Tag: jailed

  • جنوبی کوریا کے سابق صدر کو کرپشن الزامات میں 15 برس قید

    جنوبی کوریا کے سابق صدر کو کرپشن الزامات میں 15 برس قید

    سیئول : جنوبی کوریا کی عدالت نے سابق صدر لی میونگ بک پر کرپشن کے الزامات ثابت ہونے پر 15 برس قید کی سزا سناتے ہوئے اربوں وون جرمانے عائد کردیا ہے۔

    تفصیلات کے مطابق جنوبی کوریا کے دارالحکومت سیئول کی عدالت نے کرپشن کیس کی سماعت کرتے ہوئے سابق صدر لی میونگ بک پر عائد کرپشن الزامات ثابت ہونے پر 15 برس قید اور 13 ارب وون ’کورین کرنسی‘ جرمانے کی سزا سنا دی۔

    غیر ملکی خبر رساں ادارے کا کہنا ہے کہ جنوبی کوریا کے سابق صدر خراب طبعیت کے باعث سیئول کی عدالت میں پیش ہونے سے قاصر تھے۔

    برطانوی خبر رساں ادارے کا کہنا تھا کہ سیئول کی عدالت نے وکیل صفائی اور مدعی کے دلائل سننے کے بعد لیومیونگ بک کو مجرم قرار دیتے ہوئے لی میونگ بک کی غیر موجودگی میں ہی سزا سنادی۔

    جنوبی کوریا کے سابق صدر لی میونگ بک نے دعویٰ کیا ہے کہ ’ان پر بنائے گئے کرپشن کے مقدمات سیاسی مقاصد کے لیے ہیں‘۔

    مقامی میڈیا کا کہنا ہے کہ لی میونگ بک قید کی سزا پانے والے جنوبی کوریا کے چوتھے سابق صدر ہیں، ان سے قبل جنوبی کوریا کے سابق صدر پارک گوئن کو بھی کرپشن کے الزامات کے تحت 33 برس قید کی سزا ہوئی تھی۔

    سیئول کی عدالت کے جج نے کیس کی سماعت کے دوران کہنا تھا کہ جنوبی کوریا کے سابق صدر نے معروف الیکٹرانک کمپنی سام سنگ کے چیئرمین سے معذرت کے بدلے اربوں وون رشوت کے طور پر وصول کیے تھے اور دوران تفتیش اعتراف بھی کیا تھا۔

  • عدالت نے ٹرمپ کے سابق مشیر کو قید کی سزا سنا دی

    عدالت نے ٹرمپ کے سابق مشیر کو قید کی سزا سنا دی

    واشنگٹن : عدالت نے امریکا کے صدارتی انتخابات میں مبینہ روسی مداخلت کے معاملے پر سیکیورٹی ایجنسی سے غلط بیانی کرکے حقائق کی پردہ پوشی کرنے پر ٹرمپ کے سابق مشیر جارج پاپا ڈولس کو 14 دن قید اور جرمانے کی سزا سنادی۔

    تفصیلات کے مطابق امریکا میں دو برس قبل صدارتی انتخابات میں ہونے والی روسی مداخلت کے حوالے سے دیئے گئے بیان پر امریکی عدالت ڈونلڈ ٹرمپ کے سابق ایڈوائزر جارج پاپا ڈو پولس کو قید کی سزا سنادی۔

    امریکی خبر رساں ادارے کا کہنا تھا کہ جارج پاپا ڈولس امریکا کے صدارتی انتخابات کے وقت ڈونلڈ ٹرمپ کے مشیر تھے جنہوں امریکا کے سیکیورٹی ادارے ایف بی آئی سے جھوٹ بولنے اور تحقیقاتی کمیٹی کو گمراہ کرنے کے الزام میں 14 دن کی قید سنادی۔

    غیر ملکی خبر رساں ادارے کا کہنا تھا کہ ڈونلڈ ٹرمپ کے سابق مشیر کو سزا پوری کرنے کے بعد بھی ایک سال سیکیورٹی اداروں کی نگرانی میں گزانے میں ہوں گے، اس کے علاوہ جارج کو 200 گھنٹے کمیونٹی کی خدمت میں گزارنے ہوں گے۔

    عدالتی دستاویزات کے مطابق جارج پاپا ڈولس کو 9 ہزار 500 ڈالر کا جرمانہ بھی ادا کرنا ہوگا۔

    یاد رہے کہ سنہ 2016 میں امریکا کے صدارتی الیکشن میں روس کی مبینہ مداخلت پر جاری تحقیقات کے دوران جارج نے غلط بیانی سے کام لیتے ہوئے حقائق کی پردہ پوشی کی تھی۔

    امریکی میڈیا کا کہنا ہے کہ انتخابات میں مبینہ مداخلت کے معاملے پر امریکی صدر کے 6 قریبی ساتھیوں کو سزا ہوچکی ہے جس میں ٹرمپ کے وکیل بھی شامل ہیں، جبکہ 13 روسی شہریوں اور 12 افسران پر کیس درج ہے۔

  • امریکا: بوائے فرینڈ پر فائرنگ کرنے والی خاتون کو 40 برس قید

    امریکا: بوائے فرینڈ پر فائرنگ کرنے والی خاتون کو 40 برس قید

    واشنگٹن : امریکی ریاست اوہائیو میں سابق ملکہ حسن ’اوڈرے بولٹی‘ سے تعلق کے شبے میں خاتون نے بوائے فرینڈ کو فائرنگ کرکے قتل کردیا۔

    تفصیلات کے مطابق امریکی ریاست اوہائیو کے مشرقی علاقے میں شائنا ہوبرز نامی لڑکی نے دوسری خاتون نے محبت کے شبے میں اپنے دوست کو اسی کے گھر میں گولیاں مار کر ہلاک کردیا۔

    امریکی خبر رساں ادارے کا کہنا تھا کہ سیکیورٹی اداروں کو 29 سالہ ریان کارٹر پوسٹن کی لاش ان ہی کے گھر سے ملی تھی جس کے چہرے پر 6 گولیاں ماری گئی تھی۔

    امریکی میڈیا کا کہنا تھا کہ مقتول کو گولیاں مارنے کے بعد شائنا ہوبرز نے پولیس کی ہیلپ لائن 911 پر فون کرکے اطلاع دی کہ ’میں نے اپنے بوئے فرینڈ کو فائرنگ کرکے قتل کردیا ہے‘۔

    مقتول امریکی ریاست اوہایئو کی سابق ملکہ حسن کے عشق میں گرفتار ہوچکا تھا اور شائنا ہیوبرز کو چھوڑ کر 2012 میں ملکہ حسن بننے والی ’اوڈرے بولٹی‘ کے پاس جانا چاہتا تھا۔

    مقامی خبر رساں ادارے کا کہنا ہے کہ ’ملزمہ پولیس اسٹیشن اندر رقص کرتے  ہوئے گنگنا رہی تھی ’میں نے اسے قتل کردیا، مجھے یقین نہیں آرہا میں نے قتل کردیا‘۔

    امریکی میڈیا کے مطابق عدالت میں قتل کیس کی سماعت کے دوران ملزم کے وکیل نے جج کو بتایا کہ ریان پوسٹن میری موکلہ کو تشدد کا نشانہ بناتا تھا، شائنا ہوبرز نے اپنے دفاع میں فائرنگ کی تھی۔

    مقدمے کی سماعت کے دوران شائنا نے عدالت کو بتایا کہ واقعے سے قبل میری اور ریان پوسٹن کی بہت خوش اسلوبی گفتگو جاری تھی جس دوران اس نے کہا کہ ’میں اپنی ناک کو مزید پُرکشش بنانا چاہتا ہوں‘۔

    خاتون کا کہنا تھا کہ میں نے ناک پر فائرنگ کرکے ریان کی ناک ہی توڑ دی۔

    مقامی میڈیا کا کہنا تھا کہ عدالت نے شائنا کا مؤقف سننے کے بعد ’ملزمہ کو 40 برس قید کی سزا سناتے ہوئے جیل منتقل کرنے کا حکم دے دیا‘۔

  • دبئی: دوشیزہ سے جبراً بدفعلی کروانے کے جرم میں بنگلادیشی خاتون کو سزا

    دبئی: دوشیزہ سے جبراً بدفعلی کروانے کے جرم میں بنگلادیشی خاتون کو سزا

    ابوظہبی : دبئی کی عدالت نے بنگلادیشی دوشیزہ کو جعلی کاغذات کے ذریعے دبئی اسمگل کرنے اور  زبردستی مکروہ فعل انجام دلوانے کے جرم میں بنگلادیشی خاتون کو ساتھی سمیت کو 5 برس قید کی سزا سنادی۔

    تفصیلات کے مطابق متحدہ عرب امارات کی عدالت نے انسانی اسمگلنگ کیس کی سماعت کرتے ہوئے دبئی میں ملازمت کرنے والی بنگلا دیشی خاتون اور اس کے ایک ساتھی کو دوشیزہ کو جبراً بد فعلی کروانے پر سزا سناتے ہوئے جیل بھیجنے کا حکم دے دیا۔

    غیر ملکی خبر رساں ادارے کا کہنا تھا کہ بنگلا دیشی خاتون نے اپنے 34 سالہ اور 27 سالہ دو بنگلا دیشی ساتھیوں کی مدد سے کم عمر لڑکی کو جعلی کاغذات کے ذریعے عمان پہنچایا اور وہاں سے گاڑی میں بیٹھا کر دبئی منتقل کیا تھا۔

    دبئی پولیس کا کہنا تھا کہ ملزم خاتون نے متاثرہ لڑکی کو دبئی منتقل کرنے کے بعد ایک فلیٹ میں قید کردیا جہاں متاثرہ لڑکی سے زبردستی بد فعلی کروائی جاتی تھی۔

    عربی میڈیا کا کہنا تھا کہ مذکورہ بنگلا دیشی خاتون کو گذشتہ ماہ دسمبر میں گرفتار کرکے عدالت کے سامنے پیش کیا گیا تھا، عدالت میں خاتون اور اس کے ساتھیوں پر جعلی کاغذات کے ذریعے دوشیزہ کو دبئی لانے، اسے قید کرنے اور جبراً بد فعلی کروانے کے مقدمات کے تحت سزا سنائی ہے۔

    عدالتی دستاویزات کے مطابق خاتون کو  ساتھی سمیت  5 برس قید اور کی سزا سناتے ہوئے جیل منتقل کرنے کا حکم سنایا جبکہ  دیگر مجرمان کو صرف 1، 1 لاکھ درہم جرمانہ ادا کرنے کا حکم دیا۔

    پولیس کا کہنا تھا کہ تینوں مجرمان کو سزا مکمل ہونے کے بعد ملک بدر کردیا جائے گا، متاثرہ دو شیزہ خاتون کی بہن کی سوتیلی بیٹی تھی۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • برطانوی شہری خاتون کو ایران میں سیکیورٹی سے متعلق الزامات پر نئے مقدمے کا سامنا

    برطانوی شہری خاتون کو ایران میں سیکیورٹی سے متعلق الزامات پر نئے مقدمے کا سامنا

    تہران: ایران کی جیل میں قید برطانوی شہری خاتون کے خلاف اب سیکیورٹی سے متعلق الزامات پر ایک نیا مقدمہ چلایا جارہا ہے۔

    غیر ملکی خبر رساں ادارے کے مطابق تہران کی انقلابی عدالت کے سربراہ موسیٰ غضنفر آبادی نے ایک بیان میں کہا ہے کہ نازنین زغری ریٹکلف کے خلاف نئے الزامات سیکیورٹی سے متعلق ہیں۔

    ایرانی حکام کا کہنا تھا کہ اس کیس میں پاسداران انقلاب کی جانب سے عائد کردہ نئے الزامات پر نازنین زغری کو 16 سال تک قید کا سامنا ہوسکتا ہے۔

    برطانوی اور ایرانی شہری نازنین زغری ریٹکلف اس وقت تہران کی ایوین جیل میں قید ہیں، پاسداران انقلاب نے اپریل 2016 میں انہیں تہران کے ہوائی اڈے سے گرفتار کیا تھا وہ اپنی دو سالہ بچی کے ہمراہ ایران میں اپنے خاندان سے ملنے کے بعد برطانیہ جارہی تھیں۔

    ایران کی عدالت نے انہیں حکومت کا تختہ الٹنے کی سازش کے الزام میں پانچ سال قید کی سزا سنائی تھی، ان کی قید جنوری 2018 میں پوری ہوچکی ہے اور اب ان پر ایک نیا مقدمہ چلایا جارہا ہے۔

    واضح رہے کہ نازنین زغری پر ایسی تنظیموں میں شمولیت اور ان سے رقوم وصول کرنے کے الزامات بھی عائد کئے گئے تھے جو استغاثہ کے مطابق اسلامی جمہوریہ ایران کی حکومت کا تختہ الٹنے کے لیے کام کررہی تھیں، ان پر لندن میں ایرانی سفارت خانے کے باہر ایک مظاہرے میں شریک ہونے کا بھی الزام عائد کیا گیا ہے۔

    یاد رہے کہ نازنین زغری لندن میں برطانوی نشریاتی ادارے کے لیے کام کرتی رہی ہیں، ایران دہری شہریت کو تسلیم نہیں کرتا ہے، اس لئے ایسے ایرانیوں کو گرفتاری کی صورت میں قونصلر رسائی نہیں دی جاتی ہے اور وہ سالہا سال جیلوں میں قید رہتے ہیں۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • عراق: داعش سے وابستہ 29 غیر ملکی خواتین کو عمر قید کی سزا

    عراق: داعش سے وابستہ 29 غیر ملکی خواتین کو عمر قید کی سزا

    بغداد : عراق کی ملٹری کورٹ نے دولت اسلامیہ اور دیگر دہشت گرد تنظیموں سے تعلق رکھنے کے جرم میں 19 روسی جبکہ آذربائیجان اور ازبکستان کی 10 خواتین کو عمر قید کی سزا سنا دی۔

    تفصیلات کے مطابق عراق میں سیکیورٹی اہلکاروں نے داعش سے روابط اور رکن ہونے کے شبے میں 19 روسی جبکہ آذربائیجان اور ازبکستان سے تعلق رکھنے والی دس خواتین کو الزام ثابت ہونے پر عمر قید کی سزا سنا دی گئی۔

    غیر ملکی خبر رساں ادارے کا کہنا تھا کہ عراق کی سپریم ملٹری کورٹ کے جج نے مذکورہ خواتین کو الزام ثابت ہونے پر سزا سنائی ہے جج نے دوران سماعت کہا کہ ’خواتین نے عراق آکر دہشت گردوں کی معاونت کے لیے داعش میں شمولیت اختیار کی تھی‘۔

    عرب میڈیا کا کہنا تھا کہ 29 مئی کو ہی فوجداری عدالت نے آذربائیجان اور ازبکستان کی بھی دس کو خواتین کو دہشت گردی اور داعش میں شمولیت کے جرم میں عمر قید کی سزائیں دی گئی ہیں، عراقی عدالت سے سزا پانے والی اکثر شدت پسند خواتین کے ہمراہ چھوٹے بچے بھی ہیں۔

    عراقی عدالت کا کہنا تھا کہ عمر قید کی سزا پانے والی خواتین مذکورہ فیصلے کے خلاف درخواست دائر کرنے کا حق رکھتی ہیں۔

    فوجداری عدالت میں خواتین کے خلاف فیصلے کے وقت روسی سفارتکار بھی کمرہ عدالت میں موجود تھے، سفارتکار نے میڈیا سے بات کرتے ہوئے کہنا تھا کہ ’روسی قونصل خانہ سزا پانے والی خواتین کے والدین سے بات کرکے آگاہ کرے گا‘۔

    یاد رہے کہ سنہ 2014 میں دہشت گرد تنظیم نے عراق کے دوسرے بڑے شہر موصل سمیت ایک تہائی علاقے پر قبضہ کرلیا تھا۔ جسے عراقی افواج اور عوامی رضاکار فورس نے گذشتہ برس آزاد کرواکر فتح کا اعلان کیا تھا۔

    واضح رہے کہ دولت اسلامیہ کے خلاف آپریشن کے دوران 550 سے زائد خواتین اور 600 سے زائد بچوں کو بھی عرقی افواج کی جانب سے داعش سے تعلق اور دہشت گردوں کے رشتہ دار ہونے کی بنیاد پر گرفتار کیا گیا تھا۔

    عراق کی سپریم ملٹری کورٹ کی جانب سے حراست میں لیے جانے والے خواتین اور بچوں کے خلاف بہت تیزی سے فیصلے کرکے سزائیں سنارہی ہے۔

    غیر ملکی خبر رساں اداروں کا کہنا تھا کہ اقوام متحدہ کے اقوام متحدہ کے ماہرین کے مطابق عراقی فورسز نے داعش سے تعلق اور تنظیم کا رکن ہونے کے شبے میں تقریباً 20 ہزار سے زائد افراد کو جیلوں میں قید کیا ہوا ہے، تاہم حکومت کی جانب سے سرکاری سطح پر کسی قسم کے اعداد و شمار جاری نہیں کیے گئے۔

    عرب میڈیا کا کہنا تھا کہ عراق کی فوجداری عدالتیں دولت اسلامیہ سے روابط سے الزام میں درجنوں غیر ملکیوں سمیت 300 سے زائد افراد کو سزائے موت دے چکی ہے۔

    عراق کی فوجداری عدالت کے جج کا کہنا تھا کہ انسداد دہشت گردی قوانین کے تحت ملک میں دہشت گرد کاررائیوں میں ملوث شدت پسندوں کی معاونت کرنے والے افراد کو بھی سزائے موت دی جائے گی، اگرچہ وہ کسی حملے میں براہ راست ملوث نہ بھی ہوں۔

    غیر ملکی خبر رساں اداروں کا کہنا تھا کہ عراقی عدالت کی جانب سے سخت فیصلوں کی یہ تازہ کڑی ہے جو دولت اسلامیہ اور دیگر دہشت گرد تنظیموں سے تعلق رکھنے والی غیر ملکی خواتین کے خلاف جاری کیے گئے ہیں۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • سلمان خان کو مسلمان ہونے کی سزا دی گئی ہے: خواجہ آصف

    سلمان خان کو مسلمان ہونے کی سزا دی گئی ہے: خواجہ آصف

    اسلام آباد : خواجہ آصف کا کہنا ہے کہ سلمان خان کے ساتھ امتیازی سلوک برتا جارہا ہے، انہیں مسلمان ہونے کی سزا دی گئی.

    تفصیلات کے مطابق ایک نجی چینل سے گفتگو کرتے ہوئے وزیر خارجہ خواجہ آصف کا کہنا تھا کہ عالمی شہرت یافتہ اداکار سلمان خان کو بھارتی عدالت نے اقلیت گروہ سے ہونے کی وجہ سے سزا دی۔

    انہوں نے سلمان خان کو پانچ سال کی سزا سنانے کی مذمت کرتے ہوئے کہا کہ سلمان خان کے ساتھ امتیازی سلوک برتا گیا ہے۔

    انہوں نے کہا کہ بالی ووڈ کے مشہور فلمی اداکار کو ہرن کے شکار کرنے پر 20 سال بعد پانچ سال کی سزا سنانا اس بات کی عکاسی کرتا ہے کہ بھارت میں انسانی خون سے زیادہ جانور کی اہمیت ہے۔

    ان کا کہنا تھا کہ بھارت میں انسانی خون بالخصوص مسلمانوں کے خون کی کوئی اہمیت نہیں ہے، جہاں دلتوں، عیسائیوں کا خون معاف ہو وہاں ایک جانور کے شکار پر سزا دینا امتیازی سلوک ہے۔

    ان کا مزید کہنا تھا کہ اگر سلمان خان بھارت کی حکمرانوں کے ہم مذہب ہوتے تو انہیں سزا نہیں ہوتی، ان کا جرم ہرن کا شکار کرنا نہیں بلکہ مسلمان ہونا ہے۔


    نایاب کالے ہرن کا شکار کیس، سلمان خان کو 5 سال قید کی سزا


  • دبئی میں 6 سالہ بچی سے دست درازی، پاکستانی مکینک کو جیل ہوگئی

    دبئی میں 6 سالہ بچی سے دست درازی، پاکستانی مکینک کو جیل ہوگئی

    دبئی: متحدہ عرب امارات کی عدالت نے ایک پاکستانی مکینک کو بچی کے ساتھ دست درازی کرنے پر ایک سال کی سزا سنا دی۔

    تفصیلات کے مطابق مکینک نے بچی کے ساتھ اس وقت یہ نازیبا حرکت کی، جب وہ دیگر بچوں کے ساتھ پارک میں کھیل رہی تھی۔ واقعے کے بعد ملزم کو گرفتار کرکے کیس چلایا گیا۔

    عدالت نے مذکورہ واقعے سے متعلق فیصلہ سناتے ہوئے ملزم کو ایک سال جیل کی سزا دے دی، جبکہ سزا مکمل ہونے کے بعد مجرم کو پاکستان ڈی پورٹ کیے جانے کا بھی فیصلہ کر لیا گیا۔ واضح رہے کہ پاکستان شہری اپنے جرم سے انکاری ہے۔

    آگرہ: خاتون سے چھیڑ چھاڑ وزیر کو مہنگی پڑ گئی

    واقعے سے متعلق مقامی میڈیا سے گفتگو کرتے ہوئے بچی کے والد نے کہا کہ شام کے وقت جب میری بچی کھیلنے کے لیے نکلی تب ہمیں ایک فون کال موصول ہوئی جس میں اطلاع دی گئی کہ آپ کے بیٹی کے ساتھ کسی شخص نے شرمناک حرکت کرنے کی کوشش ہے۔

    انہوں نے کہا کہ جب یہ واقعہ ہوا اس کےبعد میری بیٹی بہت ڈری ہوئی تھی، اس نے بتایا کہ ایک آدمی نے میرے ساتھ نازیبا حرکت کی اور گھر والوں کو مطلع کرنے کی صورت میں خطرناک نتائج کی دھمکی تھی، جس کے بعد ہم نے واقعہ سے متعلق پولیس کو اطلاع دی۔

    گوجرانوالہ : پارکوں میں خواتین سے چھیڑ چھاڑ، ڈنڈا بردارفورس تیار

    خیال رہے کہ اس سے قبل بھی متعدد بار دبئی میں اس قسم کے واقعات ہو چکے ہیں جہاں ایک مقامی شوپنگ مال میں پاکستانی مکینک نے نوعمر بچی کے ساتھ چھیڑ چھاڑ کی تھی تاہم ابتدائی طور پر تو اس نے جرم ماننے سے انکار کیا تاہم سی سی ٹی وی فوٹیج سے حقیقت سامنے آگئی۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • انڈونیشیا میں مبینہ خودکش خاتون حملہ آور کو ساڑھے7سال قید کی سزا

    انڈونیشیا میں مبینہ خودکش خاتون حملہ آور کو ساڑھے7سال قید کی سزا

    جکارتا: انڈونیشیا میں مبینہ خودکش خاتون حملہ آور کو ساڑھے7سال قید کی سزا سنا دی گئی۔

    غیر ملکی خبر رساں ایجنسی کے مطابق جکارتہ کی عدالت نے ایک خاتون خودکش حملہ آور کو ساڑھے سات سال قید کی سزا سنا دی، پراسیکیوٹر اور وکیل کا کہنا ہے کہ پہلی مرتبہ انڈونیشیا میں اس طرح کے حملے کی منصوبہ بندی کے لئے ایک خاتون کو سزا دی گئی ہے۔

    پروسیکیوٹر نے ملزمہ کو 10 سال قید کی سزا دینے کی استدعا کی تھی۔

    جکارتہ کی عدالت کے جج سفیرالدین انیور رفیق کا کہنا تھا کہ خاتون کا منصوبہ تھا کہ وہ صدارتی گارڈ کے قریب جا کر خود کو دھماکا سے اڑالے، انسداد دہشت گردی قانون کی خلاف ورزی کرنے خاتون مجرم ثابت ہوئی ہیں۔

    وکیل کا کہنا تھا کہ ان کی موکلا نے سزا کے خلاف اپیل کا فیصلہ نہیں کیا کیونکہ نووی حاملہ ہے اور ستمبر کے پہلے ہفتے میں ڈلیوری کے مرحلے سے گزرنے والی ہیں۔

    یاد رہے کہ گذشتہ سال جکارتہ میں صدارتی محل میں گارڈز کی تبدیلی کی تقریب کے دوران بم دھماکے کی کوشش ناکام بنادی گئی تھی اور اس دوران خاتون کو 3کلو وزنی بم کے ساتھ گرفتار کیا گیا تھا۔

    خاتون داعش سے متاثر اور صدارتی محل کو نشانہ بناناچاہتی تھی۔

    خیال رہے کہ بم دھماکے کا منصوبہ بنانے کے الزام میں خاتون کے شوہر سمیت 4 افراد بھی شامل ہے۔


    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس  وال پر شیئر کریں۔

  • میکسیکومیں ’کھیل کھیل ‘ میں کمسن بچہ ہلاک

    میکسیکومیں ’کھیل کھیل ‘ میں کمسن بچہ ہلاک

    میکسیکو: شمالی میکسیکو کے ایک جج نے اغوا کے کھیل کے دوران چھ سالہ بچے کی ہلاکت کے جرم میں 5 بچوں کو سزا سنادی، اس واقعے نے پورے میکسیکو کو ششدر کرکے کے رکھ دیا تھا۔

    تفصیلات کے مطابق واقعے میں دوبچے جن کی عمر15 سال، دو بچیاں جن کی عمر13 سال جبکہ ایک بچہ جس کی عمر 11 سال ہے ملوث ہیں۔

    مقدمے کی سماعت واقعے کے ایک ہفتے بعد مقدمے کی سماعت ہوئی۔

    ہلاک شدہ بچہ جس کی عمر چھ سال بتائی گئی ہے اسے اس واقعے میں ملوث بچوں نے پہلے تو باندھا اسکے بعد پتھر مارے اوربالاخرچاقو ماردیا۔

    جج نے 15 سال عمر والے بچوں کو جیل بھیج دیا جبکہ باقی تین کو ریاست کی چائلڈ سروس ایجنسی کے حوالے کردیا۔