لاہور: گاڑیوں پر رنگ برنگ اور فینسی نمبر پلیٹیں استعمال کرنے والے ہوشیار ہوجائیں، نیشنل ایکشن پلان کے تحت غیر قانونی نمبر پلیٹوں والی گاڑیوں کیخلاف پنجاب بھر میں کریک ڈاؤن شروع کردیا گیا ہے ۔

غیر قانونی نمبر پلیٹوں والی گاڑیوں کے خلاف لاہور سمیت پنجاب کے تمام اضلاع میں کریک ڈاؤن شروع کردیا گیا ہے، لاہور میں موٹر انٹر چینج پر درجنوں گاڑیوں کی غیر قانونی نمبر پلیٹیں توڑ کر بھاری جرمانے کیے گئے ۔

تاہم عوام کی آگاہی کے لیے محکمہ ایکسائز اور محکمہ ٹرانسپورٹ کے مشترکہ آپریشن میں ڈرائیورز کو وارننگ پمفلٹ بھی تقسیم کیے گئے ۔

جعلی نمبر پلیٹس لگانے والوں کیخلاف سخت کارروائی کا فیصلہ

محکمہ ایکسائز کے مطابق تیس اکتوبر کے بعد نہ غیر نمونہ نمبر پلیٹ والی گاڑیوں کو جرمانے کیساتھ ساتھ سیل بھی کیا جائے گا ۔

یاد رہے کہ گزشتہ ماہ صوبائی وزیر برائے ایکسائز اینڈ ٹیکسیشن میاں مجتبیٰ شجاع الرحمٰن کا کہنا تھا کہ جعلی نمبر پلیٹ بنانے والوں کو دو سال قید اور پانچ لاکھ روپے جرمانہ کی سزا دی جائے گی۔

صوبائی وزیر نے کہا تھا کہ پہلے مرحلے میں حکومت آگاہی مہم کا آغاز کرے گی جبکہ اس جرم میں ملوث افراد کو مجوزہ قانون کے تحت دو سال قید اور پانچ لاکھ روپے جرمانہ عائد کیا جائے گا۔

لاہور : حکومت پنجاب نے جعل سازوں کیخلاف بڑی کارروائی کی تیاری کرلی، گاڑیوں میں جعلی نمبر پلیٹس لگانے والے قید وجرمانے کا سامنا کریں گے۔

تفصیلات کے مطابق پنجاب حکومت نے دہشت گردی کے خطرے کے پیش نظر صوبے میں جعلی نمبر پلیٹس کے خلاف مہم چلانے کا فیصلہ کرلیا۔

صوبائی وزیر برائے ایکسائز اینڈ ٹیکسیشن میاں مجتبیٰ شجاع الرحمٰن کا کہنا ہے کہ جعلی نمبر پلیٹ بنانے والوں کو دو سال قید اور پانچ لاکھ روپے جرمانہ کی سزا دی جائے گی۔

محکمہ تعلقات عامہ کے دفتر میں میڈیا سے گفتگو کرتے ہوئے صوبائی وزیر برائے ایکسائز اینڈ ٹیکسیشن میاں مجتبیٰ شجاع الرحمٰن نے کہا کہ جعلی نمبر پلیٹس بنانے اورانہیں تقسیم کرنے کے کاروبار کی صوبے میں کسی صورت اجازت نہیں دی جاسکتی۔

صوبائی وزیر کا کہنا تھا کہ پہلے مرحلے میں حکومت آگاہی مہم کا آغاز کرے گی جبکہ اس جرم میں ملوث افراد کو مجوزہ قانون کے تحت دو سال قید اور پانچ لاکھ روپے جرمانہ عائد کیا جائے گا۔