ARYNews.tv | Urdu – Har Lamha Bakhabar

Tag: issue

  • خواجہ آصف پرناجائزطریقے سے اثاثے بنانے کا الزام ثابت نہ ہوسکا، تحریری فیصلہ

    خواجہ آصف پرناجائزطریقے سے اثاثے بنانے کا الزام ثابت نہ ہوسکا، تحریری فیصلہ

    اسلام آباد : سپریم کورٹ نے خواجہ آصف کی نااہلی ختم کرنےکے تحریری تفصیلی فیصلہ میں کہا خواجہ آصف پرناجائزطریقے سے اثاثے بنانے کا الزام ثابت نہ ہوسکا اور درخواست گزارعثمان ڈارکوئی الزام ثابت نہیں کرسکے۔

    تفصیلات کے مطابق سپریم کورٹ نے مسلم لیگ ن کے رہنما اور سابق وزیر خارجہ خواجہ آصف کی نااہلی ختم کرنے کا تفصیلی فیصلہ جاری کر دیا، 22صفحات پرمشتمل تحریری فیصلہ جسٹس فیصل عرب نےتحریر کیا۔

    تحریری فیصلہ میں کہا گیا ہے کہ یہ مفادات کےٹکراؤکامقدمہ نہیں بنتا، درخواست گزارعثمان ڈارکوئی الزام ثابت نہیں کرسکے اور نہ خواجہ آصف پر ناجائز طریقے سے اثاثے بنانے کا الزام ثابت ہوسکا۔

    فیصلے کے مطابق خواجہ آصف کی نااہلی یواےای اکاؤنٹ میں پڑے5ہزاردرہم پرمانگی گئی، الزام لگایا گیا خواجہ آصف نےکاغذات نامزدگی میں یواےای کا اکاؤنٹ چھپایا۔

    یاد رہے 26 اپریل کو اسلام آباد ہائی کورٹ کی جانب سےخواجہ آصف کو نااہل قرار دیا گیا تھا، جس کے بعد الیکشن کمیشن آف پاکستان نے اسلام آباد ہائی کورٹ کی جانب سے نااہلی کے فیصلے کے بعد سابق وزیر خارجہ اور مسلم لیگ ن کے رہنما خواجہ آصف کی قومی اسمبلی رکنیت ختم کرنے کا نوٹیفکیشن جاری کر دیا تھا۔

    مزید پڑھیں : خواجہ آصف کی تاحیات نااہلی کا اسلام آباد ہائی کورٹ کا فیصلہ معطل

    دو مئی کو خواجہ آصف نے نااہلی کا فیصلہ سپریم کورٹ میں چیلنج کیا تھا۔

    جس کے بعد یکم جون کو سپریم کورٹ نے ہائی کورٹ کا فیصلہ معطل کرتے ہوئے خواجہ آصف کی62ون ایف کےتحت نااہل کالعدم قراردی تھی۔

    خیال رہے کہ خواجہ آصف کی نا اہلی کے لیے درخواست تحریک انصاف کے رہنما عثمان ڈار نے دائر کی تھی، درخواست میں مؤقف اختیار کیا گیا تھا کہ وزیر خارجہ دبئی میں ایک پرائیویٹ کمپنی کے ملازم ہیں جہاں سے وہ ماہانہ تنخواہ بھی حاصل کرتے ہیں۔ غیر ملکی کمپنی میں ملازمت کرنے والا شخص وزیر خارجہ کے اہم منصب پر کیسے فائز رہ سکتا ہے۔ انھوں نے نااہلی کا فیصلہ سپریم کورٹ میں چیلنج کیا تھا۔

  • جمال خاشقجی کے معاملے پر سعودی بیان کی حمایت کرتے ہیں، او آئی سی

    جمال خاشقجی کے معاملے پر سعودی بیان کی حمایت کرتے ہیں، او آئی سی

    ریاض : امریکی اخبار سے منسلک جمال خاشقجی کے مبینہ قتل کے الزامات پر اقتصادی پابندیوں کی دھمکیوں کو مسترد کرنے کے بیان کی اسلامی تعاون کی تنظیم نے حمایت کرتے ہوئے کہا ہے کہ سعودی عرب کی اسلامی دنیا میں خاص حیثیت ہے۔

    تفصیلات کے مطابق مسلمان ممالک کی تنظیم (او آئی سی) کی جانب سے جمال خاشقجی کے مبینہ قتل پر سعودی حکومت کے خلاف اقتصادی پابندیوں، سیاسی دباؤ اور دی جانے والی دھمکیوں اور جھوٹے الزامات کو

    مسترد کرنے کے بیان کا خیر مقدم کیا گیا ہے۔

    خیال رہے کہ سعودی عرب کی جانب سے بیان میں کہا تھا کہ بیرونی طاقتوں کی دھمکیوں اور دھمکی آمیز بیانات پر اپنے موقف سے نہیں ہٹے گا۔

    غیر ملکی خبر رساں ادارے کا کہنا تھا کہ اسلامی تعاون کی تنظیم کے جنرل سیکریٹری ڈاکٹر یوسف العثیمین کا کہا تھا کہ سعودی عرب کے بین الااقوامی تعلقات میں مرکزی کردار ہے جس کی وجہ سے میڈیا سعودیہ کے استحکام اور اصلاحات کو نقصان پہنچانا چاہتا ہے۔

    عرب میڈیا کا کہنا ہے کہ او آئی سی کے سیکریٹری جنرل کا کہنا تھا کہ سعودہ عرب کا مسلمانوں کے نزدیک الگ مقام ہے اور وہ اسلامی دنیا میں خصوصی حیثیت رکھتا ہے کیوں کہ اسلامی تعاون کا بانی ہے۔

    خیال رہے کہ گذشہ روز امریکی صدر کے مطابق خاشقجی کا کیس اس لیے بھی اہم ہے کہ کیونکہ وہ ایک رپورٹر ہیں تاہم اس معاملے کی وجہ سے سعودی عرب کو اسلحے کی فروخت کے معاہدوں پر کوئی اثر نہیں پڑے گا، ہم لوگوں کی ملازمتوں کو نقصان نہیں پہنچانا چاہتے ہیں۔

    برطانوی میڈیا کا کہنا ہے کہ سعودی حکومت اور ولی عہد محمد بن سلمان کی پالیسیوں کو شدید تنقید کا نشانہ بنانے والے صحافی جمال خاشقجی 2 اکتوبر کو استنبول میں سعودی سفارت خانے سے لاپتہ ہوئے تھے۔

    واضح رہے کہ ولی عہد محمد بن سلمان کی پالیسیوں پر تنقید کرنے والوں کے خلاف کریک ڈاؤن شروع ہونے کے بعد جمال خاشقجی خود ساختہ جلا وطنی ہوکر امریکا منتقل ہوگئے تھے جہاں وہ مشہور اخبار واشنگٹن پوسٹ میں صحافتی ذمہ داریاں انجام دے رہے تھے۔

  • اسلامی نظریاتی کونسل کا اجلاس، بیک وقت تین طلاقیں قابل سزا قرار دینے پر اتفاق

    اسلامی نظریاتی کونسل کا اجلاس، بیک وقت تین طلاقیں قابل سزا قرار دینے پر اتفاق

    اسلام آباد: ڈاکٹر قبلہ ایاز کی زیرصدارت اسلامی نظریاتی کونسل کا اجلاس ہوا جس میں بیک وقت تین طلاقیں قابل سزا قرار دینے پر اتفاق کیا گیا۔

    تفصیلات کے مطابق اسلامی نظریاتی کونسل کے ہونے اجلاس میں فیصلہ کیا گیا ہے کہ تمام مسالک کے جید علما کی مدد سے متفقہ طلاق نامہ ترتیب دیا جائے گا۔

    ڈاکٹر قبلہ ایاز کی زیر صدارت اسلامی نظریاتی کونسل کے ہونے والے اجلاس میں بیک وقت تین طلاقیں قابل سزا قرار دینے سے متعلق فیصلہ کیا گیا ہے کہ علماء کرام سے مشاورت کی جائے گی۔

    اجلاس میں کم عمری کی شادی کا معاملہ بھی زیر بحث آیا، کم عمری کی شادی کی حوصلہ شکنی کے لیے آگاہی مہم چلائی جائے گی۔

    رواں سال فروی میں اسلامی نظریاتی کونسل کے چیئرمین قبلہ ایاز نےکہا تھا کہ بیک وقت تین طلاقوں کو قابلِ سزا جرم قرار دیا جائے گا۔

    برطانوی نشریاتی ادارے کو انٹرویو دیتے ہوئے انھوں نے یہ بھی کہا تھا کہ اس سلسلے میں سفارشات تیار کر لی گئی ہیں جو جلد ہی پارلیمان میں پیش کر دی جائیں گی۔

    خیال رہے کہ ماضی میں حقوق نسواں کے حوالے سے بھی اسلامی نظریاتی کونسل کے فیصلے سامنے آئیں جسے بعض طبقوں کی جانب سے متنازع قرار دیا جاتا رہا ہے۔

  • اٹلی تارکین وطن کو قبول کرنے پر راضی ہوگیا

    اٹلی تارکین وطن کو قبول کرنے پر راضی ہوگیا

    روم: یورپی یونین کی جانب سے تارکین وطن سے متعلق واضح حکمت عملی تیار ہونے تک اٹلی تارکین وطن کو قبول کرنے پر راضی ہوگیا۔

    تفصیلات کے مطابق اٹلی حکام کی جانب سے یہ فیصلہ کیا گیا ہے کہ جب تک یورپی یونین تارکین وطن سے متعلق واضح طور پر حکمت عملی تیار نہیں کر لیتی اس وقت تک اٹلی تارکین وطن کو اپنے خطے میں قبول کرے گا۔

    غیر ملکی خبر رساں ادارے کے مطابق اٹلی نے بحیرہ روم میں ریسکیو کیے جانے والے تارکین وطن کو قبول کرنے پر رضامندی ظاہر کردی ہے، اب تارکین وطن اٹلی میں رہیں گے۔

    یورپی یونین اس بابت ایک حکمت عملی واضح نہیں کرتی اور ان تارکین وطن کو مناسب انداز سے مختلف یورپی ریاستوں میں تقسیم کرنے پر اتفاق نہیں ہو جاتا، اٹلی تب تک ان تارکین وطن کو قبول کرتا رہے گا۔

    تارکین وطن کی آمد کے معاملے پر جرمن حکومتی بحران کا حل نکل آیا

    قبل ازیں اٹلی اور یورپی یونین کے بیانات میں تضاد پایا جاتا تھا، اٹلی حکام نے مزید تارکین وطن کو اپنے خطے میں قبول کرنے سے بھی انکار کردیا تھا۔

    علاوہ ازیں اٹلی کے وزیر خارجہ اینزو ماؤیرو کی جانب سے جاری کردہ بیان میں کہا گیا ہے کہ تارکین وطن کے حوالے سے یورپی یونین جلد اپنا فیصلہ کرے گی۔

    ان کا مزید کہنا تھا کہ یورپی پونین کی جانب سے اہم فیصلہ کیا جائے گا کہ آنے والے تارکین وطن کو کن کن یورپی ریاستوں میں تقسیم کرنا ہے، اس دوران اٹلی بحیرہ روم میں ریسکیو کیے جانے والے تارکین وطن کو اپنے ہاں رکھے گا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • شامی فورسز کا گولان کی پہاڑیوں کے قریب قبضہ، اسرائیل کے لیے بڑا چیلنج

    شامی فورسز کا گولان کی پہاڑیوں کے قریب قبضہ، اسرائیل کے لیے بڑا چیلنج

    دمشق: شامی فورسز نے گولان کی پہاڑیوں کے قریب اپنا کنٹرول سنبھال لیا جس کے باعث اسرائیل کو بڑے چیلنج کا سامنا ہے۔

    تفصیلات کے مطابق شامی فورسز نے اہم کارروائی کر کے باغیوں کے زیر قبضہ گولان کی پہاڑیوں کے قریب ٹھکانے خالی کرائے جس کے بعد اپنا کنڑول سنبھالا۔

    غیر ملکی خبر رساں ادارے کے مطابق شامی فورسز کی اس اہم پیش رفت کے بعد اسرائیل کے لیے بڑا چیلنج سامنے آیا ہے، کیوں کہ گولان کی پہاڑیوں پر اسرائیلی فوج کا قبضہ ہے جبکہ شامی فوج باآسانی پہاڑیوں پر نظر رکھ سکے گی۔

    شامی فوج کی اس پیش قدمی کے بعد ملک میں سات سال سے جاری خانہ جنگی اب اسرائیل کی دہلیز کے قریب پہنچ گئی ہے جس سے علاقائی کشیدگی میں اضافے کے خدشات بڑھ رہے ہیں۔

    اسرائیل کے لیے خطرے کی گھنٹی، سرحد پر ڈرون منڈلانے لگے

    قبل ازیں اسرائیل کی جانب سے متعدد بار شام کو دھکمی دی جاچکی ہے اگر شام گولان کی پہاڑیوں پر کسی بھی قسم کی عسکری سرگرمیاں شروع کرے گا تو اسے منہ توڑ جواب دیا جائے گا۔

    خیال رہے کہ گذشتہ دنوں اسرائیل کے سرحد کے قریب ایک ڈرون دیکھا گیا تھا جسے اسرائیلی فوج نے کارروائی کرتے ہوئے تباہ کردیا تھا، اس سے متعلق کہا جارہا ہے کہ مذکورہ ڈرون شام کی جانب سے بھیجا گیا تھا۔

    یاد رہے کہ یہ واضح نہیں کہ اس ڈرون کو کس مشن پر اور کس نے بھیجا تھا، تاہم شامی سرحد کے قریب گولان کی مقبوضہ پہاڑیوں کے علاقے میں اسرائیلی فوج کی طرف سے بجائے گئے خطرے کے سائرن بھی سنائی دیے ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • لارڈ نذیر احمد کا مسئلہ کشمیر پر اقوام متحدہ کے زیر اہتمام کانفرنس کا مطالبہ

    لارڈ نذیر احمد کا مسئلہ کشمیر پر اقوام متحدہ کے زیر اہتمام کانفرنس کا مطالبہ

    لندن: برطانوی ہاؤس آف لارڈز کے رکن لارڈ نذیر احد نے مسئلہ کشمیر پر اقوام متحدہ کے زیر اہتمام کانفرنس کا مطالبہ کردیا۔

    تفصیلات کے مطابق برطانیہ کی کاؤنٹی ساؤتھ یارکشائر کے علاقے روتھرہیم میں برطانوی ہاؤس آف لارڈز کے رکن لارڈ نذیر احمد نے کہا ہے کہ برطانیہ بھی اقوام متحدہ کے زیر اہتمام کانفرنس کے لیے کردار ادا کرے۔

    انہوں نے کہا کہ زمبابوے کی طرز پر اقوام متحدہ کے زیر اہتمام کانفرنس منعقد کی جائے، تاکہ اہم مسئلے کو بات چیت کے ذریعے حل کیا جاسکے۔

    لارڈ نذیر احمد کا کہنا تھا کہ یو این سیکریٹری جنرل کشمیر کی صورت حال پر انکوائری کا مطالبہ کرچکے ہیں، علاوہ ازیں اقوام متحدہ کے انسانی حقوق کے کمشنر نے بھی عالمی انکوائری کا مطالبہ کر رکھا ہے۔

    کشمیریوں کو مولانا فضل الرحمن سے نجات دلائی جائے، لارڈ نذیر احمد

    برطانوی ہاؤس آف لارڈز کے رکن پہلے بھی متعدد بار مقبوضہ کشمیر کے لیے آواز بلند کر چکے ہیں اور پاکستان کی دہشت گردی میں قربانیوں کو بھی سراہا ہے۔

    قبل ازیں لارڈ نذیر احمد نے اپنے ایک بیان میں کہا تھا کہ بھارت تحریک آزادی کشمیر کو بدنام کرنے کی ہر ممکن کوشش کر رہا ہے، پاکستانی سیاستدان کو بھی اب اس معاملے پر سنجیدگی سے کام لینا ہوگا۔

    انہوں نے یہ بھی کہا تھا کہ بھارت میں بڑھتی انتہا پسندی پر سوال جمع کروا رکھا ہے، دنیا کو گوشت بر آمد کرنے والے بھارت میں مسلمانوں و مسیحوں کو گوشت کھانے کی آزادی نہیں ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • عید کیلئے نئے نوٹوں کا اجراء کل سے شروع ہوگا

    عید کیلئے نئے نوٹوں کا اجراء کل سے شروع ہوگا

    کراچی : اسٹیٹ بینک کی جانب سے عید کیلئے نئے نوٹوں کا اجراء کل سےشروع ہوگا، شہریوں کو نئے نوٹوں کے حصول کیلئے ایس ایم ایس کرنا پڑے گا، نئے نوٹ 14 جون تک ملتے رہیں گے۔

    تفصیلات کے مطابق ہر سال کی طرح اس سال بھی اسٹیٹ بینک آف پاکستان کی جانب سے عیدالفطر کے موقع پر نئےنوٹ کل سے ملنا شروع ہوں گے ، ، نئے نوٹ ملک بھر میں کمرشل بینکوں کی نامزد برانچوں اور اسٹیٹ بینک کے فیلڈ دفاتر سے حاصل کیے جا سکیں گے۔ 

    نئے نوٹوں کے حصول کیلئے صارف کو اپنا شناختی کارڈ کا نمبر اور  بینک برانچ کا کوڈ لکھ کر8877  پر ایس ایم ایس کرنا ہوگا، مسیج کرنے والے صارفین کو اسٹیٹ بینک کی جانب سے ایک ٹیکسٹ پیغام موصول ہوگا، جس میں ٹرانزیکشن نمبر، بینک اور برانچ ایڈریس کے ساتھ تاریخ بتائی جائے گی، جس کے بعد صارف وہاں سے نئے نوٹ حاصل کرسکیں گے۔

    سروس کے تحت ہر صارف کو دس روپے کے تین پیکٹ، پچاس روپے اور سو روپے کے نوٹوں کا ایک ایک پیکٹ مل سکے گے۔

    مرکزی بینک اس سال ساڑھے تین سو ارب روپے کے نئے نوٹ جاری کرئےگا۔

    اسٹیٹ بینک کی جانب سے ایس ایم ایس سروس کے چارجز 15 روپے رکھے گئے ہیں، کوئی بھی صارف ایک شناختی کارڈ نمبر کو ایک ہی بار بھیج سکتا ہے تاہم اگر صارف نے کسی دوسرے موبائل سے ایک ہی شناختی کارڈ مذکورہ نمبر پر بھیجے گا تو اُسے کوئی بینک کی جانب سے کوئی جواب موصول نہیں ہوگا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

     

  • عام انتخابات کیلئے پولنگ اسکیم کا ڈرافٹ تیار

    عام انتخابات کیلئے پولنگ اسکیم کا ڈرافٹ تیار

    اسلام آباد : الیکشن کمیشن نے عام انتخابات کیلئے پولنگ اسکیم کا ڈرافٹ تیار کرکے ویب سائیٹ پر جاری کردیا ہے، اسکیم میں ووٹرزکی تعداداورپولنگ اسٹیشن کی تفصیلات دی گئی ہے۔

    تفصیلات کے مطابق انتخابات2018 کی تیاریاں تیزی سے جاری ہے ، الیکشن کمیشن نے ملک بھر کےلیےپولنگ اسکیم کاڈرافٹ جاری کر دیا، پولنگ اسکیم میں ووٹرزکی تعداداورپولنگ اسٹیشن کی تفصیلات شامل ہیں جبکہ پولنگ اسکیم میں شماریاتی بلاک کوڈکی تفصیلات بھی فراہم کردی گئیں۔

    الیکشن کمیشن نے پولنگ اسکیم ڈرافٹ تیار کرکے ویب سائیٹ پر تفصیلات جاری کردی ہے، فاٹااورچاروں صوبوں کی الگ الگ تفصیلات جاری کی گئی ہے ۔

    ڈرافٹ کے مطابق ملک بھر میں 85252 پولنگ اسٹیشن قائم کئے جائیں گے جبکہ پولنگ بوتھ کی تعداد دو لاکھ اکتالیس ہزار ایک سو بتیس رکھی گئی ہیں۔

    الیکشن کمیشن کے مطابق اسلام آباد اور پنجاب میں اڑتالیس ہزار610چھ سو دس پولنگ اسٹیشن بنائے جائیں گے ، ان میں ایک لاکھ 31 ہزار26 پولنگ بوتھ ہوں گے، سندھ میں 17ہزار 627 اور بلوچستان میں 4 ہزار 493 پولنگ اسٹیشن جبکہ 11ہزار سے زائد پولنگ بوتھ ہوں گے۔

    ڈرافٹ کے مطابق فاٹا اور کے پی میں 14ہزار 522پولنگ اسٹیشن قائم کئے جائیں گے۔

    اس سے قبل الیکشن کمیشن آف پاکستان نے عام انتخابات پر اخراجات کا ابتدائی تخمینہ لگایا تھا ، جس کے مطابق انتخابات میں لگ بھگ 20ارب سے زائد خرچ ہوں گے جبکہ حکومت نے فنڈزکی فراہمی کی یقین دہانی کرائی ہے۔

    الیکشن کمیشن نے عام انتخابات کی تاریخ مقرر کرنے کیلئے صدر مملکت ممنون حسین کو سمری بھجوادی ہے، ذرائع الیکشن کمیشن کا کہنا تھا کہ عام انتخابات کے انعقاد کیلئے صدر کو3 تاریخیں تجویز کی ہیں، انتخابات کیلئے جولائی کے آخری ہفتے کی 3تاریخیں تجویز کی گئی ہے، تجویز کردہ تاریخیں 25 تا 27 جولائی 2018 کی ہیں۔

    واضح رہے کہ موجودہ حکومت کی آئینی مدت جون کے مہینے میں ختم ہورہی ہے جس کے بعد جولائی کے مہینے میں انتخابات کے انعقاد کا امکان ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں

  • اسموگ کیخلاف بروقت اقدامات نہ کرنےپرپنجاب حکومت ذمےدار قرار

    اسموگ کیخلاف بروقت اقدامات نہ کرنےپرپنجاب حکومت ذمےدار قرار

    لاہور: لاہور ہائیکورٹ نے اسموگ کیس میں تحریری فیصلہ میں بروقت اقدامات نہ کرنے پر پنجاب حکومت کو ذمے دار قرار دیدیا۔

    تفصیلات کے مطابق لاہور ہائیکورٹ نے اسموگ کیس کا تحریری فیصلہ جاری کر دیا ، جس میں اسموگ کیخلاف بروقت اقدامات نہ کرنے پر پنجاب حکومت کو ذمے دار قرار دیا گیا ہے۔

    فیصلے میں کہا گیا ہے کہ بروقت اقدامات نہ کر کےحکومت نےغیرذمےداری دکھائی، اسموگ خوفناک حدتک بڑھنےکےباوجود حکومت نےسنجیدہ اقدامات نہیں کیے، عملی اقدامات کی بجائے اسموگ کے ڈیٹا کے تجزیوں میں وقت ضائع کیا گیا۔

    چیف جسٹس لاہورمنصورعلی شاہ نےحکومت کو اسموگ ایمرجنسی ایکشن پلان پر سختی سے عملدرآمد کا حکم دیا اور کہا کہ اسموگ ایکشن پلان میں بہترترامیم کرکےرپورٹ پیش کی جائے، اسموگ ایکشن پلان میں مزیدبہتری کیلئے 3 ماہ میں اقدامات کیے جائیں۔

    فیصلے میں کہا گیا ہے کہ اسموگ ایکشن پلان میں بہتری کیلئے محکمہ تعلیم اورصحت کو بھی شامل کیاجائے۔

    تحریری فیصلے میں کہا گیا ہے کہ اسموگ اورآلودگی کالیول اے کیو آئی 300پوائنٹس سےبڑھےتو ایمرجنسی لگائی جائے، اسموگ اور آلودگی کے اعداد و شمارروزانہ کی بنیاد پرویب سائٹ پر جاری کیےجائیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پنجاب حکومت کی 56 کمپنیوں میں اربوں روپے سے زائد کی مبینہ کرپشن ، فریقین کو نوٹسز جاری

    پنجاب حکومت کی 56 کمپنیوں میں اربوں روپے سے زائد کی مبینہ کرپشن ، فریقین کو نوٹسز جاری

    لاہور : لاہور ہائی کورٹ نے پنجاب حکومت کی 56 کمپنیوں میں اربوں روپے سے زائد کی مبینہ کرپشن کے خلاف درخواستیں سماعت کےلیے منظور کرتے ہوئے فریقین کو نوٹسز جاری کر دیئے۔

    تفصیلات کے مطابق لاہور ہائی کورٹ کے جسٹس شاہد کریم نے پنجاب حکومت کی 56 کمپنیوں میں اربوں روپے سے زائد کی مبینہ کرپشن کے خلاف محمد اظہر صدیق سمیت دیگر کی طرف سے دائر درخواستوں پر سماعت کی۔

    درخواست گزاروں کی جانب سے عدالت کو بتایا گیا کہ پنجاب حکومت نے گزشتہ 8سالوں میں 56 کمپنیاں بنائیں، جس میں ٹرانسپورٹ اور صاف پانی سمیت دیگر شامل ہیں۔

    دائر درخواست میں کہا گیا کہ آئین کے آرٹیکل 140اے کے تحت جو کام کمپنیز کو سونپے گئے وہ بلدیاتی نمائندوں نے کرنے تھے، حکومت پنجاب نے من پسند افراد کو نوازنے کے لیے لاکھوں روپے کی تنخواہوں اور مراعات دیکر قواعد ضوابط کے خلاف بھرتیاں کیں، 80 ارب سے زائد کرپشن بھی ہوئی لیکن ان کمپنیز کا آڈٹ بھی نہیں کروایا گیا۔

    درخواست گزاروں کی جانب سے استدعا کی گئی کہ کمپنیز میں کرپشن کے حوالے سے نیب کو از سر نو تحقیقات اور عدالتی حکم تک کمپنیز کو کام سے روکںے کا حکم جاری کرے

    جس کے بعد عدالت نے تمام درخواستیں سماعت کے لیے منظور کرتے ہوئے فریقین کو نوٹس جاری کرتے ہوئے سماعت 28 نومبر تک ملتوی کر دی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔