کراچی : ڈپٹی انسپکٹر جنرل آف پولیس ٹریفک کراچی کی جانب سے جاری ہونے والے ایک اعلامیہ کے تحت 22 ۔ 23 اور24اکتوبر یعنی 8،9،اور 10 محرم الحرام کو جلوس کے موقع پر ٹریفک پولیس نے خصوصی انتظامات کئے گئے ہیں۔ ٹریفک پولیس نے اس موقع پر شہر میں ٹریفک کی روانی کو برقرار رکھنے کے لئے متبادل راستوں کا اعلان کردیا ہے۔
آٹھ محرم الحرام۔1437 ھ بمطابق2 2اکتوبر ۔2015کو1:30بجے ایک مرکزی جلوس نشتر پارک سے شروع ہوکر مندرجہ ذیل راستوں سے ہو تا ہوا حسینیہ ایرانیاں امام بارگاہ پر اختتام پذیر ہو گا۔ روٹ: نشترپارک، سر شاہ نواز بھٹو روڈ، محفل شاہ خراساں، ایم اے جناح روڈ، منسفیلڈ اسٹریٹ، پریڈی اسٹریٹ، دوبارہ ایم اے جناح روڈ، بابائے اردو روڈ، نشتر روڈ، بارہ امام ، الطاف حسین روڈ(پرانا نیپئر روڈ)، ایم اے جناح روڈ، بولٹن مارکیٹ، بمبئی بازار، نواب محبت خانجی روڈ سے حسینیہ ایرانیاں امام بارگاہ ۔
نو محرم الحرام۔ 1437ھ بمطابق 23 اکتوبر ۔2015 کو9بجے شیعہ علماءکا جلوس مرکزی امام بارگاہ سے برآمد ہوگا۔ یہ جلوس پہلے مارٹن روڈ امام بارگاہ اور پھر نشتر پار ک پہنچے گا،جہاں مرکزی مجلس ہوگی تقریبا 12:00 بجے جلوس نشتر پارک سے شروع ہوکر مندرجہ ذیل راستوں سے ہو تا ہوا حسینیہ ایرانیاں امام بارگاہ، کھارادر میں اختتام پذیر ہو گا۔
روٹ: نشترپارک، سر شاہ نواز بھٹو روڈ، محفل شاہ خراساں، ایم اے جناح روڈ، منسفیلڈ اسٹریٹ، پریڈی اسٹریٹ، دوبارہ ایم اے جناح روڈ، بولٹن مارکیٹ، بمبئی بازار، کھارادر، نواب محبت خانجی روڈ سے حسینیہ ایرانیاں امام بارگاہ۔
دس محرم الحرام۔1437 ھ بمطابق 24اکتوبر۔2015 کو 0730 تا 0900 بجے نشتر پارک میں ایک بڑی مجلس منعقد ہو گی اور بعد از مجلس مرکزی جلوس نشترپارک سے برآمد ہوگا جودرج بالاروٹ(بمطابق 9محرم جلوس روٹ) سے ہوتا ہوا حسینیہ ایرانیاں امام بارگاہ، کھارادرمیں اختتام پذیر ہو گا۔
جیسے ہی جلوس نشتر پارک سے روانہ ہوگاشہر کی جانب سے آنے والی تمام ٹریفک کو سولجر بازار(بہادر یار جنگ روڈ)، کوسٹ گارڈ، انکل سریاچوک سے جوبلی یا نشتر روڈ کی جانب موڑ دیا جائے گا۔ تمام ٹریفک جوکہ ناظم آباد کی جانب سے ایم اے جناح روڈ کی طرف آرہی ہو نگی انہیں لسبیلہ چوک سے نشتر روڈ کی جانب گارڈن کی طرف موڑ دیا جائے گا تاکہ وہ اپنی منزل مقصود تک پہنچ سکیں۔
تمام ٹریفک جوکہ لیاقت آباد کی جانب ایم اے جناح روڈ کی طرف آرہی ہونگی انھیں تین ہٹی چوک سے مارٹن روڈ پر جیل روڈ کی طر ف موڑ دیا جائے گا ان تمام گاڑیوں کو جیل چورنگی فلائی اوور تک جانے کی اجازت ہوگی اوریہ تمام گاڑیاں جیل روڈ سے ہوتی ہوئی جمشید روڈ، دادا بھائی نورجی روڈ، کشمیر روڈشاہراہ قائدین ، شاہراہ فیصل، لکی اسٹار، سرور شہید روڈ، فاطمہ جناح روڈ، مولانادین محمد وفائی روڈ ، ڈاکٹر ضیاءا لدین احمد روڈ اور آئی آئی چندریگر روڈکی طرف موڑ دیا جائے گا۔
اسی طرح وہ تمام ٹریفک جو کہ اسٹیڈیم روڈکی جانب سے ایم اے جناح روڈ کی طرف جائیں گی ، انہیں نیو ایم اے جناح روڈکی جانب سے آنے کی اجازت ہو گی۔ البتہ یہ گاڑیاں دادا بھائی نورجی روڈ، کشمیر روڈاور سوسائٹی لائٹ سگنل سے ہوتی ہوئی براستہ شاہراہ قائدین سے شارع فیصل پر پہنچے گی۔
وہ تمام ٹریفک جو کہ سپر ہائی وے، گلبرگ کی جانب سے ایم اے جناح روڈ کی طرف جانا چاہیں انہیں لیاقت آباد نمبر10 سے ناظم آباد چورنگی نمبر2 کی طرف موڑ دیا جائے گا جو براستہ حبیب بینک چوک، اسٹیٹ ایونیو روڈ، شیرشاہ سے ماری پور تک جاسکیں گے اور اسی طر ح واپسی کے لئے یہی راستہ اختیا کیا جائے گا۔
وہ تمام ٹریفک جو کہ نیشنل ہائی وے کی جانب سے شہر کی طرف جائیں گی انہیں براستہ راشد منہاس روڈ، اسٹیڈیم روڈ، سر شاہ سلیمان روڈ، حسن اسکوائر، لیاقت آبادنمبر 10، ناظم آباد چورنگی نمبر2، حبیب بینک چوک، اسٹیٹ ایونیو روڈ، شیرشاہ سے ماری پور تک آنے کی اجازت ہو گی اور اسی طر ح واپسی کے لئے یہی راستہ اختیا کیا جائے گا۔
ہر قسم کی چھوٹی یا بڑی ٹریفک کو گرومندر چوک سے آگے جلوس کے روٹ پر جانے کی اجازت نہیں ہو گی۔ اس تمام ٹریفک کو، بہادر یار جنگ روڈ اور خان بہادر نقی محمد خان روڈ پر موڑ دیا جائے گا۔ البتہ یہ ٹریفک سولجر بازار روڈ اور خان بہادر نقی محمدخان روڈ، بہادر یار جنگ کراسنگ تک جا سکیں گی۔
تمام قسم کی چھوٹی ٹریفک جوکہ مزار قائد کی طرف سے براستہ ایم اے جناح روڈ کی جانب سے آ رہی ہو گی اس تمام ٹریفک کو بہادر یار جنگ روڈ پر موڑ دیا جائے گا اور کسی بھی گاڑی کو کسی بھی حالت میں نمائش چوک کی جانب جانے کی اجازت نہ ہو گی۔
تمام قسم کی ٹریفک جوکہ براستہ شاہراہ قائدین سے نمائش چوک کی جانب جائے گی اسے سوسائٹی آفس چورنگی سے آگے جانے کی اجازت نہیں ہو گی۔ سوائے ان گاڑیوں کے جنکے ونڈ اسکرین پرجلوس میں شامل ہونے کا اسٹیکر چپسا ں ہوگا ۔
جب جلوس کا اگلا سر ا ایم اے جناح روڈ، مینسفلڈ اسٹریٹ پر پہنچے گا تو تمام ٹریفک جو صدر اوردوسری کالونیوں کی طرف جانا چاہے گی اسی کو ایمپریس مارکیٹ کی طرف ذیل چوراہوں سے آگے جانے کی اجازت نہیں ہوگی۔
پریڈی اسٹریٹ ایم اے جناح روڈ۔ ، کورٹ روڈ چوک ، فریسکو چوک۔
10محرم الحرام کو تمام ٹریفک جو کہ کیماڑی کی جانب سے آرہی ہے اسے مسان روڈ سے شیریں جناح کی جانب موڑ دیا جائے گا اور وہ تما م ٹریفک جوکہ ویسٹ وہارف اور ماڑیپور کی جانب سے آرہی ہے۔ اسے ICI سے آگے آنے نہیں دیا جائے گا۔
9اور 10 محرم الحرام 1436ھ کی درمیانی شب تازیو ں پر مشتمل جلوس شہرکے مختلف حصوں سے برآمد ہوگاجس کے لیئے مندرجہ ذیل ٹریفک کے انتظامات کیے گئے ہیں ۔
وہ تمام بسیں ومنی بسیں جو کہ جمشید کوارٹر سے صدر کی جانب براستہ ایم اے جناح روڈ آرہی ہیں ان کورات10بجے کے بعد منسفیلڈ اسٹریٹ کی جانب آنے کی اجازت نہیں ہوگی.
اسی طرح وہ تمام بسیں ومنی بسیں جو صدر کی جانب براستہ شاہراہ لیاقت سے ہوتی ہوئی ایمپریس مارکیٹ اور دوسری رہائشی علاقوں میں جانا چاہتی ہوں انہیں محمد بن قسم روڈ۔ ایم اے جناح روڈکراسنگ سے موڑدیا جائے گا اور وہ گاڑیاں جو کہ ملیر اور شارع فیصل کی جانب جانا چاہیں انہیں کورٹ روڈ، مولانا دین محمد وفائی روڈ(پرانااسٹریچن روڈ)، عبداﷲ ہارون روڈ، میر ی ویدر روڈ سے شارع فیصل کی جانب موڑدیا جائے گا۔
وہ تمام بسیں جو کہ کورنگی سے صدر کی جانب آر ہی ہیں انہیں واپس منسفیلڈ روڈ جنکشن ، رفیقی شہید روڈ، سرور شہید روڈ(لکی اسٹار)سے موڑ دیا جائے گا۔
پریڈی اسٹریٹ۔ ایم اے جناح روڈ۔منسفیلڈ اسٹریٹ اور شارع لیاقت کو تمام ٹریفک کے لیے 10بجے (یا اس سے قبل ضرورت کے تحت) مکمل طور پر بند کر دیا جائے گا البتہ ان تمام علاقوں کے رہائشیوںکو صدر کی طرف سے اپنی رہائش گاہ تک جانے کی اجازت ہو گی۔
وہ تمام بسیں ومنی بسیں جو کہ لی مارکیٹ سے ٹاور کی جانب جانا چاہیں وہ درج ذیل متبادل راستہ اختیار کریں ۔ آغاخان روڈ۔ ڈالومل چہلارام روڈ۔ میر محمد بلوچ روڈ اور شید ی بلوچ روڈ۔
نوٹ: کسی بھی گاڑی کو جلوس کے روٹ پر آنے، جانے اور گاڑی کھڑی کرنےکی اجازت نہیں ہوگی۔
