسرائیلی جارحیت کا سلسلہ تاحال جاری ہے، بمباری کے نتیجے میں مزید 40 سے زائد فلسطینی جام شہادت نوش کرگئے جبکہ 100سے زائد زخمی ہوگئے۔

    غیر ملکی ذرائع ابلاغ کا اس حوالے سے کہنا ہے کہ اسرائیلی جارحیت کے باعث مزید 40 سے زائد فلسطینی شہید اور 100 سے زائد زخمی ہوگئے۔

    غیر ملکی میڈیا رپورٹس کے مطابق مغربی کنارے کے شہر جنین میں کار پر اسرائیلی فوج نے حملہ کیا، جس کے باعث ایک فلسطینی نوجوان شہید جبکہ 15 زخمی ہوگئے۔7 اکتوبر سے جاری اسرائیلی حملوں میں فلسطینی شہداء کی تعداد 30ہزار کے قریب پہنچ چکی ہے۔

    دوسری جانب اسرائیل نے مغربی کنارے میں مزید 3 ہزار گھر بنانے کا اعلان کردیا ہے، مغربی کنارے میں یہودی آبادکاری کے نئے متنازع منصوبے کا اعلان سامنے آیا ہے۔

    ’بھوک اور ادویات کی کمی سے ہر لمحہ فلسطینیوں کو موت کا سامنا ہے‘

    امریکا کی جانب سے یہودیوں کی آبادکاری سے متعلق متنازع اسرائیلی منصوبے پر مایوسی کا اظہار کیا گیا ہے۔

  • غزہ میں ظلم کی انتہاء، کھانے کی قطار میں کھڑے فلسطینیوں پرفائرنگ

    غزہ میں ظلم کی انتہاء، کھانے کی قطار میں کھڑے فلسطینیوں پرفائرنگ

    اسرائیلی فوج نے شمالی غزہ میں ظلم کے پہاڑ توڑ دیئے، کھانے کی قطار میں کھڑے فلسطینیوں پر فائرنگ کرکے ایک شہری کو شہید اور متعدد افراد کو زخمی کردیا۔

    غیر ملکی ذرائع ابلاغ کے مطابق فلسطینی شہری شمالی غزہ میں ساحلی علاقے کی جانب منتقل ہورہے تھے، اس دوران وہاں سے شدید فائرنگ کی آوازیں سنی گئیں، اسرائیلی فوج کی فائرنگ سے ایک فلسطینی جاں بحق اور دیگر زخمی ہوگئے۔

    سامنے آنے والی ویڈیوز میں واضح طور پر دیکھا جاسکتا ہے کہ غزہ سٹی کے مغربی علاقے میں ہزاروں فلسطینی جمع ہیں اور بدترین فائرنگ اور دھواں چھوڑنے والے بم کے شعلے بلند ہو رہے ہیں۔

    عینی شاہدین کا کہنا ہے کہ اس حملے میں ایک فلسطینی جام شہادت نوش کرگیا ہے، جبکہ ایک شہری کے سر پر زخم لگے، جو زمین پر گرا ہوا ہے۔

    امریکا کا روس پر نئی پابندیوں کا فیصلہ

    رپورٹ کے مطابق اسرائیلی حملے کے نتیجے میں 10 افراد زخمی ہوگئے جبکہ زخمیوں کا کہنا ہے کہ اسرائیلی فوج کی جانب سے بلا اشتعال فائرنگ کی گئی ہے۔