Tag: Jahangir Tareen

کراچی: پاکستان تحریک انصاف کے ناراض رہنما جہانگیر ترین کی سولو فلائٹ جاری ہے، آج بدھ کو جہانگیر ترین کا ‘جہاز’ کراچی لینڈ کر گیا ہے۔

اے آر وائی نیوز کے مطابق پی ٹی آئی کے ناراض رہنما جہانگیر ترین کراچی کے دورے پر شہر قائد میں موجود ہیں، کراچی میں انھوں نے پی ٹی آئی رہنماؤں سے ملاقاتیں کیں۔

جہانگیر ترین نے کراچی میں علی حیدر گیلانی اور اسٹنگ آپریشن کے اہم کردار پی ٹی آئی کے ایم این اے فہیم خان سے ملاقات کی، ذرائع نے بتایا کہ ایم این اے کی رہائش گاہ پر ہونے والی ملاقات میں پارٹی معاملات پر گفتگو کی گئی۔

جہاز تو کسی بھی طرف جا سکتا ہے، جہانگیر ترین کا صحافی کے سوال پر معنی خیز جواب

جہانگیر ترین نے ایم این اے عالمگیر خان سے بھی ملاقات کی اور ان کے والد کے انتقال پر ان سے تعزیت کی، پی ٹی آئی رہنما نے رکن صوبائی اسمبلی عباس جعفری سے بھی ملاقات اور ان کی والدہ کے انتقال پر ان سے تعزیت کی۔

خیال رہے کہ پی ٹی آئی سندھ کی تنظیم نو پہ سابق صدر کراچی اشرف قریشی بھی ناراض ہو گئے ہیں، انھوں نے اتوار 16 جنوری کو انصاف ہاؤس میں مشاورتی اجلاس طلب کیا ہے۔

جہانگیر ترین کراچی میں نجی ٹی وی چینل کے اینکر پرسن کامران خان کے بیٹے کی شادی کی تقریب میں بھی شرکت کریں گے۔

یاد رہے کہ 7 جنوری کو جہانگیر ترین نے مسلم لیگ ن کے رہنما خواجہ سعد رفیق کی بیٹی کی شادی کی تقریب میں شرکت کی تھی، اس موقع پر ایک صحافی نے ان سے سوال کیا کہ ‘کیا جہانگیر ترین کا جہاز کبھی ن لیگ کی طرف جا سکتا ہے؟’ جس پر انھوں نے معنی خیز جواب دیا کہ ‘جہاز تو کسی بھی طرف جا سکتا ہے۔’

انھوں نے مزید کہا کہ خواجہ سعد رفیق میرے بھائی ہیں، اور ن لیگ سے پرانی دوستیاں ہیں اور یہ ایسے ہی چلیں گی۔

لاہور : جہانگیر ترین نے جسٹس(ر) وجیہہ الدین کے بیان پر درعمل دیتے ہوئے کہا ہے کہ بنی گالہ کے گھریلو خرچے کیلئے کبھی ایک پائی نہیں دی، عمران خان سے میراجو بھی تعلق ہو سچ بتانا ضروری ہے۔

تفصیلات کے مطابق جہانگیر ترین نے سماجی رابطے کی ویب سائٹ ٹوئٹر پر جسٹس(ر) وجیہہ الدین کے بیان پر کی تردید کرتے ہوئے کہا کہ عمران خان سےآج کل میراجو بھی تعلق ہو سچ بتانا ضروری ہے، نئے پاکستان کی خاطر پی ٹی آئی کیلئے جوممکن تھا وہ کیا۔

جہانگیر ترین کا کہنا تھا کہ بنی گالہ کےگھریلو خرچےکیلئےکبھی ایک پائی نہیں دی، ریکارڈ کی درستگی کیلئے یہ سب بتانا ضروری ہے۔

Regardless of the current status of my relationship with Imran khan, the truth must be told. I did whatever was in my capacity to help PTI in the quest to build a new Pakistan but I never gave a penny for the household expenses of Bani Gala. Just want to set the record straight.

— Jahangir Khan Tareen (@JahangirKTareen) December 15, 2021

یاد رہے ریٹائرڈ جسٹس وجیہہ الدین نے دعویٰ کیا تھا کہ جہانگیر ترین پی ٹی آئی کے سربراہ عمران کا گھر چلانے کے لیے ماہانہ 50 لاکھ روپے تک فنڈز فراہم کرتے تھے۔

لاہور : ناراض پی ٹی آئی رکن جہانگیر ترین کا کہنا ہے کہ میرا پیپلزپارٹی یا کسی اور پارٹی سے کوئی رابطہ نہیں تاہم تحریک انصاف کی قیادت سے انصاف ملنے کا پراسس جاری ہے۔

تفصیلات کے مطابق ناراض پی ٹی آئی رکن جہانگیر ترین نے میڈیا سے گفتگو کرتے ہوئے کہا کہ شوکت ترین سمجھدار وزیرخزاجہ ہیں ، امید ہے انھوں نے جو وعدے کئے ہیں ان سے لوگوں کو فائدہ ہوگا۔

صحافی نے سوال کیا کہ تحریک انصاف کی قیادت سےانصاف مل گیا؟ جس پر جہانگیر ترین نے جواب دیا کہ پراسس جاری ہے اور واضح کیا کہ میرا پیپلزپارٹی یا کسی اور پارٹی سے کوئی رابطہ نہیں۔

جنوبی پنجاب کے حوالے سے ان کا کہنا تھا کہ جنوبی پنجاب صوبے کیلئے پر فورم پر آواز اٹھاتا رہوں گا، کوئی بھی کام انجام دینےکیلئےضرورت کےمطابق کام کیاجاتاہے، صوبے کی راہ میں جورکاوٹ ہے جسے ڈھونڈنا ہے۔

صحافی نے سوال کیا کہ جنہوں نےزرداری کی باری کانعرہ لگایاتھاکیاوہ عمران خان سےپیچھےہٹ رہے ہیں ، جس پر جہانگیر ترین کا کہنا تھا کہ یہ ایک نازک معاملہ ہے،میں نازک معاملات پربیان نہیں دینا چاہتا، جنہوں نے بجٹ بنایا میرا اس میں کوئی رول نہیں۔

انھوں نے مزید کہا کہ جنوبی پنجاب کے صوبے کیلئے تمام پارٹیوں نے وعدے کیے لیکن بناتا کوئی نہیں، انشااللہ اگر زندہ رہا تو اپنی زندگی میں جنوبی پنجاب صوبہ ضرور بناؤں گا۔