ARYNews.tv | Urdu – Har Lamha Bakhabar

Tag: israeli attack

  • اسرائیلی حملے میں ایرانی صدر کے زخمی ہونے کا انکشاف

    اسرائیلی حملے میں ایرانی صدر کے زخمی ہونے کا انکشاف

    تہران(13 جولائی 2025): گزشتہ ماہ جنگ کے دوران ایران پر اسرائیلی حملے کے دوران ایرانی صدر مسعود پزشکیان کے زخمی ہونے کا انکشاف سامنے آگیا۔

    ایران کی سرکاری میڈیا فارس نیوز کے مطابق یہ حملہ 16 جون کو تہران کی عمارت پر ہوا  تھا جہاں سپریم نیشنل سیکیورٹی کونسل کا اجلاس جاری تھا۔

    رپورٹ کے مطابق اجلاس میں ایرانی صدر پزشکیان، اسپیکر پارلیمنٹ محمد باقر قالیباف، عدلیہ کے سربراہ محسنی ایجیئی اور دیگر اعلیٰ حکام اس اجلاس میں شریک تھے، عمارت کے داخلی اور خارجی راستوں پر چھ میزائل داغے گئے، جن کا مقصد حکام کے نکلنے کا راستہ بند کرنا تھا۔

    یہ پڑھیں: ایران امریکا سے دوبارہ مذاکرات شروع کرنے پر مشروط طور پر آمادہ

    ایرانی میڈیا کی رپورٹ کے مطابق دھماکوں کے بعد متاثرہ منزل کی بجلی منقطع ہو گئی تھی، عمارت سے نکلنے کے دوران صدر پزشکیان سمیت کچھ حکام کو ہلکی چوٹیں آئیں، خاص طور پر ان کی ٹانگ میں معمولی زخم آیا۔

    جبکہ چند روز پہلے ایرانی صدر پزشکیان نے امریکی میزبان ٹکر کارلسن کو ایک انٹرویو میں حملے کی تصدیق کی اور کہا تھا کہ اسرائیل نے انہیں قتل کرنے کی کوشش کی تھی۔

  • حالت جنگ میں مذاکرات نہیں ہوسکتے، ایران کا دوٹوک موقف

    حالت جنگ میں مذاکرات نہیں ہوسکتے، ایران کا دوٹوک موقف

    تہران: ایران نے ثالثی کے کردار ادا کرنے والے ممالک قطر اور عمان کو واضح کیا ہے کہ اسرائیل کے حملوں کے دوران جنگ بندی پر کوئی مذاکرات نہیں ہوسکتے۔

    خبرایجنسی کے مطابق ایرانی حکام نے قطر اور عمان کو دوٹوک موقف دیا کہ وہ جنگ بندی کیلئے تیار نہیں ہے، ایران صرف اس صورت میں مذاکرات کی میز پر آئے گا جب وہ اسرائیلی حملوں کا حساب برابر کر دے گا۔

    ’ایران نے یہ بھی واضح کر دیا ہے کہ وہ حملے کی زد میں رہتے ہوئے مذاکرات نہیں کرے گا‘۔

    واضح رہے کہ عمان نے ایران اور امریکا کے درمیان جوہری مذاکرات کے لیے ثالثی کا کردار ادا کیا تھا اور دونوں ممالک کے درمیان مذاکرات کے 5 دور ہوگئے تھے، چھٹا دور حالیہ اسرائیلی فضائی حملوں کے اگلے ہی دن ہونا تھا جو منسوخ کر دیا گیا۔

    ایران اسرائیل جنگ سے متعلق تازہ ترین خبریں یہاں پڑھیں

    دوسری جانب ایران نے صبح سویرے اسرائیل پر بیلسٹک میزائل حملوں کی نئی لہر کا آغاز کر دیا، اسرائیل کا شہر حیفہ دھماکوں اور سائرن کی آوازوں سے گونج اٹھا۔

    اسرائیلی فوج کا کہنا ہے کہ ایران کی جانب سے اسرائیل پر مسلسل میزائل داغنے کا سلسلہ جاری ہے، کئی علاقوں میں عوام کو فضائی حملے سے باخبر رکھنے کے لیے سائرن بجائے جا رہے ہیں۔

    اسرائیلی فوج نے سوشل میڈیا پلیٹ فارم ایکس پر جاری بیان میں کہا ہے کہ اس وقت فضائیہ خطرہ ختم کرنے کے لیے جہاں ضروری ہو، وہاں ایرانی میزائلوں کو روکنے اور جوابی حملے کرنے میں مصروف عمل ہے۔

  • اسرائیل سخت سزا کا انتظار کرے، ایرانی سپریم لیڈر آیت اللہ علی خامنہ کا ردعمل

    اسرائیل سخت سزا کا انتظار کرے، ایرانی سپریم لیڈر آیت اللہ علی خامنہ کا ردعمل

    ایران کے سپریم لیڈر آیت اللہ علی خامنہ ای نے اسرائیلی حملوں پر ردعمل دیتے ہوئے کہا ہے کہ اسرائیل کو حملے کی سخت سزا ملے گی، اسرائیل سخت سزا کا انتظار کرے۔

    ایرانی سپریم لیڈر آیت اللہ خامنہ ای نے کہا اسرائیل نے راتوں رات حملہ کرکے آج اپنے لیے ایک تلخ اور تکلیف دہ تقدیر پر مہر ثبت کر دی ہے۔

    ایران کے سپریم لیڈر نے کہا کہ اسرائیلی حکومت کو اب سنگین نتائج کیلئے تیار رہنا چاہیے، جاری بیان میں انہوں نے اسرائیلی حملے میں کئی اعلی فوجی حکام اور سانسدانوں کے شہید ہونے کی تصدیق کی۔

    آیت اللہ خامنہ ای کا کہنا تھا کہ صہیونی حکومت نے اپنے شیطانی اور خونی ہاتھوں سے ہمارے ملک میں جرم کا ارتکاب کیا اور رہائشی علاقوں کو نشانہ بناکر اپنی فطرت کو مزید آشکار کیا ہے، اب اسرائیلی حکومت ہمارے سخت ردعمل کا انتظار کرنا چاہیے۔

    https://urdu.arynews.tv/iran-chief-hossein-salami-martyred-in-israeli-attack/

    اسرائیل نے ایران پر جمعہ کی علی الصبح درجنوں مقامات پر فضائی حملے کیے جس سے تہران دھماکوں سے گونج اٹھا، اسرائیل نے اس حملے میں پاسداران انقلاب کے صدر دفتر کو بھی نشانہ بنایا۔

    ایرانی میڈیا کے مطابق اسرائیلی حملوں میں پاسداران انقلاب کے کمانڈر حسین سلامی، جوہری سائنسدان فریدون عباسی اور محمد مہدی شہید ہوگئے۔

  • اسرائیلی حملے میں پاسداران انقلاب کے سربراہ اور جوہری سائنسدان شہید

    اسرائیلی حملے میں پاسداران انقلاب کے سربراہ اور جوہری سائنسدان شہید

    تہران: اسرائیل کی جانب سے ایران پر فضائی حملوں میں پاسداران انقلاب کے سربراہ میجر جنرل حسین سلامی شہید ہوگئے۔

    خبر رساں ایجنسی کے مطابق اسرائیل نے ایران پر جمعہ کی علی الصبح درجنوں مقامات پر فضائی حملے کیے جس سے تہران دھماکوں سے گونج اٹھا، اسرائیل نے اس حملے میں پاسداران انقلاب کے صدر دفتر کو بھی نشانہ بنایا۔

    ایرانی میڈیا کے مطابق اسرائیلی حملوں میں پاسداران انقلاب کے کمانڈر حسین سلامی، جوہری سائنسدان فریدون عباسی اور محمد مہدی شہید ہوگئے۔

    https://urdu.arynews.tv/israel-strikes-iran-nuclear-facilities-missile-factories/

    اس کے علاوہ ایران نے ختم الانبیا ہیڈ کوارٹر کے کمانڈر میجر جنرل غلام علی راشد کی بھی ان حملوں میں شہید ہونے کی تصدیق کر دی ہے۔

    رپورٹ کے مطابق اسرائیل کے میزائل حملوں کے بعد جنگی طیاروں کی بمباری سے متعدد رہائشی علاقے بھی متاثر ہوئے ہیں، تہران کے امام خمینی ہوائی اڈے پر تمام پروازیں معطل کردیں گئیں۔

    اسرائیلی فضائی حملے میں تہران میں واقع کئی منزلہ عمارت منہدم ہوگئی، بعض مقامات سے دھویں کے بادل اٹھتے دکھائی دیئے، رہائشی علاقے پر اسرائیلی حملے میں متعدد افراد کے شہید ہونے کا خدشہ ظاہر کیا جارہا ہے۔

  • غزہ کی خوبصورت مسجد کی اسرائیلی حملے سے قبل اور بعد کی تصاویر وائرل

    غزہ کی خوبصورت مسجد کی اسرائیلی حملے سے قبل اور بعد کی تصاویر وائرل

    غزہ کی بندرگاہ پر واقع ایک خوبصورت مسجد کی اسرائیلی حملے قبل اور بعد کی تصاویر سامنے آئیں جن میں مسلم ورثے کی تباہی کے اثرات کو ظاہر کیا گیا ہے۔

    غیر ملکی ذرائع کے مطابق یہ خوبصورت مسجد جو اب ملبے کے ڈھیر میں تبدیل ہوچکی ہے کبھی عبادت اور امن کی جگہ تھی، جس کے درمیان ایک سنہری فانوس لٹکا ہوا تھا۔

    فرش پر قالین بچھے تھے، اور ہر طرف نفیس طرز تعمیر تھی۔ وہی جگہ جہاں فلسطینی نماز پڑھنے اور قرآن مجید کی تلاوت کرنے جمع ہوتے تھے، اب اس کے گنبد اور دیواریں گر چکی ہیں۔

    رپورٹس کے مطابق اب یہ مسجد غزہ میں بے گھر ہونے والے فلسطینیوں کے لیے پناہ گاہ میں تبدیل ہوچکی ہے۔

    واضح رہے کہ سیکریٹری جنرل اقوام متحدہ انتونیو گوتریس نے کہا ہے کہ فلسطین میں اسرائیلی تباہ کن کارروائیاں، ہلاکتیں اور تباہیاں ناقابل برداشت سطح پر ہیں۔

    اپنے ایک جاری بیان میں اقوام متحدہ کے سیکریٹری جنرل کا کہنا ہے کہ غزہ کا 80 فیصد علاقہ فلسطینیوں کے لیے نو گو زون بن چکا ہے۔

    انتونیوگوتریس نے کہا کہ فلسطینی عوام اسرائیل کی ظالمانہ جنگ کے سب سے ظالم مرحلے سے گزر رہے ہیں، فلسطینیوں کو بھوکا رکھا جارہا ہے، بنیادی ضروریات سے محروم کیا جارہا ہے۔

    سیکریٹری جنرل اقوام متحدہ کا کہنا تھا کہ میں حیران ہوں کہ فلسطینیوں پر ہونے والے ظلم کو دیکھ کر بھی دنیا خاموش تماشائی بنی ہوئی ہے۔

    انہوں نے کہا کہ اقوام متحدہ کسی ایسی امدادی اسکیم کاحصہ نہیں بنے گا جوانسانی اصولوں پرنہ ہو، امداد کا محفوظ، تیز اور تسلسل سے داخلہ نہ ہوا تو مزید اموات ہوں گی۔

    اسرائیل سیاستدانوں کے فوجی وردی پہننے پر پابندی کیوں لگا رہا ہے؟

    غزہ میں خوراک، طبی امداد پہنچانے کی محدود کوشش جاری ہے، اشد ضرورت کے باوجود اسرائیل امداد پر غیرضروری پابندی لگارہا ہے۔

    سیکریٹری جنرل یواین انتونیو گوتریس کا مزید کہنا تھا کہ غزہ میں جس امداد کی اجازت دی گئی وہ آٹے میں نمک کے برابر ہے۔

  • اسرائیلی حملے کے اشارے چند گھنٹے پہلے ہی مل گئے تھے: ایران

    اسرائیلی حملے کے اشارے چند گھنٹے پہلے ہی مل گئے تھے: ایران

    ایران کے وزیرخارجہ عباس عراقچی کا کہنا ہے اسرائیل کے حملے سے چند گھنٹے قبل ہی انہیں اشارے موصول ہوگئے تھے۔

    فرانسیسی خبر ایجنسی اے ایف پی کے مطابق عباس عراقچی نے کہا جب حملہ ہوا تو ایران ضروری اقدامات کر چکا تھا، ہم فوجی حکام سے رابطے میں تھے اور مختلف فریقین کے ساتھ پیغامات کا تبادلہ بھی کیا لیکن اسرائیل کے حالیہ حملے کا جواب دینے کا حق حاصل ہے۔

    امریکی نیوز ویب سائٹ ایکشیئس کے مطابق اسرائیل نے اپنے حملے سے قبل ایران کو پیغام بھیجا اور اسے کسی جوابی کارروائی کے خلاف خبردار کیا تھا۔

    اسرائیل کے حملے کے بعد کی صورتحال پر غور کیلئے آج سلامتی کونسل کا اجلاس ہورہا ہے، اجلاس بلانے کی درخواست ایران نے الجزائر، چین اور روس کے تعاون سے کی تھی۔

    واضح رہے کہ اسرائیل نے  26 اکتوبر کو علی الصبح تہران، شیراز اور کرج پر فضائی حملہ کیا جس میں ایران کے چار فوجی ملک کا دفاع کرتے ہوئے شہید ہوئے تھے۔

    امریکی میڈیا کے مطابق اسرائیل نے پاسداران انقلاب کےکم از کم 3 میزائل اڈوں کو نشانہ بنایا۔ اسرائیل نے تہران کےقریب امام خمینی انٹرنیشنل ائیرپورٹ کے ایس300 ڈیفنس کو نشانہ بنایا تھا۔
    رپورٹ میں بتایا گیا کہ اسرائیلی ڈرونز نے تہران کے مضافات میں پارچن ملٹری بیس کوبھی نشانہ بنایا، تہران میں ڈرون فیکٹر ی کو بھی نشانہ بنایا گیا۔
  • اسرائیلی فضائیہ کا لبنان کے رفیق حریری اسپتال پر حملہ، 13 شہید

    اسرائیلی فضائیہ کا لبنان کے رفیق حریری اسپتال پر حملہ، 13 شہید

    لبنان وزارت صحت کا کہنا ہے کہ دارالحکومت بیروت میں واقع ‘رفیق حریری اسپتال کے نواح میں رات کے وقت اسرائیلی فضائیہ نے بمباری کی، جس کے نتیجے میں 13افراد شہید اور 57 زخمی ہوگئے۔

    بین الاقوامی خبر رساں ادارے کی رپورٹ کے مطابق لبنان وزارت صحت نے بتایا کہ اسرائیلی فضائیہ نے رات کے وقت بیروت پر فضائی حملے کیے جن میں جنہّ میں واقع رفیق حریری سرکاری ہسپتال کے گرد و نواح کو بھی نشانہ بنایا ہے۔

    اسرائیلی بربریت کے نتیجے میں ایک بچے سمیت 13 افراد ہلاک اور 57 زخمی ہو گئے ہیں۔ زخمیوں میں سے 7 کی حالت تشویشناک ہے، جبکہ اسپتال کو بھی بڑے پیمانے پر نقصان پہنچا ہے۔

    دوسری جانب غزہ میں اسرائیلی فوج کی بہیمانہ کارروائیوں کے نتیجے میں تباہ حال فلسطینیوں کو اپنے پیاروں کو دفنانے کیلئے کفن تک نہیں مل رہا۔

    بے گناہ فلسطینی عوام پر پے سر پے اسرائیلی حملوں میں مزید شہادتوں کا سلسلہ جاری ہے، شہیدوں کو دفنانے کیلئے تابوت اور کفن کم پڑ گئے۔

    رپورٹ کے مطابق اسرائیلی فوج کی فائرنگ سے شہید ہونے والے درجنوں افراد کی لاشیں سڑکوں اور ملبے تلے بکھری پڑی ہیں۔

    غزہ کی وزارت صحت کے ڈائریکٹر منیر البرش کا کہنا ہے کہ بہت سے زخمی ہماری آنکھوں کے سامنے دم توڑ چکے ہیں اور ہم ان کے لیے کچھ نہیں کر سکے، انہوں نے لوگوں سے کوئی بھی کپڑا عطیہ کرنے کی اپیل کردی۔

    غزہ میں شہادتوں سے متعلق آسٹریلوی میڈیا کا بڑا دعویٰ

    اسرائیل فوج نے گزشتہ48گھنٹوں میں ایک سو پندرہ فلسطینیوں کو شہید کردیا جبکہ سیکڑوں زخمی ہوگئے ہیں جنہیں طبی امداد کی فراہمی کیلئے بھی سہولیات میسر نہیں۔صہیونی فورسز نے شمالی غزہ کوچھاؤنی بنادیا۔ امداد کی ترسیل بند اور خوراک اور دوائیں ختم ہوچکی ہیں۔

  • جسے اسرائیلی حملے کا پتا ہوگا، وہی اس کا ذمہ دار بھی ہوگا، ایران نے امریکا کو خبردار کر دیا

    جسے اسرائیلی حملے کا پتا ہوگا، وہی اس کا ذمہ دار بھی ہوگا، ایران نے امریکا کو خبردار کر دیا

    تہران: ایران نے امریکا کو خبردار کیا ہے کہ جسے ایران پر اسرائیلی حملے کا پتا ہوگا، وہی اس کا ذمہ دار بھی ہوگا۔

    غیر ملکی میڈیا رپورٹس کے مطابق ایرانی وزیر خارجہ کا کہنا ہے کہ کوئی بھی شخص جو علم رکھتا ہو اور ایران کے خلاف اسرائیلی حملے میں سہولت کاری میں ملوث ہوا، تو اسے ممکنہ نتائج کا سامنا کرنا پڑے گا۔

    ایران کے وزیر خارجہ سید عباس عراقچی نے ایکس پر ایک پیغام میں امریکی صدر کے حالیہ انٹرویو کا حوالہ دیتے ہوئے لکھا ہے کہ ’’جسے پتا ہو کہ اسرائیل، ایران پر کب اور کیسے حملہ کرے گا‘‘ یا اس طرح کی حماقت کے لیے ہتھیار اور مدد فراہم کر رہا ہو، کسی بھی ممکنہ نقصان کا ذمہ دار بھی وہی ہوگا۔

    ایران کے وزیر خارجہ عباس عراقچی نے امریکا کو خبردار کیا کہ اگر امریکا نے ایران پر متوقع اسرائیلی حملے کی حمایت کی تو امریکا کو جواب دہ ہونا ہوگا۔

    ایران اور اسرائیل کشیدگی، بائیڈن کا اہم بیان

    واضح رہے کہ ایرانی وزیر خارجہ کا اشارہ امریکی صدر جو بائیڈن کے اس بیان کی جانب ہے، جس میں بائیڈن نے کہا تھا کہ انھیں علم ہے کہ اسرائیل ایران کے میزائل حملوں کا جواب کب اور کیسے دے گا۔

    جعمہ کو جب صحافیوں نے امریکی صدر سے پوچھا کہ کیا انھیں پتا ہے کہ ایران کے یکم اکتوبر کے بیلسٹک میزائل حملے کے جواب میں اسرائیل کا ردعمل کیا ہوگا، اور یہ کب ہوگا، بائیڈن نے مختصراً کہا: ’’ہاں اور ہاں۔‘‘ تاہم جب ان سے استفسار کیا گیا کہ کیا وہ میڈیا کو یہ بتا سکتے ہیں تو انھوں نے کہا ’’نہیں بالکل نہیں۔‘‘

  • اسرائیلی فوج کے شام پر فضائی حملے، متعدد ہلاک و زخمی

    اسرائیلی فوج کے شام پر فضائی حملے، متعدد ہلاک و زخمی

    اسرائیلی فوج کی جانب سے وسطی شام میں فضائی حملے کئے گئے ہیں، جس کے نتیجے میں 5 افراد جاں بحق اور 19 زخمی ہوگئے۔

    غیر ملکی ذرائع ابلاغ کے مطابق اسرائیلی فوج نے طرطوس اور حما گورنری سمیت دیگر علاقوں میں فوجی مراکز کو نشانہ بنایا، جس سے متعدد ہلاکتیں ہوئیں۔

    غیر ملکی ذرائع ابلاغ کے مطابق شامی فضائیہ کی جانب سے کچھ میزائلوں کو تباہ کردیا گیا جبکہ حملوں میں زخمی افراد میں سے کچھ کی حالت تشویش ناک بتائی جارہی ہے۔

    رپورٹس کے مطابق اسرائیلی حملے کے باعث ہائی وے کو بھی نقصان پہنچا جبکہ عمارتوں میں لگی آگ پر قابو پانے کے لیے فائر فائٹرز متحرک ہیں۔

    اس سے قبل اسرائیل کی جانب سے یہ دعویٰ کیا گیا ہے کہ جنوبی لبنان میں حزب اللہ کے ٹھکانوں پر بمباری کی گئی ہے۔

    عرب میڈیا کا اس حوالے سے کہنا ہے کہ اسرائیل کی جانب سے جنوبی لبنان میں کئے گئے حملے کے نتیجے میں طبی عملے کے 3 اہلکار ہلاک ہوگئے، جس کے بعد صورتِ حال کشیدہ ہو گئی۔

    عرب میڈیا کی رپورٹ کے مطابق حزب اللہ نے جوابی کارروائی کرتے ہوئے اسرائیل کے علاقے کریات شمعون کی 2 بستیوں کو نشانہ بنایا۔

    بھارت، سڑک کنارے خاتون سے زیادتی، لوگ ویڈیو بناتے رہے

    حزب اللہ کے مطابق اسرائیلی بستیوں پر حملہ جنوبی لبنان میں حملے کے جواب میں کیا گیا ہے۔

  • پاکستان کی رفح میں پناہ گزین کیمپ پر اسرائیلی حملے کی شدید مذمت

    پاکستان کی رفح میں پناہ گزین کیمپ پر اسرائیلی حملے کی شدید مذمت

    اسلام آباد: پاکستان نے غزہ کے علاقے رفح میں ایک پناہ گزین کیمپ پر اسرائیلی فوج کی بمباری اور اس میں فلسطینیوں کے زندہ جل مرنے کی شدید مذمت کی ہے۔

    دفتر خارجہ کی جانب سے جاری بیان میں کہا گیا ہے کہ عالمی عدالت انصاف نے رفح میں فوجی کارروائی فوری روکنے کا حکم دیا تھا، تاہم اسرائیلی قابض افواج نے ایک بار پھر عالمی قانون کی خلاف ورزی کی۔

    پاکستانی دفتر خارجہ نے کہا کہ پاکستان آئی سی جے کے احکامات پر فوری عمل درآمد کے مطالبے کا اعادہ کرتا ہے، اور مطالبہ کرتا ہے کہ غزہ میں شہریوں کے مکمل تحفظ کے لیے اقدامات کیے جائیں۔

    قطر نے بھی رفح میں اسرائیلی بمباری بین الاقوامی قوانین کی خلاف ورزی قرار دے دی

    بیان میں کہا گیا کہ پاکستان غزہ کی نسل کشی پر اسرائیلی قابض افواج کو جواب دہ ٹھہرانے کا مطالبہ کرتا ہے، سلامتی کونسل اسرائیل کو مزید حملوں سے روکنے کے لیے کردار ادا کرے۔

    واضح رہے کہ گزشتہ روز اسرائیلی فورسز نے رفح میں بے گھر لوگوں کے خیموں پر جان بوجھ کر بمباری کی، جس سے کم از کم 40 فلسطینی زندہ جل کر شہید ہو گئے، ان میں کئی بچے اور خواتین بھی شامل ہیں۔ متعدد ممالک اور عالمی تنظیموں نے خیموں پر اسرائیلی فضائی حملے کی شدید مذمت کی ہے۔