Tag: Israeli army

غزہ میں اسرائیل اور حماس کے درمیان جاری جنگ کو ایک ماہ مکمل ہوگیا، اس دوران امریکا اور اسرائیل کی مشترکہ فوجیں اپنے مقاصد حاصل نہیں کرپائیں۔

اتوار کے روز جنگ کے 30ویں دن اسرائیلی اقتصادی اخبار ’کالکالیسٹ‘ نے وزارت خزانہ کے ابتدائی اعداد و شمار کا حوالہ دیتے ہوئے ایک رپورٹ پیش کی ہے جس میں اب تک جنگ ہونے والی لاگت کا تخمینہ لگایا گیا ہے۔

غیر ملکی خبر رساں ادارے روئٹرز کی رپورٹ میں بتایا گیا ہے کہ اسرائیل جس جنگ میں لڑ رہا ہے اسے اس غزہ جنگ کی لاگت 200 بلین شیکل میں پڑ رہی ہے۔ 200 بلین شیکل 51 بلین ڈالر کے قریب بنتے ہیں۔

اکیاون بلین ڈالر کے ان اخراجات کا یہ تخمینہ اسرائیلی جی ڈی پی کے 10 فیصد تک پہنچ جاتا ہے۔ اس تخمینے میں غزہ جنگ کا حساب 8 سے 12 ماہ تک جاری رہنے کا لگایا گیا ہے۔ یہ اندازہ اس صورت میں ہے جب جنگ غزہ تک محدود رہے اور اس میں لبنان کی حزب اللہ یا ایران یا یمن کے حوثی شریک نہ ہوں۔

اخبار ’کالکالیسٹ‘ نے مزید لکھا ہے کہ غزہ جنگ کی نصف لاگت دفاعی اخراجات میں ہوگی جو تقریباً ایک بلین شیکل یومیہ ہے۔ محصولات کے نقصانات کی لاگت مزید 40 اور 60 بلین شیکلز یعنی 10 سے 15 بلین ڈالر کے درمیان ہوگی۔

اس کے علاوہ 17 اور 20 بلین شیکل اسرائیل کو کمپنیوں کو معاوضے کی شکل میں ادا کرنے ہونگے۔ اسی طرح 10 سے 20 بلین شیکل بحالی کے منصوبوں پر خرچ ہوجائیں گے۔

اسرائیلی وزیر خزانہ سموٹریچ نے کہا تھا کہ اسرائیلی حکومت فلسطینی حملوں سے متاثر ہونے والوں کے لیے ایک اقتصادی امدادی پیکج تیار کر رہی ہے۔ یہ کووڈ 19 وبا کے دوران بنائے گئے پیکج سے بڑا ہوگا۔

رام اللہ: اسرائیلی فوج نے شرم ناک اعتراف کیا ہے کہ انھوں نے فلسطینی شہری کو ’بلا وجہ‘ قتل کیا۔

عرب نیوز کے مطابق اسرائیلی فوج نے اعتراف کیا ہے کہ گزشتہ ہفتے فوجیوں کے ہاتھوں گولی لگنے سے شہید ہونے والے فلسطینی شہری سے انھیں کوئی دھمکی یا خطرہ لاحق نہیں تھا، اور اسے جان سے نہیں مارنا چاہیے تھا۔

رپورٹ کے مطابق 15 جنوری کو رامون سے تعلق رکھنے والے 46 سالہ احمد کحلہ کو مقبوضہ مغربی کنارے میں سلواڈ کے قریب اسرائیلی فوجی چوکی کے پاس گردن میں گولی مار کر شہید کر دیا گیا تھا۔

اسرائیلی فوج نے ابتدائی طور پر دعویٰ کیا تھا کہ احمد کحلہ کو اس لیے گولی ماری گئی تھی کیوں کہ وہ ہاتھ میں چاقو لیے اپنی گاڑی سے باہر نکلا اور فوجیوں پر وار کرنے کے ارادے سے ان کی جانب لپکا۔

تاہم واقعے کے وقت اپنے والد کے ساتھ موجود 20 سالہ بیٹے قوسئی نے بتایا کہ ’’ہماری گاڑی چوکی پر روکی گئی اور ایک فوجی نے گرینیڈ فائر کیا جو گاڑی کی چھت سے ٹکرا گیا۔‘‘

قوسئی کے مطابق ایک فوجی افسر نے میرے والد پر مرچوں کا سپرے بھی کیا اور انھیں گاڑی سے نکالا اس سے پہلے کہ وہ کوئی بات کرتے یا وجہ پوچھتے ایک فوجی نے انھیں گولی مار دی۔

بعد ازاں فوج کی جانب سے تحقیقات سے پتا چلا کہ فلسطینی شہری کا چاقو سے حملہ کرنے کا کوئی ارادہ نہیں تھا۔

دوسری طرف شہید احمد کحلا کے خاندان نے بین الاقوامی فوجداری کی عدالت میں جانے کا اعلان کیا ہے تاکہ یہ معاملہ عالمی سطح پر اجاگر ہو اور مزید فلسطینیوں کو بلاوجہ قتل ہونے سے بچایا جا سکے۔