قومی کرکٹر شعیب ملک کی اہلیہ و بھارتی ٹینس اسٹار ثانیہ مرزا نے مداحوں کے نام معنی خیز پیغام شیئر کردیا۔
فوٹو اور ویڈیو شیئرنگ ایپ انسٹاگرام پر ثانیہ مرزا نے نئی تصاویر شیئر کیں جس میں انہیں وائٹ ٹی شرٹ میں کیپ پہنے دیکھا جاسکتا ہے۔
انہوں نے تصاویر شیئر کرتے ہوئے کیپشن میں لکھا کہ ’ layers, we all have them، شکر گزار۔‘
View this post on Instagram
بھارتی ٹینس اسٹار نے چند گھنٹوں قبل یہ تصاویر شیئر کیں جسے اب تک ہزاروں کی تعداد میں صارفین دیکھ چکے ہیں اور تصاویر کی تعریف کررہے ہیں۔
ثانیہ مرزا کی تصاویر پر سابق بھارتی کرکٹ یووراج سنگھ اور اداکار و میزبان پرکاش امرت نے کمنٹ کیا۔
ٹینس اسٹار سوشل میڈیا پر کافی متحرک رہتی ہیں اور اکثر شوہر شعیب ملک اور بیٹے اذہان مرزا ملک کے ساتھ تصاویر شیئر کرتی رہتی ہیں جسے ان کے مداح بھی پسند کرتے ہیں۔
گزشتہ دنوں ثانیہ مرزا کا کہنا تھا کہ آئندہ ماہ دبئی کا ایونٹ کھیلنے کے بعد ریٹائر ہوجائیں گی، ڈبلیو ٹی اے فائنلز کے بعد ٹینس کو الوداع کہنا چاہتی تھی لیکن انجری میں مبتلا ہوگئی۔
ثانیہ مرزا کا کہنا تھا کہ انجری کی وجہ سے یو ایس اوپن ٹورنامنٹ سمیت تمام ایونٹس سے دستبردار ہونا پڑا تھا۔ ثانیہ مرزا آسٹریلین اوپن کے ڈبلز میں قازقستان کی اینا ڈیلینا کے ساتھ حصہ لیں گی۔ ان کا کہنا تھا کہ پلان یہ ہے کہ میں اب ڈبلیو ٹی اے 1000 کھیلنے کی کوشش کروں اور دبئی میں ریٹائر ہوجاؤں۔
