سعودی عرب میں کابینہ کے اجلاس میں ٹریفک قانون میں ترمیم کے حوالے سے سرکاری جریدے کا کہنا ہے کہ ٹریفک نظام کی شق 71 کو معطل کردیا گیا ہے۔
سعودی خبر رساں ادارے کی رپورٹ کے مطابق کابینہ کے فیصلے پرعمل کرتے ہوئے ٹریفک چالان سے متعلق متعلقہ شق میں تبدیلی کی گئی ہے۔ گاڑی کے ملکیتی کارڈ ’استمارہ‘ کے حوالے سے شق نمبر 16 بڑھادی گئی ہے۔
نئے ضوابط کے مطابق ایکسپائر استمارے پر ڈرائیونگ کرنے کی صورت میں کم از کم 150 جبکہ زیادہ سے زیادہ 300 ریال کا چالان کیا جائے گا۔
یاد رہے کہ ٹریفک ضوابط کی شق نمبر71 جسے معطل کیا گیا ہے اس کے تحت استمارے کی تجدید میں تاخیر پر صرف جرمانہ ہوتا تھا جسے معطل کردیا گیا ہے، استمارہ ایکسپائرہونے کی صورت میں چالان کیا جائے گا۔
دوسری جانب حالیہ ایام میں کیے جانے سروے کے مطابق سعودی عرب میں ایک سال کے دوران تقریباً 2 لاکھ 34 ہزار غیر ملکی گھریلو ملازمین روزگار کیلیے مملکت آئے، ان ملازمین کی اکثریت خواتین پر مشتمل ہے جو گھریلو کام اور نوکریوں کے لیے آئیں۔
مذکورہ ملازمین کی تعداد 12.4 لاکھ ہوگئی، اس زمرے میں تقریباً 40 ہزار مرد گھریلو ملازمین بھی ہیں، جبکہ ان کی کُل تعداد 48 ہزار تک ہے۔
رپورٹ میں بتایا گیا ہے کہ مملکت میں مجموعی طور پر 39لاکھ 7ہزار ملازمین کام کر رہے ہیں، جن میں 27.3 لاکھ مرد اور 12.5 لاکھ خواتین ہیں۔
یہ ملازمین مختلف شعبوں میں خدمات انجام دیتے ہیں جیسے کہ گھریلو کاموں میں مددگار، ڈرائیور، باورچی، کھانے فراہم کرنے والے، سیکیورٹی گارڈز (گھروں، کاروباری مراکز اور دیگر جگہوں کے لیے)، گھریلو منیجر، مالی، نرسیں، درزی، اور ذاتی انسٹرکٹرز وغیرہ۔
ٹریفک چالان ادا نہ کرنے والوں کے گھروں کی بجلی اور پانی بند کر دی جائے، بھارتی عدالت
مملکت کی وزارتِ افرادی قوت نے سعودی شہریوں کے لیے چار سے زیادہ اور غیر ملکیوں کے لیے دو سے زیادہ گھریلو ملازمین رکھنے پر اضافی فیس بھی مقرر کردی ہے۔
