Tag: Jam Kamal Khan

کوئٹہ : وزیراعلیٰ بلوچستان جام کمال خان کا کہنا ہے کہ نظام میں بہتری آئے گی تواداروں کی کارکردگی بھی بہترہوگی۔

تفصیلات کے مطابق کوئٹہ میں آن لائن ٹیکس کلیکشن کی افتتاحی تقریب سے خطاب کرتے ہوئے وزیراعلیٰ بلوچستان جام کمال خان نے کہا کہ ملک مشکل معاشی صورت حال کا شکارہے۔

وزیراعلیٰ بلوچستان نے کہا کہ نظام میں بہتری آئے گی توادارے بھی بہترین کام کریں گے، ملکی نظام بہتربنانے سے معاشی صورت حال بہترہوگی۔

جام کمال خان نے کہا کہ بلوچستان گزشتہ 20 برسوں سے بدانتظامی کا شکار رہا ہے، عوام کی توقع ہوتی ہے زیادہ سے زیادہ ترقیاتی کام ہوں۔

بلوچستان میں تعلیم اورصحت کے شعبےمیں ایمرجنسی ڈکلیئرکی ہوئی ہے‘ جام کمال

یاد رہے کہ رواں ماہ 2 فروری کو جام کمال کا کہنا تھا کہ بلوچستان میں شعبہ تعلیم اورصحت میں ایمرجنسی ڈکلیئرکی ہوئی ہے۔

وزیراعلیٰ‌ بلوچستان کا کہنا تھا کہ کوششیں جاری ہیں بلوچستان میں مسائل کوحل کریں گے، صوبائی حکومت جہاں توجہ نہیں دے پا رہی وہاں بھی توجہ دیں گے۔

واضح رہے کہ گزشتہ سال 18 نومبر کو وزیراعلیٰ بلوچستان کا کہنا تھا کہ بلوچستان کےعوام کوبنیادی سہولتوں کی فراہمی کے لیے کوشاں ہیں، ماضی میں بلوچستان کےعوام کے لیے فلاحی منصوبے نہیں بنائے گئے۔

جام کمال کا کہنا تھا کہ ایسےبہت منصوبےہیں جوشروع ہوئے لیکن مکمل نہیں ہوئے، طریقہ کارنہ بدلا تو کوئی منصوبہ مکمل ہو بھی نہیں پائے گا۔

کوئٹہ : وزیراعلیٰ بلوچستان جام کمال نے کہا کہ بلوچستان کےعوام کوبنیادی سہولتوں کی فراہمی کے لیے کوشاں ہیں۔

تفصیلات کے مطابق کوئٹہ میں طلبہ میں لیپ ٹاپ تقسیم کرنے کی تقریب سے خطاب کرتے ہوئے وزیراعلیٰ بلوچستان نے کہا کہ طلبہ پاکستان کا مستقبل ہیں۔

جام کمال نے کہا کہ نوجوانوں کوملک کی تعمیرو ترقی میں کردارادا کرنا ہے، کچھ ذمہ داریاں ہیں جن پرفوری عمل کرنا ہے، چند وجوہات کی بنیاد پراعلیٰ تعلیمی ادارے ٹھیک نہیں چل رہے تھے۔

انہوں نے کہا کہ کوئی اسکیم اس وقت تک مفید نہیں جب تک فائدہ عوام کونہ پہنچے، یہاں اسکیم اس لیے بنتی تھی کہ من پسند ٹھیکیدارکودینی ہے، اسکیموں پرخرچ ہونے والاپیسہ عوام کا ہے اسے ضائع نہیں کرنا۔

وزیراعلیٰ بلوچستان نے کہا کہ بلوچستان کےعوام کوبنیادی سہولتوں کی فراہمی کے لیے کوشاں ہیں، ماضی میں بلوچستان کےعوام کے لیے فلاحی منصوبے نہیں بنائے گئے۔

جام کمال نے کہا کہ ایسےبہت منصوبےہیں جوشروع ہوئے لیکن مکمل نہیں ہوئے، طریقہ کارنہ بدلا تو کوئی منصوبہ مکمل ہو بھی نہیں پائے گا۔

انہوں نے کہا کہ گریٹرواٹرمنصوبے کے لیے اربوں روپے کی مشینری خریدی گئی، جب مشینری کا استعمال نہیں کرنا تھا تو خریدی کیوں؟۔

وزیراعلیٰ بلوچستان نے کہا کہ حکومتوں کواحساس کرنا چاہیے پیسےعوامی بھلائی میں استعمال کریں، گزشتہ حکومتوں نے پی ایس ڈی پی کی رقم روک کر نئی اسکیمزبنائیں۔

کوئٹہ : نومنتخب وزیراعلیٰ بلوچستان جام کمال خان آج اپنے عہدے کا حلف اٹھائیں گے، گورنر بلوچستان محمد خان اچکزئی نو منتخب وزیراعلیٰ سے حلف لیں گے۔

تفصیلات کے مطابق گورنرہاؤس بلوچستان میں وزیراعلیٰ کی تقریب حلف برداری ہوگی جس میں گورنرمحمد خان اچکزئی نومنتخب وزیراعلیٰ بلوچستان جام کمال سے حلف لیں گے۔

نومنتخب ارکان اسمبلی سول اور ملٹری افسران کے علاوہ دیگراہم شخصیات نو منتخب وزیراعلیٰ بلوچستان کی حلف برداری کی تقریب میں شرکت کریں گے۔

مزید پڑھیں:جام کمال وزیر اعلیٰ بلوچستان منتخب

خیال رہے کہ گزشتہ روز بلوچستان اسمبلی میں قائد ایوان کے انتخاب کے لیے ووٹنگ ہوئی تھی جس میں بلوچستان عوامی پارٹی کے امیدوار جام کمال وزیراعلیٰ بلوچستان منتخب ہوئے تھے۔

بلوچستان عوامی پارٹی کے جام کمال خان نے 39 جبکہ ان کے مخالف اپوزیشن اتحاد کے یونس زہری نے 20 ووٹ حاصل کیے تھے۔

بلوچستان اسمبلی میں اسپیکر اور ڈپٹی اسپیکر کا انتخاب 16 اگست کو کیا گیا تھا۔ رائے شماری میں 60 میں سے 59 اراکین نے اپنا حق رائے دہی استعمال کیا تھا۔

سابق اسپیکر راحیلہ درانی کی زیر نگرانی خفیہ رائے شماری کا انعقاد ہوا تھا اور مقررہ وقت ختم ہونے کے بعد ووٹوں کی گنتی کی گئی تھی۔

انہوں نے نتائج کا اعلان کرتے ہوئے بتایا تھا کہ عبد القدوس بزنجو نے 39 ووٹ حاصل جبکہ محمد نواز کاکڑ صرف 20 ووٹ حاصل کیے۔