کراچی: عالمی منڈی میں سونے کی قیمت میں سات ماہ کی کم ترین سطح پر آنے کے بعد مقامی منڈیوں میں سونے کی قیمت میں کمی ریکارڈ کی گئی۔
مقامی منڈی میں سونےکی فی تولہ قیمت دو سو روپے کمی کے بعد سینتالیس ہزار نو سو جبکہ دس گرام سونے کی قیمت ایک سو اکہتر روپے کمی کے بعد اکتالیس ہزار ستاون روپے ہو جبکہ مقامی مارکیٹ میں چاندی کی قیمت میں بھی کمی ریکارڈ کی گئی، نیو یارک مرکنٹائل ایکس چینج میں سونے کی فی اونس قیمت چھ ڈالر کمی کے بعد بارہ سو پینتیس ڈالر فی اونس ہوگئی ہے۔
اسلام آباد: سیمنٹ کی مقامی فروخت اگست کے مہینے میں 23.65 فیصد اضافہ سے 1.95ملین ٹن رہی ۔لیکن اگست میں مجموعی برآمدات میں 6.72 فیصد کمی واقع ہوئی .آل پاکستان سیمنٹ مینوفیکچررز ایسوسی ایشن کے ترجمان نے کہا کہ رواں مالی سال کے پہلے دو ماہ میں مقامی کھپت 3.681 ملین ٹن رہی ۔
ترجمان کا کہنا تھا کہ حکومت کی جانب سے سیمنٹ انڈسٹری کے مسائل کو اب تک دور نہیں کیا گیا ہے۔حالیہ وفاقی بجٹ میں حکومت نے درآمدی کوئلے پر ایک فی صد ڈیوٹی عائد کردی ہے۔ جو سیمنٹ کی صنعت کے ساتھ ناانصافی ہے ۔
کیوں کہ گیس کی عدم دستیابی کی وجہ سے سیمنٹ کی صنعت بھی کوئلہ استعمال کرنے لگی ہیں لہٰذا یہ کسٹم ڈیوٹی حکومتی مثبت کوششوں کو نقصان پہنچائے گی۔ ترجمان نے کہا کہ پیداواری لاگت میں مسلسل اضافے اور کوئلے پر حالیہ کسٹم ڈیوٹی مین اضافے کو صارفین پر منتقل کردیں۔
اسلام آباد: اگست کے مہینہ ملک بر میں مہنگائی کا طوفان لے آیا ہے اور مہنگائی بڑھنےکی شرح سات فیصد ریکارڈ کی گئی اور یہ چودہ ماہ کی کم ترین سطح ہے۔ پاکستا ن بیورو شماریات کےمطابق ملک میں گزشتہ ماہ افراطِ زر کی شرح میں سات فیصد کا اضافہ ہوا جو کہ گزشتہ چودہ ماہ کی کم ترین سطح ہے۔
جولائی دوہزارچودہ میں مہنگائی کی شرح سات اعشاریہ آٹھ آٹھ فیصد رہی جبکہ اگست دوہزار تیرہ میں مہنگائی میں آٹھ اعشاریہ پانچ پانچ فیصد کا اضافہ ہوا تھا۔ سالانہ بنیادوں پر آلو ،دال مونگ انڈے دال ماش اور خشک دودھ کی قیمتوں میں اضافہ جب کہ ٹماٹر،پیاز ،چائے اور مرغی کے نرخ میں کمی ریکارڈ کی گئی۔
تجزیے کے مطابق ستمبر کے مہینے میں پٹرولیم مصنوعات اور خوردنی اشیا کی قیمتوں میں کمی کے باوجود افراط زر کی شرح سات فیصد سے زائد رہنے کی توقع ہے جبکہ رواں مالی سال مہنگائی کی شرح اوسطاً آٹھ اعشاریہ پانچ فیصد تک رہنے کا امکان ہے۔
اسلام آباد : عالمی مالیاتی ادارے نے قرض کی نئی قسط کیلئے بجلی کی قیمتوں میں چارفیصد اضافے کی شرط عائد کردی۔ایک طرف تو آزادی اورانقلاب مارچ کی جانب سے وزیر اعظم کے استعفےکی مانگ ہےتودوسری جانب آئی ایم ایف نے بھی قرض کی نئی قسط کیلئےبجلی کی قیمت میں چار فیصد اضافے کی شرط لگادی۔
حکومت کو امید تھی کہ مذاکرات میں اس شرط سے چھوٹ حاصل کرلے گی مگر ایسا نہ ہوسکا۔آئی ایم ایف اور پاکستان کے درمیان مذاکرات بےنتیجہ رہے۔ مزید مذاکرات واشنگٹن سےوڈیو لنک سے ہوں گے۔ آئی ایم ایف نے پاکستاں کو باور کرادیا ہےکہ جب تک بجلی کی قیمت نہیں بڑھے گی میٹنگ نہیں ہوگی۔
تجزیہ کاروں کے مطابق عمران خان کی سول نافرمانی کی تحریک میں عوام جہاں بجلی گیس کے بل دینے کوتیار نہیں وہاں بجلی مزیدمہنگی کرنا حکومت کیلئے سیاسی خودکشی ثابت ہوگی۔دوسری جانب اضافہ نہ کیا تو قرض کی قسط ملنے میں مزید تاخیرہوسکتی ہے۔
کراچی: چین کی نئی کاٹن پالیسی کے باعث پاکستان میں سوتی دھاگے کی پیداوار اور برآمدات میں نمایاں اضافہ ہوا ہے، اسٹیٹ بینک آف پاکستان کی رپورٹ کے مطابق 2011ءسے لیکر چین نے ملک میں سوتی دھاگے کے اسٹاک میں اضافہ کیلئے اقدامات کرنا شروع کئے تھے۔
چینی حکومت کی جانب سے کپاس کی بڑھتی ہوئی عالمی قیمتوں کے نتیجہ میں چین نے مختلف ممالک سے سوتی دھاگے کی درآمدا کو ترجیح دینا شروع کردی ہے،۔
رپورٹ کے مطابق مالی سال 2011ءسے لیکر مالی سال 2014ءکی پہلی ششماہی کے اختتام تک پاکستان نے صرف چین کو 3ارب 50 کروڑ ڈالر کا سوتی دھاگہ برآمد کیا ۔
کراچی: آزادی اور انقلاب مارچ کے پر امن آغاز کے بعد کراچی اسٹاک مارکیٹ میں سکون کی لہر ، اسٹاک مارکیٹ میں تین سو پوائنٹس کی تیزی ریکارڈ کی گئی۔ کے ایس ای ہنڈریڈ انڈیکس میں ٹریڈنگ کے دوران تین سو سے زائد پوائنٹس کا اضافہ دیکھا گیا ۔آج بھی مالیاتی اداروں کی جانب سے شیئرز کی خریداری دیکھی جارہی ہے جس کی وجہ سےانڈیکس ٹریڈنگ کے دوران اٹھائیس ہزار آٹھ سو پوائنٹس سے بھی تجاوز کر گیا ۔
تجزیہ کاروں کے مطابق سیاسی منظر نامے پر جاری ہلچل کے باعث ہفتے کےآغاز پر اسٹاک مارکیٹ میں تیرہ سو سے زائد پوائنٹس کی گراوٹ دیکھی تھی جو تاریخ کی بدترین مندی تھی، تاہم اس کے بعد سے حکومتی ہدایت پر مالیاتی ادارے مارکیٹ میں سرگرم ہوگئے۔
کراچی میں بجلی کے صارفین کو چار سو چالیس واٹ کا جھٹکا، نیپرا نے فی یونٹ قیمت میں ایک روپے چورانوے پیسے اضافے کی منظوری دے دی ,نیشنل الیکٹریک پاور ریگیولیٹری اتھارٹی نے کے الیکٹرک کیلئے بجلی ایک روپے چورانوے پیسے فی یونٹ تک مہنگی کرنے کی منظوری دے ۔
قیمتوں میں اضافہ ماہانہ فیول ایڈجسٹمنٹ کی مد میں کیا گیا ہے ۔ بجلی کی قیمتوں میں اضافے کیلئے کے الیکٹرک کی درخواستوں کی سماعت کے بعد منظوری دی گئی،
نیپرا کے مطابق اکتوبر کیلئے چوالیس پیسے،نومبر کیلئے تریسٹھ پیسے، اورمارچ کیلئے ستاسی پیسے فی یونٹ اضافہ کی منظوری دی گئی ہے، پچاس یونٹ ماہانہ استعمال کرنے والے صارفین پر اضافے کا اطلاق نہیں ہوگا
پاکستان سے بھارت کو گزشتہ مالی سال میں سیمنٹ کی برآمد میں چالیس فیصداضافہ ریکارڈ کیا گیا۔ آل پاکستان سیمنٹ مینو فیکچررز ایسو سی ایشن کے مطابق گزشتہ مالی سال میں بھارت کو چھ لاکھ ستتر ہزار ٹن سیمنٹ برآمد کیا گیا۔ جو کہ گزشتہ مالی سال سے ایک لاکھ پچانوے ہزار ٹن زائد ہے۔
دوسری جانب رواں مالی سال کے پہلےماہ میں سیمنٹ کی مجموعی فروخت میں چودہ فیصد سے زائد کی کمی ریکارڈ کی گئی۔جولائی میں سیمنٹ کی مقامی فروخت کا حجم سترہ لاکھ تیئیس ہزار ٹن رہا جب کہ سیمنٹ برآمدات کا حجم پانچ لاکھ تین ہزار ٹن رہا ۔
اسلام آباد: گزشتہ مالی سال 14-2013 میں باسمتی چاول کی برآمدات میں سولہ فیصد اضافہ ریکارڈ کیا گیا ۔رائس ایکسپورٹرز ایسوسی ایشن کے مطابق بھارت کے مقابلے میں پاکستانی باسمتی چاول اچھی کوالٹی اور ویلیو ایڈیشن کے باعث اچھی قیمت کے باعث پینتیس فیصد اضافی قیمت پر برآمد کیا گیا۔
باسمتی چاول کی برآمدات میں سولہ فیصد اضافہ جبکہ نان باستمی چاول کی برآمدات میں آٹھ فیصد کمی رونما ہوئی ہے۔گزشتہ مالی سال کے اختتام پر ایک ارب نواسی کروڑ ڈالر مالیت کا پاکستانی باسمتی اور نان باسمتی چاول برآمد کیا گیا۔
اسلام آباد: گزشتہ مالی سال میں پاکستان سے بھارت کو کی جانےوالے سیمنٹ برآمدات میں چالیس فیصد کا اضافہ ریکارڈ کیا گیا, آل پاکستان سیمنٹ مینو فیکچررز ایسو سی ایشن کے مطابق گزشتہ مالی سال میں بھارت کو چھ لاکھ ستتر ہزار ٹن سیمنٹ برآمد کیا گیا جو کہ گزشتہ مالی سال سے ایک لاکھ پچانوے ہزار ٹن زائد ہے۔دوسری جانب رواں مالی سال کے پہلےماہ میں سیمنٹ کی مجموعی فروخت میں چودہ فیصد سے زائد کی کمی ریکارڈ کی گئی۔جولائی میں سیمنٹ کی مقامی فروخت کا حجم سترہ لاکھ تیئس ہزار ٹن رہی جب کہ سیمنٹ برآمدات کا حجم پانچ لاکھ تین ہزار ٹن رہا